جيبي مشينتك و ارواحي .....سطايفيه

[stayfiya]

المشاركة الأصلية كتبت بواسطة dalila setif

مساء الخير يا سطايفية ربي يخليك وين تسكني كيفاه نتصل بيك

هههه لا كشما جبتيلي خطاب خخخخخخخخ

المشاركة الأصلية كتبت بواسطة ام رضاالله

سلامحبيت نسال اذا كاين بياسة تدير الزيقزاق والا السوغفيلاج نقدر نشريها للمشينة العادية اللي عندي واش اسمها لبياسة

ياختي لبياسه هاذي كاينه بصح راهي ماعندناش لوريجينال قلي الخدام اشري مشينه سورجي ب500نلف و ماتركبيس لباسة هاذي و تفسدلك مشينتك ماهيش غاليه

[ام إثري]

المشاركة الأصلية كتبت بواسطة ام رضاالله

سلامحبيت نسال اذا كاين بياسة تدير الزيقزاق والا السوغفيلاج نقدر نشريها للمشينة العادية اللي عندي واش اسمها لبياسة

واش عندك مشينة اختي
هذي الرجل لي دير الزيقزاق ولا السورفيلاج بصح انا جات مع المشينة ماشريتها وحدها
اذا امكانياتك تسمحلك اشري سورجي خير يفيني خير



هذي الرجل ديرلك هكا الحاشية

[guits]

ا

لسلام عليكم راني حبيت نسقسي اختي سطايفية وجميع البنات اللى عندهم خبرة فى المشينات تدبروا عليا اشكون من المشينة اللى خير مع العلم اني منعرفش انخيط بهذه النوعية و هذه اول مرة راح نشريها قالولى كاين اثنين واحدة
11000.00دج
صورتها


الثانية ب15000.00دج




بسرعة الله يحفظكم

[عيدة نور الهداية]

السلام عليكم
في الحقيقة اول مرة ندخل لمنتدى الخياطة ونشوف
والله عندكم روح عالية جدا ومرحة وشاطرات بسلامتكم وعجبتوني بزاف ,,,,,,,,,,,وان شاء اله نولي ديما ندخل نضرب طلة عليكم باش نعاندكم وندير القلب .........................في خصوص حكاية المشينة والدتي ربي يحفضهالي شراتلي مشنة معلباليش اسمها .........راني نصورهالكم ان شاء الله بصح تشبه في تع وحدا دارت صورتها طابلتها تع حطب ,,,,,,,بصح ابدا مخدمتش بيها لانني منعرفش نخيط للاسف وراها قاعدا مشبحتلي الغرفة برك .................ان شاء الله نتعلم من عندكم وتساعدوني باش نتعلم الاشياء الاولية باش نبدى نخدم
تحياتي لكن وشكرا على مجهوداتكم يارائعات

[amel4star]

مساء النور لبنات.. الحمد لله لقيت حل لمشكل تقطع الخيط.. راح نهبل نهار لول مشينة غالية و هبلتني.. لكن الحل لكل الاخوات اللي اشتكاو من تقطع الخيط نقوللكم واش قالي le reparateur انو اول شي لازم الخيط يكونم كبة كبيرة.. تاني حاجة لبنات اذا كانت ماشينتكم تخيط غير دروات لازم تكون سن الابرة نحو اليمين اما اذا كانت تخيط زيقزاق و دروات لازم تكون الابرة موجهة مباشرة نحو الامام

[stayfiya]

المشاركة الأصلية كتبت بواسطة ام إثري

واش عندك مشينة اختي
هذي الرجل لي دير الزيقزاق ولا السورفيلاج بصح انا جات مع المشينة ماشريتها وحدها
اذا امكانياتك تسمحلك اشري سورجي خير يفيني خير



هذي الرجل ديرلك هكا الحاشية

لا لا ام اثري ماشي قدي علًى الرجل كاين بياسه تلصق في رجل المشينه الدورات تعمل السورفيلاج مالقيتش صورتها

[stayfiya]

المشاركة الأصلية كتبت بواسطة guits

ا

لسلام عليكم راني حبيت نسقسي اختي سطايفية وجميع البنات اللى عندهم خبرة فى المشينات تدبروا عليا اشكون من المشينة اللى خير مع العلم اني منعرفش انخيط بهذه النوعية و هذه اول مرة راح نشريها قالولى كاين اثنين واحدة
11000.00دج
صورتها


الثانية ب15000.00دج




بسرعة الله يحفظكم

انا مجربه نخدم بالاولي سوبر زيقزاق مليحه و حتى الثانيه سقصيت الخدام قال مليحه زيدي سقصي نتي مولاهم هو ينصحك اكثر لانو هو يعر ف ويناهي لي بياسها متوفر في السوق اكثر

[stayfiya]

المشاركة الأصلية كتبت بواسطة عيدة نور الهداية

السلام عليكم
في الحقيقة اول مرة ندخل لمنتدى الخياطة ونشوف
والله عندكم روح عالية جدا ومرحة وشاطرات بسلامتكم وعجبتوني بزاف ,,,,,,,,,,,وان شاء اله نولي ديما ندخل نضرب طلة عليكم باش نعاندكم وندير القلب .........................في خصوص حكاية المشينة والدتي ربي يحفضهالي شراتلي مشنة معلباليش اسمها .........راني نصورهالكم ان شاء الله بصح تشبه في تع وحدا دارت صورتها طابلتها تع حطب ,,,,,,,بصح ابدا مخدمتش بيها لانني منعرفش نخيط للاسف وراها قاعدا مشبحتلي الغرفة برك .................ان شاء الله نتعلم من عندكم وتساعدوني باش نتعلم الاشياء الاولية باش نبدى نخدم
تحياتي لكن وشكرا على مجهوداتكم يارائعات

اهليين ختي مدام مازرتيناش من قبل راكي راطيتي بزااف ههه هنا تلقاي لفحلات لي قد اللسان قد الذراع هههه نهدرو و نخدمو خليك معانا راح تستفادي اكيد بالنسبه لمشينتك زيتيها و امسحيها مليح و حركيلها الموتور ههههه ياسيدي ديري روحك راكي تعملي في رياضه سبور يعني و اتمرني رايحة جايه حتى تتعودي من بعد لفصاله ساهله

[stayfiya]

المشاركة الأصلية كتبت بواسطة amel4star

مساء النور لبنات.. الحمد لله لقيت حل لمشكل تقطع الخيط.. راح نهبل نهار لول مشينة غالية و هبلتني.. لكن الحل لكل الاخوات اللي اشتكاو من تقطع الخيط نقوللكم واش قالي le reparateur انو اول شي لازم الخيط يكونم كبة كبيرة.. تاني حاجة لبنات اذا كانت ماشينتكم تخيط غير دروات لازم تكون سن الابرة نحو اليمين اما اذا كانت تخيط زيقزاق و دروات لازم تكون الابرة موجهة مباشرة نحو الامام

ياختي هاذيك ف لماشن تاع بكري اما ضك راه كاين repère كي دخلي لبرا يبانلك وزيد انا عندي زوج ماشينات الصغيرة الخيط يدخل بكوتي و فها الزيقزاق و الطرز بلي بوان و الثانيه ادوستريال دروات و زيقزاق و الخيط يدخل اونفاس المهم الوحدة تتوله لاتجاه الابرة و الجهة المقعرة هي لي تكون على برى باش تساعد مسار الخيط

[stayfiya]

المشاركة الأصلية كتبت بواسطة سمية محمد عطية

صباح الخير لكل اخواتى
رانى حابة نشري ماكنة طرز بالكمبيوتر رانى وجدت مودال عجبنى بزاف

https://www.google.dz/url?sa=i&source...92365758393084

حابة نسال اذا موجودة في منطقة الشرق الجزائري والاماكن او الشركات التى تبيعها ارجوكم ما تبخلوش عليا ربي يجازيكم ويحقق لكم احلامك

https://files.fatakat.com/signaturepi...ic783735_1.gif

ختي كنت وعدتك نجيبلك لا كارت
هاهي بالتوفيق

[meriem ma vie]

اختي سطايفية انا مشينتي سوبر زيقزاق الي في الصورة الاولي نتاع الاخت guits ياريت تشرحيلنا عليها شوي و كيف استخدم زيقزاق الي موجود في السطر الثاني

[ياسمين1990]

سلام عليكم
اختي السطايفية اني درت برايك وشريت المشينة من عند المرة ولكن ماعندها حتى بياسة غير نتاع الزيقزاق لي تتركب
في بلاصت السنان يعني اذا كاين ليبياس نتاعها في السوق واش نزيد نشريلها وكيفاه نخدم بيهم نوع المشينة هي فلينق مان ملاحظة اختي كي نشعلها يدير صوت في الموتور نتاعها هذا عادي ولا ما ش عادي
معليهش اسمحلي اختي معنديش لينسقسيه غير انت
وسؤال اخر اذا ممكن اذاكان هذا النوع من الماشينات يدير الحرج واش من نوع وين يتركب من فوق ولا من تحت
ونوع الابر لي يصلحلها وكاين ثقوب فيها هدوك خاصين بالزيت كامل ولا محددين واشحل من مرة نحطلها الزيت ومن بعد كي نزيد نتفكر نزيد نكتبلك لان معندهاش الكاتلوق نتاعها قالتلي غبرلها وانا اول مرة نستعملها وشكرا وربي يعطيك ما تمناه وان شاء الله تكون افادة للاخوات

[فراشات العمر]

السلام عليكم
ربي يعينك ويكتبلك في كل خط حسنة راكي تتعبي معانا بزاف
المهم روحتي ولا مازال على البوتون لي قلتيلي عليه والله يا المشينة مازدت مسيتها من ذاك النهار

[faiza2008]

الاخت السطايفية قصدك على هذا

[guits]

شكرا الاخت سطايفية على ردك بخصوص المشينة ورانى سقسيت عليها قالولى قارنتى عام واذا خسرت هو يخدمها و بالمناسبة هو نفسه انتاع باتنة صاحب الكارت اللى حطتيها فى الصورة ورانى شريتها اتخيط امليح ودير الزقزاق ولكن معرفتش نخدم بيها السرفيلاج ياريت اتكملى خيرك وتوريلنا كيفاه وربي يجزيك كل خير