موضوع مميز وصفات من حراير مطبخ وش طيبتي اليوم - الصفحة 14

فايزة44 · 2013-09-30, 13:58

فيوزة الوصفة نفسها لي مالفين نديروها انا ليدي عدد البيض ديري ضعفه ملاعق كبار تاع سكر زيت فرينة
يعني مثلا 6 بيض 12 ملعقة سكر كبيرة 12 ملعقة و 12 ملعقة فرينة كيس خميرة و فنيلا
اخفقي البيض حتى يطلع و اظيفي السكر حتى يذوب مع الفنيلا ثم الزيت و أخيرا نقصي السرعة و اظيفي الفرينة و الخميرة
في القالب كدهون بالزبدة و الفرينة انا استعملت معجون الخوخ حب قسمت الحبة على اثنين حطي النص مقلوب في المول و فوقه الخليط و العصير احتفظي بيه حتى طيب و تبرد و شربيها
طيبيها 180 درجة حطيها في نص الفرن و تاكدي من الطبياب بالسكين
المعجون تلقايه في مواضيع ليدي و في موسم البرتقال قطعي برتقالة شرائح و ديري السكر الخشن ثم شرائح البرتقال ثم خليط المسكوتشو و اعصري برتقالة شربي بيها
الأناناس و التفاح بالقرفة أيضاً يجيو هايلين و بالصحة

فايزة44 · 2013-09-30, 15:58

اتفضلوا تشربوا القهوة
بسبوسة اربع بيضات
طريقتي في تحضيرها مميزة وهي تشبه تحضير الجينواز بفصل الصفار عن البياض
اربع بيضات كاس سكر كاس زيت كاس حليب
2 خميرة كيميائية زاست ليمون او فاني
سميد
اخفقي البياض مع شوية سكر
ثم اخفقي الصفار مع الباقي من السكر واضيفي الزيت ثم الحليب والفاني
اسكبي عليه السميد حوالي 3 كؤوس وشوي عينك ميزانك والخميرة
ثم اخيرا اضيفي البياض المخفوق وخلطي بملعقة واسكبي في العلب وطيبيها
وشربيها
العسل نخففه بعصير البرتقال يعطي بنة مميزة **سر **

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

للتشويق والتعذيب

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

فايزة44 · 2013-09-30, 16:04

هاكم وهاذي الوصفة ممنوعة لاصحاب الامعاء الضعيفة هههههه حاااارة ياسر

إضغط هنا لرؤية الصورة بحجمها الطبيعي.

اللي سقساوني على طريقة كسرة الشحمة
من هنا طريقة تحضير الشحم المتبل

https://www.djelfa.info/vb/showthread.php?t=1208045

حضري بيه كسرة او مطلوع او مسمن
واذا ما عندكش تقدري تستعملي حميس حار ومقطع رقيق وتقدري تضيفيلو طون وجبن يجي راااائع

الكسرة لازم تكون معجونة مليح وطرية ورقيقة

الدنيا · 2013-09-30, 23:13

ام ياسين الزهراء

6 ملاعق حليب + كاس عسل +نص كاس سكر +كاس زبدة فوق حمام مائ نحيه وزيدي 4 صفار بيض وملعقة تاع القهوة بيكربونات وخلطي مليح وزيدي الفرينة حتى تتلم واقسمي العجينة على 3 وطيبيها على ضهر السنيوة وكل ماطيبي طبقة دير المعجون وذري من فوق حلوة الترك وحتى تكملي كل الطبقات والاخيرة ديري الشيكولا وخليها تبات باش تقسميها

الدنيا · 2013-09-30, 23:19

الامنيات

غرفية حمص مرحي +4غرفيات ماء +كاس تاع شاي زيت +2بيض+ملح +شوي كمون خلطي خليهم ربع ساعه
ديري في صينية غارقه ودخليها للفرن 20دقيقة الفرن قاوي شاعل بزاف من بعد نقصي له حتى تحمار وتنشف

الدنيا · 2013-09-30, 23:20

tokio hotel
250غ فرينة م ص سكر ماح 4 م ك زيت زيتون حبة بطاطا مسلوقة خميرة الخبز عينى ميزانى و حسب الجو كدلك حبة فرماج ثوم غبرة اختيارى نخلط كل شى تحصلى على عجينة طرية بزاف قيس ما تتلم خمريها اطرحيها فى سنيوة ثقبيها باصابع يديك الزج نرشها بزيت الزيتون زعتر و اكليل و زيتون و الطماطم الجافة انا ما عنديش ما نحطش خمريها و طيبيها

Skikdya · 2013-09-30, 23:30

يعطيكم العافية
وصفات كتير رااااااااائعة

الدنيا · 2013-09-30, 23:38

ام محمد تاج

قلي مرقة بيضا بطرف جاج من الأحسن صدر ولا كويس على خاطر مبعد تفتتيه وقلي مليح ومرقي شوي برك ولوحي الجلبانة تاعك طيب كي طيب وتاخثار لوحيها في بلا تاع الفور هي بالمرقة الخاثرة تاعها وفتتي الجاج تاعك وحطيه على الوجه وفقسي فوقهم البيض بالحبة يعني كاملين حسب أفراد العائلة ورديها للفور يطيبو البيضات وفقط وكي طيب أعصري عليها القارص والمعدنوس وشهية طيبة حنونة

*عاشقة الجنة* · 2013-10-01, 15:16

ladymillion

جينواز الجوز والعسل

الجوز مافيهاش بزاف الجوزوتقدري تستغناي على الجوز وتعوضيه بنكهة الجوز تتباع في قارورات صغيرة

مقادير الجينواز :
250 غ زبدة
1 كاس سكر
3/4 كاس عسل انا درت عسل المرجان فيه نكهة العسل الحر واذا ملقيتيهش ديري اي نوعية نتاع عسل وزيدي ملعقة كبيرة عسل حر
5 بيضات كاملة
كأس جوز مرحي
2 ملاعق كبيرة كاكاو اسود
2 كيسان ونصف فرينة
2 ملاعق صغيرة بيكاربونات أو خميرة القاطو

في الخلاط حطي الزبدة + السكر + العسل واخفقي مليح وزيدي المكونات الباقية
جيبي 2 صينيات ادهنيهم بالزبدة والفرينة
وقسمي الخليط على 2 بالتساوي
وحطيهم اطيبو على درجة 180°

تحضير الكريمة
250 غ زبدة + 250 غ سكر ناعم + فاني
اخفقيهم مليح وخليهم على جنب
حطي 3/4 كاس حليب في وعاء على نار متوسطة + 1 ملعقة صغيرة سكر + 2 ملاعق كبيرة سميد وخلطي حتى يطيب السميد في الحليب
جيبي كريمة الزبدة وخلطي معاها الحليب والسميد وزيدي اخفقيهم شوي برك باش يتخلطو مع بعض

كي يطيب الجينواز وتخليه يبرد حطي الكريمة على طبقة وهي في الصينية متنحيهاش وزيدي حطي فوقها الطبقة الثانية نتاع الجينواز

وحضري كلاصاج الشوكولا
استعملس شوكولا منى أنا نحبها هههههههههه بنينة ذوبي 600 غ في حمام مائي + صفار بيضة + باكي من قهوة نسكافي وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي
ملاحظة : الماء استعملي من نتاع الحمام المائي
وسيحي الكلاصاج فوق الجينواج ومشيه شوي واعدليه وخليه يشيح
التزيين : ذوبت الشوكولا وحدها من غير أي زيادات وجبت قوالب الورقة عمرتهم بالشوكولا ونحط في الكونجيلاتوغ تجمد شوي ونحيها وندير فوقها البريون الرطب بالبانسو

وكي يشيح الكلاصاج هاديك الغدوة قطعيه مربعاة وحطي في الكيسات ولازم يتخبى في الثلاجة
الصينية 25سم نصف القطر يعني كامل 50 سم دور نتاعها

هذه هي الوصفة انشاء الله نكون عند حسن ضنكم وادعولي ولولديا

*عاشقة الجنة* · 2013-10-01, 15:17

أم ياسين الزهراء

ترقاد الزيتوووووون

البنات ماننصحكمش بدواء الزيتون مضر للصحة ن

هدي طريقتي ترقاد الزيتون وعن تجربة 20 سنة واكثر هههههههههه زعمى جداتكم

جيبي الزيتون ونحي الاخضر وحدو والاحمر وحدو لان الاحمر يطيب ثم ثم ومايصبرش شلطيه بالموس اعملي زوج شلطات وحطوه في الماء وخلوه كل يومين بدلو الماء وهكى حتى كيتذوقوه تلقاوه تنحاتلو المرارة ديرو الماء والملح وخلوه يومين ولا 3 ايام ومنبعد نحولو هداك الماء وديرو ماء جديد معاه الخل والملح والرند والثوم والزرودية والبسباس واللفت والكرافس وفلفل حار ادا تحبوه حار اقسموه ولا كيما انا نخليه هكاك والقارص مقطع قطع واقفلو عليه بعد يومين حلو وذوقو كشما خصو ملح ولا خل زيدولو وبصحتكم

وهدا اللي يجيب كمية كبيرة احكمي الزيتون بلا ماتشقيه وديريه في بوادن الكمية اللي ناوية تاكليها وديري معاه كمية كبيرة ملح بزاف واقفلي عليه ونهار تحبي تاكلي منو اجبديه شلليه وشقيه وديريه في الماء واعملي الطريقة الاولى

فايزة44 · 2013-10-01, 15:49

إضغط هنا لرؤية الصورة بحجمها الطبيعي.

هذه طريقتي في كسرة الشحمة ساعات نديرها غير بالفرينة وساعات نديرها فرينة وسميد ودقائق ههه نديرها كيما المطلوع محشي يعني

هاذي عملتها فرينة وسميد

3 كيسان فرينة
كأس ونصف سميد
فوق نصف كأس زيت فايت شوي في النصف يعني
2 م ص خميرة الخبز
م ص سكر
ملح

نبسس العجين ونلمو بالماء الدافي ونعجنو ملييييح ونديرو كويرات انا قسمتهم على 10 كوويرات باش يجيو 5 قرص ونخليهم يرتاحو وراح يتخمروا

نوجد الدواوات كيما المحجوبة عادي وتكون فيهم الشحمة

حطي طاجين الطين يسخن ملييييييييح حتى نصف ساعة

وحلي العجينة رقيييييييييييقة تكون دائرية انا نحب يكونو صغار وسعي الحشو فوق القرصة وزيدي حطي قرصة وحدة فوقها واغلقي من الجوانب بالماء واضغطي بالشوكة وطيبيها

ان شاء الله نكون افدتك والشرح يكون وافي

فايزة44 · 2013-10-01, 20:56

بناات هدي هي لاغوسات تاع مسكوتشو الجوز مكانش اسهل منها

المقادير:

2بيضات + 4م ك سكر + 6 م ك زيت +6م ك حليب هدو كامل خليطهم مليح فالروبو

+2 م ك كاكاو ومبعد اضيفي 10 م ك فرينة +2 فاني + 2 باكيات خميرة وخلطيهم تاني فالروبو

ونحيهم من الروبو وزيديلهم 100غ جوز مدشدش حوالي كمشة برك ههههه

كي تطيب اسقيها [COLOR="rgb(255, 0, 255)"]بالسيرو :[/COLOR]

6 م ك سكر + 6 م ك ماء +1م ك نيسكافي وخليه يطيب على نار هادئة .

اقسميها على زوج واسقيها بالسيرو والحشو كرام شونتي..
إضغط هنا لرؤية الصورة بحجمها الطبيعي.

فايزة44 · 2013-10-01, 21:13

قاطو لفرومبواز.

المقادير:رطل زبدة +4 صفار +بيضة كاملة + كاس ونص سكر رطب +1خميرة غير شوية + الفرينة

إضغط هنا لرؤية الصورة بحجمها الطبيعي.

[COLOR="rgb(255, 0, 255)"]الحشو:[/COLOR]

نيسلي + كابريس دايب في حمام مائي مع شوي حليب

إضغط هنا لرؤية الصورة بحجمها الطبيعي.

[COLOR="rgb(255, 0, 255)"]التزيين:[/COLOR]

معجون +كوكاو + حبة فرومبواز من الفوق

وبسسسسسس خلصت....

oum ibrahim · 2013-10-02, 13:27

ام كوثر
تارت جينواز بالكرامال
ديرو نفس الطريقة لكن في بلا مستطيل
اقسميهم على 2 وشمخيها بمعجون ومازهر

مليح مليح
طلعي شونتيي ملييييييييييح وتكون تقيلة
وديريلها 3مغارف ديكوجال كرامال
وخلطي
ديري بين الطبقات وكتري ممممممممممممممممم
ومن فوق تان طبقة مليحة وصبي الكرامال
وزيني بشونتيي بيضاء حسب الرغبة
تبرد وتتماسك وقطعيها

snow white 19 · 2014-03-02, 17:28

رااااااااااااااااااااااااااااااااااااااااااااااااا ااااااااااااااااااااااااااائع