دورة خطواتي الواثقة لأصبح ربّة بيت متألّقة

[جهينة اليقين]

لبنات سمراء الدنيا رجعت راهي حطت رد فالمسابقة

[randa3]

صباح الخير جميعا
بارك الله فيك اخت ام تينة على كل الاكسسوارات الي قدميتهم ربي يجازيك خير ويصلح اولادك واولاد كل المسلمين
بطبيعة الحال رانا صايمين اليوم يا ام البنين. وش رايك لوكان نريحو الجمعة والسبت راكي عارفة ويكاند والزوج يكون في الدار ونعاودو نستأنفو بالاحد ولا الاثنين ؟

[sali kanouza]

صباحكم مبارك يا اغلى واحلى لمة واش كي صبحتو[color="navy"][/color]

[sali kanouza]

ام هارون ام هاجر اخواتي وماريا ملك الغالية جهينة ام تينة رندة حبيباتي صباحكم ورد وجوري

[sali kanouza]

انا الحمد لله بنتي البارح رقدت مليح حتى بقيت نتفقد فيها ههههه شكرا لكم على النصائح صدقوني ناضت مرة واحدة برك وانا نرضع فيها وقاعدة ندعيلكم كي العجوزة ههههه كل واحدة فيكم دعيتلها دعوة خاصة بيها ربي يفرحكم وينجح اولادكم

[randa3]

صباح الخير يا سالي شفت بلي البارح مارقدتيش حتى لل12 تاع الليل وانتي تكتبي
راهي الاميرة مسهراتك يعطيها الصحة

[sali kanouza]

ام البنين كي صبح وليدك ريح شويا وانت واش راكي ربي يعينك على الصيام انت والاخت رندة حياتي انت ثاني راكي صايمة

[sali kanouza]

الغائبات بزاف ان شاء الله يكونو بخير وعلى خير

[sali kanouza]

شكرا حبيبتي ام ادم جعله في ميزان حسناتك

[amira19]

صباحكن سعيد

[sali kanouza]

شفتي اختي رندة بصح من هذاك الوقت نامت حتى للسادسة صباحا والله انخلعت ما امنتش روحي انا اليوم نضت على 6ونصف شربت الماء غسلت ومشطت وتعطرت مع مكياج خفيف جدا راجعت لاختي على الخفيف وطيبت قهوة لياوشاي للزوج تع الذكار والاستغفار طبعا نضفت شوية المرحاض والدوش اعزكم الله لانو كلشي خملته البارح تعرفو النشاط لي يجيني كي نكون رايحة لدارنا نولي سوبر وومن ههههههه المهم فطرت وزدت خملت غرفة النوم وزدت طيبت تيزانة ليا هههه عجبني الحال غادي نقلبها غير تيزانة وذروك الاولاد مزالو راقدين والامطار دايرة حالة قلت نخلي شوية ونروح لانو البرد غاضوني مساكين

[ام ادم و اسيا]

صباح الخير عليكم كامل ام تينة والله راكى ذهبتي للصميم والله اعتبرك اخت واكثر ربما الله سخرك لنا لتنالي ما تتمنيه كل حرف كتبتيه كان في مكانه وفي الصميم خصوصا في وقتنا هذا اتمنى من نفسي ان التزم ولو بالقليل مما تكتبين الاخت سالي مبارك لك نوم الاميرة واصلي وداومي عل شرب التيزانة لانها ستفيدك وستفيد البيبي اخواتي كلكن احبكم في الله ادعو لي الله ان يقدرني على القيام بواجبي كام و كزوجةمحبة و مطيعة وان يحفظ لي زوجي واولادي الخمسة وان يبعد عنا اصحاب الشر والسوء والفتن في امان الله

[Oum Mohamed123]

صباحكم سعيد.اهلا بجميع الفراشات.

[Oum Mohamed123]

ام ادم واسيا ربي يقدرك

[Oum Mohamed123]

اه هارون وام هاجر ربي يشفيكم