~ ~ ~طلباتكم مجابة بإذن الله ~ ~ ~

[إلهام07]

المشاركة الأصلية كتبت بواسطة وزة

صباح الانوار علي الوجه الطيبة
راني كل ما نحصل نرجع ليكم باه تسلكوني
عندي مشكل في كريم كراميل ما يجي يطيب في الفور حتان يتحرق من فوق
واش هو الحل في نضركم وبالاحري وين المشكل
لعندها فكرة متبخلنيش
جزاكم الله كل الجزاء

عزيزتي الكرام كاراميل نديرو بزاف وعمرو لا يتحرق راهو مايطولش يطيب في 40د حتى 1 ساعة على حساب راسحة ديري في مول كبير او في أكواب فردية يعني ماتخليهش يطول بزاف
ثانيا درجة الحرارة نحطوه في حمام مائي يطيب على 180° وعسيه كي تشوفي الحواشي رجعو لون برتقالي فاتح نحيه
هو كي تنحيه يبانلك ماشي جامد بصح كي تخليه في الثلاجة يبرد عدة ساعات تلقايه جمد لاه تخليه يطول بزاف في الفرن
حتى انا اختي البارح جابتلي وحدة كرام كاراميل تحرقلها خلاص قاتلي كوليها (عاونو خوكم :d )

[ام نور الهدى 2014]

شكرا جزيﻻ اختي فايزة بااركك الله فيكي
^_^

[إلهام07]

المشاركة الأصلية كتبت بواسطة maram mery1

الهامموا راك اطلي من بعيد لبعيد بصح راكي قاوية

المشاركة الأصلية كتبت بواسطة maram mery1

هاو ليك سؤال واضح و صريح.....الطلية اللي معتمدتيها في المخبز و غيروا,,,,

وععععععععععععع ماتقدريش تبدلي السؤال راني نظل نجاوب فيه حتى كرهت الجواب طويييييييييييل وجدي روحك :

حبيبتي انا ندير عيني ميزاني البارح برك وانا نخدم فيه شوفي :
أنا ندير العكس نتاع الاخوات يحطو السوائل ومن بعد يلمو بالسكر الناعم لالا انا نحط السكر ( لانو على بالي من قبل قداش نحتاج سكر مثلا باش نقلاصي حوالي 80-90 حبة تشاراك نحتاج 2 اكياس سكر نتاع المرجان نتاع 700غ )
1- نغربل السكر في ماعون واسع
2- نضيف المكونات الجافة : ملون ابيض نوعية مليحة غبرة إما نتاع الميزان او نتاع العلب نتاع تونس هذي الخطوة ضرورية حتى لو رايحة نلون من بعد بالازرق لازم نحط الابيض اولا باش اللون مايجيش من بعد باهت ( ممكن تستعملي ملونات نتاع الجزائر الرخيصة غير الابيض ماكانش معاه اللعب لازم نوعية مليحة )
+ نضيف شوية مركز ماء الزهر على شكل غبرة (كيما تحبي هذي اختياري لكن انا ديما نحط )
* نخلط المكونات الجافة مليح ثم :
3- نضيف السوائل : بياض بيضة تضربيه بالشوكة + فنجان صغير زيت + نفس الكمية ( يعني فنجان صغير ) عصير ليمون ( ممكن تستغناي عليه لكن راهو يعطي طعم روعة تحتاجي لزوج اكياس سكر 2عصير حبات ليمون كبار ) + نفس الكمية حليب + نفس الكمية ماء زهر سائل
4- نجمع السكر على شكل عجينة وإذا ماتلمتش نضيف شوية حليب ونكمل بعصير الليمون او ماء الزهر إذا مادرتيش ليمون حتى تتلم عجينة نعجنها مليح ونديرها في كيس ونخبيها في الثلاجة مايصرالها والو ووقت ماحبيت نخدم بيها :
* نجبدها ونضيفلها عصير ليمون او ماء زهر + ملون باللون اللي حبيتي ونخلط بيدي مليح باش مايديروش فيها فقاعات
* كيفاش نعرف باللي وصلت للقوام المطلوب نهز شوية بالمغرفة ونسيح إذا هبط على شكل ساءل مايتقطعش معناها جاري زيديلو السكر الناعم المغربل وإذا يتقطع ولكن بصعوبة معاناها ثقيل زيديلو شوية عصير ليمون او ماء زهر غير بالشوية لأنو يجرى ثم ثم
وإذا يتقطع ولكن بسهولة معانا راهو مليح زيدي جربي أقلاصي حبة ماشي مليحة ماجربيش في حبة مليحة وشوفي إذا عجبك كملي
فقط قبل ماتقلاصي بيه أخبطي الصحن مليح باش يخرجو فقاعات الهواء من القلاصاج نتاعك
حقة انا عادة نوجد اشكال عجينة التزيين قبل مانبدى نقلاصي كي نقلاصي الحبة قبل ماتنشف نلصقلها الوردة باش تحكم مليح وماطيرش
نخليه ينشف ونظفو من تحت بسكين باش جي خدمة متحوفة ومن بعد نرسم عليه اشكال ونديرلو لماع ضروري جدا اللماع
وخلااااااااااااااااااااااااااص

[ai*cha]

شكرااااااااا لكم

[أم أحمد معاذ]

السلام عليكم
بماذا يمكنني تعويض الياوورت الطبيعي في الشاباتي التونسي وربي يفرحكم جميعا

[nonousazina]

من فضلكم باغية وصفات بالجبن الكريمي راه عندي بكثرة ومعرفتش واش ندير به غيرتشيزكيك

[زينب 83]

المشاركة الأصلية كتبت بواسطة المعتزة بنقابها

السلام عليكم
بماذا يمكنني تعويض الياوورت الطبيعي في الشاباتي التونسي وربي يفرحكم جميعا

تقدري تعوضيه باللبن و اذا ماكاش ديري مغرف حليب غيرة

[زينب 83]

المشاركة الأصلية كتبت بواسطة nonousazina

من فضلكم باغية وصفات بالجبن الكريمي راه عندي بكثرة ومعرفتش واش ندير به غيرتشيزكيك

تقدري تحشي بيه البوراك ، البراك التركي، الكوكا ، تزيديلو شوية حليب و تديريه في غراتان في بلاصة آلبيشامال ، كي نتفكر نزيد نرجع ههههههه

[زينب 83]

الهام الله يعطيك واش تتمناي و يرزقك على قد نيتك الطيبة

[زينب 83]

الجبن الكريمي تقدري ديري بيه شربة الجبن

[استحسان]

السلام عليكم
لدي سؤال لخبيرات المطلوع دائما الوجه الثاني للخبزة يجيني غير مستوي يعني كي تطلع الخبزة في الطاجين تدير الفقاقيع وكي نقلبها ماتطيبش مليح وتحمار غير في المناطق المنتفخة. أرجو التجاوب وشكرا مسبقا.

[cuisineshowdalatifa]

المشاركة الأصلية كتبت بواسطة ام ورود

شكرا على هده فكرة المفيدة اختى،وحبيت نسال عن شيئين ا
الاولى وهى طريقة حفظ الفرولة في الثلاجة،لانى جمدتها مباشرة لكن لما جبدتها باش نستعملها رجعت ش صالحة
الثانية حبيت وصفة خبز الفوكاشيا ناجحة ادا كاين لجربوا وشكرا،وانا بدورى الا عرفت حاجة رانى نفيد خواتاتى.سلام

مساء الخير , تشكريين زينب على هذه الصفحة و كالعادة دائما معطاءة
راجعت كل الصفحات و تقريبا كل حاجة جاوبتوا عليها
فقط الاخت أم ورود هذا خبز الفوكاشيا بنوعيين
https://cgsho.blogspot.com/2013/07/blog-post_28.html



و هذا النوع الثاني
https://cgsho.blogspot.com/2014/10/blog-post_23.html

[زينب 83]

شكرًا لطيفة ربي يجازيك كل خير حنونة

[FOLA 2011]

salam habibati,a3touni wasfa biscuit rouli.rani syit alf recette makharjt .merci

[oum islem]

السلام عليكم أخواتي لو ممكن مساعدة مش بخصوص المطبخ .
عندي صور في القرص الصلب نتاع الكاميرا حبيت نرجعهم للكارت ميموار لي عندها فكرة تقولي وربي يسعدها في الدارين