وصفات حراير الكوزينة الجزء الثاني - الصفحة 15

idron0 · 2015-01-09, 14:11

قلوب بذوق الفراز kakinova
250 غ زبدة
100 غ سكر رطب
ملعقة كبيرة فاني
ملعقة كبيرة فلان الفراز او اثنين
ملعقة كبيرة لارو تاع فراولة احسن ماركة هندجس
كاس نشاء
نصف باكي خميرة
2 صفار وحدة بيضة كاملة
رشة ملح
اقل من نصف كيلوغرام فرينة
العجينة تكون طرية نعمل كويرات نفس الوزن
تعدلها فالمول و تطهى ذهبية اللون ما نحمرهاش حتى تكون طرية و باهية الشكل
لما تبرد نقلبها في بلاطو و نعمر الفراغ بمربى فراز او مربى برتقال مخلط مع ملون احمر و لاروم تاع الفراولة و نخلط مليح و نحطو في كيس جوتابل و نربطو و نقص ثقبة صغيرة حتى لما نضغط على المربى ما يشلفناش و يوسخلنا الحواشي و تجي خدمة نضيفة
ثم ترشي الحبيبات الفضية و تتركيه ينشف ليلة كامل او يوم كامل حتى المربى ينشف قليلا و يعمل قشرة من فوق .
ملاحظة : قوالب السيليكون تطهى فيها الحلوى في حرارة ااقصى حد 200 درجة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-01-09, 14:57

حلوة الخوخ omaymen

ديري عبار تاع لوز مرحي رقيق بزاف مع عبار تا ع سكر قلاصي,فاني وتلمي بالسيرو تكوني خدمتيه هذا هو السر اللي مايخليهاش تيبس 500غ سكرمع لتر تاع ماء وزيدي قطعي 2 ترونشات تاع القارص كيبدا يغلي احسبي 15 دقيقة وطفي
والحشو درت جنوار ورحيتها وزدتلها البندق مرحي ولميتها بالمعجون.

إضغط هنا لرؤية الصورة بحجمها الطبيعي.

idron0 · 2015-01-09, 16:03

تورتيا اسبانيا زوج awladi

من اختراع واعداد زوجي قطعي حبة بطاطا مكعبات رقيقة واقليها خليها بجهة اكون عندك بصل الاخضر قطعيه رقيق شوية ملح وحمسيه مليح من جهة كسري ثلاث حبات بيض على البطاطا وشوية بصل وحديهم في مقلى اطيبو كلي راح اديري فريت اوملات هذا هيا تورتيا الاسبانية وزوجي زاد فيها وجات امممممممممممممممحط وحدة تورتيا في طبسي ومن فوق شرائح سلاطة و شرائح طماطم وخدم الللحم مرحي شراه منسم انت نسميه واش تحبي ودارها على شكل قرصة كبيرة وشواها وحطها فوق الطماطم وعاود حط فوقهم تورتيا من فوق وقدميها قطعيها على واش تحبي وبالصحة والهناء .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-01-09, 16:27

الطمينة كورات ام منيب

بعد ماتفوري الدقيق تاع الطمينة مايكونش خشين كما تاع القلب اللوز....خليه يبرد بجيه ....حمسيه في المقلى باستعمال مغيرفة خشبية حتى يسمر لونه .....خليه يبرد مليح و ارمي فيه قرصة ملح و قرصة حرور و شوية قرفة للنكهة
في كسرونة ذوبي الزبدة و العسل حتى الغليان .....كمية العسل تساوي كمية الزبدة و من بعد طفي و بعدي الكسرونة من على النار
ارمي الدقيق المدوزن في االعسل و الزبدة و حطي كمية تاع حلوة ترك محكوكة بين يديك و خلطي مليح لازم الخليط يبقى جاري
غطيه و خليه بجيه
كي تلقايه حكم روحو و راه قابل للتشكيل....كوري كرات حجم البيضة او اكبر و خليهم يزيدو ينشفو مليح....عاودي كوريهم
راح يحبوهم لولاد اكييييييييييييد.

idron0 · 2015-01-09, 16:50

قراتان تاع بسباس قمر 77

البسباس نطيبوا جواز عاديبالبصل و الثوم نقليهم مع صدر جاج او اقل و نمرق قليلا و نروي البسباس مقطع و نزيد الرند و الزعفران كي يطيب نخدم البيشاميل و نقطع الزيتون الاخضر فيها او الجاج نفتتو و ندير الفراميج تعطي بنة هايلة و نقلي شوية بطاطا و حط في البلا نتاع الفرن اولا البطاطا ثم البسباس ثم البيشاميل ونخليها تتحمر و نطفي لاخاطرش كلش طايب .

idron0 · 2015-01-09, 17:03

البسباس om kamilia

نحتاج البسباس لى حسب العائلة , دجاج واش عندك , ان ندير بطاطا مربعات ولآ فريت كبيرة نقليها, بصلة متوسطة ,ثوم5 فصوص ملح فلفل كحل , قرفة مرحية, معدنوس ىبيض وعصير ليمون , فطراو زيتون اختياري
اولا نقو البسباس ونقطعو ل4 ونرشو شوية ملح وفلفل اكحل ونرابي عليه ثوم ونفورو مدة20دقيقة وفي طنجرة نحط الدجاح ديالنا والبصل المفروم وشوية زيت يتقلابلعقل نزيد الثوم ونتبل بفلفل كحل مع شوية قرفة مبعد نمرق نخليه حتى يطيب الجاج نحيه بجهه وكي تبرد المرق نضيف البيض 2 او حسب حجم البسباس ونقطع معدنوس وعصرة صغيرة قارس وجبن قطع من جهة نستف البسباس في قالب تاع الفور ونضيف الطاا عليه ونزيد الفطر او الزيتون ونفرغ الخليط عليه قيس مايتجمر ويتمحمر نسيت باه تزيدي الجاج لي طاب داخل بلا تاع الفور ان شاء الله تعجبك كما تقدري دريه مرق دون اضافة البيض غير في الطنجرة .

idron0 · 2015-01-09, 17:12

ouissamak pomme bolangére

احكمي البطاطا ديالك قشريها قطعيها دوائر ماشي رقيقة ماشي خشينة دوزنيها بالتوابل اللي عندك وشوية زيت وحطيها في بلا تاع الفور وديريلها قيس مغرف مارغرين او حوالي زوج مغارف زيت وكاس ماء غطيها مليح وديريها تطيب في الفور على درجة 200 الى 220
اذا عندك البصل والطماطم قطعيهم مكعبات صغار بصلة وحبة طاطم وحطيهم سبقيهم وزيدي عليهم البطاطا
كي تطيب شدي البيض حسب البطاطا اللي عندك وزيديلها شوية حليب ظربيهم مليح ورميهم على البطاطا ورجعيها يطيب البيض

اذا ماكاش البيض ماتديريش

وهاذ الوصفة القاعدة كيكون الماتريال كيما تقول ماما هههههههه تقدري تديريلها طرف جاج يطيب معاها للبنة وتقدري تزيديلها فرماج مع الاخر انا هاد الوصفة ليتسلكني
ونسيت نقولك خليها تنشف من ااماء ماتخليش فيها غير شوييييية برك باش ماتجيش ناشفة بزاف

idron0 · 2015-01-09, 18:16

الخرشف touta2010

فيضيه فالماء والملح ملييح نحي الخيوط تاعه ,عملي مرق وقطعي الخرشف ولقي كل قطعتين وعمريه داخلهم اللحم المرحي وحكمي باكيردو ولا خيط ممممممممم
جربيه وادعيلي.
تحبي مرق عادي ولا تضيفي الحمص .

idron0 · 2015-01-09, 18:27

الخرشف قمر 77
تعرفي الخرشف علماتولي عجوزتي يجي هايل شوفي نقيه و قطعيه و نحيلو وحد لاكروت بيضا تجي تحتو شفتيها هذيك دير لمرارة ثاني وديريه في كاسرونة و ديريلو الما و ليمون مقطع يدير غلية و نحيه باش ما يمرارش
يجي بالجاج احسن كثيير من اللحم و قليه مع البصل و القرفة و الفلفل اكحل و الملح و مبعد مرقيه شوية ماشي بزاف و ارمي السلق كي يطيب الجاج حمريه بالكمون و الزبدة و الثوم وحده ام الخرشف زيديلو البيكاربونات و اغلقي عليه الكوكوطة و رديلي الخبر يجي زبدة .

أم ملك · 2015-01-09, 22:22

شكرا إدورنو جعل الله مجهوداتك في ميزان حسناتك

idron0 · 2015-01-10, 10:15

الغريبية بالزيت yakot

كيلة زيت وكيلة سكر قلاصي نقصي شوية وذا تحبي لحلاوة ماتنقصيش,فاني مغرف صغير خميرةالحلوة الفرينة حسب الحاجة,
في صحن كبير خلطي الزيت مع السكر و الفاني خلطيهم مليح مليح وضيفي الفرينة ولخميرة حتي تتحصلي علي عجينة متماسكة وطرية وشكليها كما تحبي وطيبيها في الفرن اكون سخون من قبل .

أم ماجد · 2015-01-10, 16:18

صح غداكم يانساوين ومطرح مايسري يمري
ام ماجد وام ابراهيم هاي ليكم كيكتي الجميلة
عملت نفس الوصفة تاع عازفة الناي كيكة ببيضة واحدة وضاعفت الكمية واضفتلها ملعقة كبيرة مبشور البرتقال خشين
طيبتها في مول قطره26سم وكي طابت خليتها بردت وقسمتها على 2 وحشيتها ب2شوكولا منى ذايبة مخلطة مع علبة كريم ديسير شوكولا وخليت شوي للتزيين
غلفتها بالميرانق ايطاليان اللي هي
2بياض بيض تطلعيهم بقرصة ملح ومن جيهة اخرى تطيبي سيرو ب10 ملاعق سكر ونص كاس ماء تخليه يغلي حتى يعقد وباش تتاكدي من السماكة نتاعو لازم تجربي قطرة بين اصابعك لازم كي تبعدي اصابعك يتشكل خيط ومايتقطعش تصبيه كي الخيط فوق البياض وانت تخلطي حتى ينتهي السيرو تتحصلي على ميرانق ثقييلة ولماعة
تغلفي بيها الكيكة والحواف غلفتهم بالقوفريط مرحي وشكلت من فوق اساور بالمورانق وحرقتهم بالبريكة وفي الوسط حطيه الباقي نتاع خليط الشوكولا وزينتها بشرائح البرتقال وشهية طيبة

ام سراج وملاك · 2015-01-10, 16:51

تيراميسو ام ياسين الزهراء

اولا خدمت كريمة البرتقال درت نص ليتر عصير برتقال مخلط مع الماء ودرت 4 مغارف سكر حسب الدوق و3 نشاء وصفار بيصة وخلطت كلش فوق النار وخليتها تبرد ومن جهة ضربت الشانتي كالعادة ودرت طبقة من الكريمة وغمست ليبودوا في عصير البرتقال وحطيتهم على الكريمة وكان عندي البنان مقطع ودرت طبقة اخرى من الكريمة وليبودا والشانتي في الخير ودريت فوقهم الكاكاو واللي مايحبش درت الكوكاو وخليتها تبات خبيتها على الاكراد ممممممممممممممممم

ام سراج وملاك · 2015-01-10, 17:04

عصير طبيعي منعش اولادي

عصير منعش لللاولاد
الموز +التفاح+الليمون+الياغورت +العسل حر+حليب

imene mimicha 05 · 2015-01-10, 17:08

المشاركة الأصلية كتبت بواسطة ام عبودة
ام ايمن حبيبتي ممكن وصفة الكيكة او الرابط

إضغط هنا لرؤية الصورة بحجمها الطبيعي.

ام عبودة هاكي الوصفة مارنيش حاطاتها كموضوع
6بيض,16 مغارف سكر,16مغارف فرينة فيهم ساشي تاع خميرة الحلوى,12 مغارف زيت,8 مغارف حليب,فاني
خلطي السكر لافاني والبيض مليح حتى يذوب السكر زيدي الزيت الحليب والفرينة
ناحي شوية من الخليط وزيديلو كاكاو حوالي مغرفة ونص لازم مغرفة كبيرة
حطي وديريها في مول مدهون ومرشوش عليها شوية فرينة نحي الفرينة الزايدة من المول وفرغي الخليط الابيض نص امبعد الخليط اللي فيه الكاكاو امبع الابيض
الفرن لازم يكون 180 درجة
من الاحسن ديريها في الليل الصباح تلقايها طرية امممممممممم
القناش درت شيكولة حليب مع كريمة سائلة او ديري شوية كرام فريش اذا ماتوفرتش الاولى
ان شاء الله تعجبك ام عبودة

المول لازم يكون كبير حبيبتي

[/center]
اقتباس: