دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[om djallel]

المشاركة الأصلية كتبت بواسطة ياسمين177

بسبوسة بالياؤورت
اختي اولا انا جربت هذي البسبوسة تجي بنينة بصح كمية الزبدة بزاف فيها جاتني تتفتت انا ننصحك ديري علبة وحدة زبدة هي الوصفة فيها 3 علب زبدة ذايبة بصح انا كي جربتها من الاحسن علبة وحدة
نعطيك مقادير السيدة دليلة
3 علب ياؤورت اي نكهة ومن الاحسن فريز
المواد الاخرى تكيليها بعلبة الياؤورت
ضعي 3 علب سميد متوسط +علبة ونص سكر+2 خمارة خلطيهم مع بعض + 3 علب زبدة ذائبة + ياؤورت وخلطي الكل ديريها في مول ودخليها طيب في فرن 180درجة
شربات:نصف لتر ماء + كلغ ورطل سكر +قطع ليمون يغلي تكون لا عاقدة ولا جارية لما طفي عليها ضيفيلها نصف كاس ماء زهر لما تخرجي البسبوسة من الفرن سقيها بالشربات.
ملاحظة: انا مدرتش كل كمية الشربات لانها بزاف ديري ربع المقدار.

شكراااااااااااااااااااااااا جزيلاااااااااااااااااا اختي وربي يجعلها في ميزان حسناتك انشاء الله

[هم كريم]

الف شكر لكن ميميشة و الاخت ياسمين عل المبادرة الطيبة منكن الله لا يحرمنا منكن جزاكم الله الفردوس العالي

[*بشرى الأُنس*]

فكرة مليحة لكن انا مان كونش فالدار هداك الوقت domage

[ياسمين177]

بيتزا
هذه البيتزا تجي رائعة انا معتمدتها عندي سنوات وجربت بزاف عجائن للبيتزا ونرجع غير لهذي
المقادير:
كاس حليب دافئ+ كاس ماء + كاس زيت + 2 بيض وخلطي + مغرف كبيرة خميرة خبز + 1 خمارة + ملح + مغرف كبيرة سكر خلطيهم وجمعيهم بالفرينة حتى تتجمع وتولي عجينة طرية ادلكيها غير شوية غطيها وخليها تخمر ثم كسريها وخبزي البيتزا وديري الصوص والزيتون والجبن ..............الخ ودخليها طيب

[*أم كوثر*]

روووووووووووووعة سمسم الله يبارك بص كاس زيت ماتجيش مزيتة؟

ياسمين نسقسيك ادا تعرفي حلوى الجوزية القسنطينية المشهورة في رمضان تجي زي النوقا؟؟؟
و بصحتكم البيتزا

[ياسمين177]

الف شكر ام كوثر لا متجيش مزيتة هذي العجينة تجي روعة جربيها وردي عليا على فكرة هذه المقادير تجي ربع خبزات نتي ديري نص الكمية
شفتلك وحد لكتاب عندي فيه اطباق قسنطينية ملقيتش مبعد نحوس في وصفات دليلة وفي بعض الكتب اذا لقيتها نحط الوصفة
نظن راكي تقصدي النوقة ولا هذي الحلوة تتخدم بالنوقة
lمن وصفات دليلة لقيت الجوزية بصح عكس لتبحثي عليها انا معرفتهاش نبحثلك كي نريح باذن الله
الجوزية تاع دليلة
250غ زبدة + 250غ جلجلان محمص+ كاس سكر ناعم+ 2 بيض + كاس نشا + 1خمارة وتلميها بالفرينة حليها وطبعيها قلوب ودخليها طيب لمدة 15د في فرن 170درجة
ندهن الوجه بالشكولا ونزوق بحبة جوز ثم ندير خطوط بالشيكولة فوق حبة الجوز.

[*أم كوثر*]

المشاركة الأصلية كتبت بواسطة ياسمين177

الف شكر ام كوثر لا متجيش مزيتة هذي العجينة تجي روعة جربيها وردي عليا على فكرة هذه المقادير تجي ربع خبزات نتي ديري نص الكمية
شفتلك وحد لكتاب عندي فيه اطباق قسنطينية ملقيتش مبعد نحوس في وصفات دليلة وفي بعض الكتب اذا لقيتها نحط الوصفة
نظن راكي تقصدي النوقة ولا هذي الحلوة تتخدم بالنوقة
lمن وصفات دليلة لقيت الجوزية بصح عكس لتبحثي عليها انا معرفتهاش نبحثلك كي نريح باذن الله
الجوزية تاع دليلة
250غ زبدة + 250غ جلجلان محمص+ كاس سكر ناعم+ 2 بيض + كاس نشا + 1خمارة وتلميها بالفرينة حليها وطبعيها قلوب ودخليها طيب لمدة 15د في فرن 170درجة
ندهن الوجه بالشكولا ونزوق بحبة جوز ثم ندير خطوط بالشيكولة فوق حبة الجوز.

ان شاء الله نجربها ياسمين
لا مش هدي الجوزية
هي من مكوناتها النوقة و المكسرات تستهلك اكتر شيئ في رمضان كون تلقايهالي نكونلك شاااكرة و ربي يشفيك ان شاء الله

[بنت تيبازة]

السلام عليكم اختي ياسمين حبيت نسقسيك هدي الوصفة تاع البيتزا تجي طرية العجينة كي تطيب ولا لاخطرش سيت شحال من عجينة تاع بيتزا لكن متجينيش طرية يعني الوصفة نتاعك مضمونة وشكرا على المجهود اللي راكم تديروا فيه وفكرة هايلة هدي تاع هدي تاع مطبخ دليلة

[كبريـاء انثى]

السلام عليكم حبيت نقول انو وصفات دليلة مضمونة و عندي مدة و انا نتبعها لكن ماشي دايما يسمحلي الوقت
و حبيت نسقسيكم الا كاش وحدة سمعت طريقة تحضير مربعات الموكا قدمتها الاثنين لي فات كتبت المقادير فقط les des au moka

[ياسمين177]

المشاركة الأصلية كتبت بواسطة yasmine16

السلام عليكم حبيت نقول انو وصفات دليلة مضمونة و عندي مدة و انا نتبعها لكن ماشي دايما يسمحلي الوقت
و حبيت نسقسيكم الا كاش وحدة سمعت طريقة تحضير مربعات الموكا قدمتها الاثنين لي فات كتبت المقادير فقط les des au moka

مربعات الموكا
المقادير:
200غ شكولاتقطعيها وديريها في كسرونة مع 60غ زبدة +75ملل قهوة طايبة ثقيلة + 100ملل ماء على نار هادئة حتى يذوبوانحيهم من النار وخليهم يبردو شوية ونحط هذا الخليط في الثلاجة لمدة 2 سانحوه من الثلاجة ونضيفلو60غ صنوبر حب او قاتلك تقدري تبدليه بالكوكاو او لوز يكون مدشيين خشان+ 200غ قاطو تاع العلب قاتلك بسكوي بالزبدة تفتيه غير بيدك وتخلطي الكل كالعجينة وتحطي الخليط في سنيوة وسطحيه مليح خليه يحكم روحو غير شوية بدون ثلاجة رشيه بالكاكاو وقطعي مربعات.

[ياسمين177]

المشاركة الأصلية كتبت بواسطة بنت تيبازة

السلام عليكم اختي ياسمين حبيت نسقسيك هدي الوصفة تاع البيتزا تجي طرية العجينة كي تطيب ولا لاخطرش سيت شحال من عجينة تاع بيتزا لكن متجينيش طرية يعني الوصفة نتاعك مضمونة وشكرا على المجهود اللي راكم تديروا فيه وفكرة هايلة هدي تاع هدي تاع مطبخ دليلة

وعليكم السلام اختي بنت تيبازة البيتزا تاع دليلة تجي رائعة العجينة تجي كالقطن انا عندي
سنين نخدم البيتزا غير بليها جربت العديد من العجائن تاع البيتزا ورجع غير لهذي جربيها وردي عليا وشكرا لكي اي سؤال انا في الخدمة

[lili1982]

مشكورة على هذه الوصفات الجميلة

[فوزي77]

السلام عليكم ورحمة الله تعالى وبركاته

شكرا لكن أخواتي على المجهودات المبذولة . لكن مني كامل التحيات والتقدير لأن ظروف العمل لا تسمح لي بتتبع الحصة

جزاكن الله كل خير

وإذا كان ممكن تقديم مقادير وطريقة تحضير الخشخاش

شكرا

[ياسمين177]

المشاركة الأصلية كتبت بواسطة فوزي77

السلام عليكم ورحمة الله تعالى وبركاته

شكرا لكن أخواتي على المجهودات المبذولة . لكن مني كامل التحيات والتقدير لأن ظروف العمل لا تسمح لي بتتبع الحصة

جزاكن الله كل خير

وإذا كان ممكن تقديم مقادير وطريقة تحضير الخشخاش

شكرا

وعليكم السلام
الخشخاش:
4 كيلات فرينة +فاني+كيلة زبدة توريق ذائبة + بيضة وتلميها بالماء وماءزهرتكون طرية ترتاح شوية ثم تحليها بالمايزينة في مشينة العجين تكون رقيقة تحليها في اخر رقم كيما تاع البقلاوة تقطعي اشرطة طويلة وتلوي بفرشيطة وتقليهم وتعسليهم.

[نجمة منيرة]

السلام عليكم اختي باركك الله واعطاك الصحة والعافيو علي هذا المجهود