دورة خطواتي الواثقة لأصبح ربّة بيت متألّقة

[sali kanouza]

الاخت اسيل عندك الحق في الخوف على ولادك من جهة ومن جهة اخرى راكي تتعبي بزاف وكيما نعرفوك كامل نحلة في البيت يعني مراكيش ترتاحي خلاص شوفي انا ولدي صغير بصح عندي بنت طفلتي تقرى سنة اولى وهي مربيتها عزوجتي يديها زوجي كل يوم 4 مرات كيما قلتي انت شوفي اذا كاين ابناء جيرانك يكونو ثقة حاولي باش يروح معاهم

[~اسيل ريحانتي~]

اختي سالي مانكذبش عليكم مين كنت نوصله للمدرسة ماكنتش نحلة في البيت كنت فكرونة هههههه
والان الحمد لله انا نموت على النظام نبغي كل حاجة في بلاصتها كيما قاع النسا بصح خطرات يحكمني بعض الكسل نبقا نخدم بلا اتقان
وزوجي مسكين كي يكون معانا يوصلهم بالسيارة بصح خطرات يدخل يخدم بكري مايقدرش وكي يعاود يسافر نخليهم على ربي هو يقولي لا قدرتي وصليهم ولا مقدرتيش خليهم يروحو ربي معاهم والله ماعرفت واش ندير

[~اسيل ريحانتي~]

ربي يخليك اختي سي عندك الحق في كل كلمة قلتيها ربي يقدرنا

ام البنين الحمد لله رانا لاباس قوليلي ولادك توصليهم للمدرسة ؟؟؟؟؟

[ام تينة]

{ أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُون }

��
آيه عظيمة تهز القلوب
تذكرها واكتبها على باب قلبك..

[ام تينة]

القراااااااان تم القران تم القراااااااااااااان

النفس إن كانت ضعيفة
فقوّها #بالقرآن
وإن كانت قويّة فثبتها #بالقرآن
وإن كانت حزينة فسلّها #بالقرآن
#فالقرآن كله رحمة

[ام تينة]

اختي الحبيبة لا تشتكي الا لله بيده الفرج

كلمة "شكوى" في القران بكل تصاريفها
لم تذهب لـ "بشر" أبداً بل ارتبطت بـ الله وحده
.
ï´؟إنَّما أَشكو بثّي وحُزني إلَى الله

[sali kanouza]

ربي يكون معاك ضحكتيني على فكرونة يحسن عونك تعب برا والداخل مشي ساهلة حاولي تشوفي كيما قتلك اولاد الجيران وصي اولادك ما يروحو لحتى بلاصة كي يخرجو باش ما تتحيريش ولوكان تتقربي من المعلمة او اي احد يشتغل في المدرسة لي يقراو فيها يعني ادا ما قراوش ولا خرجو بكري يخبروك المهم عبر الهاتف طبعاشوفي الحاجة لي تخليك ترتاحي

[sali kanouza]

ام البنين يا درا واش قالولك على الولاد ومليح كي راكي تسقسي عليهم نتمنى الاخوات خطرة على خطرة يسقسيو على ابنائهم

[ام صفصف]

اهلا بالغاليات ام هجر وام هارون
يسقسي عليكم الخير حباباتي،الحمد لله دائما

[sali kanouza]

ربي يحفضلك اولادك اختي ام هاجر وجميع اولاد المسلمين

[ام صفصف]

اختي ام اسيل كيما قالتلك ام هاجر عليك بالدعاء
انا ايضا منين زيدت وهما يروح وحدهم،ربي يحفظهم ويسترهم وجميع ابناء المسلمين
لكن نقولك واش راني نديري ،ان شاء الله تستفادي،وايضا تطمني عليهم لانهم في حفظ الله
1-حاولي ترقي الماء كل صباح او تحضريه فالليل ،وتمديلهم يشرب منو قبل الجروج، وصحيا ايضا شرب الماء قبل الخروج ينقص من الاصابة بنزلات البرد
2-عوديهم يجهزو انفوسهم قبل الوقت المعتاد بخمس دقائق وقراي معاهم الاخلاص والمعوذتين ثلاث مرات واية الكرسي،باش يتعود يحصنو انفسهم
3-كي يكونو خارجين حطي يدك على جبين كل واحد وقولي الدعاء ،اللهم اني اعيذه بك من كل شيطان وهامة ومن كل عين لامة
4-كي يخرجو لازم يقول دعاء الخرج،توكلت على الله ولاحول ولا قوة الا بالله
5-كي يخرج قولي،استودعتكم الله الذي لاتضيع ودائعه
لان الله خير حافظ

[~اسيل ريحانتي~]

المشاركة الأصلية كتبت بواسطة ام صفصف

اختي ام اسيل كيما قالتلك ام هاجر عليك بالدعاء
انا ايضا منين زيدت وهما يروح وحدهم،ربي يحفظهم ويسترهم وجميع ابناء المسلمين
لكن نقولك واش راني نديري ،ان شاء الله تستفادي،وايضا تطمني عليهم لانهم في حفظ الله
1-حاولي ترقي الماء كل صباح او تحضريه فالليل ،وتمديلهم يشرب منو قبل الجروج، وصحيا ايضا شرب الماء قبل الخروج ينقص من الاصابة بنزلات البرد
2-عوديهم يجهزو انفوسهم قبل الوقت المعتاد بخمس دقائق وقراي معاهم الاخلاص والمعوذتين ثلاث مرات واية الكرسي،باش يتعود يحصنو انفسهم
3-كي يكونو خارجين حطي يدك على جبين كل واحد وقولي الدعاء ،اللهم اني اعيذه بك من كل شيطان وهامة ومن كل عين لامة
4-كي يخرجو لازم يقول دعاء الخرج،توكلت على الله ولاحول ولا قوة الا بالله
5-كي يخرج قولي،استودعتكم الله الذي لاتضيع ودائعه
لان الله خير حافظ

يا اختي ام صفصف بارك الله فيك من غدوا ان شاء الله نبدا نرقيهم في الماء كيما قلتي عجبتني بزاااف الفكرة وراح نعلمهم دعاء الدخول والخروج
روحي يا ام صفصف كيما سهلتيها عليا وطمنتي قلبي الله يسهل عليك امورك ويطمن قلبك يااارب

الله سبحانه هو الحافظ ولكان جينا متمسكين بالادعية الصباحية والمسائية والخروج والدخول لي راهم في كتاب حصن المسلم مانبقوش خايفين ونخمو ربي يقدرنا على طاعته امين يا رب العالمين

[mariamalak]

السلااام عليكم
يا عمري الفراشات تلمو اليوم راني صايمة معاكم ربي يتقبل ان شاء الله
مرحبا الوافدات الجدد ان شاء الله نستفادو من بعضانا
بصحتكم التمر و الزيتون فكرتوني كي كنت نعاون يما هنا ما عندناش مرات كي نروح للبلاد نجيب شوي
مالا وجدولي حقي راني هابطة عذا العام هههه
اسيل انا ندي بناتي و نجيبهم و نهار ما نروحش ليهم موصيتهم يجو ديركت للدار و ما يحكو مع حتى واحد و يصيبوني لاصقة فالتاقة
باش تجيكم ساهلة كي تنوضو الصباح البسو و مشطو معاهم و خلو مونتو و خمار عند الباب و تبقاو داخلين خارجين دخل عمر خرج عمر هههههع
و الاذكار تاع الدخول و الخروح انا ملسقتهم فالباب حفظوهم كي نخرجو لازم نقولوهم بصح كي ندخلو ننساو هههه
انا طيبت حريرة البارح و خليت لروحي اليوم و ضرك نوض ندير طاجين زيتون
اضربو طلة مرة على مرة في قسم الدردشة كاين موضوع شباب تدو افكار

ادعولي راني نستنى في حاجة مهمة اليوم ان شاء الله ربي يسهل

[~اسيل ريحانتي~]

اهلا اهلا اهلا ماريا ملاك صيامك في الجنة انتي وكل الصايمات ماشاء الله بديتو تغيروني هههه عجبتني فكرة نكتبلهم الاذكار عند الباب رووووعة يا ام ملاك يعطيك الصحة
يارب تسمعي اخبار مفرحة ربي يوفقك حنونة ويسهل امورك

[sali kanouza]

اختي ماريا ان شاء الله تسمعي اخبار مفرحة يا رب لبنات اذا شفتو سؤالي نتمنى تجاوبوني اذا الامر عادي لي مالفة تزيد سيزاريان