دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته

اولا نصيحتي لمن "ماتحكمش روحها قدام الميكرو" كي حالتي احيانا
طفيه و هني راسك

اولا حبيبة قوليل 15 دقيقة لمكان واحد او كل مكان 15 دقيقة يعني انا درك خممت في 4 بلايص يعني ساعة يوميا؟؟؟؟؟

و المدة شحال اسبوع و الا حتى وين نكمل لبلاصة و نبردها؟؟؟؟؟؟؟؟هيهيهيهيهيه

ربي يبردها علينا نهار غدوة و نلقاو الحبيب عليه الصلاة و السلام عند الحوض يسقينا شربة ماء لا نضما بعدا ابدا
قالك الي يذكر يوميا الجنة و يدعي يوميا انه يدخل للجنة
ربي يستجابلو و يدخلو للجنة

بالنسبة لبرنامجيحبيبتي حبيبة الناس كلهم يعرفوه
لكن ماعليهش نعاودو لعيونك

قبل نقلك انه السكن الوظيفي الي ساكنة فيه كبير و يعيي بزاف عدي صالون و صالون امونجي لكن انا درتو غفرفة جلوس و كوزينة و هول و 2 غرف و دوش تحسبيه حمام من وسعو و سيشوار و بالكون وااااااااااااااااسع كل يوم نسيقو لانه احنا عندنا الغبار بزاف
ربي يبارك ماشاء الله لا قوة الا بالله
لكن الحقيقة متعبتني الدار و كبرها و كبر مساحة غرفها

اولا برنامجي يبدا من الليل
تنظيف كوزينة و دوش و مرحاض
و نفوتو البالي على غرفة الجلوس و الصالون و نفوت ممسحة خفيييييييفة على وجه البيبيوتاك او ليفينغ

الصباح نوض بكري 5 كاقصى حد بعد الصلاة نفطر وحدي مع الميكرو بكري و درك نفطر وحدي و من بعد نلهى بروحي نوض الجماعة و نروح للكوزينة ندوزن زوج برم بلا ما نشعل عليهم النار

نفطر لبنيات و نتحكاو و يروحو للدراسة نفتح النوافذ نشعل على البرم و نغسل مواعن لفطور و نجوز نشاف على الدار
و من بعد الاعمال لخرى طي كي غسل ملابس

نقلك برك بلي غرفة لنات اختصاصهم اليومي يعني فراش و كيما نقولو "منين يشوف احمد" يعني يرجعو ادواتهم يعلقو ملابس النوم و هكذا

هاد البرنامج تبعتو منين بناتي صغار و قالك اذا غلبوك بالكثرة اغلبوهم بالبكرة


راني اختصرت زعم
درك نقلك على عادات مليحة فيا الويكاند للعائلة ماندير والو فيه اشغال
على هك عندي الاحد نهز لفراش و نسيق و نصب الماء مش جوز النشاف

العادة الثانية الصباح نطيب لغدا مع لعشا لعشية نفوتها مع لبنات و دراستهم
التعشيوة مش كل يوم نطيب على هك اسبوعيا ندير قاطو و حاجة معسلة بسبوسة او قلب اللوز
اما الهاي كلاس باتيسري او رولي او طارطولات فمرة شهريا فقط

البيتزات و مشتقاتها نطيبها للغدا منين لبنات يقراو باش ما نعطلش روحي عليهم ايضا انواع الكسرة و لو انه تقريبا يوميا نطيبهم

يعني بالمختصر ساعات 9 راني قاعدة و فم نبدا للعميق او اعمال اخرى

صحا فطوركم فراشاتي
حبيت ندخل نجاوب على استفسارك حبيبتي حرة الحراير
15د في اليوم فقط
نعطيك مثال
راه عندك بلاكار المطبخ فيه الفوضى
و عندك درج التسريحة راه فيه الفوضى
و درج البيبليوتيك تاني فيه الفوضى
واش رايح اديري
اليوم حددي 15د بالمنبه تاع البورطابل او حطي الساعة امامك
و ابداي تشتاغلي على بلاكار المطبخ
كي تكمل 15د توقفي
و روحي كملي حياتك اليومية

غدا لما يجي وقت تنظيف الفوضى اللي حددتيه لنفسك صباحا او مساءا او اي وقت يساعدك
تاني حددي المنبه و ابداي تشتاغلي على البلاكار لمدة 15د
كي تكمل تاني توقفي و كملي يومك عادي و شغالك المعتادة

هكذا حتى تكملي مع البلاكار

و اليوم الموالي ابداي مع النقطة الساخنة اللي بعدها يعني درج التسريحة مثلا


فالعشية ان شاء الله رايحة نعلق على برنامج تنظيفك الرائع فراشتي
و رايح نعلمكم كيفاه تنظموا اسبوعكم
و تنظموا اشغالكم فيه
غير تبعوا معايا بالعقل
و بالشويا بالشويا
و مع شوية صبر رايح تتنظم يومياتكم و اسبوعكم و حتى شهركم يتنظم لما نتعلموا معا بعض
كيف نستعمل الكالندر الشهري

حبيباتي ادعولي بالتوفيق

[om wassim]

يعطيكم الصحة فراشات راكم زدتو فينا الحماس ربي يبارك في وقتكم و صحتكم
تطبيق اليوم هايل انا كي قريب نولد عندي بزاف اماكن ساخنة لازم نبردها هههه
عشية نكتبهم فالكراس و نبدا ان شاء الله
لبنات عندي مشكل مع وليدي عندو عامين و نص بصح ماحبش ينسى البيبرون ماشي فالنهار فالليل ينوضني زوج مرات يحوس على لحليب كي مانعطيلوش يقعد يبكي حتى ينوض باباه مافهمتش علاش اذا كاين حل ساعدوني
خاصة اني على وشك ولادة

يا جبار السموات و الارض اجبرني

[حسناء القمر]

السلام عليكم ماشاء الله عليكم كلكم نشاط بالنسبه لي انا عندي كل يوم العمل كدوده مانحبسش خلاص حتى نطيح من التعب كل مره نحاول نديربرنامج لكن الله غالب نحب الحركه ونتعب من الجلوس لكن هذا الشئ اثر علي كل من يشوفني يقولي راكي تباني تعبانه عن جد راني نحاول نمشي معاك ونمسك في روحي كل يوم اقوم بتنظيف المرحاض والحمام ونسيق بالماء والصابون ونشفهم ومن بعد روح لغرفة النوم تاعي نفتح النافذه ونحي الغطاءوننفظه وفي الغالب نبد لوكل3ايام هوغطاء المخايد ورتب السرير ونمسح الغبره ومن بعد روح لغرفة تاع كل يوم ماشي الصالون لان الصالون تاعي مغلوق كل يوم جمعه نرتبو ونشفوا ونغلقوا اقصد غرفة الجلوس نعطيها حقها انفض وامسح وبعد غرفة الاولاد ومن بعد المطبخ العزيز غسل اواني القهوه وابد تحضير الغداء وبعد الصلاة نخمم في شئ للقهوه وبع دبالخف وقت القهوه غسل الاواني نضرب طله على الغرف راكم تعرفوا الاولاد فوضى متنقله وبعد تحضير العشاء ونفس الشئغشل الاواني كي نكمل روح نظف المرحاض لاني نحب خليه دائما يشعل ومعطر طوال الليل وبعد.....
على بالي كثرت عليكم وللحديث بقيه..

[نافلة]

بالنسبة ليا في الليل عندي اعزكم الله المرحاض و الدوش و المطبخ لازمهم يباتو نظاف و نفرز و نكنس الغرف ضروووووووووووري
كي نوض الصباح نلقى كلشي كالكادو ونقدر نواصل يومي و مخي مرتب اكثر شيئ
اما الغداء و العشاء عيت ندير قائمة لاني انا من النوعية لي نطيب بكمية كبيرة ولي يبقى اما نحطو فالفريgو او نزيد نتعشاو منو و مرات تكون باقية مرقة لازم الصباح او في المساء ندير بيها حريرة يعني الاطباق مرات هي لي تتحكم فينا
و وقت طياب الغداء و العشاء مرات كي يكون عندي وقت فالليل نطيب غداء نتاع غدوة مع العشا الا عندي خرجة مثلا نفور الطعام و تبقالي المرقا ساهلى فالصباح نديها بسرعة و مرات نطيب الغداء و العشاء الصباح كيما اختي حراير
يعني حسب الظروف و الخروج و الضياف و...........
هذا واش حضر في راسي الان .

[YASMINE SILA]

السلام عليكم
اهلا استاذتنا حبيبة ربي يحليك لينا يا الغالية هاذي غيبة طوييييييييييييييييلة ان شاء الله عودة ميمونة
انا حابة نشارك و باذن الله راح نكون معاكم و مشاركاتي راح تكون مدعمة بالصور -لكن مسبقا انوه ان الصور شوية رديتة رداءة الهاتف المحمول :/ - رايحة نقرا الصفحات السابقة و نطبق واش ذكرتي و الله المعين
بعثتي في نفسي روح جديدة ربي يفتح عليك يااااارب

[زينب 83]

صباح الخير حبيباتي
الصراحة انا نتعب بزاف في اعمال البيت و ماعنديش وقت لنفسي الحاجة الوحيدة لي محافظة عليها هي الفرائض و الرياضة لآني اعشقها
الحمد لله بيتي وحدي و ماشي كبير لكن كل يوم نعاود نفس العمل قتلني الروتين و عندي ابني الصغير فوضوي بزاف ، بعد ساعة يرجع الدار كارثة و كل يوم نعاود من جديد
من ناحية النظام انا منظمة جدا لكن ابني الصغير دايما يفسدلي النظام عمرو عامين و نص شكون مرت بتجربة قريبة من تجربتي تفيدني

اما فيما يخص التطبيق تاع الأخت حبيبة انا عجبني بزاف لانو هكذا مانتعبوش و مانملوش ، انا عندي زوج أماكن في المطبخ راح نطبق خطة 15 د و نوافيكم كل يوم بالصور بإذن الله

[أم ضياء عبد الرحيم]

المشاركة الأصلية كتبت بواسطة زينب 83

صباح الخير حبيباتي
الصراحة انا نتعب بزاف في اعمال البيت و ماعنديش وقت لنفسي الحاجة الوحيدة لي محافظة عليها هي الفرائض و الرياضة لآني اعشقها
الحمد لله بيتي وحدي و ماشي كبير لكن كل يوم نعاود نفس العمل قتلني الروتين و عندي ابني الصغير فوضوي بزاف ، بعد ساعة يرجع الدار كارثة و كل يوم نعاود من جديد
من ناحية النظام انا منظمة جدا لكن ابني الصغير دايما يفسدلي النظام عمرو عامين و نص شكون مرت بتجربة قريبة من تجربتي تفيدني

اما فيما يخص التطبيق تاع الأخت حبيبة انا عجبني بزاف لانو هكذا مانتعبوش و مانملوش ، انا عندي زوج أماكن في المطبخ راح نطبق خطة 15 د و نوافيكم كل يوم بالصور بإذن الله

مساء الفل زينوبة
انا ولدي في عمرو 3 سنوات و3 اشهر و بيتي فيه غير غرفة نوم و غرفة جلوس خصصتلو الغرفة ليه هو يرقد و يلعب ثم و درتلو نظام ممنوع يجيب اللعب انتاعو لغرفة الجلوس يعني فوضى اللعب غير في غرفته و زيد ما يرقدش قبل ما يلم اللعب انتاعو و بالطبع انعاونو و كي يسمع الهدرة و يفرز حوايجو نعطيه مكافاة القاعدة الاساسية انك تعلميه ما يخرجش اللعب انتاعو خارج الغرفة انتاعو هكذا تتهناي من الفوضى الي يسببها

[أم ضياء عبد الرحيم]

يا جبار السماوات و الارض اجبرني
مساء الفل على احلى فراشات

المشاركة الأصلية كتبت بواسطة حبيييبة

ما تنساوش تطبيقاتنا الثلاثة:
* تلميع حوض المطبخ قبل النوم
* غسل الاسنان و الوجه و ترطيبه و ارتداء لبس جميل و شوية ماكياج خفيف بمجرد الاستيقاظ من النوم
* التسبيح باسم الله الجبار

غدا صباحا باذن الله رايحة نحطلكم تطبيق الغد
و كلما حطينا تطبيق اكتبوه فالجداول و حطوله وقت حسب ما يلائمكم و حسب ظروفكم

بعدما تقروا كلامي هذا ارجو ان تجبنني يا فراشاتي عن سؤالي:
- واش كان احساسكن اليوم بعدما ادركتن انكن مصدر سعادتكن الخاصة
و مصدر سعادة ابنائكن و ازواجكن و سرورهم و فرحتهم بكن؟؟

دمتم بود
أحبكن في الله

اختي حبيبة كي استيقظت حسيت روحي زدت جديدة حسيت روحي وردة جميلة كانت مخبية بين الاوراق الذابلة
عندي همة و نشاط عاليين و كيما قالت اختي نافلة بيدنا الخير و السعادة و بيدنا الحزن و ,,,,

المشاركة الأصلية كتبت بواسطة حبيييبة

بالمناسبة سانزل موضوع جديد خاص بالدورة
سأجمع فيه كل المشاركات المهمة التي ذكرت في الدورة من طرف كل الفراشات
و كذا كل التطبيقات التي وضعناها
حتى يتسنى لكل فراشة الرجوع اليها ان احتاجت لاي معلومة
او للاستفادة و لتكون عملية التصفح اسرع
و حتى لا تضيع بين الصفحات

لكن تمنع الردود في ذلك الموضوع و الردود و المشاركات تبقا هنا فقط في هذه الصفحات فراشاتي الغاليات

بوركتي هكذا يسهال على الجميع المراجعة
مع اني كتبت تقريبا كلش في الكراس

المشاركة الأصلية كتبت بواسطة نافلـة

ههههههو الله كون نقولك بلاك تضحكو عليا
لي استنتجتو انو
الخير مرا و الشر مرا
ممكن الرسالة وصلت ما بغيتش نكثر الهدرة
ههههه

ههههههههه و الله غير صدقتي ربي هدينا لما يحب و يرضى

المشاركة الأصلية كتبت بواسطة yasmine sila

السلام عليكم
اهلا استاذتنا حبيبة ربي يحليك لينا يا الغالية هاذي غيبة طوييييييييييييييييلة ان شاء الله عودة ميمونة
انا حابة نشارك و باذن الله راح نكون معاكم و مشاركاتي راح تكون مدعمة بالصور -لكن مسبقا انوه ان الصور شوية رديتة رداءة الهاتف المحمول :/ - رايحة نقرا الصفحات السابقة و نطبق واش ذكرتي و الله المعين
بعثتي في نفسي روح جديدة ربي يفتح عليك يااااارب

فكرة مليحة اختي المشاركة بالصور يعطيك الصحة و مرحبا بيك فراشة جديدة

يا جبار السماوات و الارض اجبرني

[oummalak]

السلام عليكن يا فراشات
التطبيق انتاع 15 دقيقة كنت متابعاتو لايام وتركته
سابدا من جديد عندي نقاط كثيرة
بلاكارات المطبخ
بيت الغسيل
بلاكار المدخل
خزانات الفراش
خزانة بنتي دعاء
هدا 15 د تساعدني بعد قهوة المساء
الميكرو رايحة نتبع طريقتك بالضبط لاني ارها الانسب كي لا انساق وراء النت واترك كل شيىء
ادا تفكرت حاجة نرجع

[أم ضياء عبد الرحيم]

بالنسبة للتطبيقات
راني مواظبة و الحمد لله
عجبوني البرامج الي حطيتوهم فراشات يعطيكم الصحة اعطيتوني افكار
بالنسبة للتواجد في المنتدى نحاول نلتزم باقتراحاتك اختي حبيبة
انا مشكلتي كي كنت نقرى نفوت معظم زقتي امام الميكرو و زيد ندخل للمنتدى نقول النطل نقعد :d
الان خلصت الدراسة و الحمد لله بقالي مشكل المنتدى انا ما ندخل حتى موقع من خلاف مدونات الطبخ و حتى في المنتدى منين عرفتو و انا في منتدى الطبخ هذه اول مرة نشارك في منتدى اخر مع منتدى حفظ القران
نحب بزاف الطبخ هو هوايتي الاولى نص و قتي في منتدى الطبخ و النص الاخر في المطبخ نشتي نطيب و نجرب لكن حبي للطبخ خلاني اهملت اشياء كثيرة
باذن الله نمشي على البرنامج الي سطرتيه اختي حبيبة لازم ننجح
لي عودة للكلام عن تطبيق اليوم
يا جبار السماوات و الارض اجبرني

[oummalak]

عندي نظام نبعو مرات و نسمح
كل غرفة نديرلها 20 د ونتحدى الوقت باه نكملها
ونكتب كل الاشياء التي حددتها باش نخدمها هداك اليوم ان اكملت اكتب راضية عن يومي وان لم اكمل وفي اغلب الاحيان لااكمل دلك البرنامج فاصاب بالاحباط
اخر مرة كتبت برنامج مشيت عليه اسبوع وحبست
ان شاء الله ترتفع همتي مع اخواتي الفراشات
منزلي كما قالت اختي حراير كبير عندي في الاسفل مدخل ومكتب زوجي وكاراج والطابق الاول مطبخ حمام ثلاث غرف وصالة و4بلكونات
والطابق الثاني غرفة اولادي وبيت الغسيل المليء بالفوضى ولوازم الخياطة
و2 تيراس الاولى اكبر من الثانية
الغسيل لاينتهي اكثر من 3ماشينات في اليوم
لكن الحكم
سلامي

[om wassim]

اختي زينب حتى انا عندي مشكل مع ابني قد وليدك . عندي غرفة واحدة نرتبها فاليوم شحال من مرة تقول ما رتبتها
هو صح يلم الالعاب تاعو بصح مايلعبش في مكان واحد
ان شاء الله الاخوات يفيدونا

[بعيدة المنال]

= يا جبار اجبر كسري ، رب لا تكلني الى نفسي طرفة عين فأهلك = أشارك أخواتي جملة من الاهتمامات أولها هذا الميكرو لي ما نقعدش معاه ويلا قعدت ما نوضش ؟؟؟؟؟؟؟؟؟؟
النقاط الساخنة عندي أكبر من أن تشملها 15 دقيقة مع قضائي لوقت طويل خارج البيت نرجع مهتكة يا ربي يلا لحقت على المهمات فالترتيب في الغالب نخصصلو يوم الجمعة وباقي الأيام عيونكم ما تشوف إلا النور؟؟؟؟
رايحة نحقق المستحيل لو نطبق برنامجك أختي الحبوبة حبيبة فإن نجحت خلال شهر لك مني أحلى قبلة وأصدق دعوة خير

[YASMINE SILA]

بسم الله الرحمان الرحيم ياااجبار السموات و الارض اجبرني
راني رايحة نكتب جرنان لذلك ارجوكن اعذروني
اولا ساجيب بصراحة عن سؤالك هل تحبين نفسك
انا في الحقيقة احب نفسي و احمد الله كثيرا لانه خلقني في احسن تقويمو احمده كثيرا على اكبر نعمتين انعم بهما على -نعمة الاسلام و نعمة الصحة و لانني اعمل في هذا المجال -مخبرية -و على اتصال دائم بالمرضى حقا اشكر الله كثيرا على نعمة الصحة
لكن عزيزتي حبيبة الوم نفسي كثيرا و اصل احيانا الى ان اكرهها لعدة اسباب الخصها في النقاط الاتية :
-اولا تقصيري في الجانب الديني خااااصة الصلاة فبعد ان اتعود على القيام لصلاة الفجر مثلا اعود و انتكس و يذهب حماسي و القي بلوم كبير على نفسي
-ثانيا لست راضية عن نفسي كثيرا خااااصة بعد ان خسرت عشرين كيلو غرام من وزني اثر ازمة نفسية مرت على خير و الحمد لله لكن ملاحظات الناس القاسية حول نحافتي يجعلني انظر الى نفسي نظرة دونية
-ثالثا اهمالي لعنايتي بذاتي خااصة شعري و بشرتي; فانا اغار كثيرا من النساء اللواتي يعتنين بانفسهن و اتمنى ان اكون مثلهن لكنني خاااملة جدا و كسولة خاصة عندما يتعلق الامر بذاتي و هذا الامر يزعجني جدا
-اخير كنت من متتبعاتك بصمت منذ زمن و استفدت منك الكثيرلكنني لست ملتزمة في امور تنظيف البيت و ترتيبه فما البث ان انظبط لمدة اسبوع ثم اعووود و انتكس
عندى امل كبييير لان اتغير بل سانغير باذن الله معك استاذتي و مع الفراشات النشيطات ياااارب

[emily21]

وأنا كدلك راني كامل النهار في الخدمة من 7H 30MIN حتى الرابعة مساء ولي اربعة أولاد منهم الصغيرة عمرها ثلاث سنوات فوضوية وشقلالة بزاف ربي يخليها والثلاثة الأخرين كبار البنات في زوج يعاونوني قليلا مانحبش نفورسي عليهم بزاف أما الطفل قاعد فنيان عييت من أنظم فيه كلشي ماشي في بلاصته و؟أنا في المساء قدري البرمة تاع الأكل غير في week end ننظف المنزل علما بلي المنزل كبير خمسة غرف والدروج حتى التحت راني في دار شيخي في الطابق الأول مؤقت حتى وين نكمل داري إنشاء الله وراني وليت دائما نتعب بالخف مع شغل برا والداخل وفي الأخير نختمها في الليل مع تحضير الدروس تا غدوة أرجو تقديم برنامج يتماشى معي حتى نقدرو نوفق بين الدار والخرج بلا ما نتعب يا أختي حبيبة وحاجة أخرى هبلني cafar