موضوع مميز التحدي الرابع من مسابقة ابداعي في التزيين*** صنع مئزر مطبخ *** - الصفحة 18

لميس حواء · 2014-04-01, 23:17

اقتباس:

المشاركة الأصلية كتبت بواسطة farawla01

اختي لميس ضحكتيني الله يجيبلك الخير حورية على سلامتك

شفتي يا أختي واش راهو صاري بيا ما عنديش حتى برتابل محترم ( برتابلي من العصر الحجري) لي نقدر نصور بيه نستنى حتى يجي أخي باش نصور يعطينا الخير كامل أختي شكرا على الدعوة و الله يسلمك

لميس حواء · 2014-04-01, 23:21

التحدي الرابع:

هذه الطابلية نتاعي(أميرة الظلام )

نتمنى تعجبكم

ام مهدي 03 · 2014-04-01, 23:26

لميس الطابلية هايلة.يليق نسميوك اميرة الكروشى انت وجيل
اختى ماتحرميناش انت تان من الورشات

farawla01 · 2014-04-01, 23:30

لميس طابليتك تهبل يعطيك الصحة هادي في الظلام وتبان هاكدا امالا في الضو كيتبان 4444444444444444444444 ربي يرزقك وتشري احلا بورتابل

لميس حواء · 2014-04-01, 23:37

اقتباس:

المشاركة الأصلية كتبت بواسطة ام مهدي 03

لميس الطابلية هايلة.يليق نسميوك اميرة الكروشى انت وجيل
اختى ماتحرميناش انت تان من الورشات

مشكورة أختي أم مهدي و الله طلعتيلي المورال لأنو كان عندي عدة أفكار بالكروشي و ما قدرتش نفذها لقلة الوقت من جهة و من جهة أخرى عندي مشكل في لي يجيبلي الخيط و اللوازم لكن غادي إن شاء الله نجرب نخدم قاع القائمة لي في راسي من مفارش و طابيات و نحطها بإذن الله لأنو بصراحة هذه المسابقة رجتلي الحماس و حب العمل و راني جاهزة بخصوص الورشة لي تحبوها و الأخت جيل تبارك الله عليها راهي قايمة بيها كيما يلزم

لميس حواء · 2014-04-01, 23:43

اقتباس:

المشاركة الأصلية كتبت بواسطة farawla01

لميس طابليتك تهبل يعطيك الصحة هادي في الظلام وتبان هاكدا امالا في الضو كيتبان 4444444444444444444444 ربي يرزقك وتشري احلا بورتابل

بارك الله فيك فراولة ربي يعطيك و يهنيك و البورتابل راني تاكلة على أخي لكن لو كان ما يكونش لازم نشري لأني أصبحت من المهوسات بالمنتدى و المسابقات (أخوتي راهم يقولو واش صرا لهذي الطفلة غي تصور و تحط في الانترنت و أبي يقولي واش غادي يعطيوك في هذي المسابقة و التعليقات ما نحكيلكش ) لكن راني مصممة نكمل لأن اللمة هذي ما تتقدرش بثمن و الأفكار لي رانا ندوها من هذه المسابقات روعة و زيد الحافز لي حصلت عليه باش نخدم لأني كنت كسولة

نهال13 · 2014-04-01, 23:47

اقتباس:

المشاركة الأصلية كتبت بواسطة لميس حواء

التحدي الرابع:

هذه الطابلية نتاعي(أميرة الظلام )

نتمنى تعجبكم

خرجتلك تهبل لميس يعطيك الصحة

موجو جوجو · 2014-04-01, 23:54

السلام عليكم
كيف الاحوال ،ان شاء الله بخير
هذه مشاركتي في التحدي الرابع
اتمنى ان تنال اعجابكم

نهال13 · 2014-04-01, 23:54

اقتباس:

المشاركة الأصلية كتبت بواسطة حورية38

هذى مشاركتي في التحدي الرابع **صنع مئزر** ومازالت وحدة اخرى غدوة ان شاء الله نحطهالكم

واش رايكم
وبالتوفييييييييق للجميع

يعطيك الصحة حورية خرجو يهبلو البية خرجت روعة

لميس حواء · 2014-04-01, 23:55

اقتباس:

المشاركة الأصلية كتبت بواسطة نهال13

خرجتلك تهبل لميس يعطيك الصحة

ربي يحفظك نهال هذي بفضل المجهودات لي راكم تبذلو فيها معانا ربي يجازيكم عنا كل خير

farawla01 · 2014-04-01, 23:56

عندك الحق اختي لميس هدي اللمة بالملايين او منلقاوهاش او رانا نشجعو في بعضانا ربي يوفق الجميع

لميس حواء · 2014-04-01, 23:57

موجو جوجو يعطيك الصحة الطابليات يهبلو

farawla01 · 2014-04-01, 23:58

اختي مو جوجو خرجولك روعة عجبوني في زوج يعطيك الصحة

لميس حواء · 2014-04-02, 00:01

اقتباس:

المشاركة الأصلية كتبت بواسطة farawla01

عندك الحق اختي لميس هدي اللمة بالملايين او منلقاوهاش او رانا نشجعو في بعضانا ربي يوفق الجميع

ايه أختي لو كان تعرفي الحماس لي راهو عندي راني نجي من الخدمة نجري باش نخدم و نجي نحكي معاكم شوية من قبل كنت نقول ما عنديش الوقت باش نخدم أشغال و ذرك راني نلقى الوقت و نرتب أموري على الجلفة و الأشغال و راني تمام
و ذرك تصبحون على ألف خير ( راني شفت الساعة راهي صفر صفر عينيا خرجو كي شفت الأصفار )

نهال13 · 2014-04-02, 00:03

اقتباس:

المشاركة الأصلية كتبت بواسطة موجو جوجو

السلام عليكم
كيف الاحوال ،ان شاء الله بخير
هذه مشاركتي في التحدي الرابع
اتمنى ان تنال اعجابكم

وشراكى موجوجو وشراهى بنتك هايلين يعطيك الصحة و موفقة ان شاء الله ا