يوميات عضوة

[ام عبودة]

المشاركة الأصلية كتبت بواسطة نخله.

صباح النووووووووووووووور

بصحتك التحويسه ام عبووووده واشبعي حوت لهيه هههههههههههه انا نحب نروح علاجالو مكراشه سيرتو هنا ما يلحقش الجديد وما نحبش الكونجلي

انا ما نحكيلكمش هاذ الايام راني كسوله ونفشلكم بصح ما تبعونيش انا راهو ظهري مدقدق

تهلاو في رواحكم

الله. يصبح بالخير
والله يسلمك والحوت ندير فيه رايي على الزعاف شفتي بلاد راجلي اللي ابعد منا وتلحق فيها الكروفات والمارلون واحنا من غير السردين ومراات البوقا ولا الروجي البارح في العشاء كلينا سلاد دو بولب وكروفات وسوب تاع الحوت ومارلون بالدرسة وروجي والبنة مانحكيليكش
انت الوحم والًربيع الله يحسن عونك حنونة

[amina nourhanne]

المشاركة الأصلية كتبت بواسطة ام عبودة

الله. يصبح بالخير
والله يسلمك والحوت ندير فيه رايي على الزعاف شفتي بلاد راجلي اللي ابعد منا وتلحق فيها الكروفات والمارلون واحنا من غير السردين ومراات البوقا ولا الروجي البارح في العشاء كلينا سلاد دو بولب وكروفات وسوب تاع الحوت ومارلون بالدرسة وروجي والبنة مانحكيليكش
انت الوحم والًربيع الله يحسن عونك حنونة

بصحتكم الزينة مليح ساعات الواحد يبدل جو و الله المورال يطلع بصح شفتي السخانة تقول رانا في ماي

[amina nourhanne]

حقا مادامك هنا ما نعرف ادا روحتي لابغادغي تاع درارية فيها pas mal de chose سورتو حوايج الدار و دوزان الحلوى و الماعن

[ياسمين1990]

السلام عليكم
بصحتك اختي ام عبودة التحويسة والحوت
شفتي جمال بلادنا والتنوع ما شاء الله عليه رب يحفظها من كل شر من الصحراء ورمالها والجبال وغاباتها والبحر وجميع انواع الحوت
حتى انا خرجنا يوم السبت في تحويسة حتى وصلنا الى تيبازة نهار كامل حتى لعشيا دخلنا ما شاء الله عروسة الوسط ياسلام لوكان عندي الوقت ونحوس في بلادي كل مرة في ولاية روعة
ونتعرف على عادات وتقاليد كل منطقة ان شاء الله
بالمناسبة اختي امينة اذا ممكن تقولينا على اماكن تواجد الالبسة في العاصمة هكذا منبقاوش ندوروا ويضيعنا الوقت
اختي نخلة بشوية عليك الخدمة متخلاصش والانسان لازم يحاذر على نفسه
شكرا سلام

[ياسمين1990]

شششششششششششكررررررررررررااااااااااااا

[نخله.]

اللبسه انا نروح للبليده سوف تاعهم يعجبني خير من تع الدزاير فالسومه واللي يحب اللوكس العاصمه

[نخله.]

https://www.djelfa.info/vb/showthread.php?t=1550214

[نخله.]

هبلني

[ام ياسمين10]

وين راكم يا شاطرات........

[amina nourhanne]

رانا هنااااااا ههههه

[amina nourhanne]

مساء النور الزينات اماكن الألبسة شخصيا المارشي تاع عين بنيان تلقاي فيه بزاف les occasion كاين مونتوات لي راهم a la mode لي جايين كي شغل دودون ماتلاسي لقيتهم في ساحة الشهداء 5000da في المارشي يديرو 4000daوينقسلك هدا مثال في دررارية الحوانت غاليين مي المارشي و لابغادغي تلقاي الحاجة اقل كيما مواعن الدار و حاجات الحلوى لي مول هادو لقيتهم رخاس في درارية مقارنة مع الابيار و عين بنيان و حتى ساحة الشهداء و لي يقدر يروح لباش جراح اcentre commercial حمزة يبيعو حاجات بزاف رخاس ماشي كلش bien sur مي تلقاي les occasion كاين تاني الحوانت في باب الواد يبيعو ارخس من المناطق الاخرى اما المارشي تاع بليدة باب الرحبة رحتلو كي كنت تجهز (عندى عام ونص ملي تزوجت) يبيعو غالي و تاني نفس السلع لي كاين في العاصمة كاين واحد يبيع القماش مليح النوعية و التنوع المهم ادا كاش ما زدت تفكرت راني نولي سلام حبيباتي

[ام عبودة]

السلااااام عليكم راني وليت من قلب الحدث داااري
يا سلااااام نخلة بيني وبينك والله ما نريح غير هنا انا نموت على غواطنا نروح لكل البلايص ويعجبوني بزاااف بصح راحتي نلقاها هنا
راهو راسي يزف يزف تقول كنت في عرس ماااينا ماااينا للناس كيفاش عايشة بصح قوليلي واالفو باش تروحي تتغدي ولا تتعشي تضربي زوج سوايع ويا حليلي من الزحمة تاع الطريق

[ام عبودة]

امونة واش راكي راني ودعتم بااااي
انا صراحة كي ندخل لي سونتر نقعد غير نتمحن في صوالح الدار على خاطر راجلي يحلفلي من الطريق يقولي اشري واش تحبي غير الصوالح الثقيلة وتاع الزجاج انسيهم بصح ان شاء الله كي نبدا نجهز في داري تاع الدزاير نبرد قلبي فيهم
المهم الصباح غير نظت صليت وجدنا رواحنا باش نهبطو نتقهو خلينا ماهر راقد في لا شومبر في بالنا ثمثم نرجعو والله عير بالزربة انا طلعت وقلبي يخبط على بالي يخرج مزية ما عندو وين يروح لي بالكون مغلوقين ايا نسمع في يبكي والله غير وليت شاكة في غرفتنا حتى خرجتولي واحدة من تاع التنظيف قالتلي هذا ولدك ؟؟؟؟؟؟ وغير شافني حظني
خملنا صوالحنا وهبطنا وقعد راجلي يروح منا ومنا يكمل في اشغالو روحنا لبليدة فطرنا في سونتر وشريت صوالح للاولادومن بعد حرجنا لحقنا مع 8
تعشينا وقعدت نرتب في الحالة ووجدت الحوايج للغسيل غدوة باذن الله
والان الى النوم غدااا نلتقي

[نخله.]

ام عبوده على سلامتك لقواط نورت بيك

يعطيك الصحه جبتي وكملتي صوالحك انا ملي ضنيت وليت نتعب ملفواياج نجي طوووووووووووول نرقد للصباح

مللي كمن عازبه نروح بالكار تع 12 تع الليل نلحق صبا ح بكري وندرو على شحال من سوق مرات حتى نرجع في نهاري ونصبح نقرا فالجاميعه

و ذوك راجلي يروح ويرجع في نهارو ما نقدرش نتعب نولي نحوس على السبه باه ما نروحش معاه بصح يغيضني وحدو ويحب التانيسه فالطريق نقول خير من يدي معاه واحد من صحابووووووووووو نغير ههههههههه

[amina nourhanne]

المشاركة الأصلية كتبت بواسطة ام عبودة

امونة واش راكي راني ودعتم بااااي
انا صراحة كي ندخل لي سونتر نقعد غير نتمحن في صوالح الدار على خاطر راجلي يحلفلي من الطريق يقولي اشري واش تحبي غير الصوالح الثقيلة وتاع الزجاج انسيهم بصح ان شاء الله كي نبدا نجهز في داري تاع الدزاير نبرد قلبي فيهم
المهم الصباح غير نظت صليت وجدنا رواحنا باش نهبطو نتقهو خلينا ماهر راقد في لا شومبر في بالنا ثمثم نرجعو والله عير بالزربة انا طلعت وقلبي يخبط على بالي يخرج مزية ما عندو وين يروح لي بالكون مغلوقين ايا نسمع في يبكي والله غير وليت شاكة في غرفتنا حتى خرجتولي واحدة من تاع التنظيف قالتلي هذا ولدك ؟؟؟؟؟؟ وغير شافني حظني
خملنا صوالحنا وهبطنا وقعد راجلي يروح منا ومنا يكمل في اشغالو روحنا لبليدة فطرنا في سونتر وشريت صوالح للاولادومن بعد حرجنا لحقنا مع 8
تعشينا وقعدت نرتب في الحالة ووجدت الحوايج للغسيل غدوة باذن الله
والان الى النوم غدااا نلتقي

على سلامتك الزينة شفتي شحال كاينة السيركيلاسيو في الدزاير؟ و الله ساعات نكرهو الخرجة غير منها تباتي في الطريق و نص الشهرية بنزين واش نديرو الله غالب!!!! الحمد الله لحقتي على ماهر وين تضمني les femmes de ménage الفندق فيه بزاف الدخلات الحمد الله لي تفطنتي إحساس الام !!! لعقوبة لتحويسة الجاية ان شاء الله