'' الجزء 65 '' من واش طيبتي اليوم - الصفحة 19

x ام رحاب x · 2014-03-23, 08:40

صباحك سعيد حبيبتي دائمة الحمد ربي يعاونك والله رانا كامل مع الميناج والشغل الدار مايخلاصش ربي يعاونا

x ام رحاب x · 2014-03-23, 08:42

صباحك سعيد حبيبتي الفرودايت واش راكي

nihale89 · 2014-03-23, 08:46

صباااااح الانوااار حبيباتي
غدايا جلبانة بالقرنون
انا الدار نظيفة درت كلش قبل العطلة باه نعقبها تحواس كيعاد زوجي ن ع مايخدمش

aphrodite16 · 2014-03-23, 08:49

صبااااااح الخير ام رحاب نقولو الحمد لله مالغري قراجمي راهم دايرين فيا رايهم و ماما صبحت عليا قاتلي اعجني كاش لخوالاتي للفطور هههههه ما يقدرووش شعور المرضى ههه و انتي وشراااااكي

x ام رحاب x · 2014-03-23, 08:58

الله يجبلك الشفى انا بنتي عندها عامين ماريحتش من القراجم راحت للطبيب عطاها ادير كل 15يوم ادير لبرة بصح تغيض واعرة بزاف بصح خير ماديرلها مضاعفات في صحتها ماتلعبيش بالقراجم راهم واعرين ربي يشافيك حبيبتي

R I A D · 2014-03-23, 09:16

السلام على من اتبع الهــــــــــــدى
صباح الخيرات و المسرات
صباح الخير ام رحاب = دائمة الحمد = حنان = نهال = نوال
و صباح الخير على كل الملتحقااااات
غدايا بيتزا ان شاء الله
حنان ربي يشفيك حبيبة اضربي ليكستونسيلين
دائمة الحمد ديري الميناج تاعك غير بالعقل على روحك فهمتي
راك ما زلت كونفاليسونس كل نهار ديري حاجة باش ما تعيايش
سلااااامي عندي شغل كثير

دائمة الحمد · 2014-03-23, 09:07

فروديت ونوال صباح الانوار ربي يجيب الشفا ء حنونة اعملي القارص العسل
نوال بما انو ربيع ديري ملتوخة ياخي نديروها في الربيع واشري معاها اللبن وزيدي شوفي مع لبنات
ام رحاب ربي يشفيلك بنيتك نعرفا لبرة هذيك ليكستونسيلين راهي تتقتل بصح تمنعها من حوايج اخرى

مريم الاميرة · 2014-03-23, 09:08

صباح الخيرااااااااااااااااااااااااات و المسراااااااااااااااات على الحلوات
صباح الخير ام رحاب دائمة الحمد نهال نوال صباح الانوار
صباح الفل حنان واش راكي و ما تستهزايش في لقراجم راهم واعرين ديري تيزانة تاع الطيب و الزعتر ضربة ضربة و ربي يجيب الشفاء ان شاء الله
الملتحقات صباح النور

مريم الاميرة · 2014-03-23, 09:10

غدايا ان شاء الله تليتلي بقا من البارح و كاشما نزيد معاه دبرو عليا راه عندي جداتي و حابة نديرلها حاجة خفيفة

nawel zed · 2014-03-23, 09:16

اقتباس:

المشاركة الأصلية كتبت بواسطة x ام رحاب x

الله يجبلك الشفى انا بنتي عندها عامين ماريحتش من القراجم راحت للطبيب عطاها ادير كل 15يوم ادير لبرة بصح تغيض واعرة بزاف بصح خير ماديرلها مضاعفات في صحتها ماتلعبيش بالقراجم راهم واعرين ربي يشافيك حبيبتي

اختي للقراجم ماما دير زعتر حار بودرة تخلطية مع ابيض عضمة و تحطية في شاش على الحلق و تربطيلها في الليل يمص هذيك السخانة و النفخ كل ربي يشفيها

اقتباس:

المشاركة الأصلية كتبت بواسطة دائمة الحمد

فروديت ونوال صباح الانوار ربي يجيب الشفا ء حنونة اعملي القارص العسل
نوال بما انو ربيع ديري ملتوخة ياخي نديروها في الربيع واشري معاها اللبن وزيدي شوفي مع لبنات
ام رحاب ربي يشفيلك بنيتك نعرفا لبرة هذيك ليكستونسيلين راهي تتقتل بصح تمنعها من حوايج اخرى

شكراااااااااااااا فكرة حتى ماما قتلي حبيت نزيد حاجة جديدة نكسرو بيها شوي العادات

awladi · 2014-03-23, 09:13

صباح الخير عليكم كيفاش راكم
افروديت ربي يجيب الشفاء ديري عصير الليمون مع العسل راه مليح
امممممممممممم راني دخلت مع اطباقك هاتي الطعام باش نتهنى من الفطور
عندي السلق دبرو عليا كاش وصفة مليحة

دائمة الحمد · 2014-03-23, 09:17

صباح الخيرات مريم واولادي شوفي السلق اعملي بيه تورت واقيلا تاع ام مصعب ربي يرجعها على خير
او اعملي شطيطحة يجي يهبل

دائمة الحمد · 2014-03-23, 09:20

اهلا بام رياض العزيزة راني حتى انا غيربالشوي
نوال زيدي بيتزا او فريكاسي او معجنات احشيهم بالفرماج اوتون انتي والي عندك ولمة دايمة ان شاءالله
نروح لاشغالي لبنات صحة فطوركم

awladi · 2014-03-23, 09:23

شكرا دائمة الحمد لو تقوليلي على شطيطحة بالسلق

ام عبودة · 2014-03-23, 09:29

صباااحكم سعيد والامهات صح عيدنا هههههه والمحرومات ربي يجيب
هذا دعاء كانت جارتي نخلة حطاتو في موضوعي جربتو والله غير روووووعة

بإذن الله تستجاب حاجتك اقرأ 3 مرات والله يستجيب بإذن الله * بسم الله الرحمن الرحيم يا ودود يا ودود ، يا ذا العرش المجيد ، يا مبدئ يا معيد ، يا فعالا لما يريد أسألك بنور وجهك الذي ملئ أركان عرشك وأسألك بقدرتك التي قدرت بها على جميع خلقك وأسألك برحمتك التي وسعت كل شيء (تسمي حاجتك) لا إله إلا أنت يا مغيث أغثني يا مغيث أغثني يا مغيث أغثني و نصلي على الحبيب 10 مرات