الجزء 183 من واش طيبتي اليوم كوزينة القلب الصافي و الذراع الوافي - الصفحة 14

سحابة باردة · 2017-10-28, 14:53

مساء النور معدرة أم هديل نسيتك ينساك الهم شكرا حبيبتي وأرواحي عندي مازال كاين الكروكي
سعدودة يسلمك جربيها صدقيني تستحق وروحي للمة نحكو ثم على اللي بالي بالك هههه
راني جبتلكم الغدا بعجينة حيوتة ننصحكم تجربوها أاسهل منها مفيش تجي هشوشة

طيور الجنان · 2017-10-28, 15:04

سحابة بصحتكم البيتزا اممممم تشهي صح عجينة حياة خفيفة عجبتني

ام هدول · 2017-10-28, 15:20

محاجب حرارين بحشوه مختلفة بنينه ًًًبنينه ،،،،،مانحكلكمش بسيف صورت،،،من الطجين والتهمت،،،،خخخخخ

ام هدول · 2017-10-28, 15:30

سحابة شعارتنا الجميلة ،،،بصحتك البتزا اممممم تشهي ،،،،،عجينة حيوته دايره حالة ،،،،حتى انا راهي في القائمه ،،،وبصحتك موسكوتشو الشوكولا واو ،،،،
سعيدة وسحوبه والله شعور متبادل نجي وناكل معكم حتى ماكلتكم تسحفني ومتقونه ،،ماشاء الله عليكم

ام هدول · 2017-10-28, 15:36

قبل مانروح نكمل مراجعة مع بنتي
نقولكم على الحشو نع محاجب لي هو سلق مفور معصور مليح من ماه
نعمل صلصة لمحاجب عادي نضيف شويه لحم مفروم نقلها مع حشو لمحاجب وفي الاخير نضيف السلق
ونخليه يتشرب الحشو،،،وكي نحشي لمحاجب نضيف قطع من الجبن ،،،،امممم

طيور الجنان · 2017-10-28, 15:44

ام هدول يامي يامي خرجو علامة الله يبارك راني ديت الصحن قبل مايدخلو يلتهموه

أمنية غفران · 2017-10-28, 16:35

السلام عليكم و رحمة الله تعالى و بركاته

أخواتي الكريمات صحا فطوركم ام يوسف و وطيور و سحوبة و ام هدول و كل الأخوات

سحوبة البيتزا خرجت هايلة بصحتكم و عجينة حيوتة كاش نهار نجربها راهي في بالي و المعرض حابة نروحلو بصح وقتاش يخلاص

ام هدول بصحتكم المحاجب و عجبتني فكرة السلق يعطيك الصحة

فطورنا كان تريدة بنينة اممممممممممممممممممممممم

و العشاء راهو يطيب شربة عدس امممممممممممممممممم نوجده على بكري باش نروح نحدد الحوايج

تحياتي و سلامي للجميع

بيان 5 · 2017-10-28, 16:52

سحابة يعطيك الصحة على البيتزا ام هديل شهيتيني انت وامنية في لمحاجب والتريدة الله يبارك امممممم لعابي يسيل ابعثولي ولا نبكي ههههه

بيان 5 · 2017-10-28, 16:54

ريمة يعطيك الصحة على الحلويات هايلة

أم يوسف2 · 2017-10-28, 18:48

سلام زعما درت سفنج باه نستقهواو بيه وتنفخ الله الله لكن كي كلاوه جاهم يابس وعجوزتي اسكتوا برك خخخ اسمعوا قولولي علاه جاني يابس

سحابة باردة · 2017-10-28, 19:19

مرحبا ياحلوين
أم هدول المحاجب يشهو بصحتكم وشابة فكرة السلق سيرتو للاولاد
أمنية المعرض يخلاص في 4 نوفمبر ممكن نتلاقاو ثم ههه
بصحتكم التريدة توحشتها عندي بزاف مدرتها مهيش منتشرة عندنا بصح نشبع منها كي نروح لمرت سلفي
أم يوسف قوليلي واش قالت عجوزتك هههه باش نقول لأم هدول تخبرك سر نجاح السفنج
بيان ميرسي

طيور الجنان · 2017-10-28, 20:19

امنية اممممم بصحتكم التريدة حتى انا عندي بزااااف مادرتهاش. المعرض يخلاص نهار السبت الجاي.
ام يوسف ممكن الدقيق ماشي مليح و مانعرف دوك يدخلو لبنات يفيدوك اكثر .

أمنية غفران · 2017-10-28, 20:44

السلام عليكم اخواتي الكريمات صحا عشاويكم وين ما كنتم

أختي ام يوسف موالفة ديريه ولا هادي المرة الاولى و درتيه بالسميد و لا الفرينة شوفي ننصحك بسفنج اختنا ام محمد اسلام الله هايل تفضلي الرابط

https://www.djelfa.info/vb/showthread.php?t=1934709

امممممممممممممممممم عشانا كان شربة عدس لذيذة زدت ليها من فوق شوية زيت الزيتون

سحوبة و طيور امالا المعرض مازالو ممكن نروح في اول نوفمبر على حساب الظروف و لما لا نتلاقاو تما يا دلالي

النت راهي ضعيفة

تصبحو على خير حبيباتي

أمي جنتي · 2017-10-28, 20:55

السلام عليكم ورحمة الله وبركاته
ألف مبروك أختي أمنية على افتتاح هاذ الجزء من الكوزبنة ربي يجعلها فال خير علينا كامل،أنا عضوة قديمة جديدة بيناتكم والله ديما نتبعكم من الكواليس وغير اليوم كتب ربي نشاركم في الكوزينة (للأمانة راني أخت المشاكسة ملاك ملاك) ههه
اختي امنية تفضلي باروكي ونحب تقييمك ياصاحبة الذراع الوافي تبارك الله

أمنية غفران · 2017-10-29, 08:17

صباح الخيرات و المسرات أخواتي قاع قاع

الله يبارك دخلت على أحلى حلويات لأحلى أخت لملوكتنا تبارك الرحمان راكي فنانة عجبوني قاع و ديك السنيوة الله الله بصحتهم ضيافكم لوكان غي جيت في وسطهم
لكي مني أحلى تقييم يا أحلى بنوتة و شرفينا بطلتك حبيبتي