يوميات عضوة - الصفحة 18

amina nourhanne · 2014-03-13, 11:00

صباح النور حبيباتي راني رايحة نغيب عليكم شوية،جدة زوجي انتقلت الى رحمة الله ،لازم ندوها لدارها في تنس نولى ان شاء الله بعد التلت ايام ،في أمان الله احبتى

ام ياسمين10 · 2014-03-13, 11:41

نورهان الله يرحم جدة زوجك .وشكرا لك على الرد .على سلامتك ام عبودى وسلامت وليدك

ام عبودة · 2014-03-13, 11:48

الله يرحم الجدة ويسكنها فسيح جنانه والله يلهمكم الصبر
ام ياسين شكرااا ومرحبا بيك

ام عبودة · 2014-03-13, 15:14

السلااام عليكم واش راكم راني غير اليوم قدرت نحمل تصاور العرضة راكم عارفين ماكنش اللي بغا يصورلي الكل استغربوا قالوا الناس تضحك علينا واااااااع
المهم اول حاجة وجدت المواعن بعد ما شريتهم غسلتهم ومسحتهم عاونتي عزوجتي فيهم انا درت 18 طاولة كل طاولة فيها 5 اشخاص يعني لكل طابلة شريت قدها مواعن برك بدلي طاسات الحليب مدلي نص شكل ونص الاخر شكل
وكاين اللي ماجاش بعثنالو عشاه وكاين اللي حب يدي معاه لدارهم يذوقو واللي بعث لصحابو المهم واش نقلكم جاء فاضل مع الاول خفت ما يكفينيش ربي طرح فيه البركة
هاذو المواعن ههههههه حتى هما صورتهم
كيسان الشاي ولي سوبيير وغرافاهم والملاعق وووووووووووو

ام عبودة · 2014-03-13, 15:23

هنا التوجاد الصباح طيبت الشربة وبديت نوجد في حوايج السلاطة وقبل العشاء بساعة وجدتها في الطباسا ولافنيقريت درتها مع التسربي وغيلت التشينة ونشفتها ودرتها في الطباسا وغلفتهم بالسلوفان والقارس والحميص درت غيرفلفل حار ودرتلو ثوم وملح وزيت وخل ومن الفوق شوي هريسة تاع اخر لحظة.
الخبز قطعتو وجدت الملاحات وسنيوات الشاي ووووووووو
قرع الكولا والجي غسلتهم ونشفتهم وخبيتهم في الكونجيلاتور

ام عبودة · 2014-03-13, 15:48

خلاص كل شئ واااجد
لحقت وقت التسربي الحمد لله ما غبنتئ على خاطر منظمة روحي غي كل شئ
الذكورا وجدو الطوابل الهيه وبقا يدو غير الشربة سخوووونة عزوجتي قعدت تيربي فيها وانا لهيت مع شيخي نوجدلو في لي بلا تاع اللحم هذه ما صورتهاش يديا يجروووووووووووو

الخرفان درنا اربعة كباار والله غير كفاو في الاول انا قلت لراجلي من دون ستة او ثمنة قاع ما تقولش والله غير الناس كامل والله ما تخصت

ام عبودة · 2014-03-13, 15:50

في الاخير السفة والله ما صبت نصورهم كاملين يديا يزربو هاذا كي كملت وفضلوااا هههههه

ويا رب صدقة مقبولة.

نخله. · 2014-03-13, 16:31

ام عبوده ماشالله الله بجعلو معروف مقبول عليكم وعلى وليداتكم

و الحمدلله للي ربي نزل البركه وكفات وبقات كون غير جيتي جارتي................اكيد قسمتو على الجيران

نخله. · 2014-03-13, 18:10

ام عبوده وين لقيتي الطيسان انا السرفيس تاعي كيما تاعك ما شفتش الطيسان يتباعو هايلين ماشالله وزيد راني نحوس نزيدلو ماعن حمر سك مالقيتش هنا

نخله. · 2014-03-13, 18:13

ايه ام عبوده انا الحميص ندير الفلفل فالكوشه ما نشويهش يجي يهبلللللللللللللللل بكري كانت محشيتلي نجبد الكانون و الشوايه ونشوي و شفتي شحال يتعب فالنقا

الفور 5/5 و بروبر حتى البنه احسن ما نعرف علاه كنت نتعب في روحي

ام عبودة · 2014-03-13, 19:01

اقتباس:

المشاركة الأصلية كتبت بواسطة نخله.

ام عبوده وين لقيتي الطيسان انا السرفيس تاعي كيما تاعك ما شفتش الطيسان يتباعو هايلين ماشالله وزيد راني نحوس نزيدلو ماعن حمر سك مالقيتش هنا

الطيسان والمواعن كامل شريتهم من عند محلات او بوتيك دبي اللي في الغربية مقابل تقريبا لابوست تاع الغربية
وعندو مواعن روووعة هو الوحيد في لغواط اللي ظمني المواعن سورتو لي سوبيير وين نروح نلقى غير زوج كيفكيف

ام عبودة · 2014-03-13, 19:03

اقتباس:

المشاركة الأصلية كتبت بواسطة نخله.

ام عبوده ماشالله الله بجعلو معروف مقبول عليكم وعلى وليداتكم

و الحمدلله للي ربي نزل البركه وكفات وبقات كون غير جيتي جارتي................اكيد قسمتو على الجيران

الله يسلمك حنونة
الجيران والله عندنا وما عندنا ههههه
عندنا من 2008 ساكنين وما نا مخالطينهم المشكل مش من عندي انا نتبع العقلية الحاظرة وخلاص
ويا سعدي لو كان جيتي جارتي

ام عبودة · 2014-03-13, 19:06

اقتباس:

المشاركة الأصلية كتبت بواسطة نخله.

ايه ام عبوده انا الحميص ندير الفلفل فالكوشه ما نشويهش يجي يهبلللللللللللللللل بكري كانت محشيتلي نجبد الكانون و الشوايه ونشوي و شفتي شحال يتعب فالنقا

الفور 5/5 و بروبر حتى البنه احسن ما نعرف علاه كنت نتعب في روحي

ههههه ان ما نكذبش عليك. الفلفل قليتو بصح المرة الجاية ندير بطريقتك على خاطر الكانون نصبت فيه المرقة والكوشة كوانينها دايرين فيم الشاي والغداء
كون صبت كنت شويتو بصح منا وجاي الفووووووووووور

ام عبودة · 2014-03-13, 19:57

اليوم خلصت بروووصي تاع السفر
من نظت الصباح لبس الاولاد وبعثتهم للمدرسة راوية رجعت ما درستش وعبد الحق ما بغش يروح العشية
المهم حليت بختة وهي تجبد وذاك الشئ ليلة قبل ما نروح غسلت الحوايج واولادي اللي خليتهم غيلتلهم جداهم حوايجهم قولي من وين طلعو واااااع ونهار بارد موووت
المهم كملت مع 12:30 درت على المسيح والتسياق امكتب تاع الزوج مع غرفتي مع غرفة الاولاد كملت توضيت وقريت سورة البقرة غير ايات برك
رجع الزوج فكرنا شخشوخة بسكرية هو راح وانا درت روحي نرد ما قدرتش بعثت الصور تاع العرضة تاعي ودرت منا ومنا لحق العصر صليت ودخلت الحوايج وطبقتهم وخملت خزاين الاولاد واااااع يومين الدنيا تقلبت قال راجلي واش كنت حاملة هههههههههه
كملت مع المغرب صليت ودخلت للمطبخ خلطت وراني معاكم
وانتما وااااش درتووووووو

المستغفرة · 2014-03-13, 20:33

الحمدلله على سلامتك حنونتي
الله يبارك ربي يتقبل المعروف
هذاك لي حذا السفى دهان و الاخر عسل اسود
ولا رب هههههه سكانير
راكي فحلة منظمة روحك مشاء الله
لعاقبة لدفوع راوية