الجزء 68 من واش طيبتي لتعم الفرحة والبهجة فى بيوتنا - الصفحة 17

أم إناس · 2014-04-12, 15:12

الله يخليكم. اخواتي ام نورالدين امممواح
وام محمد تاج امممممواحتين. ريح ندير الواجب الوطني. يناديني خخخخخ

بشرى2008 · 2014-04-12, 15:18

راتي رايحة ندير عشايا رشتة أممممممممممممممممممممممممممممممممممممممممممممممممم مممم ناكلها كل يوم مانملهااااااااااااااااااااااااااااااااااش

بشرى2008 · 2014-04-12, 15:22

أم نورالدين نعرف طعام الشعير
لكن طعام البلوط والشعير منعرفوش صوريهلنا نشوفو اللون نتاعو

ام نوردين · 2014-04-12, 15:23

ههههههه ام محمد هادى كسكسى نفتلها بهدو الحوايج مخلطين مع بعض الشعير والبلوط والمزيت و البشنة والسميد يعنى لرطب تاع كل واحد فيهم نخلطوهم ونفتلو سكسو تاعنا فيها وحد البنة اممم وصحية ومليحة ياسر كيما تقواو لمرضى السكرى ومليحة اياضا لليعملو حوادث ويتكسرو هى مفيدة جدا فى شفاء العظام المكسورة

بشرى2008 · 2014-04-12, 15:27

أم اناس روحي عند عجوزتك ونحي على خاطرك وصورينا طيابها الكوزينة تناديك للتصوير ههههههههههههههههههههههه

ام نوردين · 2014-04-12, 15:27

على عينى بشرى بصح المشكل عندى انو لكارت ميموار راحتلى ومانقدرش نحط ليفوطو راني غير نطيب ونصور ونستنى يحن عليا ربى ونشرى وحدة
احسبينا معاك فى الرشتة ضاربنى الكسل هادو ليامات

ام نوردين · 2014-04-12, 15:30

المسيو راه يعيط وطلب منى نطيبلو زعتر نروح ونرجع ان شاء الله

مليحة العرب · 2014-04-12, 15:47

الشكر الجزيل ليك ام يسرا غادي نجربها ان شا الله و نخلي باب الفور محلول و نشوف
بياض البيض وزنته و كل شي كان تمام بالصح انا شكيت في زوج حوايج يا الحرارة تع الفرن يا زدتله في الحمام المائي المرة الجاية نسيي 3 دقايق ان شالله او كي نحس السكر داب و نديره في البيتران مشي الباتور و نسيي هاديك لاستوس تع الباب محلول و نشووفو لعل و عسى ..
بارك الله فيك عزيزتي راكي ف باتنة الصيف ان شالله كي نجي للبلاد واقيلة نديرها و نجيبلك معايا كيما يقولو الحلوان ^^

دائمة الحمد · 2014-04-12, 16:10

هذا غدايا اليوم
بيتزا بعثتها بنت اختي لاسينات
كفتاجي
وقراتان القرنزن راني عملت مزيج بين وصفة عزيزتي ام رحاب واخت اخرى حطتها في قسم المعجنات جا روووووووووووووووووووووووعة
وسلطة والف حمد لله

رياحين الجزائر · 2014-04-12, 16:16

مساء الانوار غدايا كان مرقة جلبانة وقرنون
بلييييييز اعطوني رابط لابيري انتاع ليدي حبيت انجربها هي وهريسة بروقة

x ام رحاب x · 2014-04-12, 16:17

مساء الخير حبيباتي
بصحتك القرنون دائمة الحمد والبتزا
بصحتكم الطيابات ام محمد تاج بصحتك الطعام باين ايشهي ام يسرى بصحتك كلش ام ايناس بصحتك القاطو ليزا بصحتك الفطور والي نسيتها تسامحني

دائمة الحمد · 2014-04-12, 16:32

الله يخليك عزيزتي ام رحاب والله ياجا بنين يهبل كثرت فيه الفرماج
البنات لي حطو طياباتهم بصحتكم كلش فور ايقونات الشكر صفحة كاينة وصفحة ما كانش
ام ماجد اني نستنى في المشلوش نموت عليه

x ام رحاب x · 2014-04-12, 16:34

ام يسرى هاكي وصفة حلوة الطبقات
ديري طبسي كبير فوق حاجة فيها الماء يعني حمام مريم واحطي فيه 4مغارف كبار زبدة واتزيدي 6مغارف عسل وكاس تاع قهوة وحليب سكر وكاس حليب سائل واتخلطيهم مليح حتان يدوب السكر امبعد نحيهم من النار واديري 2 حبات بيض ومغرفة صغيرة معمرة خمارة تاع الحلوة وديري 500غ تاع فرينة وتلميهم واتقسمي الحلوة على 4 قطع متساوين
امبعد تحكمي بالوحدة وتفتحيها مليح وديريها اطيب واتكملي كامل هادوك الربعة ومالزمش تكثريلهم الطياب باش مايجوش يابسين
كي تكملي انروحو للكريمة
ناخد اكثر شوية من نص ليترا حليب وانحطلها بارد في بارد 4مغارف كبار مايزينة و5مغارف سكر و2 حبات قارص مسكرفجين ومعصورين وصفار حبة بيض ولفاني و2 مغارف كاكاو وانحطهم يطيبو فوق النار كي يعقدو شوية نحيها واحطيلها مغرفة صغيرة زبدة باه ماديرلكش الطبقة من الفوق واغطيها شوية امبعد احكمي الطبقة الاولى ديريلها الكريمة والثانية والثالثة فقط والرابعة ديري باطة تاع شيكولا واديري فيها باطة بتيس ويس صغيرة واخلطيهم ايلا شفتيهم عاقدة زيديلها شوية حليب ماتكريش ومن الفوق ديريلها النواد كوكو وهاد الحلوة ما تقطعيهاش تمتم لازم اتبات باه تقدري اتقطعيها لالالالالالالالالالالالالالالالالالازم اتبات باه اتقطعيها راني نوصي فيك حبيبتي وشهية طيبة

بريق الامل& · 2014-04-12, 16:42

رفيس قسنطيني

fadoula fcb · 2014-04-12, 16:59

هذو بعض حلاوياتي خدمتهم اليوم صابلي ام اماني
وجلجلانية وحلوة تاج

[IMG]https://s*******-b-mxp.xx.fbcdn.net/hphotos-prn2/t1.0-9/10168046_274148069429724_3565049454752801331_n.jpg[/IMG]

[IMG]https://s*******-b-mxp.xx.fbcdn.net/hphotos-prn2/t1.0-9/10168046_274148069429724_3565049454752801331_n.jpg[/IMG]

[IMG]https://s*******-a-mxp.xx.fbcdn.net/hphotos-prn2/t1.0-9/1477485_274146649429866_5333979194872224741_n.jpg[/IMG]