الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام الخير 05

يا حبيبتي ام حمزة انا كنت مدايرة الغداء عدس بصح تحرقلي وليت دورتها كباب مكرة في العدس هنيتهم منو

أختي أم الخير واللّه غير ألي اصرالك اصرالي. لما أدخلت لهاذي الصفحة نقولك الصّح. لوكان كاش امراة دخلت لداري كانت أتفيق. ههههههههههههه شوفي الدقّة ألي عند النّساء ماهيش كاين عند الرّجالة في هاذوا الحوايج. المهم انتهت الأمور بسلام. وليت انحط طنجرة الضّغط على نار جدّ ضعيفة. على بيها قلت للأخت صدفات في الرّد إيه كانت ام الخير أتكونيكتي. على بيها أتحرق لها العدس.

[غزالة الصّحراء]

المشاركة الأصلية كتبت بواسطة روح مراد

سلام أخواتي الحبيبات شكرا لكن على الدعاء
و الله واحد ما عيني برك أنا مزروبة في حالي ديما نجري و تطفر ديما فيا مرات نتحرق و مرات نخبط رجلي في الطابلة و مرات راسي و هي رايحة رجليا و يديا كامل زروقة من بكري
أم حمزة قبل ما يبرا الحريق الأول نكون زدت الثاني يديا كامل سيكاتريس اللي يشوفني يقول هاذ المرأة من الكوزينة ما تخرجش

سلامتك ألف سلامة أختي روح مراد. واللّه غير أنا ثاني دائما لحريق والجروح. وزيد أنا مانديرش كامل الدّوا. أنكمل أشغالاتي . والجروح والحريق تبرا مع الوقت رغم انها تترك الآثار. وهذا كلّه من الزربة . دائما مزروبة. المهم أنكمّل أشغالاتي . ربّي يعطينا الصحّة ويحمينا دائما.

[غزالة الصّحراء]

المشاركة الأصلية كتبت بواسطة منال ومنير

صباح الخير روخ مراد لاباس عليك الحمد الله على سلامتك اختي رب بشفيك
بالاك عيناتك لوستاك

اهلا بك اختي منال ومنير. ياربّ اتكوني بخير. واش أخبارك. ؟ واش راكي مع الصحّة. عندك الحقّ" العين كاين منها. والعين حقّ". بصّح كيما قالت الأخت روح مراد في بعض الأحيان نتسرعوا بزاف ومانديروش بالنا على بعض الأمور. رّبي ايسلك أمورنا على خير.

[صدفات]

تصبحي بخير أم سوهيل نوم العوافي روحي غير بشوية على صحتك الشغل ما يكملش حنونتي أم الذراري شكون بها كي تمرض
غزالتي التيزانةتشربيها الفجر مع الصلاة و ما تاكلي والو حتى تفوت ساعة أو أكثر
تغلي عبر كأس ماء و تحطي فيه ملعقة كمون مع شريحة ليمون و تغطيه و تخليه 10 دقائق أو أكثر
و من بعد تشربيه فهمتي و لا نزيد نشرحلك
وتشربيه يوميا تعطي لنفسك الراحة أسبوع كل شهر صدقيني أنافت من قياس 48لقياس 46 في شهر واحد
جربيه

[غزالة الصّحراء]

المشاركة الأصلية كتبت بواسطة ام سوهيل

مساء الخير صديقاتي وش راكم اناسمحولي انروح نرقدالبارح اسهرة مع اختي وصباح ندت بكري وجدتلهاالفطور قبلماتروح ودروك غسلت الماعن وسيقت كامل لبيت الىالغرفة تع انوم وراني نعسانة وعيانة انروح نرقد امحمزة بصحتك الشوفلار وغزالة بصحتك الخبز وصدفاتشوفيلي كاش ريجيم تع الكرش فقط ههههههههه تصبحوعلى خير احلام سعيدة للجميع

أختي أم سوهيل. راكي امسامحة. رانا جربنا كامل السهر مع اعز الأحباب. الذّكريات أتاع الماضي ترجع وكأنّها ماراحتش كامل. بصّح حنونتي واش من الرجيم أنتاع الكرش ألي رانا انحوسوا عليه واحنا رانا أنديروا في التّطبيقات الرائعة . كلّ مانشوف أيّ تطبيق ناجح نسخف. وندخل لكوزينة التجارب. كاين وين ننجح. وكاين وين نفشل. بصّح الحمد للّه من اليوم ألي دخلت فيه صفحة الأخت أم حمزة22 الأمور تحسّنت إلى الأحسن بكثير. اللّه ايطوّل لنا في عمر الأخت أم حمزة. ويخليها دائما شمعة ضوّاية .

[غزالة الصّحراء]

المشاركة الأصلية كتبت بواسطة صدفات

تصبحي بخير أم سوهيل نوم العوافي روحي غير بشوية على صحتك الشغل ما يكملش حنونتي أم الذراري شكون بها كي تمرض
غزالتي التيزانةتشربيها الفجر مع الصلاة و ما تاكلي والو حتى تفوت ساعة أو أكثر
تغلي عبر كأس ماء و تحطي فيه ملعقة كمون مع شريحة ليمون و تغطيه و تخليه 10 دقائق أو أكثر
و من بعد تشربيه فهمتي و لا نزيد نشرحلك
وتشربيه يوميا تعطي لنفسك الراحة أسبوع كل شهر صدقيني أنافت من قياس 48لقياس 46 في شهر واحد
جربيه

يعطيك الصحّة أختي صدفات على الشّرح الواضح. راني افهمت. واللّه مانعرف إذا كنت قادرة نشربو ولا لال . أنا اصلا نكره نشرب الماء. واش أتقولي لما أنزيدلو القارس. راني غير أنحتّم روحي. هكذا أنايا. في الصّيف برك ألي انكثر الماء. وفي الشّتاء نقدر اليوم كامل مانشربش الماء. ودائما راجلي أيوصيني ويقولي لازم أتفورصي روحك وتشربي على الأقل لتر في اليوم. وراني أندير المستحيل.

[صدفات]

أم حمزة حنونتي عاودي فهميني الإقتباس المتعدد نسيت كيفاه يديروه

[غزالة الصّحراء]

المشاركة الأصلية كتبت بواسطة ام حمزة22

غزالة في هاد الرابط تلقاي كل الدروس
كليكي على الكتيبة الزرقة اي اسم الدرس ويخرجلك الدرس
https://www.djelfa.info/vb/showthread.php?t=1749528

أختي أم حمزة. هذا الرابط اسبق ودخلت ليه. كلّ ماندخل ليه نسخف . والمشكل ماكانش الي يشريلي اللّوازم حاليا. نستنا حتى يكتّب ربّي.

[صدفات]

المشاركة الأصلية كتبت بواسطة غزالة الصّحراء

يعطيك الصحّة أختي صدفات على الشّرح الواضح. راني افهمت. واللّه مانعرف إذا كنت قادرة نشربو ولا لال . أنا اصلا نكره نشرب الماء. واش أتقولي لما أنزيدلو القارس. راني غير أنحتّم روحي. هكذا أنايا. في الصّيف برك ألي انكثر الماء. وفي الشّتاء نقدر اليوم كامل مانشربش الماء. ودائما راجلي أيوصيني ويقولي لازم أتفورصي روحك وتشربي على الأقل لتر في اليوم. وراني أندير المستحيل.

لا غزالتي لازم تشربي الماء عنده الحق زوجك كي يقولك أشربي راكي عارفة أهمية الماء للجسم راكي تضري في روحك و الكلى مساكن هما اللولين و ما تنسايش الجلد نتاعك يجوه التجاعيد من قلة الماء و زيد و زيد لازم نحطلك موضوع على أهمية الماء للجسم حذاري

[غزالة الصّحراء]

المشاركة الأصلية كتبت بواسطة صدفات

أم حمزة حنونتي عاودي فهميني الإقتباس المتعدد نسيت كيفاه يديروه

جابلي ربّي تضغطي على كلمة اقتباس . وتكتبي كتبتك تحت الاقتباس. ثمّ تضغطي على عبارة " اعتمد المشاركة. " ويخرجلك القتباس + الكتابة أنتاعك.. هذا واش راكي اتحوسي؟أختي صدفات.

[غزالة الصّحراء]

المشاركة الأصلية كتبت بواسطة صدفات

لا غزالتي لازم تشربي الماء عنده الحق زوجك كي يقولك أشربي راكي عارفة أهمية الماء للجسم راكي تضري في روحك و الكلى مساكن هما اللولين و ما تنسايش الجلد نتاعك يجوه التجاعيد من قلة الماء و زيد و زيد لازم نحطلك موضوع على أهمية الماء للجسم حذاري

واللّه غير على بالي بكلّ شيئ راكي اتقوليه. على بالي باهميّة الماء للجسم. بصّح حنونتي انا أصلا هكذا. مانعرف وعلاش. ولكن مؤخرا راني أنفورصي في روحي أشويا. ويعطيك الصحّة على الاهتمام.

[غزالة الصّحراء]

المشاركة الأصلية كتبت بواسطة روح مراد

صباح الخير حبيباتي غزالة يتوحشك الخير
اليوم زعمة نضت شاطرة الصباح طيبت القهوة أنا جيت نرفد البراس نتاع القهوة تفرغت القهوة على يدي تحرقولي 2 صبعتين الوجع لحقلتي للقلب

مساء الخير حبيبتي ياربّ أتكون الأوجاع خفّت . وريحتي اشويا. المهم سلامة راسك. وقلبك. رانا نستناو فيك ترجعي لينا .

[صدفات]

المشاركة الأصلية كتبت بواسطة غزالة الصّحراء

جابلي ربّي تضغطي على كلمة اقتباس . وتكتبي كتبتك تحت الاقتباس. ثمّ تضغطي على عبارة " اعتمد المشاركة. " ويخرجلك القتباس + الكتابة أنتاعك.. هذا واش راكي اتحوسي؟أختي صدفات.

لا غزالتي راني نقصد تقتبسي بزاف الردود في رد واحد يعني تدخلي بمشاركة وحدة تردي على شحال من رد مرة وحدة فهمتيني و لا نزيد نشرح راني غير أنا و أنت لبنات غابوا بصح crono وين راهي هذيك هي رئيسة الخفافيش
هههههههههه

[غزالة الصّحراء]

حبيباتي الغايبات والحاضرات أنقول لكم تصبحوا على خير. وإلى الملتقى القادم بإذن الرحمن وإلى ذلكم الوقت دمتنّ جميعا في رعايّة المولى. أحلام سعيدة لكنّ جميعا.

[غزالة الصّحراء]

المشاركة الأصلية كتبت بواسطة صدفات

لا غزالتي راني نقصد تقتبسي بزاف الردود في رد واحد يعني تدخلي بمشاركة وحدة تردي على شحال من رد مرة وحدة فهمتيني و لا نزيد نشرح راني غير أنا و أنت لبنات غابوا بصح crono وين راهي هذيك هي رئيسة الخفافيش
هههههههههه

لما رجعتلك الرّد أفهمت واش تقصدي. أنا صراحة مانعرفش كيفاش ايديروا. ياربّ أترد عليك الأخت أم حمزة ونتعلموا منها. أمّا رئيسة الخفافيش مازال ماجاتش هي ثاني تدخل غير في اللّيل . البارح دخلت بصّح ماجازتش على هاذي الصّفحة. كنت نستناها. ولما القيت روحي غير وحدي أخرجت. ياربّ تدخل وتخليلنا بصمتها.
غاليتي صدفات أختك الخفاشة راهي عيّانة . رايح ترقد. تصبحي على خير. وياربّ الكلّ بدون استثناء ايكونوا في صحّة تامة وعافيّة. سلام وألف سلام حبيبتي . وإلى كلّ واحدة مازالت على الخطّ . :m h31: