|| ^_^== موضوع خاص بطلبة البكالوريا الجدد 2013 المقبلين على التسجيلات الجامعية ==انتم تسالون ونحن نجيبكم باذن الله==^_ - الصفحة 16

* عبد الجليل * · 2013-07-03, 09:47

اقتباس:

المشاركة الأصلية كتبت بواسطة kaka9999

معدل 10.50 علوم تجريبية
وش يعطيوه من تخصصات ؟
جامعة مسيلة
اعطيني جميع خيارات متاحة حاليااااااااااااااااااااااااااااا

اولا وقبل كل شي اهنئك بالباك الف مبرووووووووووووووووووووك والعقوبة للشهادات العليا ان شاء الله
انا نقولك جميع التخصصات الموجودة في جامعة المسيلة مي على حساب معدلك شوف هوما واش يقدروا يعطوك
معدلك لاباس به مليح خير من والوا شوف كاين تخصص تكنولوجيا / علوم المادة / رياضيات واعلام الي / علوم الطبيعة والحياة / علوم الارض والكون / تسيير التقنيات الحضرية / علوم اقتصادية التسيير وعلوم تجارية /حقوق تاني مليحة اخي الكريم / علوم سياسية / علوم انسانية / علوم اجتماعية / ادب عربي قولي انت درك واش راك حاب تقرا هاكا نقدر ننصحك

* عبد الجليل * · 2013-07-03, 09:51

kaka9999 · 2013-07-03, 09:56

نحوس على تخصص لاباس بيه
يعتمد على علوم وليس فيه رياضيات لاني ضعيف فيها
المهم اذا كملت ونجحت في تخصص للماستر وش زعما يخرجني

* عبد الجليل * · 2013-07-03, 10:18

اقتباس:

المشاركة الأصلية كتبت بواسطة kaka9999

نحوس على تخصص لاباس بيه
يعتمد على علوم وليس فيه رياضيات لاني ضعيف فيها
المهم اذا كملت ونجحت في تخصص للماستر وش زعما يخرجني

ايييه اخي كلها فيها موديلات حسابات وشوية رياضيات

انصحك بعلوم اجتماعية او ادب عربي اذا كملت الماستر ممكن تلقى الخدمة على ربي ان شاء الله

ايااا خويا قولي واش رايك

jihanne · 2013-07-03, 10:23

ديرو اقتصاد

scinces economique

قراية ساهلة ماهلة و فيها لخدمة تطااايششششششششششششششش و ب10 لمعدل

jihanne · 2013-07-03, 10:24

biologie تاني مليحة ب 10 فرات

و تاني ساهلة و فيها لخدمة

jihanne · 2013-07-03, 10:25

droit
قالك اقرا droit و عيش roi
ب 10 تاني هه فيها غير لحفاظة

* عبد الجليل * · 2013-07-03, 10:29

شكرا لك اخت جيهان على دعمك
حقوق مليحة مي تستحق ناس اللي يحفظوا ويركزوا فيها ملييييييييييييييييح

safia2 · 2013-07-03, 10:35

slm ana nekra les langues (espnol) w dit bac b 11.77 ma3raftch ga3 wach ghadi nekra goulou lah yahfadkoum apar francais w engli w spanol wach negder ndir

العصفورة 29 · 2013-07-03, 10:43

السلام عليكم .. موضوع رائــع و مميز جاء كطوق نجاة لنا

المهم حكايتي حكاية كنت نستنى معدل أكثر مـن 15.50 لقيتو 11.99 و انا علوم تجريبية حتى لليوم راني ننطق من لاصدمة لي وقعت فيها ولكن الحمد لله كي تلقى قسم كامل خسر بالي يقرا بلي مايقراش الحمد لله على كل حال رغم اني نشوف انو تعبي و سهري راح هباء منثــورا

الأحلام الي بنيتها كانت بدخولي المدرسة العليا للاساتذة تخصص إنجليزية أو فرنسية بما انني اجيدها تبخرت بهذا المعدل رغم انو داخلي يبحث عن بصيص أمل يقول لي ان معدلات القبول ستتراجع و عقلي يجيب انه من المستحيل قبولي بمعدلي .

أطلـت الحديث .. أريد النصح في مجال الإختيار حتى يرتاح قلبي و يتسنى لي تذوق حلويات أمي و قد سمعت عن مدرسة صحافة و علوم إعلام او شيء من هذا القبيل ايمكنها أن تنقذ حيرتي ؟ و ايضا سمعت بمدارس تحضيرية لا أعلم ماهي ؟؟ و إن كانت هذه الإختيارات لا تلائــم الـ 11.99 الي تحصلت عليها فبماذا تنصحوني إخوتي الكــراآآم ؟ حيث لا أحبذ الدراسة بمدينتي - معسكــر - فلهذا ابحث عن تخصصات خارجها ؟

استسمحكم عذرا لكثرة كلآمي .. و شكرا لمجهوداتكم القائمة في سبيل إسعاد إخوتكم الطلبة .. جعله الله في ميزان حسناتكم ..

الحمــد لله

~ فَرْشِـي التُّـرَآبـْـ ~ · 2013-07-03, 10:49

السلام عليكم
ديت الباك بمعدل 12.87 شعبة علوم تجريبية واش تنصحوني ندير ؟؟ للعلم مانيش حابة لا st لا sm لا mi عع
واش رايكم في تخصص أدب ولغة إنجليزية ؟؟ مليح ؟؟ واش نقدر ندير بيه فالمستقبل ؟
وواش رايكم في urbanisme ؟؟ وبيولوجيا ؟؟
وماعدا هاد التخصصات واش تنصحوني ؟؟

والله راني محتارة مالقيتش واش ندير المعدل صدمني عاونوني

* عبد الجليل * · 2013-07-03, 10:51

اقتباس:

المشاركة الأصلية كتبت بواسطة safia2

slm ana nekra les langues (espnol) w dit bac b 11.77 ma3raftch ga3 wach ghadi nekra goulou lah yahfadkoum apar francais w engli w spanol wach negder ndir

الف مبروووووووووووك عليك النجاح
شوفي كاين تخصصات كاللغات اللي ذكرتيها مي ننصحك اسبانية / انجليزية ملاح /ادب عربي مي اخطيك راهم كامل دايرين ادب وقاعدين
اسبانية تخصص رائع ماتنسايش اساتذتها راهم قلال امالا ديريها راها ساهلة كاين مثلا في وهران
وربي يوفقك

la_safa · 2013-07-03, 10:53

الحمد لله ديت البآكـ بمعدل 16.10 علوم تجريبية ..
في رآيكم انآ نحب الصيدلة لأني نميل للفيزيآء و الريآضيآت على العلوم ..
و بدوري نكره الحفآظة .. يعني الصيدلة ملآئمة أكثر من الطب !!

* عبد الجليل * · 2013-07-03, 10:58

اقتباس:

المشاركة الأصلية كتبت بواسطة العصفورة 29

السلام عليكم .. موضوع رائــع و مميز جاء كطوق نجاة لنا

المهم حكايتي حكاية كنت نستنى معدل أكثر مـن 15.50 لقيتو 11.99 و انا علوم تجريبية حتى لليوم راني ننطق من لاصدمة لي وقعت فيها ولكن الحمد لله كي تلقى قسم كامل خسر بالي يقرا بلي مايقراش الحمد لله على كل حال رغم اني نشوف انو تعبي و سهري راح هباء منثــورا

الأحلام الي بنيتها كانت بدخولي المدرسة العليا للاساتذة تخصص إنجليزية أو فرنسية بما انني اجيدها تبخرت بهذا المعدل رغم انو داخلي يبحث عن بصيص أمل يقول لي ان معدلات القبول ستتراجع و عقلي يجيب انه من المستحيل قبولي بمعدلي .

أطلـت الحديث .. أريد النصح في مجال الإختيار حتى يرتاح قلبي و يتسنى لي تذوق حلويات أمي و قد سمعت عن مدرسة صحافة و علوم إعلام او شيء من هذا القبيل ايمكنها أن تنقذ حيرتي ؟ و ايضا سمعت بمدارس تحضيرية لا أعلم ماهي ؟؟ و إن كانت هذه الإختيارات لا تلائــم الـ 11.99 الي تحصلت عليها فبماذا تنصحوني إخوتي الكــراآآم ؟ حيث لا أحبذ الدراسة بمدينتي - معسكــر - فلهذا ابحث عن تخصصات خارجها ؟

استسمحكم عذرا لكثرة كلآمي .. و شكرا لمجهوداتكم القائمة في سبيل إسعاد إخوتكم الطلبة .. جعله الله في ميزان حسناتكم ..

الحمــد لله

اولا نقولك

مرحبا بيك في منتدى الجلفة ومرحبا بناس معسكر متشرفييييييين

ثانيا

مبرووووووووووك عليك الباك

ماتقلقي روحك ماوالوا

الحمد لله البركة في القليل مزية جبتي باك تاعك خير من والوا والله

انا العام اللي فات كنت طامع في 16 وجبت 12 ماعليش ربي ماكتبش مي الحمد لله على كل حال

كاين الغات كالفرنسية والانجليزية / الصحافة ماشكيتش يعطوها للعلميين مي ان شاء الله تكون من نصيبك / علوم اواااه معدلك مايسمحش شوفي

ديري وحدة من اللغتين وربي يوفقك ويكون معاااك

* عبد الجليل * · 2013-07-03, 10:59

اقتباس:

المشاركة الأصلية كتبت بواسطة la_safa

الحمد لله ديت البآكـ بمعدل 16.10 علوم تجريبية ..
في رآيكم انآ نحب الصيدلة لأني نميل للفيزيآء و الريآضيآت على العلوم ..
و بدوري نكره الحفآظة .. يعني الصيدلة ملآئمة أكثر من الطب !!

ايييه خير مااخترتي ديريها صيدلة وتوكلي على ربي ان شاء الله ربي يوفقك فيها