طريقة عمل عجينة التزيين - الصفحة 130

souma.sousou · 2014-01-06, 16:41

اقتباس:

المشاركة الأصلية كتبت بواسطة aboayoub

انا تاني ماشفتهاش كانو الصفحات متوقفة عندي عاودي اكتبيلنا ....راني حابة ريجيم مبصح راجلي ماخلانيش حنا نحبو الرقيقة حوايجي كامل بطلو مايجيوني من بعد نصورلكم جهازي خيطاتو ختي

يابنتي واش من رجيم ماشي سمعتك قلتي انك توزني 38 كيلو واش حبيتي تنحي واش تخلي انا راني ف 60 كيلو لي ملقاش باش يعيد راني هنا :d انا عندي الجزء العلوي اسمن من الجزء السفلي صراحة كنت ندير رياضة ونلقى روحي عليها من نهار دخلت الانترنات بطلتها عندي الاوربيتراك فالدار نستعمله لاني مانخرجش نمشي فالدار برك

ام اريام · 2014-01-06, 16:48

لاه لي يدخل المنتدى يدير الريجيم اني كتبتلكم الريجيم كايك هايل نتاع القارص

ام الاء وسدن · 2014-01-06, 16:50

اخواتي انا هبلني المنتدى رانا رايحة باي باي عليكم
وصح فطور الصايمات كيما انا

souma.sousou · 2014-01-06, 16:52

اقتباس:

المشاركة الأصلية كتبت بواسطة ام الاء وسدن

اخواتي انا هبلني المنتدى رانا رايحة باي باي عليكم
وصح فطور الصايمات كيما انا

وين راكي رايحة’’’’’’’صح فطورك حنونة وربي يتقبل

ام اريام · 2014-01-06, 16:55

صح فطورك اختي ام الاء وسدن و تقبل الله .باقي اخواتي انا نروح نصلي المغرب وربي يهنينا و يهدينا و يفرج علينا آمين.

tatadamizour · 2014-01-06, 17:36

اقتباس:

المشاركة الأصلية كتبت بواسطة aboayoub

صباح النور انا هدا وين كملت الشغل صبحولي الحوايج والفطور وكلش تلايم حتى عجوزتي مرضت طلعتلها لاتانسيو و تاني لاكريب دركا راهي الحمدو لله بايتا نداوي فيها باه اليوم نروح لدارنا نبات نهار ولا زوج نهار الخميس عندي سبوع تع مرت اخو خطيبت اخو زوجي ان شاء الله عند ام اريام غي كي اليوم ادعيو معايا يارب ارزق فايزة عاجلا غير اجل وفرحها واعطيها على حساب قلبها امييييييييييييين بارب العالميييييييييين

مساء الخير ام ايوب و الجماعة باكملها
ام ايوب ان شاءالله بالشفاء العاجل لعجوزتك
ام اريام ان شاء الله ربي يفرحك بشلة من الكتاكيت يعمروا عليك الدار والله انا نعرف واش تعيشي حاليا انا قعدت 3 سنين باش جبت دراري يعني حنا لحبينا هاك وزيد كنت نخدم في زوج بلايس ملي نخرج الصبح حتى وين نرجع في الليل ورغم ذلك نحس بالملل و الفراغ و خاصة كنت دايما عقلي و قلبي في الجزائر والان راني نزقي نهار كامل و نجري موراهم من الصبح حتى العشية لدرجة مانلقاش حتى الوقت باش نعيط للبلاد
ام اريام باذن الله كمااليوم يفرحك ربي قولوووواا ااااااميييين يا لبنات

ام اريام · 2014-01-06, 17:41

مرحبا بيك طاطا ربي يعيشك انشاء الله و يعيشلك وليداتك و وليدت المومنين اجمعين.انشاء الله ربي يرزقني آمين .وانتي اكي لاباس واش رحتي للطبيب..

tatadamizour · 2014-01-06, 17:41

اقتباس:

المشاركة الأصلية كتبت بواسطة aboayoub

طاطا ان شاء الله مايكون غير الخير كي نجي قوليلي واش قاتلك الطبيبا

يسقسي عليك الخير حبيبتي ام ايوب قالت عندي زيادة في هرمون الحليب ماشي حاجة اعطاتلي كاشيات معا بوماد

tatadamizour · 2014-01-06, 17:50

اقتباس:

المشاركة الأصلية كتبت بواسطة لينا11

انا ثاني عندي وصفتها
بصح هذا مقارون يتباع واجد وزدت شريت تاع حروف لاتشفاي عليها بكري
كانت ماما الله يرحمها ديرهالنا بيضاء وكنا نكتبو بيها اسمنا ونتعلم حروف بيها بالفرنسية

ربي يرحم يماك لينا حتى في هذا الجانب رانا كيف كيف حتى انا توفات يما ربي يرحمها وانا في عمري 14 سنة
ربي يرحم موتانا و يوسع عليهم و يسكنهم فسيح جناته ااامين

tatadamizour · 2014-01-06, 18:00

اقتباس:

المشاركة الأصلية كتبت بواسطة لينا11

راهي ساهلة ومليحة للي ماياكلش خضار مايفيقش بيها خلاص

هاكي نعطيهالك

هزي زوج حبات كورجات قطعيهم مربعات صغار
زوج حبات جزر قطعيها مربعات صغار
02حبات بطاط قطعيها مربعات صغار
شوية حمص مرنخ
شوية عدس حوالي لوش
رابي بصلة وسنينات ثوم وقليهم مليح وتبلي بملح فلفل اسود وفاح +لحم ولا جاج لاحبيتي ديريه بدل لحم مرحي
زيدي عليه مكعبات خضار الي قطعتيهم مع عدس وحمص
مرقي بحوالي لتر ماء وزيدي عليه طماطم مصبرة
خليه حتى يطيب حمص مليح
تكوني وجدتي لحم مرحي متبل زيديه (مايطولش يطيب)
وتوجدي حوالي لوش مقرونة زيديها للمرق وخليها تطيب (ماتطولش والا ولات حريرة خخخخ)
طفي عليها وقدميها وتمتعي بها

بارك الله فيك لينا شهيتينا انا لوكان نصيب 7/7 ماقارون كيفاش درتيه ناكلو حتى ولادي خرجوا كيفي كل مانقولهم ارواحوا تاكلو يقولولي les pates؟؟؟؟؟؟

ام اريام · 2014-01-06, 18:19

الله يرحم يماك طاطا و يمات لينا و بابا انا توفى عندو 11 سنة بصح كلي البارح انشاء الله نتلاقاو بيهم في جنة النعيم هوما دوكا يستناو منا الصداقة و الدعاء في كل وقت .

tatadamizour · 2014-01-06, 18:34

اقتباس:

المشاركة الأصلية كتبت بواسطة ام الاء وسدن

ما جبت والو راني صايمة اليوم وليدي راهو قدامي قالت طاطا نت كاش ما تبعتيلنا
ربي يرجع المياه الى مجاريها ويصلح الاحوال

بصحتكم يالجماع القهوة والله خرجت من عيني هذا اليامات زعما زعما ندير الريجيم
ام الاء وسدن ماشي خسارة فيكم بصح ما عندكم ما تسناو مني غير petit prince ولا قاطو تاع الحانوت ههههه

لينا11 · 2014-01-06, 19:46

اقتباس:

المشاركة الأصلية كتبت بواسطة ام اريام

الله يرحم يماك طاطا و يمات لينا و بابا انا توفى عندو 11 سنة بصح كلي البارح انشاء الله نتلاقاو بيهم في جنة النعيم هوما دوكا يستناو منا الصداقة و الدعاء في كل وقت .

حنونة انا فقدتهم للزوج
ربي يرحم مؤمنين ومؤمنات كامل

ام اريام · 2014-01-06, 20:23

الله يرحم جميع موتانا;ربي يشدلك في وليداتك و مولا بيتك أختي لينا هذه الدنيا .حنا تاني ربي يرحمنادنيا و آخرة.
بدات الانترنيت تثقال عندي انشاء الله ما تعمليش كيما البارح .

ام اريام · 2014-01-06, 21:20

بدات الانترنيت تحبس عندي ;واش راكم حباباتي