وصفات حراير الكوزينة الجزء الثاني

[idron0]

البسباس om kamilia

نحتاج البسباس لى حسب العائلة , دجاج واش عندك , ان ندير بطاطا مربعات ولآ فريت كبيرة نقليها, بصلة متوسطة ,ثوم5 فصوص ملح فلفل كحل , قرفة مرحية, معدنوس ىبيض وعصير ليمون , فطراو زيتون اختياري
اولا نقو البسباس ونقطعو ل4 ونرشو شوية ملح وفلفل اكحل ونرابي عليه ثوم ونفورو مدة20دقيقة وفي طنجرة نحط الدجاح ديالنا والبصل المفروم وشوية زيت يتقلابلعقل نزيد الثوم ونتبل بفلفل كحل مع شوية قرفة مبعد نمرق نخليه حتى يطيب الجاج نحيه بجهه وكي تبرد المرق نضيف البيض 2 او حسب حجم البسباس ونقطع معدنوس وعصرة صغيرة قارس وجبن قطع من جهة نستف البسباس في قالب تاع الفور ونضيف الطاا عليه ونزيد الفطر او الزيتون ونفرغ الخليط عليه قيس مايتجمر ويتمحمر نسيت باه تزيدي الجاج لي طاب داخل بلا تاع الفور ان شاء الله تعجبك كما تقدري دريه مرق دون اضافة البيض غير في الطنجرة .

[idron0]

ouissamak pomme bolangére

احكمي البطاطا ديالك قشريها قطعيها دوائر ماشي رقيقة ماشي خشينة دوزنيها بالتوابل اللي عندك وشوية زيت وحطيها في بلا تاع الفور وديريلها قيس مغرف مارغرين او حوالي زوج مغارف زيت وكاس ماء غطيها مليح وديريها تطيب في الفور على درجة 200 الى 220
اذا عندك البصل والطماطم قطعيهم مكعبات صغار بصلة وحبة طاطم وحطيهم سبقيهم وزيدي عليهم البطاطا
كي تطيب شدي البيض حسب البطاطا اللي عندك وزيديلها شوية حليب ظربيهم مليح ورميهم على البطاطا ورجعيها يطيب البيض

اذا ماكاش البيض ماتديريش

وهاذ الوصفة القاعدة كيكون الماتريال كيما تقول ماما هههههههه تقدري تديريلها طرف جاج يطيب معاها للبنة وتقدري تزيديلها فرماج مع الاخر انا هاد الوصفة ليتسلكني
ونسيت نقولك خليها تنشف من ااماء ماتخليش فيها غير شوييييية برك باش ماتجيش ناشفة بزاف

[idron0]

الخرشف touta2010

فيضيه فالماء والملح ملييح نحي الخيوط تاعه ,عملي مرق وقطعي الخرشف ولقي كل قطعتين وعمريه داخلهم اللحم المرحي وحكمي باكيردو ولا خيط ممممممممم
جربيه وادعيلي.
تحبي مرق عادي ولا تضيفي الحمص .

[idron0]

الخرشف قمر 77
تعرفي الخرشف علماتولي عجوزتي يجي هايل شوفي نقيه و قطعيه و نحيلو وحد لاكروت بيضا تجي تحتو شفتيها هذيك دير لمرارة ثاني وديريه في كاسرونة و ديريلو الما و ليمون مقطع يدير غلية و نحيه باش ما يمرارش
يجي بالجاج احسن كثيير من اللحم و قليه مع البصل و القرفة و الفلفل اكحل و الملح و مبعد مرقيه شوية ماشي بزاف و ارمي السلق كي يطيب الجاج حمريه بالكمون و الزبدة و الثوم وحده ام الخرشف زيديلو البيكاربونات و اغلقي عليه الكوكوطة و رديلي الخبر يجي زبدة .

[أم ملك]

شكرا إدورنو جعل الله مجهوداتك في ميزان حسناتك

[idron0]

الغريبية بالزيت yakot

كيلة زيت وكيلة سكر قلاصي نقصي شوية وذا تحبي لحلاوة ماتنقصيش,فاني مغرف صغير خميرةالحلوة الفرينة حسب الحاجة,
في صحن كبير خلطي الزيت مع السكر و الفاني خلطيهم مليح مليح وضيفي الفرينة ولخميرة حتي تتحصلي علي عجينة متماسكة وطرية وشكليها كما تحبي وطيبيها في الفرن اكون سخون من قبل .

[أم ماجد]

صح غداكم يانساوين ومطرح مايسري يمري
ام ماجد وام ابراهيم هاي ليكم كيكتي الجميلة
عملت نفس الوصفة تاع عازفة الناي كيكة ببيضة واحدة وضاعفت الكمية واضفتلها ملعقة كبيرة مبشور البرتقال خشين
طيبتها في مول قطره26سم وكي طابت خليتها بردت وقسمتها على 2 وحشيتها ب2شوكولا منى ذايبة مخلطة مع علبة كريم ديسير شوكولا وخليت شوي للتزيين
غلفتها بالميرانق ايطاليان اللي هي
2بياض بيض تطلعيهم بقرصة ملح ومن جيهة اخرى تطيبي سيرو ب10 ملاعق سكر ونص كاس ماء تخليه يغلي حتى يعقد وباش تتاكدي من السماكة نتاعو لازم تجربي قطرة بين اصابعك لازم كي تبعدي اصابعك يتشكل خيط ومايتقطعش تصبيه كي الخيط فوق البياض وانت تخلطي حتى ينتهي السيرو تتحصلي على ميرانق ثقييلة ولماعة
تغلفي بيها الكيكة والحواف غلفتهم بالقوفريط مرحي وشكلت من فوق اساور بالمورانق وحرقتهم بالبريكة وفي الوسط حطيه الباقي نتاع خليط الشوكولا وزينتها بشرائح البرتقال وشهية طيبة

[ام سراج وملاك]

تيراميسو ام ياسين الزهراء

اولا خدمت كريمة البرتقال درت نص ليتر عصير برتقال مخلط مع الماء ودرت 4 مغارف سكر حسب الدوق و3 نشاء وصفار بيصة وخلطت كلش فوق النار وخليتها تبرد ومن جهة ضربت الشانتي كالعادة ودرت طبقة من الكريمة وغمست ليبودوا في عصير البرتقال وحطيتهم على الكريمة وكان عندي البنان مقطع ودرت طبقة اخرى من الكريمة وليبودا والشانتي في الخير ودريت فوقهم الكاكاو واللي مايحبش درت الكوكاو وخليتها تبات خبيتها على الاكراد ممممممممممممممممم

[ام سراج وملاك]

عصير طبيعي منعش اولادي

عصير منعش لللاولاد
الموز +التفاح+الليمون+الياغورت +العسل حر+حليب

[imene mimicha 05]

المشاركة الأصلية كتبت بواسطة ام عبودة
ام ايمن حبيبتي ممكن وصفة الكيكة او الرابط

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

ام عبودة هاكي الوصفة مارنيش حاطاتها كموضوع
6بيض,16 مغارف سكر,16مغارف فرينة فيهم ساشي تاع خميرة الحلوى,12 مغارف زيت,8 مغارف حليب,فاني
خلطي السكر لافاني والبيض مليح حتى يذوب السكر زيدي الزيت الحليب والفرينة
ناحي شوية من الخليط وزيديلو كاكاو حوالي مغرفة ونص لازم مغرفة كبيرة
حطي وديريها في مول مدهون ومرشوش عليها شوية فرينة نحي الفرينة الزايدة من المول وفرغي الخليط الابيض نص امبعد الخليط اللي فيه الكاكاو امبع الابيض
الفرن لازم يكون 180 درجة
من الاحسن ديريها في الليل الصباح تلقايها طرية امممممممممم
القناش درت شيكولة حليب مع كريمة سائلة او ديري شوية كرام فريش اذا ماتوفرتش الاولى
ان شاء الله تعجبك ام عبودة

المول لازم يكون كبير حبيبتي

[/center]
اقتباس:

[كاتي حياة]

444444444444444444444

[idron0]

الكسكس بالفول اليابس أم ريمة*

اكلة تقليدية قبائلية وتندار بالجاج لعرب اى الطبيعى ويديروها خاصة للنافس لغناها بالحديد
نغسل كمية مليحة من الفول اليابس ونضعه فى طنجرة الضغط مع شوية زيت نخليه حتى يغلى ونحيلو الرغوة باش نقفل عليه حتى يطيب مليح الفول ويولى مثل لسوب ومن جهة اخرى اطيبى مرق احمر عادى بالبصل والثوم والجاج وكمية من الطماطم واللفت مرق كسكس عادى وكى يطيب الفول نضيفو للمرق ونسقى بيه الكسكس .
ملاحظة
الفول لمدشش يعنى المنزوع القشرة وما تقفليش طنجرة الضغط حتى تغلى وتنزعى الرغوة وديريلها الزيت باش ما تفيضش .

[ام سراج وملاك]

مقروط بشرى 2008

2 كيلات سميد متوسط + كيلة سمن طري + قرصة ملح وتبسي مليييييييييييييييييييييييييييييييييييييييييييييييي يح أومبعد تضيفي ماء الزهر وتلمي غير بالأصابع
وجدي التمر أنت حرة فى الاضافات اللي تحبيها
شكلي اشكال والى الفرن
اللي عجبتني انو تخدميه مبااااااااشرة بدون مايرتاح

[ام سراج وملاك]

فلفل محشي قمر 77

المقبلات الفلفل محشي و مقلي كامل حبة و دير عليه العجينة المورقةفلقل محشي ب la pate feuilletée
نحتاجو فيونداشي قليها مع زبدة و ثوم و فلفل اكحل وملح
طيبي كاس روز + زوج كيسان ماء و شوية ملح

في صحن خلطي الفيونداشي و الأرز و المعدنوس و الثوم والفلفل اكحل و كمون و بيض ، خلطي الكل مع بعض
نحتاجو فلفل، حليه بالجنب (غير شويه باه مايعييكش من بعد) ونحي الزريعة على ما تقدري. اغسليه و نشفيه ، أحشي الفلفل بالخلطة

اقلي الفلفل في زيت سخون من الجهتين ، حطيه على ورق مطبخ باه يمتص الزيت و كي يبرد قشريه.
حلي la pate feuilletée مليح و قطعيها شرائح طوال و رقاق ولفي الشرائط على العجينة جيدا ستفيهم في مول ثم ادهنيهم بالبيض من الجهتين و حطيه يطيب في الفور حتان يحمار

اغسلي الطماطم جيدا و قطعيها

ضعيها في طاوة و اضيفي المعدنوس الثوم الملح الفلفل الاسود فلفل احمر ملح ورقة رند و كمون و زوج مغارف زيت و حطيها فوق النار تطيب
كي تطيب نحي الرند و ميكسي الكل حتى تتحصلي على صوص طوماط في قمة البنة
كي تحمار العجينة المورقة من فوق نحيها

قدمي الفلفل مع الصوص طومات

شهية طيبة

[idron0]

وصفة لزانيا عازفة الناي
المرق الاحمر: نرحي حبة بصل مع راس ثوم وفلفل حار وبعدها نقليهم ونضيف 2 ملاعق طماطم مصبرة و حبة طماطم مرحية ورق رند، ملح فلفل اكحل، توابل ونمرّق و نخليها تغلي مدة نص ساعة.
الحشو: نقلّي اللحم المرحي ونضيف له الثوم و الملح ، فلفل اسود ، رشة قرفة، و معدنوس.
البيشاميل: 2 ملاعق زبدة حتى تذوب ونضيف 2 ملاعق فرينة ونخلط مدة 3 دقايق ونضيف الحليب السائل ونستمر بالتحريك ورشة ملح . اذا عندك كريم فريش ضيفي 2 او 3 ملاعق
التركيب : نضع كمية من البيشاميل في القالب ونضع طبقة من العجين و بعدها طبقة من الحشو والقليل من المرق وطبقة من البيشاميل ونرش الفرماج ونعيد نفس الطبقات تقريبا 2 او 3 طبقات ونغطي الاخير بالبيشاميل و نغطي القالب بالالمنيوم وندخله للفرن وكي تنضج اللازانيا ننزع الالمنيوم ونخلي الوجه ياخذ لون ذهبي
وبالصحة ولهناء