دورة صيفية جديدة

[# أم عبد الرحمان #]

لم أعرف سبب ظهور الكتابة بهدا الشكل

سأحاول اصلاحها بإدن الله

[arwa alaa]

اهلا فراشات واش راكم سلامي ليكم كل وحدة باسمها راكم منورين الصفحات

[crono]

#اختي العزيزة عندك علم 😍💪💪
👈👈1-عندك علم سورة # المدثر كل يوم سبع مرات لمدة سبع ايام راح تفتح الخير
2- عندك علم سورة # البقرة كل يوم لمدة اربعين يوم قبل اذان المغرب إلي تحبيه راح يصير بإذن الله
3-عندك علم الخلافات الزوجية تنتهي بمجرد قراءة سورة# المؤمنون
4- عندك علم اذا انتي مظلومة تقرئين سورة # الروم راح تدي حقك ثالث ومثلث
5-عندك علم عندما ترددين # ياجامع 11 مرة و# ياودود 22 مرة قبل وانتي متعاركة مع زوجك راح يجي يصالحك
6- عندك علم اذا تعانين من خنقة والقهر تقرئين سورة # يوسف راح ترتاحي وتكوني منتصرة
7- قبل لا تنامي اقرأي سورة # الملك تكفلك بالقبر وتنور قبرك بعد عمر طويل
8- تعانين من الرزق القليل سورة # الواقعة تبداي بيها من الخميس بعد أذان العشاء تقرايها 5 مرات متتالية لمدة سبع ايام الى ان توصلي للخميس الثاني تقرايها 6 مرات الرزق يجيك من كل مكان مجرب 👇👇👇
9- اذا عندك نية فبالك وتحبيها تصير رددي سورة # النصر ان شاء الله تفرج
عندك علم عندي ساعة نكتب وعينيا وجعوني:d ان شاء الله نستفادو

[رندة.]

اهلا وسهلا أم عبد الرحمان، شوقتينا نقراو واش كتبتي وماظهرتش الكتابة.

عودة ميمونة يا أروى، وين راكي تغيبي؟ ولا راكي مصيّفة.

يعطيك الصحة يا كرونو على فوائد الاستغفار، ربي يعينا على الذكر والشكر والاستغفار ان شاء الله. والسور القرآنية إلي ذكرتي فوائدهم كاين إلي كنت نعرفهم من قبل وكاين إلي عرفتهم ذرك، بارك الله فيك ويجازيك خير ان شاء الله.

[arwa alaa]

اهلا رندة واش راكي راني غير في الدار لاتصياف لا والو اعملها بيا الإنترنت برك

[قرويجة]

السلام عليكم خواتاتي كل وحدة باسمها

[جهينة اليقين]

سلام فراشات الضيوف شرفو وتلاقاو الاطفال واحد الانقلاب ما نحكي لكمش راني سرقت شوي وقت باش نراجع واش كتبتوا الله يبارك راكم نا شطين* وراه ما زال وفد اخر ما وصلش وهذو ليامات عندي عرس اعتذر لكم ونسلم على كل واحدة اعذروني سلام*

[رندة.]

صباح الخير فراشات وجمعة مباركة للجميع
أهلا وسهلا أروى مجددا، والأنترنت ساعات كامل أديرها بينا، ويحس الواحد روحو خارج مجال التغطية كي مايقدرش يطل على قسم المنزل ودورة الفراشات.

أهلا قرويجة واش راكي؟ هاذي غيبة!!

مرحبا بجهينة، هذا هو الصيف يا نروحو نزورو يا يجونا الضياف، المهم كي تكون الصحة بخير، استمتعي بأوقاتك مع ضيافك وعيشي اللحظة.

[crono]

صباح الخير فراشات وجمعة مباركة للجميع

[crono]

ان شاء الله تكون الامور تمام معاكم

ياريت لاتنسوا ان تدعوا الله ان يصلح لي ذريتي ادعوا لي في ضهر الغيب
ان يحفظ الله لي زوجي واولادي وان يبارك لي فيهم

[arwa alaa]

اهلا فراشات
اهلا جهينة ربي يعينك واستمتعي مع زوارك
قرويجة واش حوالك
رندة شفتي كي متكونش الانترنت نحس روحي في غيبوبة ونضل واش دارو واش عملو

[arwa alaa]

جمعة مباركة للجميع

[ام هزار]

جمعة مباركة فراشات
كرونو الله يصلح دريتك و اهلك جميعا و ايانا يا رب اللهم صل و سلم على سيدنا محمد صلاة لا تنقطع ابدا

[رندة.]

فراشات اليوم جمعة: يوم التجديد الروحي
يستحب فيها الاستحمام، التعطّر، قراءة سورة الكهف، الاكثار من الاستغفار والصلاة على الرسول صلى الله عليه وسلم، ترقّب ساعة استجابة الدعاء، صلة الأرحام ولو باتصال هاتفي للاطمئنان.

كرونو ربي يصلح ذريتك ويحفظ زوجك وأبناءك ويبارك فيهم. وكل وحدة تقرا هذا الدعاء لها بالمثل ان شاء الله.

[قرويجة]

المشاركة الأصلية كتبت بواسطة arwa alaa

اهلا فراشات
اهلا جهينة ربي يعينك واستمتعي مع زوارك
قرويجة واش حوالك
رندة شفتي كي متكونش الانترنت نحس روحي في غيبوبة ونضل واش دارو واش عملو

السلام عليكم
راني مليحة الحمد لله ختي أروى يسقسي عليك الخير
و انت واش أحوالك