الجزء 183 من واش طيبتي اليوم كوزينة القلب الصافي و الذراع الوافي - الصفحة 15

طيور الجنان · 2017-10-29, 08:19

صباح الخير.
امنية بصحتكم العدس انا هو غدايا اليوم ان شاء الله.
امي جنتي الله يبارك حلويات بالطبع يعطيك الصحة ابدعتي.
تفضلو شوية رفيس باه تفطرو

ام هدول · 2017-10-29, 09:22

أحلى صباح مع طمينه سعيدة ولمسمن والتمر،،،اياياي ،،،،

ام هدول · 2017-10-29, 09:25

البارح درت شويه كسكسي بالخضروات ،،،،

ام هدول · 2017-10-29, 09:29

أمنية لصحتك التىريده امممممم وشربه العدس ياعيني
ام جنتي اخت المشاكسه مرحبه بيك معنا السنية ماشاء الله والحلويات فووور تسم الأيادي
لغذه عندي بواقي شويه برك مانعرف واش نزيد ،،،سلام

طيور الجنان · 2017-10-29, 09:45

الله الله على المسمن يعطيك الصحة ام هدول و بصحتكم الكسكسي بالخضر .

nihal159 · 2017-10-29, 10:22

صباح الخير لبنات؛ راجعت واش فاتني الله يبارك الكوزينة راهي معمرة بكل مالذ وطاب.
أم هدول لمحاجب و الرفيس رووووووعة بصحت الجمهور الوفي ههههه.
سحابة شفتك درتي بيتزا؛ كروكي؛ كعكة الدانيت و إذا كاشما نسيت سامحوني هههههههه راهو علم كبير ههههههههههه.
ملوكة؛ أم فاطمة؛ رريمة؛ أخت ملوكة و حلوياتها فووووور؛ أمينة المتألقة مولات الكوزينة؛ طيور الجنان حرة لحراير؛ أم يوسف؛ فيفي لندن من وراء البحار ههههههههه؛ شفت عودة بيان مرحبا بيك مجددا بين أهلك و ناسك؛ مياسم الصمت ليطاغث لي حطيتي فوووور؛ ولي نسيتها تسمحلي.
حيوتة فرحت بزاف كي قريت ردك؛ أن شاء الله ترجعي فالقريب العاجل و تزهينا بطيابك.

nihal159 · 2017-10-29, 10:25

حقا شفت كلمة( بوطاج) دارت روبلا كبيرة ههههههههه و سحابة و أم هدول راحلهم السينيال ههههههههه.
أنا غالطة لأنها كلمة فرنسية و أنا عرّبتها ههههههههههههههه معناها حساء خضر soupe potage de legumes

kari yacine · 2017-10-29, 10:29

[SIZE="6"]صباح الخير على الفحلات عندي طلب ان شاء الله راكم متفكرين بيبا(chez biba)
راها حلت قناة على اليوتيوب و نتمنى تدعموها راكم تعرفوا وصفاتها[/S
IZE]

crono · 2017-10-29, 10:33

السلام عليكم حبيباتي
الف الف الف مباااارك اختي امنية على افتتاح الكوزينة ان شاء الله تكون عامرة بالخيرات
اللله يبارك كل البنات لي شاركو كل واحدة الله يبارك على الخير لي حطاتو
قلت لنفسي لازم تدخلي و تحطي احلى باروك تفضلي راهو في خاطرك و في خاطر كل محبي البوراك
هههههه فيروس ابوراك تركي

[IMG]
[/IMG]

[IMG]https://scontent-mxp1-1.xx.fbcdn.net/v/t1.0-

9/22814021_1970463989894216_877313723852217996_n.jpg ?

oh=4aecfc7b6f5aa81c296bd6dda1a51a3c&oe=5A66DAAC[/IMG]

انا ليوم راني نعاودها بلبات فيلو وسمحني ولا مدخلتش النت عندي ضعيفة
في أمان الله

nihal159 · 2017-10-29, 10:33

نبداو بفطور الصباح، بغرير أو غرايف أو قرصة كل واحد واش يسميه، مع كاس قهوة حليب علي كيف كيفكم ههههههههههههه راني في باب الحارة ههههههههههههههه

nihal159 · 2017-10-29, 10:35

كروكي درتو لبارح

nihal159 · 2017-10-29, 10:38

غذايا تاع لبارح، كان عندي روز فالتلاجة و زدت معاه سلطة خضر مفورة، ماريا تموت عليها.

nihal159 · 2017-10-29, 10:45

عشانا لبارح كان جاري أو شربة فريك مع المطلوع

nihal159 · 2017-10-29, 10:53

هذو أفخاذ دجاج، نحيتلهم العضم، و تبتلهم ملح فلفل ، معدنوس، توم مهروس، بصل مرابي، توم بودرة، كمون، زنجيل بودرة، مرطارد و حكيتهم مليح بالتتبيلة، من بعد روليتهم و ربطتهم بالخيط، و درتهم في صينية مع شرائح من البصل و الطماطم و فصين ثوم و نصف فنجان ماء و ذخلتهم للفرن لمدة ساعة، كي خرجتهم كان شكلهم هكذا، مشويين هه

نخليهم يبردو، من بعد قطعتهم شرائح و سقيتهم بالمرق الناتج عن الشوي، و قدمتهم مع بطاطا مقلية

وردة الرمال43 · 2017-10-29, 11:16

صباح الخير واش احوالكم لاباس
امنية هاوليك باروكي هذا وين كتب ربي باه نحطو النات كانت ماكان ماكان
للعلم من الارشيف هههه