الجزئ 86 من واش طيبتي اليوم بسم الله تفظلو

[أمنية غفران]

تحياتي للجميع

اليوم فطوري في العمل

frites
+
escalope de dinde grillé





إن شاء الله العشاء رايحة ندير طاجين الكفتة

[ضياء الكريم]

صح غداكم يالحراير
انا لضرك ماتغديتش كنت مع القاطو ماحبيتش نوقف من عندو حتى ندهشو ياخي هو اللي دهشني بالصح ماقدرتش ناكل راني غير مع العصير والماء وكي شفت البيتزا نتاع حبيبتي دائمة الحمد سخفت عليها زعمى مالي في بعضانا وماقلتيش نبعث لعطر مسكينة حتى 2 برك يكفوني لعشية ان شاءالله نحاول نسرق نص ساعة ونخدمها للعشا

[kari yacine]

[b][b][size="4"]سلام كوزينة مربوحة ا ن شاء الله

قريت معلومة و بغيتكم تستفادوا

نطلب منكم تعدلولي الصورة ربي يحفظكم

[ضياء الكريم]

شكرا اختي على التنبيه رغم اني عمري مااستعملت هاذ الكلمة اطلاقاااااااا

[سميحة 01]

مساء الانوار صح فطوركم حبيباتي



بتيلا وطاطا دائمة الحمد و ليزبال هذوك حنيونات عادي العجينة درت غير الفرينة و السمن و لميت بالماء الزهر بصح انا شخصيا ما عجبتنيش بزاف انا حابتها تكون خفيفة و تذوب في الفم كاش ما عندكم وصفة مليحة اطهالي المهم

التزيين هذاك غير قلاصاج

اولا رسمت الوردات بالقلصاج البني لونتو بالكاكاو و من بعد بديت نعمر في الفراغات يعني نلون فيهم هذا مكان بصح القلصاج ثقليه

شوية باش ما يسيحش المرة الاولى تجيك صعيبة تولي يدك ترعش و من بعد توالفي تسهلك

حبيباتي و الله اطباقكم رووووعة يشهو

ام سهام ياااااي على الكرنطيطا شهيتيني عندي بزااااف ما كليتهاش و الله فكرتيني فيها يعطيك الصحة

دائمة الحمد البيتزا تشهي و الخبيزات هذوك واش فيهم

امنية مرحبا بيك معانا بصحتك الفطور

اولادي يعطيك الصحة يا الشاطرة و الله انا معجبة باطباق يشهو

[omomnia15]

صح فطوركم كامل ويعطيكم الصحة على واش طيبتو

[lyzzabel]

سلاااااام هاني وليييييت ،، صح فطوركم حبيباتي

بشوووووورتي زعما غير ميمي لي جابك هههههههه ،، الحمد لله راكي بخير والله فرحت بزااااااف كي شفت الرسالة تاعك ،، قلقتيني يا الموصيبة ههههه مواااااااااااح

ام سهام يسال عليك الخير يا الغاااالية ربي يخليك ،، كنت دخلت الصباح و قلتلكم عندي اشغاااااال و مازال ما كملتش راني نريح هههههه ،، يعطيك الصحة على المقروظ ،، صح هو ما كاااانش كيما السميد المتوسط يجي رووووووعة ،، مي تاعك راه يشهي

داءمة الحمد بصحتكم الميني بيتزا راهي فيييييييييلم

عطورة ربي يعاونك غاليتي و ننتظر منك الصور اكيييييد مممممم

ام مصعب على سلامتك يا الغالية ،، سبحان الله تأمني غير يامس تفكرتك قلت مالعيد ما طلتش ،، هاكا ما تغيبيش علينا راكي عزيزة بزااااف

اولادي ممممممم كلشي راه يشهي ،، توحشششششتك يا الحبيبة ،، صح صيامك و ربي يتقبل امين

ام أمنية بصحتك الجلبان ممممم انا كملي التالي درته السمانة لي فاتت واااااع هههههه سلميلي على المازة و قوليلها بصحتك لي فاكونس

أمنية غفران مرحبا بيك حبيبة و بصحتك الفريت و الاسكالوب

المشاركة الأصلية كتبت بواسطة سميحة 01

مساء الانوار صح فطوركم حبيباتي



بتيلا وطاطا دائمة الحمد و ليزبال هذوك حنيونات عادي العجينة درت غير الفرينة و السمن و لميت بالماء الزهر بصح انا شخصيا ما عجبتنيش بزاف انا حابتها تكون خفيفة و تذوب في الفم كاش ما عندكم وصفة مليحة اطهالي المهم

التزيين هذاك غير قلاصاج

اولا رسمت الوردات بالقلصاج البني لونتو بالكاكاو و من بعد بديت نعمر في الفراغات يعني نلون فيهم هذا مكان بصح القلصاج ثقليه

شوية باش ما يسيحش المرة الاولى تجيك صعيبة تولي يدك ترعش و من بعد توالفي تسهلك

حبيباتي و الله اطباقكم رووووعة يشهو

ام سهام ياااااي على الكرنطيطا شهيتيني عندي بزااااف ما كليتهاش و الله فكرتيني فيها يعطيك الصحة

دائمة الحمد البيتزا تشهي و الخبيزات هذوك واش فيهم

امنية مرحبا بيك معانا بصحتك الفطور

اولادي يعطيك الصحة يا الشاطرة و الله انا معجبة باطباق يشهو

سمووووووحة العجينة ما كااااااانش كيما العجينة السحرية روووعة روووووعة رووووووووعة ،، تبقى طرية و تجي تذووووووب فالفم انا اعتمدتها خلاااااااااااااص و ما نبدلهاش

نورهان بصحتكم العدس هذاك ما نكره ههههههه و الحمد لله على السلامة

اليوم فطرنا طرشي مقلي و بطاطا و زرودية مفورين بزيت الزيتون و سلاطة و طبعا فواكه و مشروبات و الحمد لله على نعمه حمدا كثيرا طيبا مباركا فيه

اللهم اني أسالك العفو و العافية في الدنيا و الآخرة

[إلهام07]

راني نحكي مع ام ماجد في التيليفون راهي لاباس حكمت الرقم القياسي في العروسات تسال عليكم بزااااااف راهي عيانة من الشطيح بزاف

[أم ضياء عبد الرحيم]

مساء الخير على اهل الخير كوزينة مبروكة على الجميع و بالاخص ام محمد تاج
تسلم الايادي يا حراير بلادي

المشاركة الأصلية كتبت بواسطة kari yacine

[b][b][size="4"]سلام كوزينة مربوحة ا ن شاء الله

قريت معلومة و بغيتكم تستفادوا

نطلب منكم تعدلولي الصورة ربي يحفظكم

اختي الكريمة على حد علمي LOL هو اختصار لجملة بالانجليزية و هي laughing out loud و التي تعني بالعربية يضحك او الضحك بصوت عال و بالفرنسية rire tout haut, à voix haute و هذه المعلومة تجدينها في ويكيبيديا و الكلمة معترف بها في Oxford English Dictionary منذ عام 2011 و هذا الرابط

https://fr.wikipedia.org/wiki/LOL_(argot_internet)

[omomnia15]

ليزا وين كنتي من الصباح بصحتك واش كليتي

[أمنية غفران]

أخواتي صحيتو كامل على الترحيب ....... راني جديدة إلي يعرف طريقة وضع الصور يقولي

[أم ضياء عبد الرحيم]

المشاركة الأصلية كتبت بواسطة أمنية غفران

أخواتي صحيتو كامل على الترحيب ....... راني جديدة إلي يعرف طريقة وضع الصور يقولي

مرحبا بيك اختي نورتي هذا هو الرابط
https://up.djelfa.info/index.php

[lyzzabel]

لهووووومة مزية كي طمنتينا على ام ماجد ،، قوليلها تشبع شطيح راه قريب الدخول المدرسي هههههه

جيادا والله غير فكرتيييييني كنت نقول نسيت حاجة ما كتبتهاش ربي يفكرك بالشهادة ،، كنت رايحة نقول نفس الشي للاخت لي حطت الصورة تاع LOL و لا يوجد شيء يبين عكس ما قلته لها حبيبتي جيادا ،، بارك الله فيك

ام أمنية راني غير مع التخمال و الميناااااااج

استغفر الله العظيم الذي لا اله الا هو الحي القيوم و أتوب اليه

[أم ضياء عبد الرحيم]

المشاركة الأصلية كتبت بواسطة lyzzabel

لهووووومة مزية كي طمنتينا على ام ماجد ،، قوليلها تشبع شطيح راه قريب الدخول المدرسي هههههه

جيادا والله غير فكرتيييييني كنت نقول نسيت حاجة ما كتبتهاش ربي يفكرك بالشهادة ،، كنت رايحة نقول نفس الشي للاخت لي حطت الصورة تاع lol و لا يوجد شيء يبين عكس ما قلته لها حبيبتي جيادا ،، بارك الله فيك

ام أمنية راني غير مع التخمال و الميناااااااج

استغفر الله العظيم الذي لا اله الا هو الحي القيوم و أتوب اليه

مساء الانوار ليزابيل ربي يخليك حنونة علابلك راني من متتبعاتك و نحب بزاف طياباتك يعطيك الصحة و كنت قريت من قبل وصفات ليك تاع الدجاج المحمر لكن ملقيتش الرابط يا ريت تحطيهولي لاني نوايا ندير دجاج محمر للعشاء و شكرا مسبقا

[omomnia15]

راكي تلقاي وصفة الجاج في وصفات الحراير