;ورشة تروسو عرائسنا الحلوات

[dalila2010]

حبيبتيla perle noir كملو لي اسطر 13و 14راني مافهمتهومش ولما انكمل انقولك على الاسطر لخرين لاني الباترو ن مافهمتوش ومشباين لي وتانيا راني غير مبتديئة عاونيني ربي يحفظك ويعطيك واش تتمناي راني حابسة نستنى فيك شكرا

[la perle noir]

السطر 13
فوق 04 اعمدة نتاع السطر 12 تعملي 04 اعمدة مجموعين مع بعض +02 سلسلة+فوق 02 سلسلة نتاع السطر 12 تعملي في كل سلسلة عمود بالتالي يكون عندنا عمودين+02سلسلة+04 اعمدة مجموعين مع بعض+02 سلسلة+02 عمود فوق 02 سلسلة نتاع السطر 12+02 سلسلة+04 اعمدة مجموعين مع بعض فوق 04 اعمدة نتاع السطر 12+05 سلسلة و تعملي غرزة حشوفي السلسلة 03 من 07 سلاسل نتاع السطر 12+10 سلسلة و تعملي غرزة حشو في السلسلة 05 نتاع السطر 12+05 سلسلة+04 اعمدة مجموعين مع بعض و هكدا تكملي كيما الاول حتى ينتهي السطر
نتمنى انك تفهميني

[sakura be]

اختاي دليلة وبارل نوار ادا احتجتو مساعدة رانا هنا اوكي
بالنسبة للاخوات اللي عجبتهم الفكرة راني نستنا الاخت جيل راهي تدخل غير في الويكاند وان شاء الله نبداو وجدوا رواحكم

[la perle noir]

مشكورة اختي sakura be
الحمد لله راني كملت المفرش .راني مخلوعة راني غير نشوف فيه.
وراني معاكم ان شاء الله في اي ورشة المهم يكون المودال شباب كيما هادا الله يبارك

[لحن الحياة.]

سلااااااااااااااااااااااااااام شباشييييييييييييييييييييييييييييييييييييييب يا حلويييييييييييييييين راني موافقة على الفكرة بصح ما نقدرش نعمل الورشة انا هههههههههههههههههههههههههههههههههههههه كاش وحدة تطوع و تولي استادتنا

[sakura be]

اهلا جييييييييييل ههههههه رح تكون ورشة جماعية الكل استاذات وفي نفس الوقت تلميذات هههههه رح نلم نابروناتي ونفتح الموضوع ان شاء الله ونتعاونوا ونديرو ورشة تهبل

[iris blanche]

السلام عليكم روحمة الله وبركاته

للاسف لم اكون في الموعد مع هذه الورشة اتمنى ان اكون معكم في الورشة القادمة

لقد وجدت هذا التروسو اتمنى ان يعجبكم

[sakura be]

تفضلوا الموضوع الجديد
https://www.djelfa.info/vb/showthread...post1054458005
اخت اريس راني نقلت مشاركتك وشكرا لك

[dalila2010]

ربي يحفظك اختي sakura be من فضلك كمليلي راني حايسة ومادبية انكمل باش انواصل امعاكم وشكرا عاونيني يعينك الله دنيا واخرة وشكرا

[sakura be]

سلام اخت دليلة خليلي رد في السطر اللي راكي حابسة فيه وان شاء الله ندخل ونكتبلك الشرح النت راهي ضعيفة

[dalila2010]

حبيبتي هنا راني حابسة كملت سطر 13 واصلي معايا في سطر14وشكرا

[la perle noir]

اختي دليلة .نحاول نفهمهولك و لكن ادا ما راكيش تفهمي مقصودي قوليلي باش ما نزيدش نكتب.و يحاولو الاخوات الكريمات يعاونوك
السطر 14
تعملي 04 اعمدة فوق(02 عمود نتاع السطر 13 اي 02 عمود فوق كل عمود)+02 سلسلة و تروحي مباشرة تعملي 04 اعمدةفوق(02 عمود نتاع السطر 13 اي يكون عندنا 02 عمود فوق كل عمود)+02 سلسلة+04 اعمدة تعمليهم داخل هادوك 05 سلاسل نتاع السطر13+05 سلسلة+02عمود واحد بجانب الاخر تعمليهم في وسط السلسلة نتاع 10 سلاسل الخاصة بالسطر 13+05 سلاسل+04 اعمدة داخل 05 سلاسل الخاصة بالسطر 13+02 سلسلة+04 اعمدةفوق(02 عمود نتاع السطر 13 اي 02 عمود فوق كل عود) و هكدا تكررين العمل من جديد الى ان ينتهي السطر
بالتوفيق اختي دليلة

[dalila2010]

شكرا حبيبتي la perle noir افهمتك واصلي معي ربي يحفظك

[dalila2010]

اسمحيلي اختي la perle noir ماقلتلك بالبراكة كيكملتي عقوبة لحواج اخرين ان شاء الله

[sakura be]

اخت دليلة اعتذر والله حملت الشرح واليوم مالقيت الرد ممكن النت كانت ثقيلة ولهدا لم يظهر الرد اعتذر مجددا وشكرا للاخت بارل على المساعدة