وما تنسوشي السوفية

[محب النبي]

السلام عليكم...............
وش حالكم يا جماعة الخير أنتم هنا وناي قاعد نحوس عليكم . ناي راني جديد الي عجبته يرحم والديه والي معجبتاهش نقله فز قم ؟

نسيت حاجة قبل ما نمرق من المنتدى هذي هدية وعربون صداقة لكل السوافة بش ما تقولوشي جانا ضياف وبديه




يلا فلمان راني رايح نفطر راني جعت وبلا ما تنشدوني طيبنا تليتلي بدجاج سلام.

شكرا يا نصري وراني هنيا ديما مي اسمحلي انت سوفي دورجين ولا شويا وشيا علابالك البسر مزال فما بالك التمر تو كاين كان البلح .................................. رانا نضحكو بركة عاش تهز مني سلام يا صاحبي.

شكرا يا ريحانة على النشعة وممباعد الترحيب ناي اسمي مش مجب الرسول راهو محب النبي راهم عنيك تعبو من فرز القمح والشعير عفوا أقصد من التلفزيون والميكرو لازمك اطارات عفوا نضارات ..................فلمان راني حاب نقيل شوي وكونو بركة ثمرة وتهربوشي من المنتدى صحا.

شكرا يا ريحانة ويا نصري قل الصري دمكم خفيف وشربات

واشحالك يا صحبي نصري ناي قلت نطل على الصفحة ونشوف كانش جديد المهم رانا عطينالك التوكيل غير تكلم بسما نورمال
ورياحنة راهي تو في سبعين نومة غير نقردشو فيها كيما نحبو .
زهير نتمنى ما تغيبش علينا تفكرنا ديما من وقت لوقت .
وانت يا نصري قلي هالرموز منين تجيب فيها ما تبخلش قلنا راني نسنا في ردك يلا تصبح على خير .

السلام عليكم ................
يا صاحبي نصري الرابط مش لملف بل عنوان الموقع هذا الاخير معطل لم يحمل لي شيئا أرسلي الملف الى بريدي هذا بريدي أحذرك من تكرار وضع البريد الالكتروني بالطريق التي وضعت بارك الله فيك وسامحني كان قلقتك وتعبتك معايا .

شكرا يا نصري جاري التحميل
ريحانة ماري ولا تحسد

السلام عليكم ...............غالي والطلب رخيس يا نصري تم التحميل لكن قولي كيفاش حتى ندخلهم في الكتابة هنا راني معرفتش كيفالش ندخلهم.

رياحنة هاكي وما تبكيشي

رانا حبينا نحطوها عليك بركة ما علبناش هكا تهزي ثمثم .
خلاص من اليوم راح تشتاقي التمسخيرة منا يلا فلامان

نصري راهي ضربتني ريحانة بعين حتى البرنامج نتاع الرفع ما حبش يتحمل اسمع اكتبلي اسمه تو نحمله من موقع آخر يلا سلام.

آو يا نصري راني نهدر معاك واش اسم البرنامج سيب عليك منها دور دور وتجي ولا ماجتش دبراسها ما تحللهاش ؟

شكرا على الرابط ولكن اسمحلي من اليوم مانزيديش ندخل لهذه الصفحة لأني عمري في حياتي ما نهز لطفلة والا هي لكل في الكل فهذا هنا واذا كان هذا صحيح فبناقص من هذا المنتدى أصل وبناقص من النت أصل ......المهم لما تحب تهدر معايا راح افتح موضوع جديد في هذا القسم نهدرو فيه بلا حساسية ونغرة والي يبكي يبقى في حجر أمه أو أمها سلام.

ههههههههههههههههه تعرف حاجة يا نصري حاب نشوف صلاحياتها قلها تجرب وراح تشوف صلاحياتي أنا ثاني .

صحا خيويا نصري سلام انا ما ندييرش صحوبيا مع لبنات جامي زيد أنا ما نيش فاضي شغل للفضاءات والتلخبيطات اذا كان تحب تصاحبني راجل لراجل وي بصحة صحوبية الأشخاص الافتراضية نكرها وكلها كذب وخداع هذا رأي. وكما دخلت أخرج يا نصري وانت غالي عليا كتير وفلانه ما بيناتنا غير الخير والا قلت فيها كلام فأنا آسف لكني مانحبس نخدع حتى واحد الحاجة الي ما نرضهاش في أختي ما نرضهاش لبنت الناس .................................................. ........................................ السلام عليكم

ان كانت تفكري الذي جعلني أنسحب من هذه المسخرة ولااختلاط والتميع بين الجنسين هو عليل أو علل بمعنى مرض فاللهم أجعلني على هذا المرض طول حياتي . شكرا يا ريحانة لكن للأسف أنا رجعي ولست متفتح أما انت فمتفتحة .
واضحكي لكن تذكري أن كثرةالضحك تسبب موت القلب. وتدكري أنك تأخذين كل أوزار هذه الصفحة التي فتحتها ...........سلام.

بارك الله فيك يا أخ نصري وأنت تعرف جيدا أني أكن لك من التقدير ولااحترام والحب في الله ما لا يعلمه الا الله فشكرا شكرا على نصائحك لي رغم أن لي تحفضاة على بعضها فأنا أمد لك يدي وأقول لك أيستوي أن نكون إخوة ولو اختلفنا ؟
أما الأخ سنيقر فبارك الله فيك يا أخي ولا تكترث لي كثيرا فأنا لولا أني كنت أحب الرد على أخي نصري لما أحرجتك بإطلالتي على هذه الصفحة وكما قلت فربما أنا ما زلت في العصر الغابر وأنت في 2008 لذا سأعمل بنصيحتك وأذهب الى الأقسام التي تناسبني والسلام عليكم.

السلام عليكم..............

أما بعد لم أشأ الدخول يا أخت ريحانه لكن هذا السبيل الوحيد الذي تكرمتي به لكي أرد عليك المهم وهذا آخر رد لي عليك وآخر نصيحه لكن عديني أن تقرئي كل ما كتب هذا ان كنت تبحثين عن الحق ولا أشك في ذلك أبدا زفهذا رابط فلاش حملي لفلاش واقرئي ما فيه هذا ليس كلامي بل كلام العلماء والسلام عليكم
الرابط:https://www.saaid.net/flash/before-writing-in-forums.htm

السلام عليكم يا ساسا لا أنكر أنني كنت مخطأ في بادئ الأمر وقد قدمت أعتذاري لمن أسأت لهم سواء أمامكم أو برساله خاصة و أنا أجدده أمامك أعتذاري لكل من أسأت اليه لكل عضو أو زائر لهذه الصفحة وذلك ليسا ضعفا مني بل هو اقار بخطئي لكن في الطريقة وليس في القرارت التي اتخذتها ثم يا أخي لو أنك تبحث عن الحقيقة أدخل على الرباط الذي وضعته أنا والى كل من يريد الحقيقة حملو الفلاش ثم اقرأوه ومن باعد جاوبوني لكن لن ارد على أي جدال فالأمر واضح لا غبار عليه والسلام على من اتبع الهدى وما بعد الحق الا الضلال.

السلام عليكم
نصري نضن خرجت رجليك من الزاورة حذاري انتبه لكلامك وتغطى مليح راك مكشوف ثم لمذا كل هذا التهجم على الأخت كنت أحسبك ذو عقل واتزان ولا زلت كذلك فلا تفسد صورتك في نَضري.

إذا لم تخشى عاقبة الليالي ولم تستحي فاصنع ما تشاء
فلا والله ما في العيش خير ولا الدنيا إذا ذهب الحياء
يعيش المرء ما إستحيا بخير ويبقى العود ما بقي الحياء

[ريحانة]

المشاركة الأصلية كتبت بواسطة NASRIFCM

اهلا وسهلا بيك محب النبي ( اسم جميل ) في صفحتنا هذه يشرفنا تواصلك معنا واثراء هذه الصفحة للنقاش باللهجة العامية
وشكرا لك على الحلوة بصح هذي ماشي انتاعنا

كاش تمر ولا رفيس ولا ......راك عارف

المهم مشكور اخي واسعدني كما اسعد الزملاء حضور معنا

انت ساعدك حضوره ونحنا منهو الي وكلك اعلينا
وقالك اتكلم باسمنا
اكل واحد يتحدث على روحه

قاله كما اسعد الزملاء حضورك قاله

شاتلا الا حتى هذا حديث...

[ريحانة]

اهلا وسهلا ومرحبا بك بيننا اخي الفاضل مجب الرسول
شكرا على الهدية الي جبتهالنا في زيارتك الى صفحتنا
هكا الضيافات والا خلي

بيناتنا رد بالك اضيق من هدرتي لسي نصروى عليك

راني باعاني انديغوتي فيه برك

وراني ماشي نتبلى اعليه
راو عمل عليها وغششني ياسر
على خاطر مايخضشي الراي اصل
شاهي وحدات على راسه..

[ريحانة]

ايه يا سيدي
نايا غلطت في كلمة واحدة شوف انت كداش من كلمة غلطت فيهم
ربي يعينك

[ريحانة]

هااااااااايواااه
عدنا نتميعدو هنا
اسمعواااااااااااااااااااا
ردو بالكم راني نعس فيك
هاهيااااااااااااااااا

[ريحانة]

المشاركة الأصلية كتبت بواسطة محب النبي

السلام عليكم ................
يا صاحبي نصري الرابط مش لملف بل عنوان الموقع هذا الاخير معطل لم يحمل لي شيئا أرسلي الملف الى بريدي هذا بريدي - البريد الإلكتروني حذف من قبل الإدارة (غير مسموح بكتابة البريد) - بارك الله فيك وسامحني كان قلقتك وتعبتك معايا .

والله الا مزهار يا سي محب النبي

كيفاش اربي اتكتب عنوان هكا
زعما الادارة منعاته وحتى كي تكتبه ما يفوتش الموضوع
تاوش بيك انت مزهار واجدة
والا هي الادارة تسامحت في ذلك وانا ما فقتش

والا بيسطون يا خو

وش راح تعمل
اي الناس اكل محوجها هالبيسطون
اك من الخلق

[ريحانة]

المشاركة الأصلية كتبت بواسطة NASRIFCM

ريحانة واش حالك

مانيشي لاباس
قتلك راني متغشة عليك

[ريحانة]

المشاركة الأصلية كتبت بواسطة محب النبي

شكرا يا نصري جاري التحميل
ريحانة ماري ولا تحسد

يزي باسي اندرى على وشو
هالوديدة الشايطة

يا غدادي..

[ريحانة]

المشاركة الأصلية كتبت بواسطة NASRIFCM

يعطيك الصحة محب النبي

بصح ما تبعثهومش ليا نا ابعثهم لريحانة

هاي ربي يبارك فيك الفحل

الله لا ينح مضربك


كي انقولك خطرة اخرى معاش نكلمك ما تقوليش على واشي...

[ريحانة]

اخي الفاضل محب النبي..../ للاسف ...محب النبي....
لما قرات مشاركتك التهجمية الاولى كنت سارد عليك بمايليق ان يرد عليها
ثم تتبعت ما الحقته من مشاركات هي بنفس صيغة الاولى او ادهى وامر
فلم افق من ثورة اشمئزازي الا وانا يغمرني الضحك...قسما انني ضحكت
واشد ما اضحكني هو انك لم تدري انك في عالم افتراضي الا لما شاركت في هذا المنتدى
وشاركت في هاته الصفحة بالذات، بل وبعد عدة مشاركات جدت بها هنا...عجبا والله..

تقييمي لك لن يكون الا انك دخلت للمكان الخطا الذي تعتقده في فكرك
هذا ما استنتجته من عباراتك المشتتة والتي لم اجد لها مقاما لمقالها

اما ردي فلن يكون اكثر مما قاله لك اخي الكريم نصري بارك الله فيه.

لعلمك هذه الصفحة اقفلت من قبل لسوء تفاهم بين زوارها
ولست على استعداد ان افقدها مجددا لتفكير عليل...

دمت بكل الود..

[ريحانة]

وشحالكم يا جماعة الخير
توحشنا كان اقعيده معاكم في الصباط القبلي
مع كمية تاي
والا غمير بلح
اهواه يا الدنيا.........وينك يا مسعود المقدود
اوينك يا سي زهير
اوينه هالبدة الدزيري

اييييييييييييه يازمان
ما نحسابه يغدر...

[ريحانة]

بسم الله والحمد لله والصلاة والسلام على رسول الله
هي احسن مقدمة ارد بها على مشاركة اخي الفاضل سناقرية سنيقرة على مشاركته التي اثلجت صدري

احسن ما اعجبني في عباراتك هي عبارة اخ لم تلدها امي
فبارك الله فيك اخي على رجاحة عقلك واتزان فكرك

يعجبني كثيرا قولك ان النجاح له اعداء

هذا بالضبط ما تمر به الصفحة المميزة حاليا
مشكور اخي
ودمت متواصلا معنا بكل الود

[ريحانة]

اما انت محب النبي

لست افهم ما الذي يدخلك الى هاته الصفحة التي لا تكن لها ادنى اسس الاحترام
وترد عن بعض المشاركات رغم عدم اقتناعك الشديد
ياله من خلل جسيم يشوب عباراتك
اما عن تواصلك مع الاخ نصري فبامكانك التواصل معه عبر خدمة الرسائل الخاصة
او فتح موضوع باسمك كما قلت في احد ردودك التهجمية السابقة
اما عن اصرارك الى الدخول هنا والكتابة
فليس له الا مدلول واحد والذي يعرفه كل من يتابعنا
هدانا الله واياكم واصلح بالنا وبالكم

[ريحانة]

او ماهوشي في راسك يا وخي

[ريحانة]

ربي يبارك فيك يا نصري
هكا الاخوة والا خلي