الاخت yarasmin26 ترد على استفساراتكم هنا - الصفحة 15

مملكة لينة · 2013-04-29, 18:51

من فضلكم حابة وصفة المخبز باللوز اتكون مجربة
وشكرا مسبقا

rosaa blanche · 2013-04-30, 16:51

عفوا انا مبتدئة بغيت نسقسي على لاكرام فراش كيفاش ووين تتباع روحت لواحد السوبرات قوتلو لاكرام فراش مدلي باطة انا حليتها لقيتها تشبه بتي سويس وانا نحوس على السائلة اللى ينضافلها السكر ونخفقوها تولي شونتيي وبارك الله فيكم

أم عائشة 10 · 2013-05-01, 00:51

اقتباس:

المشاركة الأصلية كتبت بواسطة rosaa blanche

عفوا انا مبتدئة بغيت نسقسي على لاكرام فراش كيفاش ووين تتباع روحت لواحد السوبرات قوتلو لاكرام فراش مدلي باطة انا حليتها لقيتها تشبه بتي سويس وانا نحوس على السائلة اللى ينضافلها السكر ونخفقوها تولي شونتيي وبارك الله فيكم

الوصفة من عند باسمين

لمشاركة الأصلية كتبت بواسطة asma_star

سلام حنونة
عندي كريم شانتيي غبرة معليش تعطيني طريقة صحيحة باه نطلعها
جربت خدمتها مع شوي ماء و 2مغرف سكر رطب بصح ماجاتنيش جامدة

خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحيب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

الوصفة2 من ام رامي

لكريم شانتيي للمبتدئات ****

السلام عليكم ورحمة الله وبركاته
كثيرا ما تسالني الاخوات عن طريقة تحضير كريم شانتي
وكثيرات منهن تجيهم هابطة مش متماسكة
اليكم الطريقة بالتفصيل حتى تتحصلوا على كريمة متماسكة ورائعة لتزيين حلوياتكم

200ملل حليب محلى بملعقتين كبيرتين سكر +100غ غبرة الشانتي + فاني نتاع الميزان + شوية معطر الليمون

إضغط هنا لرؤية الصورة بحجمها الطبيعي.

نخلط الحليب والسكر حتى يدوب السكر ويمكنكم استعمال السكر الناعم مباشرة عند الخفق
نضع الحليب في كاس اينوكس ونحطه في الكونجيلاتور حتى تتشكل طبقة جامدة من فوق

إضغط هنا لرؤية الصورة بحجمها الطبيعي.

نضع جميع المكونات في اناء الحليب ..غبرة الشانتي المعطر والفاني ونبدا الخفق بالباتور لمدة 8 الى 10 دقائق حتى تتشكل امواج وتتكاثف

إضغط هنا لرؤية الصورة بحجمها الطبيعي.

نخليها ترتاح شوية في الثلاجة قبل الاستعمال ونزين بها

إضغط هنا لرؤية الصورة بحجمها الطبيعي.

yarasmin26 · 2013-05-04, 11:56

اقتباس:

المشاركة الأصلية كتبت بواسطة rosaa blanche

عفوا انا مبتدئة بغيت نسقسي على لاكرام فراش كيفاش ووين تتباع روحت لواحد السوبرات قوتلو لاكرام فراش مدلي باطة انا حليتها لقيتها تشبه بتي سويس وانا نحوس على السائلة اللى ينضافلها السكر ونخفقوها تولي شونتيي وبارك الله فيكم

روحي لسوبرات قوليلو تطلع شانتي وكاين حتى قارورة ضغط واجدة انظري الغلاف تاع كرام فراش قبل ماتشري
وعلاش تعبي روحك اشري غبرة من عند بائع لواز الحلويات وتضيفيلها السكر والحليب بارد وتكون عندك جاهزة

أم عائشة 10 · 2013-04-30, 19:00

اقتباس:

المشاركة الأصلية كتبت بواسطة مملكة لينة

من فضلكم حابة وصفة المخبز باللوز اتكون مجربة
وشكرا مسبقا

هذه الوصفة من منتدى أخر لأنه لم أجد مخبز اللوز عند ياسمين والله أعلم يمكن لم أبحث جيدا ؟

لي عندها مشكل مع المخبز والقلاصاج تدخل السلام عليكم ورحمة الله وبركاته
أخييييييييرا وبعد طووول انتظار لقيت وصفة المخبز البسيطة والمضمونة
كنت كي نجربو يجيني ناقص شكلا وطعما
بصح دوكا لقيت وحدة دايما نكومونديو عندها وتخدملنا قاطو خياااال وسقسيتها على المخبز والقلاصاج
وجبتلكم الطريقة باش تستفادو منها وجبتلكم حتى طريقة القلاصاج المخيرة
.

..

المخبز 3 أنواع :اثنان منهم يجو باللوز واحد يطيب وواحد ميطيبش
والنوع الثالث واللي اعتمدتو هو اللي يجي بالكوكاو ويخرج نفس طعم اللوز وفي نفس الوقت اقتصادي
نبداو على بركة الله:
مقادير المخبز:
1 كلغ كوكاو
فنجان كبير فرينة
شوي ماء زهر
قشور ليمونة او برتقالة
1 كيس خميرة حلويات
فانيلا
كأس سكر
من 4 إلى 5 بيضات
الطريـــــقة:
لتحميص الكوكاو حطيه في بلاط تاع الفرن وبمجرد مايسخن ضيفي قوقه عطر اللوز الحلو.
وخليه 5 دقائق (مالازمش يحمار)
برديه وارحيه
اخلطي جميع المكونات السابقة ومن بعد اجمعيها بالبيض حتى يصبح عجينة
من بعد حطيه في الثلاجة ليلة كـــــــاملة يرتاح
آخر خطوة شكليه كيما تحبي ودخليه للفرن 10 دقائق(ومتخليهش يحمار ...ينشف فقط)
في الوقت لي تخليه يبرد أخدمي القلاصاج
نبداو بالمكونات:
[بياض 3بيضات
عصير ليمونة كبيرة(صفّيه بالمصفاة)
ملعقة كبيرة إلى 3 ماء زهر(وإذا حابة تضيفي ملوّن غذائي حلّيه في ماء الزهر)
نصف فنجان ماء بــــــارد
ملعقة زيت
سكر ناعم ولازم تختاري نوعية مليحة ميكونش فيها نسبة كبيرة تاع نشأ وأحسن نوعية هي (نونورس أو المرجان)
ملاحظـــــــة:باش يجيك مليح وناجح لا تخفقي البيض أبدا أبدا بل حركيه بالفرشاة حتى يمتج فقط
ولا تستخدمي الخلاط أبدا
غربلي السكر جيدا حتى لو كان يبدو جيّدا
حللي الملون في الماء أو ماء الزهر
الطريـــــــــقة:
أخلطي البياض بالشوكة دون خفق ثم أضيفي الماء والعصير وماء الزهر ثم أضيفي السكر بالتدريج ولكن بكميات كبيرة(يعني الكيلو حطيه على 3 مرات)
خلطيه بالملعقة دون خفق حتى يمتج
أضيفي الزيت بالأخير وحركي قليلا لإعطاء لمعة

كي يبرد القاطو تاعك غلفيه بالقلاصاج وخليه من يوم إلى يومين حتى يجف
وتشوفو ذاك القلاصاج مصراش يجي طري ومييبسش
وتقدرو بعد مايجف القلاصاج تجيبو ريشة وسلك تاع غبرة وتزينو القاطو
ان شاء الله نكون أفدتكم ولي عندها سؤال راني هنا باذن الله
__________منقول

yarasmin26 · 2013-05-04, 11:53

اقتباس:

المشاركة الأصلية كتبت بواسطة مملكة لينة

من فضلكم حابة وصفة المخبز باللوز اتكون مجربة
وشكرا مسبقا

هذه الوصفة خاصة بالاعراس
3 كيلات لوز مرحي {500غ}+1 كيلة سكرعادي مشي معمرة يعنى{300غ}+1 م ك قشور الليمون+1/2 م ك لفاني+3الى4 بيض مضرب شوية فقط باه تلمي العجينة ترجع اعجينة وقطعيها بحجم القالب وترتاح 1 الى2 سا ثم تطهى 180د خت كي تبرد تماما باه اديري القلاصاج

rosaa blanche · 2013-05-01, 10:58

راني نسقسي عاى كرام فراش سائلة وين تتباع مشي الغبرة وشكرا على الرد

yarasmin26 · 2013-05-04, 11:58

اقتباس:

المشاركة الأصلية كتبت بواسطة rosaa blanche

راني نسقسي عاى كرام فراش سائلة وين تتباع مشي الغبرة وشكرا على الرد

في السوبيرات بجميع انواعها

أم أدم يحي · 2013-05-01, 11:17

الللي يسولو على لامورانق

4 بياض البيض+ 1 كوب سكر سكر قلاصي+1/2 م ص خل ابيض ابيض+1/2 عطر لفاني هذه الميرانق خاة بالحلويات ام الميرانق الي تنباع بالحبة وجي ملونة اضيفي ملون+عطر+3 مك مايزينة ضعيها في كيس حلواني وشكلي كما تردين

ouhibouka rabbi · 2013-05-01, 12:30

من فضلك ممكن طريقة عمل خطوط التزيين للحلويات

yarasmin26 · 2013-05-04, 12:01

اقتباس:

المشاركة الأصلية كتبت بواسطة ouhibouka rabbi

من فضلك ممكن طريقة عمل خطوط التزيين للحلويات

حل بسيط متقدريش ديري الكورني
خذي شكارة حليب فارغة شليها مليح ونشفيها وعمريها بقلاصاج الشكولاطة واحزميها من الفوق واثقبيها من التحت باسنانك وزيني الحلوى انتاعك