وصفات حراير الكوزينة الجزء الثاني

[idron0]

كيكة زينب 83

ديري لكل بيضة 2 مغارف سكر و 2 زيت و زوج حليب و زوج فرينة و انا هذه درتها بربع بيضات و للحليب ماعنديش درت يايورت و زدت زوج مغارف نشاء و لربع بيضات ديري وحدة خمارة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[almazalina22]

ايدرو علا سلامتك غبتي تحيرنا عليك جزاك الله خيرا

وصفة المافن مالح لام وسيم


إضغط هنا لرؤية الصورة بحجمها الطبيعي.
ام الاء هاي الوصفة
100 غ فرينة. 1/ ساشي خميرة.2 بيض.1 ياوورت طبيعي.3 م ك زيت.100 غ جبن مبشور.1 م ص موتارد. ملح. فلفل اسود.فطر مقلي فالزبدة مع شوية ثوم. قرعة مقلية.دجاج مقلي المهم ديري فيها لداخل واش حبيتي زيتون تجي بنينة
و طيبيها كيما المادلان داخل لي مول
اذا عندك سؤال حاضرة

[idron0]

معجون السفرجل ام ايمان 11

الوصفة من النت
درت في كاسرونة الما قيس لتر و السكروالله ماعبرت انا مانحبش نكتر السكر كما يقولو يكون السكر ضعف كمية السفرجل لالا انا ندير عيني ميزاني المهم قولي درت قيس رطل سكر و عصير ليمونة و درتهم يغلو فوق النار
غسلت السفرجل و نشفتو و سكرفجتو في السكرفاج بالقشرة تاعو ورميتو في العسيلة الي بدات ديجا تغلي نحركهم ساعة على ساعة و نخليه حتى يطيب و يعقد و يتبدل لونو . وبالصحة و الراحة .


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

عصيرالبرتقال بالمركز ام سهام 02

اسهل منو مافيش غير بنتي عندها 10سنين هي لتحضرو كل اليوم و وصفة هذا المركز للعزيزة ليلو شاف
مركز العصير اعصير البرتقال و عبريه ودريلو نص عبر سكر وخلطي حتى يذوب السكر وكاتحبي ادير عصير خذي كمية من المركز وضيفي الماء وذوقي.


إضغط هنا لرؤية الصورة بحجمها الطبيعي.

[idron0]

قراتان الكورجات زينب 83

الكورجات قصيتها عل زوج و فرغتها و درتلها شوي ملح باه جي بنيييينة ، و حشيتها بصدر دجاج و شوي من قلب الكورجات و زوج جبن مثلثات ، ودبشة و ثوم و بهارات و رحيتهم كامل مع بعضاهم ، ودرت مرقة صوص بيضاء بالجاج كي طابت حطيتها في مول تاع الفور و حطيت لي كورجات و دخلتهم فور سخووووون كي طابو درتلهم شوييييية جبن مبشوووور و الصوص بقات خفيفة .


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

الكيك lyzzabel

4 حبات بيض دافيين ،، 8 ملاعق اكل سكر عادي ،، فانيلا انا درت sucre vanille ،، و خلطي ملييييح بالباتوغ حتى يبياض الخليط و يطلع زيدي عليه 2/3 كاس تاع قازوز زيت على ثلاث او اربع دفعات و خلطي بالباتوغ بلا ما تحبسي و زيدي نفس كمية الحليب تاني بنفس الطريقة و خلطي بلا ما تحبسي من بعد ضيفي 16 ملعقة اكل فرينة مغربلة مع كيس و نصف خميرة الحلويات و خلطي غير قد ما تختفي الفرينة
و تكوني دهنتي المول تاعك انا درت تاع السيليكون حطي فيه الخليط و حطي المول في صينية الفرن ،، و تكوني شعلتي الفرن يسخن على 200 درجة قبل ما تبداي تحضري الكيك ،، دخليه يطيب على هديك الحرارة مدة ربع ساعة و من بعد نقصيله حتى ل 160 درجة و خليه يكمل الطياب ،، المدة تكون تقريبا ساعة حتى لساعة و ربع ،، و التزيين كيما تبغي انا ما زينتهش بغاوه سامبل


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[lahna moka]

الميلفاي لعازفة الناي
طيبت العجينة المورقة 3 مستطيلات .
الكريمة: عملت كريم باتيسيار
* درت نص لتر حليب يغلي.
* 2 صفار بيض خلطتهم مع 100غ سكر و 2 ملاعق نشاء
من بعد بديت نضيف في الحليب و نخلط وحطيتهم على النار حتى عقدت و قسمتها قسمين
الاول زدت له ملعقة نسكافيه ( تسمى موكا)
والثاني درت فاني
خليتهم بردو
حضّرت القاناش: نص كاس كريم فريش على النار حتى سخنت مليح اضفت علبة شكلاط نوار
والخطوط البيضاء عملت بتي سويس هههههههههههههه مكانش عندي شكلاط بيضاء
من بعد درت طبقة من العجينة وطبقة من الكريمة بالفاني وزدت طبقة عجينة و طبقة من كريمة الموكا وبعدها طبقة عجين واخيرا القاناش و عملت الخطوط بالبتي سويس وخليت الميلفاي برد وقطعته
الطعم رهيييييييييييييييييييييييييييييييييب

[شلال فرح]

بارك الله فيك اختي ايدرون و لو فقط تحطي الصور لبقية الوصفات

[ام ايمان 11]

تليتلي المتألقة chez biba

في كوكوت حطي اللحم (دجاج او لحم احمر) مع بصلة وثوم مرحيين وشوي زيت وملح وتوابل (انا نستعمل راس الحانوت+ زنجبيل مرحي+ شوي زعفران للون) وقليهم
على راحتهم على نار هادية
من جهة اخرى حطي الماء يغلي في طنجرة مع الملح وطيبي فيه التليتلي ( لازم يبقى شوي نئ ) صفيه وفوريه تفويرات واحدة ، وحطي البيض يطيب في الماء تحت، مبعد كي تنحيه حليه بشوي زبدة غطيه وحطيه جانبا
بعد ما يتفلى اللحم مليح امرقي بماء سخون ولوحي الخضرة (حسب الرغبة) والحمص وأغلقي عليه
كي يطيب المرق تاعك نحي الخضرة واللحم ولوحي التليتلي يتجمر طفي عليه النار وخليه يشرب المرق وحركيه مرة على مرة
حمري طراف اللحم في شوي زبدة ولا زيت
قدمي التليتلي تاعك في صحن وزيني بالخضرة والبيض، وبالصحة

[أم التوأم]

الخبيزات لأم أيمن
درتهم بهاذ العجينة 500غ فرينة
2ملعقة حليب مجفف فنجان زيت ملعقة مملوءةخميرة ولميتها بشوية ماء وحليب سائل
والحشوة درتها ببصوص تومات حارة ولحم مرحي جبن وزيتون تقدري تحشيحا باش حبيتي

[أم التوأم]

كيكة أم لجين
الوصفة 3بيض+160غ سكر عادي+علبة ياؤورت زيت العلبة نستعملها للكيل فقط مانستعملوش الياؤورت+1خميرة +زاست 3 حبات برتقال وعضير برتقالة+240غ فرينة.
السيرو عصير 3 حبات برتقال +3مغارف كبار سكر نخليه فوق النار 10 دقايق ونطفي.
كي تطيب الكيكة نسقيها بالسيرو ونلمعها بالمعجون
.

[ام احمد وصال]

وصفة رولي الدجاج بالسلق و الفرماج

.

اغسلي السلق مليح وقطعيه رقيق وفوريه مبعد قطريه مليح من الماء
تأخذي صدر دجاجة تنحيلو لعظم وترحيه ، زيدي لو بصلة صغيرة وثوم مرحي ، ملح، فلفل اسود وتخلطي مليح
نحط هاذ الخليط فوق البلاستيك الغذائي ونشكلوه مستطيل نديرو فوقو السلق لي مخلط مع شوية دبشة مقطعة ونتبلوهم ثاني بالملح والفلفل اسود ونديروه على كامل الجاج ونغطيها ب مربعات جبن السندويشات ومن بعد نبداو ندوروه كي البسكوي رولي نغلفوه مليح بالبلاستيك الغذائي ونساووه مليح باش يأخذ شكل مليح ومتساوي
يتغلف مليح بالبلاستيك ونزيدو نغلفوه بالالمنيوم ونحطوه في بلا فيه شوية ماء وندخلوه للفور 40دقيقة
من جهة اخرى حضري مرق بالعظم تاع الصدر اللي نحيتيه والبصل والثوم وضيفيلو شوي زيتون ( لازم تكون عاقدة)
بعد ما يطيب الرولي نحيلو الالمنيوم والبلاستيك ونرجعوه للفور باش يتحمر شوية ونقطعوه ونقدموه مع المرقة اللي وجدناها
بصحتكم!

[idron0]

السردين في الفور wahibaazel

غلى الروز قطريه. مليح ضفيلو حبة فلفل حلو مقطع رقيق زائد حبة طماطم صغيرة مقطعة مربعات صغار، وثوم مرحي والتوابل ملح فلفل اسود كمون واذا تحب الحار ضيفي الهريسة الفلفل حار. من جهة أخرى ضعي شوية طماطم حب مرحية في البلاطو وستفي السردين وادهنيه بالملح والثوم والكمون ثم ضعي فوقه حشو الروز وغطيه أيضا بطبقة أخرى من السردين وظيفي من فوق الطماطم المرحية وشوية زيت والى الفرن، نسيت المعدنوس في الحشو .

[yasmalak]

كالامار مقلي ل lyzzael



الكالامار بعد ما تنقيه مليح من داخل و تنحيله القشرة الفوقانية يعني تسلخيه هههه ما تخافيش راهي جلدة رقيقة و تتنحى بلخف ،، تقطعيه دواءر شوية عراض مشي بزاف و تحطيهم في شوية ملح و خل تقريبا ربع ساعة و تعاودي تشيلية مليح بالما و تقطيره ،، من بعد تبليه غير بالملح هدا ماكان و تكوني وجدتي مقلة فيها زيت غزير و النار متوسطة تخليها تسخن مليح و ترمدي الكالامار فالفرينة و تقلي بصح مشي كامل في خطرة حطي غير قدما تكون طبقة وحدة يعني ما يكونوش وحدة فوق وحدة ،، هاكا باش قاع يطيبو كيفكيف و كي تشوفيه بدا يتحمر من تحت اقلبيه و خليه يزيد يطيب بالاكي تيبسيه ،، و نحيه بالصفاية تاع القلي فوق ورق ماص و قدميه مع القارص مممممم ولااااا اطييييييببببب ههههه
شوفي هدا تاع وحد النهار ،، اليوم ما صورتش

[idron0]

دولمة كرمبيط ام سهام 02

اوراق كرمبيط مغليين وانزعي منهم سيقان الخشان واحشيهم بالحشو المتكون من 1/2 كاس روز مغلي ولحم مفروم ومعدنوش وثوم مرابي ملح فلفل اكحل وقرفة ولمي بحبة بيض

ومن جهة اخرى تكوني موجدة مرقة بيضا اوحمرا كما اتحبي بالحمص كتبدا تغلي ستفي الصبيعات في الكوكوت وخاليهم يطيبو وحد 20العشرين تكون المرقة نشفت رابي الفرماج وطفي امنبعد زينها بالمعدنوس .

ملاحظة: تفدري اديري المرقة باللحم والجاج والمرقة ما تكثريش الماء

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.