الجزء 111من واش طيبتي اليوم مع لنكون احسن طبخات في بيوتنا - الصفحة 17

kaouka · 2015-01-17, 15:08

oum anas 69 · 2015-01-17, 15:13

السلام عليكم ورحمة الله وبركاته
كيف حالكم جميع أخواتي إن شاء الله لاباس
مازالني في السبيطار مع هديل وراهي محتاجة دعواتكم الطيبة بالشفاء
روحت لداري طيبت لأولادي لقمة و هاني راجعة لإبنتي
أتهلاو في رواحكم وشكرا للراسلوني و الله بكيتوني نحبكم بزاااااف
سلللللللااااام

أم عروة · 2015-01-17, 15:20

مبروووووووووك افتتاح الكوزينة
كل حاجة بالطبع حياة الله يبارك

عازفة الناي · 2015-01-17, 15:22

ام ضحى مساء النور
ام يسرى الله الله كل شيء راااااااااااااااااااااااااااااااائع تسلمي
ام اناس البريوش امممممممممممممممم
ام انس 69 مرحبا بيك و ربي يشفي هديل و يفرحك بيها يارب
ام ضحى اهلا و سهلا ننتظر الباروك ههههههههههه

OM DHOHA ANES · 2015-01-17, 15:24

*سالي* · 2015-01-17, 15:28

ماااشاء الله كلشي روووعة

ام سراج وملاك · 2015-01-17, 15:32

كاتي مبروك عليك الكوزينة لجديدة وربي يحفظلك بنتك ريتاج
لبنات كامل يعطكم الصحة واش حطيتو نتفرج ونعاود حراير نتاع الصح
ام انس حبيبتي ربي يفيلك هديل

ouissamak · 2015-01-17, 15:32

كاتي حنونتي كلشي مبروك الكوزينة الجديدة ان شاء الله تكون عامرة بالخيرات في حياتك وحياة ريتاج سارة
اسمحيلي هذا وين شفت كوزينتك مانيش ندخل بزاف
الباروك جيتك بيديا فارغين امبعد نولي نجيب معايا

chez biba · 2015-01-17, 15:33

اقتباس:

المشاركة الأصلية كتبت بواسطة om inas

chez biba ممكن وصفة رولي الدجاج بالسلق و الفرماج

سامحيني ام اناس على التأخير والله نسيت طلبتيه مني قبل ، عذرا

اغسلي السلق مليح وقطعيه رقيق وفوريه مبعد قطريه مليح من الماء
تأخذي صدر دجاجة تنحيلو لعظم وترحيه ، زيدي لو بصلة صغيرة وثوم مرحي ، ملح، فلفل اسود وتخلطي مليح
نحط هاذ الخليط فوق البلاستيك الغذائي ونشكلوه مستطيل نديرو فوقو السلق لي مخلط مع شوية دبشة مقطعة ونتبلوهم ثاني بالملح والفلفل اسود ونديروه على كامل الجاج ونغطيها ب مربعات جبن السندويشات ومن بعد نبداو ندوروه كي البسكوي رولي نغلفوه مليح بالبلاستيك الغذائي ونساووه مليح باش يأخذ شكل مليح ومتساوي
يتغلف مليح بالبلاستيك ونزيدو نغلفوه بالالمنيوم ونحطوه في بلا فيه شوية ماء وندخلوه للفور 40دقيقة
من جهة اخرى حضري مرق بالعظم تاع الصدر اللي نحيتيه والبصل والثوم وضيفيلو شوي زيتون ( لازم تكون عاقدة)
بعد ما يطيب الرولي نحيلو الالمنيوم والبلاستيك ونرجعوه للفور باش يتحمر شوية ونقطعوه ونقدموه مع المرقة اللي وجدناها
بصحتكم!

ouissamak · 2015-01-17, 15:34

ام انس ربي يشفيلك البنوتة ويحفضهالك تولي لدارك سالمة معافاة ان شاء الله
يا ربي تسمعينا خبارةتفرح عليها ان شاء الله عاجلا غير اجل

om wassim · 2015-01-17, 15:39

يعطيكم الصحة حراير تاع الصح الله يبارك كلش من يديكم يشهي
ام انس ربي يشفيلك هديل عاجلا يا رب
لبنات زوجي جاب بزاف السردين درت نص بالدرسة و تشهيتو فالفرن شكون لي عندها طريقة بنينة تساعدني بليييز و ربي يجازيها كل خير

chez biba · 2015-01-17, 15:50

ام انس ربي يشفيلك هديل ان شاء الله وترجعي لدارك وأولادك بخير ، توحشنااااااك ربي يعينك

Oum yousra · 2015-01-17, 16:03

اقتباس:

المشاركة الأصلية كتبت بواسطة oum anas 69

السلام عليكم ورحمة الله وبركاته
كيف حالكم جميع أخواتي إن شاء الله لاباس
مازالني في السبيطار مع هديل وراهي محتاجة دعواتكم الطيبة بالشفاء
روحت لداري طيبت لأولادي لقمة و هاني راجعة لإبنتي
أتهلاو في رواحكم وشكرا للراسلوني و الله بكيتوني نحبكم بزاااااف
سلللللللااااام

حنونة ام انس لباس عليها بنتك مالها ؟؟؟؟ هاذا وين شفت الرد نتاعك ربي يشفيها و يحفضها لك يااااا رب قلبنا راهو معاك و متنسايش طمنينا عليها كل ما تلقائي فرصة

أم ملك · 2015-01-17, 16:04

أم أنس ربي يشافي إبنتك هديل قريبا عاجلا غير أجل و يقر عينك برؤيتها سليمة معافاة إن شاء الله رب العالمين
و ربي يعينك على رعايتها و اﻹهتمام بها و بأولادك
ربي يشافيك عطورة و توتة و أم يس و مرام و إبنة زهرة و كل المرضى يا رب
اللهم إشف مرضانا و مرضى المسلمين
رب إغفر لي وللمسليمين و المسلمات اﻷحياء منهم و اﻷموات

أم أسامة 07 · 2015-01-17, 16:07

الله يبارك ماشاء الله