= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ =

[سطايفية بكل فخر]

المشاركة الأصلية كتبت بواسطة blied

السلام عليكم
عندي استفسار في التعويض مابين المقاييس في الوحدة الواحدة قبل التعويض نضرب في المعامل ام لا
مثل مدخل للاقتصاد تحصلت علي 14 معامله 3 واقتصاد جزئي تحصلت علي معدل 7 معامله 4 كيف يتم التعويض مابين هذين المقاسين

ادا فيه تيدي لازم تخرج المعدل تاع المقياس اولا باش تضرب في المعامل
وادا مفيهمش تيدي تضرب في المعامل مباشرة
نفرض الامثلة لي مديتهملي هو معدل المقياس
عدنا 14*3=42 هدا في مقياس مدخل الاقتصاد يعني راك مخرجو وبقاتلك 12 نقطة اضافية
وعندك 7*4=28 هدا في مقياس الاقتصاد الجزئي يعني مراكش مخرجو لازم يكون عند 40 يعني ناقصاتك 12 نقطة
بما انو عندك 12 نقطة اضافية في مقياس مدخل الاقتصاد هنا تعوض بيهم الاقتصاد الجزئي
ويولي عندك زوج مقاييس مخرجهم ومعندك ولا نقطة اضافية

ملاحظة باش تخرج اي مقياس لازم تكون عندك فيه عدد نقاط مساوية ل 10*المعامل
نتمى تكون فهمت وتنحاتلك اللخبطة
ادا مفهمتش راني هنا نفهمك

[BLIED]

الف الف شكر لكي اختي بارك الله فيك ربي ينجحك

[سطايفية بكل فخر]

امين بالتوفيق ليك

[* عبد الجليل *]

ana mafhamt walou a3di fahmini kifach yhesbou ana 1ere année français w a3ndi 11 modules allah ystour

[سطايفية بكل فخر]

شوف اخي عبد الجليل نفرضو انك تقرا ثلاث موديل زوج فيهم تيدي واحد مفيهش
وهوما ينتميو لوحدة وحدة
نفلاضو المقياس الاول هو ادب فرنسي عندو تيدي ومعاملو 3 هدا المقياس انت ديت فيه في الامتحان 15 وعطاك الاستاد في التيدي 14
المقايس الثاني نفرضوه هو فونيتيك معاملو5 وفيه تيدي ديت فيه في الامنتحان 8 والتيدي عطاك الاستاد 11
االمقياس الاخير نفرضو بلي هو انجليزية ومعندوش تيدي وديت في الامتحان 7 ومعاملو 2
الان نجيو نسحبو معدل الوحدة
نلداو بالادب الفرنسي معدلو يساوي( 15*0.7)+(14*0.3)=14.7 نضربوه في المعامل يولي 44.1يعني اخي راك خرجت الموديل وبقاتلك 14,1 نقطة اضافية
نروحو الان لمقياس الفونيتيك معدلو يساوي (8*0.7)+(0.3*11)=8.9 نضربوه في المعامل يولي 44,5 يعني ناقصك 5,5 نقطة باش يطلعلك المقياس يعني مكش مبلعوا كيما تقول انت

نروحو للانجليزية معدلها يبقى 7 ونضربوه في المعامل يولي 14 يعني ناقصك 6 نقاط باش يطلعلك

هنا كي تجي تشوف انو ناقصينك زوج موديلات مش طالعين هنا يدخل سيستام التعويض
عند في المادة الاولى 14 نقطة اضافية تعوض بيهم واش ناقصك تمد 5,5 للفونيتيك و6 للانجليزية
هكا طلعهم في ثلاثة ومتدخلش على جالهم راتراباج وتبقالك 2,6 نقطة اضافية تقدر تعوض بيهم وحدة اخرى
ان شاء الله تكون فهمت اخي عبد الجليل
وهدا راهو مثال فقط

[* عبد الجليل *]

wah khti sayéé fhamt chouia ngoulou hamdoullah w rabi ygib lkhir mazal bakilna semana ta3 les examens

[سطايفية بكل فخر]

بااتوفيق ليك اخي
حتى انا مزالولي ثلاثة مقاييس وربي يستر

[* عبد الجليل *]

ربي ينجحك وينجحنا كامل ان شاء الله اللهم وفقنا في امتحاناتنا الله يجيب الخير ان شاء الله

[yacine-08]

جوزت الامتحان الاول ،، لم يكن صعب

طلبت اربع ورقات برويون ولم اكتب فيهم كتيرا

كنت انتضر فقط تقولي مادا تفعل بهم لاقول لها هل الجامعة تاع بباك هههه

سبحان الله يخوفوا فيييينا .

[سطايفية بكل فخر]

المشاركة الأصلية كتبت بواسطة yacine-08

جوزت الامتحان الاول ،، لم يكن صعب

طلبت اربع ورقات برويون ولم اكتب فيهم كتيرا

كنت انتضر فقط تقولي مادا تفعل بهم لاقول لها هل الجامعة تاع بباك هههه

سبحان الله يخوفوا فيييينا .

الحمد لله ربي يوفقك ان شاء الله ميزيروكمش في التصحاح لانو تحط روحك خدمت تلقا نوت كوارث
+
هههه مديرش الشر بزاف باش ربي يباركلك فقلينوت ورقة لبريون انساها باش متتبارتيباش
+
افيشاولنا ليكونطرول لي روبورتاوهملنا كوارث كل يوم واحد ابتداء من الغد
راني قريب طحت ستغميت من القلقة ولاطونسيون هبطتلي
ربي يستر من لي بقاو وراني نشم فالراطراباج ان شاء الله ربي يبعدو علينا

[yacine-08]

المشاركة الأصلية كتبت بواسطة سطايفية بكل فخر

الحمد لله ربي يوفقك ان شاء الله ميزيروكمش في التصحاح لانو تحط روحك خدمت تلقا نوت كوارث
+
هههه مديرش الشر بزاف باش ربي يباركلك فقلينوت ورقة لبريون انساها باش متتبارتيباش
+
افيشاولنا ليكونطرول لي روبورتاوهملنا كوارث كل يوم واحد ابتداء من الغد
راني قريب طحت ستغميت من القلقة ولاطونسيون هبطتلي
ربي يستر من لي بقاو وراني نشم فالراطراباج ان شاء الله ربي يبعدو علينا

والله راني عاقل بصح كي حطولنا هدا الامتحانات بهده الطريقة اصبحت شرير .
+

لا لا ان شاء الله بلا ماتشوفي راتراباج ، انتوما حتى كان هناك اسباب خارجية جوية هي التي جعلتهم يأجلون اما نحن فأجلوا تم تراجعوا عن قرارهم تم ارادوا دفع كل الامتحانت ضربة واحدة ولم يهتموا ولو قليلا بالضغط الدي وضع علينا .


.

[yacine-08]

بببببففففف بدات النقاط السلبية

بعض الامتحانت تهربلك فقط في عدم التركيز جيدا في الاسئلة وتكون تعلم جيدا الاجابة

اووواه الراتراباج فيها فياها على حساب الشوفة ،،

خاصني فقط نعرف طريقة حساب المعدل التي يتم التعامل بها في جامعتنا .يعني في مادا تضرب نقطة تيدي ونقطة امتحان لان لدي نقاط تيدي جيدة و ان شاء الله تغطي عن نقاااط الامتحان المتدهوووورة و المزرييييية ..

[سطايفية بكل فخر]

ربي يوفقك اخي ويوفقنا كاملين

[yacine-08]

اللهم امييييييييييييين

+++

نظام ال لام دي فيه نقطة ايجابية و هي اجبارية les test في كل المقاييس ،، بالرغم من انها تعيي الطالب وبعض الاحيان تقنطنا .

لكن في الحقيقة عندما يأتي الامتحان تجد نفسك محضر جيدا نظرا لانك درست و حفظت تلك الدروس لـ تاست .

يعني ضرب عصفورين بحجر واحد .

[سطايفية بكل فخر]

ليست اجبارية في ل م د فقط النظام الداخلي للجامعة لي يفرضها
انا شخصيا عندي عامين مترتش تاست او انتيرو