تقرير مصور عن معهد الشبه طبي بالمسيلة لطلاب ولاية البرج و المسيلة

[بلسم غرام2018]

الى عندك مديلنا لانو انا تاني كيفك

[عماد ياسر]

درنا كونطرول واحد برك في لآناطومي عرف كذا و اعطي مراحل كذا

يعني حفاظة 100/100

[بلسم غرام2018]

شكرا عماد لكن الاناتومي مدارولكمش الشيما وقالولكم عمروها
واسكو عقبتو تاست ولا الكونطرول اصلا

[عماد ياسر]

المشاركة الأصلية كتبت بواسطة بلسم غرام2018

شكرا عماد لكن الاناتومي مدارولكمش الشيما وقالولكم عمروها
واسكو عقبتو تاست ولا الكونطرول اصلا

لالا مكاش .. غير وصف و تعريف
هي نورمالمو كاين كونطرول فينال .. قالنا ندير 3 تاست نجمعهم و نقسم على 3
باه لي ماخدمش في لول يخدم في التااني ...

مي ضرنا شوية بتاع حفاظة كلش ..

+++

[بلسم غرام2018]

الله غالب احنا لبروف قالنا لتاست هوما تاع اtp قالنا ارسمو السكولات كيما راها ومزال اعمال اخرى والله تعب والي ميعرفش يرسم يحصل

[la star31]

المشاركة الأصلية كتبت بواسطة sari13

ايه لازم تخدم 3 سنين كخدمة وطنية حق ما قراوك ولا تحب تدي كلش بالساهل؟؟
بعد 3 سنين دير ديتاشمو معناها تخلص الراتب نتاعك و تكمل قرايتك بلا ما تخدم حتى تدي الماستر
راك قلتها بفمك هادوك اللي راك تشوف فيهم في السبيطارات ما قراو ما عندهم نيفو ما تقارنش روحك بيهم
كي تولي تخدم اثبت مكانتك و افرض شخصيتك
و زيد فوق هذا البروغرام نتاعنا مختلف كليا على البروغرام القديم و ثاني كاين دي موديل عندنا ماكانوش يقراوهم اللي قبلنا
سيرتو كي داروه سيستام lmd الشهادات اللي تتحصل عليها ماشي كيفكيف من بين اللي دارو هذا البروغرام مدير المعهد نتاعنا و 4 أساتذة من عندنا هوما شرحولنا كلش قبل ما نبداوا القرايا
و قالونا وش راكم تقراو كلش جبناه من البروغرام تع فرنسا و كندا
أي استفسار أنا في الخدمة

....أختي وشكون قالك لpروقرام مختلف؟؟؟...كيما في الأناتومي لpروقرام هو نفسوا 100/100 نفس الدروس و حتى نفس ليشاpيتر كلش كيف كيف....مام باقي المواد تاني كيف كيف بدلولنا المعاملات تاوعهم برك كيما السونتي pوبليك بكري كان معامل 1 دك قلبوها 3 هذوا هوما التغييرات و اذا ما صدقتينيش روحي جيبي الدروس من عند الدفعات ألي فاتوا و و قارني و رديلنا لخبر....

بكل صراحة رانا فأران تجارب كيفاه أحنا في بداية السنة جاونا تاع الوزارة هادوك و قالولنا كاينة أناستيزي و كاينة pيريكولتريس و دك عادوا مكانش؟؟ يعني هوما في حد ذاتهم ما همش فاهمين....يعني رانا فأران تجارب و خلاص....

حتى و راه سيستام lmd يخي رانا نخرجوا كيفنا كيف ألي فاتونا كامل نكونوا سلم 11...نسلكوا نفس السلاك و نخدموا نفس الخدمة و يدنقوا لينا بنفس الطريقة كامل.....

واشمن بروغرام فرنسا و كندا أنا مانيش فاهمة ...أسكوا ماهمش فاهمين بلي رانا في الجزائر يعني قد السماء باينة بلي بروغرامهم هذا احتمال 75/100 راح يفشل....حقا أحنا يقراو معانا PوB ما يفرقوش بيناتهم؟؟استغفر الله غير كيما قال عماد كاينين لا علاقة بالفرونسي أسمايهم ما يعرفولهمش.....
مي تلقاهم هوما ألي ينجحوا لأنم يعتامدوا على لحفيظة الببغائية ... و هانا شفناهم في الكونترول لول تاعنا دارلنا حفيظة 100/100 و داو علامات روعة و حنا قعدنا لأنوا ماناش مالفين نحفظوا ...

المهم الله غالب ...

[بلسم غرام2018]

نفس المشكل لحفاظة اوففففففففففففف انا علمية ومولفتش نحفظ

[la star31]

المشاركة الأصلية كتبت بواسطة sihem lol

salam plaes li 3andah les sujets des examins ya3tihomli bah na3ref kifah ycono fi 9a3 les modul w rabi yjazikom

أنا عملنا غير أناتومي...و سوجي كان حفيظة 100/100....اذا لقيتوا هاني نحطلك الأسئلة..

[sari13]

ah hadi hiya 9rayetna hfada
ro7o chofo les medcins wech rahom ysoufriw
hna derna cytologie w terminologie et examen pratique soin de base bessah ktebna 3la sujet loukan rani hatithom
w smana ldjaya 3andna
remidiation languistique
santè publique et soin de base examen tèorique
جاو كامل ضربة وحد ربي يستر

[عماد ياسر]

المشاركة الأصلية كتبت بواسطة sari13

ah hadi hiya 9rayetna hfada

جاو كامل ضربة وحد ربي يستر

ربي يجيب الخير برك

**

ايمان و الله ياالـ b و الـ p هههههههههههه

[حمودة القديدي]

*حبيت نوضح وجهة نظري للشبه طبي*
أظن
هاذي هي الدراسة

دعنا لا نتحجج ونضع لأخطائنا أعذار تافهة وهدا لكسلنا..
1- أولى اسس العلم الذاكرة القوية
نشوفو دكاتره وباحثين (شبه طبي) من فرنسا من كندا ناجحين ومؤلفين كتب وبحوثات ومؤسسي علوم.. كلهم كانو يفهمو بلاما يحفظو؟ 99% من علم الشبه طبي *حفاظه* ---- ادا كنا نخممو باش نفهمو.. ورانا علميين.. و..و.. هدا يعني اننا نريد الوظيفة فقط وهدا تفكير سلبي وخاطئ ..انا دخلت الباراميديكال بش نعمر راسي مش بش نتكاسل (نفهم برك).
2- النظام الجديد يعتمد على البحث العلمي اكثر من انك تفهم الدروس يعني مجهودك هو مقياس عملك واجتهادك ونجاحك ..يعني لازم نخممو في دراسات عليا لان الفرصة اتيحت ولاول دفعة .. يعني نسبة النجاح عالية

--صرااحة الأيام الأولى كنت تائه ونادم على هدا التخصص لكن الحمد لله وجدت طريقي وأتمنى أن تحبو هدا التخصص ... وكلامي كله كان مجرد وجهة نظر لم أهاجم أي شخص --

[بلسم غرام2018]

[la star31]

المشاركة الأصلية كتبت بواسطة sari13

ah hadi hiya 9rayetna hfada
ro7o chofo les medcins wech rahom ysoufriw
hna derna cytologie w terminologie et examen pratique soin de base bessah ktebna 3la sujet loukan rani hatithom
w smana ldjaya 3andna
remidiation languistique
santè publique et soin de base examen tèorique
جاو كامل ضربة وحد ربي يستر

ربي يعاونكم ....كي تديريهم قوليلنا طريقة الأسئلة ألي عملتوها...

المشاركة الأصلية كتبت بواسطة عماد ياسر

ربي يجيب الخير برك

**

ايمان و الله ياالـ b و الـ p هههههههههههه

االـ b و الـ p و الله ساعات كي نشوفهم يغلطوا فيهم نتكودا في راسي ..

[la star31]

أخي
حمودة القديدي

هاذي هي الدراسة

دعنا لا نتحجج ونضع لأخطائنا أعذار تافهة وهدا لكسلنا..

لالا يا أخي ماهيش هذي ي الدراسة...أحنا كنا فاهمين بما أنها شبه طبي راح تكون دراسة علمية...للأسف دك رجعنا نشوفوا فيها دراسة أدبية لأننا نحفظوا برك بدون فهم

1- أولى اسس العلم الذاكرة القوية **أنا معاك في هذي**
نشوفو دكاتره وباحثين (شبه طبي) من فرنسا من كندا ناجحين ومؤلفين كتب وبحوثات ومؤسسي علوم.. كلهم كانو يفهمو بلاما يحفظو؟ 99% من علم الشبه طبي *حفاظه* ---- ادا كنا نخممو باش نفهمو.. ورانا علميين.. و..و.. هدا يعني اننا نريد الوظيفة فقط وهدا تفكير سلبي وخاطئ ..انا دخلت الباراميديكال بش نعمر راسي مش بش نتكاسل (نفهم برك).

و الله يا أخي أنا حابة نفهم وين راك حاب توصل بينا...هل قصدك أنوا ألي يحفظ ذكي أكثر من ألي يفهم؟؟؟....بالنسبة للعمل نعم كان من أسباب اختيارنا للشبه طبي...لأنوا معدلاتنا كانوا طالعين في الباكالوريا و كانوا عندنا تخصصات مليحة في الجامعة *يعني الباراميديكال درناها بمعدلاتنا ماشي هوما ألي أشفقوا علينا و دارونا**هذا أول شيء...

زيد راك قلتها بفمك أنوا علماء الخارج يعتمدوا على الفهم لأنوا يا أخي الحفظ هو وسيلة فعالة لتثبيط التفكير.....نعم يا أخي أحنا علميين تعودنا أننا نفهموا و نخدموا عقولنا باه نلقاو الاجابات..أحنا ما تعاملناش من قبل مع هذه الطريقة التثبيطية في الدراسة...

و يا أخي وشكون ألي قالك ألي يفهم يتكاسل ؟؟؟..أنا نحلفلك أنوا جامي في حياتي حطيت كراس و حفظت دروس كاملة لكن رغم ذلك كنت دائما من المتفوقين و الحمد لله...و حتى في الاختبار الأول ألي عملولنا في الاناتومي واجهت صعوبة كبيرة في الحفظ و في الاجابة كانت اجابات كلها من راسي و التعابير أكل عاودتهملوا لأني من المستحيل أني نحفظ تعبير شخص آخر لكن بما أنوا علمي و منطقي فما عطانيش 0 لا بالعكس ديت المعدل و جاوبت على الأسئلة ألي فاهمتهم في الباك و هوما الميتوز و النقل الفعال و الغير فعال....كي كنت فاهمتم جاوبت عادي**....بكل صراحة الحفظ هو للمجالات الأدبية و أحنا رانا في الشبه طبي مجال علمي يدرس الانسان لازم تكسر مخك معاه...لكن عبد يعتمد على الحفيظة الببغائية بلا فهامة من المستحيل أنوا مرة أخرة يكون شبه طبي ناجح....لأنوا أكيد راح يتعامل مع الانسان الحي كيما الهيكل ألي حفظ عليه..



2- النظام الجديد يعتمد على البحث العلمي اكثر من انك تفهم الدروس يعني مجهودك هو مقياس عملك واجتهادك ونجاحك ..يعني لازم نخممو في دراسات عليا لان الفرصة اتيحت ولاول دفعة .. يعني نسبة النجاح عالية ...

نعم يعتمد على البحث العلمي و البحث العلمي يكون بالتوسع في الأفكار ياك؟؟...فهمني كيف راح تعمل بحث و تتوسع في الأفكار تاوعوا و أنت حافظهم ماشي فاهمهم؟؟؟....أحنا رانا نبذلوا في أقصى مجهودات باه نتسايروا مع طريقتنا الجديدة للدراسة و ان شاء الله ربي يجيب الخير...

--صرااحة الأيام الأولى كنت تائه ونادم على هدا التخصص لكن الحمد لله وجدت طريقي وأتمنى أن تحبو هدا التخصص ... ]وكلامي كله كان مجرد وجهة نظر لم أهاجم أي شخص --...

أنا شخصيا عكسك أخي في الأول كنت حابة هذا التخصص لكن يوم بعد يوم بديت نكره خاصة كي قالولنا على التخصصات المتاحة لينا كان من الأول فهمونا و خلاونا نقروا.....لكن ان شاء الله ربي شايفلنا فيها الخير..

نعم كل واحد فينا عندوا وجهة نظر....و يبقى ارضاء الناس غاية لا تدرك..

[la star31]

المشاركة الأصلية كتبت بواسطة بلسم غرام2018

بلسم غرام أختي لاه راكي تطيحيلنا في nv ؟؟

ههههههههههههــــ

و الله غير نعرفوا l'alphabet français