دورة خطواتي الواثقة لأصبح ربّة بيت متألّقة

[mariamalak]

https://www.djelfa.info/vb/showthread.php?t=2010392
هذا هو الموضوع من قسم الدردشة

[mariamalak]

ااامين يا رب شكرا على الدعاء
سالي انا ولدت طبيعي ما عنديش فكرة ان شاء الله يدخلو الاخوات يفيدوك
حبيت نوصيك حنونة ردي بالك تخلي المنتدى و الانترنات تلهيك على راجلك وولادك
حاولي تنظمي وقتك و كي يدخل راجلك قومي بيه ما تخليهش يشوفك لاسقة مع الميكرو هههه
بالعكس خليه يلاحظ التغيير الاجابي

[sali kanouza]

شكرا ماريا على النصيحة عندك الحق في كلامك الان انا مع الاولاد وحدنا في البيت واكيد كي يدخل الزوج نلتهى بيه وكيما قلت بما اني ولدت من جديد يعني قمت بتنظيف البيت عميقا ورتبت كل شيئ في مكانه بقالي ملابس اولادي اليوم الزوج راح يشريلي خزانة نظملهم ملابسهم فيها كانت عندي خزانة لابني فاستعملتها فالهول وضعت فيها المفاتيح وحاجيات نستعملوهم يوميا يعني راني نقوم بالعمال اليومية فقط صدقيني كنت مقصرة فالجانب الديني والجمالي والان بعد ما اصبحت اقرا ما تقدمه الاخت تينة وما تقدمنه الاخوات انا جد متحمسة للمواضبة على صلاة الضح وقراءة القران لانو كيما يقولو ما يدوم غير الصح

[sali kanouza]

اخواتي الصائمات تقبل الله صيامكم لا تنسونا من دعائكم اترككم الان ولي عودة اذا كتب ربي

[جهينة اليقين]

مساء الخير والله يا اختي هذا المسك اعطاوه لي الحجاج هدية داير كيم الطرف تاع الصابون بصح يتفتت ورائحته زكية

[خوخة02]

اسيل حبيبتي والله غير كنت رايحة نجاوبك شفت الرد تاع ام صفصف ربي يحفظها لوليداتها
مكانش كيما القران ارقيهم بنفسكم ومسحيلهم على روسهم قبل الخروج بالدعاء وخليها على ربي مايكون غير الخير ان شاء الله

[الطائعة لزوجها]

اسيل ام محمد جهينة ام تينة بارك الله فيكم و صح فطور كل الصائمات

[خوخة02]

راه ياذن بصحت الصايمات

[sali kanouza]

اخواتي الصائمات تقبل الله وجعله في ميزان حسناتكم

[sali kanouza]

انا هاذ العشية بعد ما ودعتكم نضت خملت الغرفة لانو وليدي بسلامتو العابو في كل مكان وغسلت وجهي ومشطت وضعت كحل واحمر شفاه خفيف وعطر ورحت للمطبخ وجدت الشاي لزوجي وقهوة ليا ولوليدي مع كروكي كنت حضرتو يوم السبت بكمية كبيرةونصبت العشاء وغسلت السلطة ودرت فاصل مع بنتي جاء الزوج جابلي خزانة الصراحة هي مليحة وعملية وسعرها رخيص مقارنة بلي كانت عاجبتني المهم عشايا راهو واجد بقالي نححضر سلطة فاكهة

[جهينة اليقين]

صح فطوركم يا الصايمات والله هذه الايام مناسبة جدا للصوم سالي راكي شطورة حبيبتي واحدة واحدة عليك حافظي على روحك راكي جديدة فالعملية

[جهينة اليقين]

ام هارون ارواحي مرحبا بيك جيبي قاع الفرقة الموسيقية معاك نعرفك......هههههههه كاش واحدة ما تحبش بنتها وولاد بنتها

[خوخة02]

جهينة حبيبتي وانا ماعلرضتينيش عندي غير ولد واحد نجي

[جهينة اليقين]

خوخة قاع الي تحب تجي عندي مرحبا بيها وما رانيش نتمسخر راني توسعت الحمد لله نحطكم فوق راسي

[omelbanin]

صح فطوركم، كامل لي كنتو صايمات، حبيبتي جهينة علابالي بلي كرييييمة، نجيب الفرقة تاعي
يصدعوك شوية.. اااقصدي يزهوك شوية، ونضربو فيها، انا خوخة فطور الله الله، ياااشكون قدنا