الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام اسيد1

السلام عليكم و رحمة الله و بركاته
اسال الله ان تكونوا كامل بخير انا اليوم طيبت عش الزاوش تع ام حمزة ولا قدرت امبعد نحط الصور

أهلا ومرحبا بيك أختي أم أسيد واش راكي .؟؟؟ بصحتكم عش الزاوش. رانا نستناو في الصور. صورك رايح أكيد أتزيد للصفحة الجمال والبهاء. وماشاء اللّه في طباخاتنا وتميّزهنّ. تبارك الرحمان فيكنّ وأكثر من أمثالكنّ.

[غزالة الصّحراء]

المشاركة الأصلية كتبت بواسطة منال ومنير

مساء الخير روح مراد وشراك قليلي كيفاه ركي توفق بين البيت و العمل و الاولاد ونهار

أهلا بيك أختي منال ومنير. وين راه المشكل عندك باش أنعاونوك.؟؟؟ أنا ثاني نخدم برا وفي الدّار بصّح الحمد للّه راني لحدّ الآن موفقة بيناتهم. واش هو راهي الأخت أم حمزة أخموس عليها عجبتني بالبزاف أشغالها اليدويّة وحبيت نعمل مثلها. بصّح ثاني لازملي التخطيط لهاذي الزّيادة.

[غزالة الصّحراء]

المشاركة الأصلية كتبت بواسطة روح مراد

صباح الخير أخواتي
و الله البارح كنت شوية مشغولة و مشوشة ذهنيا
كانت عندي خدمة كبيرة لازم نكملها
و كنت رايحة نزور جدتي كانت شوية عيانة (الكبر) يعني ما رانيش نلقا الوقت الكافي فالدار و في الخدمة
في الدار ما نحبش ندير النت غير باش ما نقعدش و نهمل شغلي عندي 4 ساعات في الدار كل عشية ماذابيا ندير فيهوم شغلي
و لوستي جاية الجمعة مع أولادها و راجلها للفطور لازم نحضرلها أدعو برك ما يباتوش
يعطيك الصحة أم حمزة اشغالك هايلين
تحياتي لجميع الأخوات

هاذي غيبة أختي روح مراد. الحمد للّه على أنّك بألف خير. اللّه ايعاونك في أشغالك.

[صدفات]

مساء النور حبيباتي
أم حمزة يعطيك الصحة يا فنانة
روح مراد ربي يعاونك و يشفي جدا
غزالتي ربي يحفظك و يحفظ وليداتك يغيريتيني كي قلتي وليدي الصغير في الجامعة انا
راه الكبير سنة أولى ثانوي و صغيرة سنة الثانية ابتدائي يعني مازال الطريق طويل قدامي ربي يقدرنا
أم أسيد حبيبتي عجبوني les crêpes لي درتيهم و حطيت لك رد ربي يوفقك
بنات كل وحدة باسمها ربي يحفظكم

[غزالة الصّحراء]

المشاركة الأصلية كتبت بواسطة صدفات

مساء النور حبيباتي
أم حمزة يعطيك الصحة يا فنانة
روح مراد ربي يعاونك و يشفي جدا
غزالتي ربي يحفظك و يحفظ وليداتك يغيريتيني كي قلتي وليدي الصغير في الجامعة انا
راه الكبير سنة أولى ثانوي و صغيرة سنة الثانية ابتدائي يعني مازال الطريق طويل قدامي ربي يقدرنا
أم أسيد حبيبتي عجبوني les crêpes لي درتيهم و حطيت لك رد ربي يوفقك
بنات كل وحدة باسمها ربي يحفظكم

أهلين بيك. غير ماتتقلقيش حنونتي كاليوم إن شا اللّه اتشوفيهم أنتي ثاني في الجامعة. واللّه غير الأسبوع أتقولي يوم. والأشهر أسبوع والسنة ما عندي مانقول. راكم اتعيشوا واتشوفوا......... راهي الأيام تجري بالخف. راه العام أقريب يتخلاص. واللّه يحفظهم لك أنتي ثاني. راني غير مع راجلي ولما ايجيوا من الجامعة بسلامتهم أندير راتراباج. واش ايحبوه كامل انديرهولهم حتّى ولو أنكون عيانة . المهم أنشوفهم فرحانين. رايح أنوجد لهم البسكوي رولي أنتاع أم أماني . درتهولهم الأسبوع الماضي واعجبهم. وأنت واش راكي مع الرّيجيم؟ رايح أنشوف les crêpes انتاع أم أسيد قولي وين نلقى الموضوع. ؟أنا ثاني انديرهم لولادي ويحبوهم بزاف بالخصوص لما أتكون نوتيلا موجودة.و ربّي يحفظ كلّ وحدة باسمها.

[صدفات]

غزالتي les crêpes لي حطتهم أم أسيد عمرتهم بالسلق تلقايهم في فرع السلطات و المقبلات انا نعرفهم و درت هم من قبل يخرجوا هايلين.

[*أم جابر*]

السلام عليكم و رحمة الله و بركاته
بارك الله فيك غزالة و الله كلامك دواء ربي يحفظك و يحفظلك ما تسعاي
صدفات الله يجازيك خير
لبنات هذا موضوعي الجديد لعله يفيدكم https://www.djelfa.info/vb/showthread.php?t=1744371
تصبحون على خير

[ام حمزة22]

المشاركة الأصلية كتبت بواسطة hayette82

صباح الخير ام حمزة وكل العضوات

اهلين حيات واش راكي

المشاركة الأصلية كتبت بواسطة روح مراد

صباح الخير أخواتي
و الله البارح كنت شوية مشغولة و مشوشة ذهنيا
كانت عندي خدمة كبيرة لازم نكملها
و كنت رايحة نزور جدتي كانت شوية عيانة (الكبر) يعني ما رانيش نلقا الوقت الكافي فالدار و في الخدمة
في الدار ما نحبش ندير النت غير باش ما نقعدش و نهمل شغلي عندي 4 ساعات في الدار كل عشية ماذابيا ندير فيهوم شغلي
و لوستي جاية الجمعة مع أولادها و راجلها للفطور لازم نحضرلها أدعو برك ما يباتوش
يعطيك الصحة أم حمزة اشغالك هايلين
تحياتي لجميع الأخوات

ربي يعاونك ويقدرك على شغالك روح مراد
وربي يشفي الجدة الكريمة
وربي ينولك لي في بالك حبيبتي

المشاركة الأصلية كتبت بواسطة ام اسيد1

السلام عليكم و رحمة الله و بركاته
اسال الله ان تكونوا كامل بخير انا اليوم طيبت عش الزاوش تع ام حمزة ولا قدرت امبعد نحط الصور

بصحتكم عش الزاوس ام اسيد
قوليلي واش رتيك فالطبق

المشاركة الأصلية كتبت بواسطة منال ومنير

مساء الخير وشراكم توحشتكم بزاف كانت عندي شوية خدمة
مع البيت و اولاد و الحمل راني نعية ادعولي نسلك

ربي يسهلك ويعطيك وقفة ساهلة

المشاركة الأصلية كتبت بواسطة بيلسان91

مساء الخير ام حمزة اليوم درت تحلية بالليمون لقيت الوصفة فكتاب الطبخ القسنطيني
المهم هي نعتت كفاش تندار التحلية بصح التزيين قالت برك طلعي بياض البيض على شكل تلجي ومننعتتش كفاش يطلع
حوست فقوقل لقيت ديري بياض البيض مع سكر وطلعيه
درت كما قالو فقوقل وطلعتو بالباتور ختار شوية بصح مولاش على شكل تلجي
كفاااش الحل

بليسان مثل ما قالتلك غزالة ربي يحفضها لازم يكون باتور مليح
ونزيدلك حاجة لازم تاني البيض لازم يكون بارد مليح مليح باه يطلعلك بسهولة

المشاركة الأصلية كتبت بواسطة غزالة الصّحراء

ماشاء الرحمان اللّه ايبارك. وخمس واخموس عليك. روعة. واللّه اتصدقي ولا لال غير عينيا أتدمعوا . مانعرف وعلاش. !!!!!!!!
روعة روعة روعة مابعدها من روعة. بالنسبة لغراء الخشب نعرفو بصّح غراء الزجاح مانعرفوش. راني أنوصي أولادي بسلامتهم لما يرجعوا من الجامعة . ونخدم كاش حاجة. مازال مافكّرتش. أنا شخصيا أنميل بزاف للأشغال الفنيّة بصّح اللّه غالب ماعنديش بزاف الوقت. ورغم ذلك رايح نعمل المستحيل باش أنوفّق في تنظيم الوقت ونعمل كاش فازة.. ويعطيك الصحّة على ردّك واللّه راكي بزاف أشجعيني ودائما للأحسن اللّه ايطوّل في عمرك ويحفظك للعائلة أنتاعك ولينا ثاني باش نستفادوا من خبراتك وتجاربك الموفّقة. بصحّ حبيت أنسقسيك. هذيك الكؤوس ألي باللّون الوردي ثاني بعجينة السيراميك؟ظ

مشكورة حبيبتي على الكلام الطيب
صدقيني غزالة والله كي نكون نخدم في هاد الفنون نكون مرتاحة نفسيا
اما عن الكؤوس كانو عندي كؤوس نتاع كوكا كولا طليتهم بالغراء نتاع الخشب ودرتلهم طبقة نتاع العقاش الرقيف
وهداك لي تحت الكؤوس سيدي لسقت فيه الكاس
غزالة راني دايرة المراحل نتاع الكؤوس مازال ما حطيتهاش في قسم الاعمال الفنية

المشاركة الأصلية كتبت بواسطة صدفات

مساء النور حبيباتي
أم حمزة يعطيك الصحة يا فنانة
روح مراد ربي يعاونك و يشفي جدا
غزالتي ربي يحفظك و يحفظ وليداتك يغيريتيني كي قلتي وليدي الصغير في الجامعة انا
راه الكبير سنة أولى ثانوي و صغيرة سنة الثانية ابتدائي يعني مازال الطريق طويل قدامي ربي يقدرنا
أم أسيد حبيبتي عجبوني les crêpes لي درتيهم و حطيت لك رد ربي يوفقك
بنات كل وحدة باسمها ربي يحفظكم

مساء الانوأر حبيبتي
مشكووووووورة
صدفات كي ليوم ان شاء الله يلتحقو ولادك بالجامعة انا والله ما حسيت حتى لقيت ولتدي كبرو والنمو نتتعهم يجوز كي لمنام
ربي يحفضهز ويحفض وليدات المومنين

[بيلسان91]

المشاركة الأصلية كتبت بواسطة غزالة الصّحراء

أهلين بيك أختي بيلسان91 ياربّ أتكوني بخير انت وعائلتك. حبيت أنجابوبك فيما يخص الطريقة الي اتطلعي بيها البياض.
أولا لازم الخلاط ايكون ماركة أمليحة. ديري البياض في الصّحن ألي تعملي فيه الحلويات. اضيفي له قليلا من الملح. في أغلب الحالات أنا أستغني عن الملح . أنخلط بدون توقّف حتى أنشوف البياض بدأ يتكاثف مالازمش أنخليه كالماء. . شوفي حنونة يبدا يطلع كيما الأومو لما أنديروا الماءهههههههههههه على هاذي التّجربة لما كنّا أصغار أنحبو نعملوا الأومو في قارورة وناخذوا أنبوب وندخلوه الدّاخل ونعملوا بالونات. يحسراه على هذاك الزّمان !!!!!!!!!!!!بما أنّه للتزيّن أكيد لازم أتزيديلو السّكر. قولي أوّلا كيفاش كتبت صاحبة الكتاب. يعني البياض بالسّكر أو بدونه.؟ باش أنوضّح لك أكثر.

مساء الخير
شكرا على الاجابة
صاحبة الكتاب قالت طلعي بياض البيض على شكل تلجي بررررك ماقالت حتى حاجة اخرى
يظهرلي كما قالتلي ام حمزة لازم يكون البيض بااارد جدا

[ام سوهيل]

صباح الخير للجميع صدفات وغزالة ربي يباركلكم في اولدكم اما انا وليدي الكبير راه يقرا سنة اولى ابتدائي ربي يخفضه بصح ولله غير انقولكم الحق كي نشوف وش راه صاري برا نقول يريت لوكان ولدي يقعد صغير وميكبرش اخلاص

ربي يحفض اولادنا ويتجيهم من رفقاء السوء

ام اسيد روح موراد ام حمزة سلامي الحار ليكم ام حمزة راكي شطرة الله يبارك خموس عليك

كرونو مركيش تباني

[ام هاديل وياسين]

السلام عليكم وصباح الانوار على جميع الاخوات ان شاء الله تكونو بخير ربي يحفظ اولادنا ويباعد عيهم كل شر
ام حمزة كي راكي حبيبتي ام اسيد مواضيعك مفيدة غير درك كنت نشوف في تاع السيليكون اديت فكرة
حتى انا نشري غير الي لونهم فالمارون لخرين ما يعجبونيش صدفات الله يباركلك في ولادك ويخليكي ليهم ولله غير يشيبو الراس
انا هاذ العام عندي الي فالباك وثاني في الرابعة متوسط والبنت الخامسة الله ينجحهم وكل اولاد المسلمين
روح مراد الله يرزق الشفاء لجداتك ام سوهيل غزالة بيلسان غزالةتحياتي ليكم والي نسيتها تسمحلي دخلو اسماء جدد الله يبارك ومعقلتش عليهم

الله يوفق الجميع

[روح مراد]

صباح الخير أخواتي العزيزات
شكرا على الدعاء الواحد لازم يرضى بقضاء الله و قدره جداتي فايتة 90 سنة الله يبارك يعني ننتضرو ساعتها بقلب صابر
جداتي أم والدي الله يرحمها ماتت في سن 97 سنة بالصح حتى شبنا باش ماتت قعدت أكثر من 5 سنوات مقعدة ما تتحركش من فراشها بدون مساعدة حتى وحد نهار نضنا صباح صبناها ربي يرحمها الكبير كي ما يكنش عندو حتى مرض يموت بلعقل

[منال ومنير]

صباح الخير الاخوات وشراكم كيفاه صبحتو
صباح الخير روح مراد انا عندي 2 اولاد وحدة في تحضيري وواحد عندو 03 سنوات نحرج على الرابعة ونصف مانجي نوصل تكون 05 اوشي مايكفينيش الحال مع العشاء البارح بنت قتلي قريني شوية قريتها ونا مقلقة على السوالح مافهمتش كيفاه راكم توفقو بين الخدمة و البيت

[روح مراد]

ربي يحفظ أولادك يا منال و منير و يعطيك الصحة و القوة
أنا لحد الآن ما عنديش أولاد فقط أنا و راجلي و عجوزتي
أحيانا النوض بكري صبح نطيب العشاء و كي الروح العشية نغسل مثلا الملابس أو نسيق المهم ندير حاجة

[أم الحبايب 26]

صباح الخير علئ الجميع نشالله تكونو كمل بخير واش راكي ام حمزة الله يحفظلك هدوك اليدين قتلك كل صبع بصنعا الله يخليك سالي علئ معجون اجنا كيكون حب طيبيه وتطحنيه ولا تكوني عصراتو الله يخليك ولادي يحبو ه بزاف قليلي علئ طريقة بظبط
سالي لام سوهيل اعاني من ارتفاع ظغط ادموي قلي طبيب لزملك رجيم سالي عن رجيم قارص و الكمون تشربيه كل يوم ولا نهار بنهار يعطيك رابي وا تتمناي