||حكايات مشوّقة عن ورطات وقع فيها غيرنا و قد نقع فيها نحن كذلك .. شاركونا بالحلول و كونوا هنا بالقرب||.. مفآجآتـ متجددة. - الصفحة 15

معاً إلى الله · 2013-03-13, 09:54

اقتباس:

المشاركة الأصلية كتبت بواسطة بيلسان11

بارك الله فيكم على تمنياتكم لي بالشفاء.

أنا في هذه الورطةبعد الوقاية طبعا كيما قالو الأخوات من تخصيص ملابس خاصة و غيرها نستعمل مساحيق الغسيل مثل الازيس و الاومو أو Le chat تاع ألة الغسيل راهو جد فعال مع الماء الساخن و نعاود نغسل مرات عديدة حتى نتأكد من نظافة الغسيل جيدا. و في الأخيرندير غسلة بالصابون العادي.
انا كاين موقف طريف حدث معي أول أيام عملي حيث اتسخ مأزري الأبيض بزيت تشحيم مع الصدأ . جربت الأومو و الماء الساخن راح الزيت و بقات أثار الصدأ اللي زاد تثبت مع الزيت جربت ماء الجافيل ةما لقيت واش نعمل(ما تضحكوش عليا) استعملت النظاف على البقعة اكيد اختفت بصح بقى الأثر تاع النظاف .
امالا ممكن نستعملوالنظاف في زيت التشحيم بصح ماش ديما لانه يقطع الحوايج لكنه جد فعال كيما قلتلكم.

.. أهلين أختي بيلسان ..
ان شاء الله تكوني الآن أحسن و في أفضل حال ..

نشكروك على هذه الحلول المقترحة من طرفك ..
و الله تجاربكم تغنينا عن كل بحث ..
ياك يقولك : اسأل المجرب و ما تسألش الطبيب ..

سلااامــــي ..

اقتباس:

المشاركة الأصلية كتبت بواسطة الورود المنسية

ههههههههه شكرا على تعقيبك
ان شاء الله سنظل اوفياء الا ان منعتنا ظروف اقوى منا
هيه مالا قلتيلي كاش تراب نظيف
ههههههههههه سي كاين
انا قصدي التراب الي ما فيشوا الوساخ المنزلية او غيروا
ذصدقيني فعاليتوا رائعة
لانوا مجرب قداه من مرة
وكيما قلتي رب حل يكون المثالي ونغفل عنه
ههه شكرا

.. مرحبااا بالورود مرة أخرى ..
ايه يا أختي ان شااء الله يحصلي الشرف و نجرب التنظيف بالتراب .. و نردلك الخبر ..
أنا كنت سامعة بالتنظيف بالرمل ..

بورك في وفائك و ان شاء الله تكونين بألف خير ..

اقتباس:

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
طهور ان شاء الله بيلسان و الحمدلله على سلامتك
و ننصح كل من مرض بالgريب او الgراجم يركز على الأدوية الطبيعية و الأعشاب
راني سمعت "و تأكدت بنفسي" انه مرض الزكام سواء تعالجيه او تخليه يرتاح في 8 ايام و لقيتها صح
على هك ماعدتش نكثرلهم من الطبيب و الأدوية خاصة كي تعود gريب خفيفة

اختي معا الى الله و الورود التراب النظيف يجيبوه من الشاطئ او من التراب الي يبنو بيه "يخلوطو بيه الاسمنت"
راني تفكرت بكري والدتي تنظف النحاس بالتراب و الليمون يطلعو يشعلو
و زيد بكري يدوشو غير ب"الطفل" و هو يشبه للطين شوية و زيد مازال يستعملوه لحد الآن كمرطبو مقوي للشعر و كسنفرة للوجه
على هك مالازمش نستهونو بمفعول التراب

استهلاو في رواحكم و زودولي بالدعاء و سلام

.. أهلااا أختنا الكريمة أريج ..
ايه نظن راكي تتحدثي على الرمل مش التراب تاع الزراعة ..
فعلا ما لازمش نستهينو به لأنو قد يكون من أحسن الحلول الفعااالة كيما راكوا تقولو ..

دعواتنا لك في ظهر الغيب ان شاء الله تكوني بخير ..
سلااامي الحار للبنوتات الثلاث ..
حفظكم الله و رعاكم ..

معاً إلى الله · 2013-03-13, 10:03

الورطة الساااابعة .. بقع زيوت التشحيم ..

الحلوووول المقترحة للورطة السابعة ..

مرحبااا بكم مع حلول ورطتنا السابعة ..
التي نعتذر عن تأخر بثّها و طرحها ..

كلّ الشكر لكل من شاركنا بحضوره و زيارته ..
كل الشكر و الامتنان لمن قدّم يد المساعدة لأختنا الافتراضية حياة ..
و لكن هذا لا يمنع أن العديد من الناس من يعانون من هكذا ورطة ..
و بالتاالي اقتراحاتكم قد تكون الحل المثالي لورطتنا ..

شخصيااا في كلّ مرة أتعلم أشياء جديدة منكم ..
فواحد منا ما زاد معلّم ..

جزيتم خيرااا على المساعدة التي تطرحونها في كلّ مرة و هذا ان دلّ على شيء إنما يدلّ على طيبة قلوبكم و حبكم للخير و مساعدة الغير ..

أشكر كلّ من شجّع الموضوع
و أشكر كلّ من شارك و لو بابتسامة
و أشكر كلّ من حضر و قرأ .. عسى أنكم انتفعتم

و الحاضرين هذه المرة كانوا كالآتي

آلاء الرحـــــــمن
إكرام ملاك
ام ظافر
الورود المنسية
ام عبودة
لمسة ابداع
اريج المسك
بيلسان11

.
.
.

و من بين الحلول التي اقترحها أوفاااء الموضوع لورطتنا هذه كانت كالتااالي ..

أجمع غالبيتكم أنو يجب على الرجل أن يحدّد لباسا معيّنا يخصصه لهكذا أعمال بالإضافة الى استعمال قفازات للاحتياط الزائد
كما أجمعتم على أن الصابون و مساحيق الغسيل و الماء قد يزيل الكمية الكبيرة من الورطة
في حين مال البعض منكم الى قوّة و فعالية البنزين في ذلك مع ضرورة استعماله بحذر
و قد سمعنا لأول مرة حلولااا غريبة و قد تكون فعااالة بقدر غرابتهاا
و هي استعمال التراب في التنظيف
و استعمال زيت المائدة في التنظيف
و الديسولفو و ماء الفيشي

كما ذكرتم أن الليمون مفيد لهذا ورطات و كذا مبيد الحشرات

بدون ما ننسى فعالية الديتول في هكذا كوارث ..

أما أنا فقد علمتُ بالصدفة من أحد المواقع أنو بذر الطمام فعااال جدااا لغسل اليدين من زيوت التشحيم

ما رأيكم ^^

أما هديتنا لهذه الورطة .. فأظن أنكم أنتم الملزمون بها لأنّو نظن أن أختنا حيااااة ولدت ..

سلاااامي للجميع ..
و الى اللقاء الى ورطة أخرى ..

الورود المنسية · 2013-03-13, 13:01

انا ويني في الاسماء هههههههههههههههههههه

ام عبودة · 2013-03-13, 13:52

مبروك المزيود ولد ولا بنت
واش سموه
ويعطيك الصحة على الطومينة جات في وقتها
انا ك نفطر لازم ناكل الحلوى
ايييييي واش هي الورطة الجاية
يا رب تحكو على الgودرون راهي توسختلى سورفيت تاع راجلي الاسبوع اللى فات
وما عرفتش واش انديييير؟؟؟؟؟؟؟

معاً إلى الله · 2013-03-13, 14:12

اقتباس:

المشاركة الأصلية كتبت بواسطة الورود المنسية

انا ويني في الاسماء هههههههههههههههههههه

نسيتك لأنك ورووود منسية ..
أعتذر منكِ فقد كان خللااا فقط .. تمّ التعديل ..

اقتباس:

المشاركة الأصلية كتبت بواسطة ام عبودة

مبروك المزيود ولد ولا بنت
واش سموه
ويعطيك الصحة على الطومينة جات في وقتها
انا ك نفطر لازم ناكل الحلوى
ايييييي واش هي الورطة الجاية
يا رب تحكو على الgودرون راهي توسختلى سورفيت تاع راجلي الاسبوع اللى فات
وما عرفتش واش انديييير؟؟؟؟؟؟؟

.. ممم المزيود كان بنت ..
هكااا باش نهنو أختنا حياة و تشدّ بنتها قدامها في الدار ..

بصحتك الطمينة ..

أما عن القودرون ألا تعتقدين يا أختي أنها ورطة مشتركة مع زيوت التشحيم ؟
ربي يعينك .. حاولي تجربي الحلول لي قترحوها الأخوات ..
لعلها تنفع معكِ ..

سلاااامي لك و للجميع ..
ترقّبوا الورطة القادمة ..

معاً إلى الله · 2013-03-13, 14:35

الورطة الثامنة .. انسكاب المانيكير على المفرش و السجاد و الملابس ..

هاجر أم لطفلة عمرها ثلاث سنوات اسمها أماااال

هاجر دومااا تستيقظ باااكرا و تقوم بتنظيف بيتها و تجهيز طعام الغداء ..

استيقظت طفلتها فأعدت طعامها واكلتها و أخذت حمامها اليومي و تركتها مع ألعابها

و ذهبت لاستكمال تجهيز الطعام ..

ماهى إلا دقائق واذا تسمع طخ تك تك طخ ..

ذهبت مسرعة الى جهة الصوت الذى وجهها الى غرفة النوم ..

أماااال استغلت انشغال امها و تسللت الى غرفة النوم

و تسلقت على الكرسى لتصل لرف التسريحة لتأخذ احمر الشفاه

ولكنها حركت زجاجة المانيكير التي فتحتها من قبل ..

فسقطت على التسريحة

وتدحرجت عليها

وسقطت على الارض

وراحت الزجاجة فى خبر كان و انتشر المانيكير على ملابس أماااال و السجادة

وللحظ السيئ الزجاجة كانت مملوءة و ذات لون فاقع ..

وقفت هاااجر أمام طفلتها لا تعرف ماذا تفعل تهدئها لأنها خائفة من فعلتها

وإلا تضربهااا ..

وبكل براءة بدأت الطفل أماااال تقول : ماما ماشي بلعاني ..
حبيت برك نكون جميلة مثلك ..

حصل إلى حصل وما صار ينفع الكلام

ولكن ماذا تفعل هااااجر لتنظيف السجادة فزوجها لن يقبل تغيرها وسوف يتهمها بالإهمال ومنظر السجادة المبقع بالمانيكير صعب ..

وأيضا فستان أماااال جديد .. حرام ترميه ..

أنقذوا هاااااجر من ورطتها وأعطوها خبرتكم فى هذه الورطة ..

التي لم تكن على البال و لا الخاطر ..

ام ظافر · 2013-03-13, 16:41

السلاك عليكم
نخرجو من ورطة ندخلو في اخرى والي يدفع الثمن هو المرأة مسكينة ........ربي يكون في عوننا يا لبنات
اختي معا الى الله كانش ورطة للرجال........................ وممكن حتى للاطفال يتشغلو شوي علينا
المهم هاجر هذي ما عليها غير تمسح الزايد بورق ماص او منديل قطني وتحاول ما تكبرش المساحة بالمسح يعني تجمعو بطريقة للاعلى فقط والي بقى تنزعو بواسطة مزيل طلاء الاضافر وهنا راح تستعمل كمية كبيرة ماعليها غير تستعين بالكحول الجراحي راح يفي بالغرض واكيد من بعدها تغسل الملابس او السجاد

~ حراير ~ · 2013-03-13, 18:33

السلام عليكم و رحمة الله تعالى و بركاته
نشكرك على الهدية اختي معا الى الله و هديتي لحياة كي يسلك رب البيت راني نديلها
و سلامي الحار لكل اخواتي الي راهم يشاركو في صفحة الحلول المتميزة و ياريت يكثرو باش تكثرنا الحلول
بالنسبة لطلاء الأظافر
بكل صراحة عمري في حياتي مااستعملتو و مانعرفش وش هي خرايبو
على هك خلوني ندير بحث في الليل كاش ما نلقى
و هاديك الساعة تقولولي مرحبا بلي جا و جاب
هيا سلام

لمسة ابداع · 2013-03-13, 18:50

انا نقول حطي عليييييييييييه الزيييييييييت و من بعد اغسليه مليح باش تروح الابقعة تاع الزيت
و ايضا ممكن مثبت الشعر
ولا الماء السااااااااااااخن
الهدية اللي عطيتيييييييييييينا باينة بنييييييين تعطيك الصحة

بيلسان11 · 2013-03-14, 08:55

مبروك لحياة يتربى أو تتربى في عز والديهم ما نعرف واش راح تدير مع البيبي و باباه يا ربي يكون في عونها.
حلولي لا تختلف عن حلول الأخوات. فاستعمال الDissolvant و هو محلول مخصص لازالة بقع المانكير. انا نظن تنحي اللي تقدري عليه بعناية و هو مبلول من أجل ما تتوسع البقعة. و بعد ما ينشف نحاولوا ننحيوه باليد او نكشطوه بسكين بعناية طبعا. و في الأخير نحطو مزيل طلاء الأظافر أو الكحول راح يذوب و نوجدو منشفة صغيرة باش نمسحوا المانكير بعد ما يذوب مع المزيل.

سلاف26 · 2013-03-14, 11:20

لكن الكحول أو مزيل طلاء الأظافر يسبب كبر البقعة لانها مذيبات للطلاء و السجادة قابلة لإمتصاص السوائل يعني نجوا نكحلوها نعميوها ههههههههههه
أنا افضل حل تديها لـ dégraissage و هو يدبر راسو

ام عبودة · 2013-03-14, 15:40

السلام عليكم واش راهم البنات
احوال المذاكره ايييه، ان شاء الله بخير
الورطه هذه مريت بها بحكم نحب نشري بزاف الطلاء الوان والوان بصح مانحبش نديرو صراحة من وانا صغيرة كانت ماما تخبيه عليا
بقات في خاطري ايا كي تزوجت درت راي بيه، المهم نبدا بروحي ولا بالفحلة تاععنا
انا نقول نحكيلكم حكايتي
انا ما نكذبش عليكم من بدات بنتي تزغد الكوافوز تاعي ولات تشف وتغيظ ، اذا لقيتو فيها قرعة الديودورون راهي مليحة
على خاطر مليت من حكاية الطخ تك طخ ....
لميت كل الحوايج وديريكت الى الخزانة ، منكسر راسي ما نسمع قد وسخ وذنيا ( يا مدام يهديك ربي واش هاذ الزجاج واش هاذ الاحمر والاصفر.....ااحكمي روحك شوي.....)
المهم عييت ومليت. الى حد الساعة راني ههههههههمنعت روحي بصح كي يحب ربي تجيء
في صيف2011 كنت بالحمل وراني مزروبة رايحة لدارنا نوجدو لعرس خويا الكبير رحت نخمل في الفاليزة جيت نحي فيها من فوق خزانة صغيرة تاع زوج بيبان ويا ساتر تجي طايحة بيا وانا بالحمل خفت على روحي هربت وطاحت على الارض . وجات قرع الريحة والطلاء والزيوت.......
على خاطر دايرتها لمواد التجميل والشمبوان وغيرها
راني قلتلكم راني نمنع فيهم على الصغار
الحمد لله انا ماصرالي والو بصح الارض تبهدلت والحيوط وشوي الزربية
راني مزروبة والله ما نظفها خلي كنجي من العرس نلهى بيها
ظربت ثلاثة ايام ورجعت يا يما واش ندير، ايا ارواحي بالسكين ونحي اليابس ومن بعد مزيل الطلاء الساحر
من ذلك اليوم وانا نسميه الساحر شوفي نحي بيه السيال الطلاء من كل الاثاث الابواب ......كل شيء
اما الزربية كان شوي برك صح توسعت البقعة لكن غسلتها بالماء والصابون
الحمد لله حليت الورطة تاعي
نرجع الى هاجر باينة هذه بنتك البكر علابيها ماكيش دايرة حسابك شوفي احكمي كامل الماكياج تاعك وديريه في حقيبة صغيرة مخصصة
وخبيها على بنتك هذا واش ينفع من ثم استعملي مزيل الطلاء في التنظيف الزربية غير نحيها واغسليها والميسيووو غير خليه يعيط عليك
راهي فيها التبهديلة فيها، وبنتك ما ديريلها والو راهي تبع في سيرة ماماها وهذو هما الذراري من جبناهم وحنا في التبهديل والتحشام
اذا روحنا الى عرس او السوق او الحفافة او الاحباب
انا في راي اللى تضنى تحكم ولادها وتقعد في الدار
هههههههههههه
انتظر الحلول وراني راجعت مليح مدولي نقاط بزاف

الورود المنسية · 2013-03-14, 17:13

اننا ساخذ اجازة عن الرد هذه المرة
بصراحة
لاني اجبت وتعبت المرة الاخرى ولم اجد اسمي

إكرام ملاك · 2013-03-14, 21:40

السلام عليكم

سأكتفي هاته المرة بالمتابعة للحلول

تحياتي للجميع

لان المشكل هاته لم تحدث معي

ام عبودة · 2013-03-15, 10:20

جمعة مباركة للجميع
اين انتم الورطة تاع البنات كامل ولا لا
راني نستني غير في الحلول وهل ترى خيتنا هاجر عيط عليها الميسييوو ولالا
وبنتها واش دارتلها
امممممم الكادوو تاعنا واشي هو
وينكم؟؟؟؟؟؟؟