دورة صيفية جديدة

[sali kanouza]

سلام رندة عجبتني رياشتك على الاقل تساعدك شوية وربي يعينك اختي
ام محمد بصحتكم الخبز تاكلوه بالصحة
انا اجلت الذهاب لبيت اهلي حتى للمساء ان شاء الله نروح
اليوم غسلت كوفيرطة وتابي وبعض الملابس بيدي ماحبيتش نوض الالة على شوية
والغداء الزوج معروض وانا وولادي راح نديرلهم مقرون ودلاع والحمد لله

[ام هزار]

ما شاء الله عليكم فراشات
رندة التحدي اللي حطيتيه رائع نبداو بادن الله و الرياشة تهبل
سالي راكي بطلة ما شاء الله عليك طيبي 10 كغ من الحلويات ادن راكي صانعة حلويات ربي يعينك
ابني نور عيني ربي يعاونك صح الحماس ينوض بالسيف و نا كيما يعرفو بعض الفراشات الفرن تعاي من نهاية رمضان و هو معطل يخرج ريحة الغاز و الزوج ما حبش يديه للخدام هاني نسنى
رندة انا معاك في الوفاء لزيليون تاع الخشب ما يحكموش السخانة و الوسخ حاشاكم و كل واحد و دوقو

[sali kanouza]

السلام عليكن
اهلا ام هزار الصراحة نحب نصنع الحلويات والزوج ماحبش اني نخدم فالدار بصح كي تكون مناسبة كيما ولد سلفتي قاتلي القاطو عليك درتلها 4انواع في كل نوع كيلو
والناجحين فالباكالوريا كامل باركتلهم ديت معايا القاطو بقالي بنت عمتي راني دايرتلها بلا قاطو ورفيس راح نديهملها ان شاء الله
ههه حكيتلك قصة بغلنسبة للتحدي والله مانتبهت للرد تاع الاخت رندة حتى حكيتي عليه المهم شكرا اختي رندة يا ليت تحطيلنا كل يوم نوع من التحديات وجعله الله في ميزان حسناتك ربي يباركلك في اولادك وعيلتك يااارب

[رندة.]

مرحبا فراشات
التحدّي مازال قائم وهو: الاستغفار 500 مرة خلال اليوم، اما نستغفرو مرة وحدة أو نقسموها حسب الصلوات الخمسة، بعد كل صلاة نستغفرو 100 مرة. بالتوفيق

[رندة.]

يعطيكم الصحة يا سالي وأم محمد راكم شاطرات، من طياب الخبز والسندويتشات، لصنع الحلويات، ماشاء الله عليكم ربي يحفظكم ويباركلكم في صحتكم ان شاء الله.

وبارك الله فيك يا سالي على الدعاء، ولكي بالمثل ان شاء الله.

يا أم هزار في انتظار أنو الزوج يخدملك الفرن تاعك، كاين وصفات كثيرة في الانترنت تقدري تديرهم في المقلاة ولا في الطاجين تاع الخبز، وبالتالي اعتبريه نوع من التغيير، بصح اتحملي السخانة تاع الطاجين وتمتعي بأكلات جديدة.

[ابني نور عيني]

مساء النوور فراشات كاش نشاط

اليوم خرجنا للبحر أنعشنا روحنا شوية ، حنا حبينا نرجعوا للدار و وليدي ما حبش يجي ههه ماحبش يشبع لعب في البحر بالألعاب ...

كلينا ليزوغسان امممم نمووت عليهم و هما مفيدين بزاف للصحة خاصة لعلاج فقر الدم ...

[رندة.]

أصبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.

صباح الخير عليكم

[ابني نور عيني]

صباح النوور فراشات كيف الحال

اهلا أختي رندة كيف صبحتي يارب بألف خير

رانا صبحنا مع بعض ،، جوزي تستقهواي عندي راني درت المعارك اممم سخونين من الطاجين مع قهوة حليب يا سلام و الله تونسيني

[رندة.]

بارك الله فيك يا أم محمد بصحتكم المعارك السخونين، ما شاء الله عليك راكي شاطرة إلي درتي المعارك مع قهوة الصباح.

[crono]

أصبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.

صباح الخير عليكم فراشاتي الجملات توحشتكممممممممممممممممممم ان شاء الله تكونو كامل بخير
ألف ألف مبروك على الناجحين كامل و ربي يزيدهم نجاحات على نجاحات و يفرحهم بمستقبل زاهر إن شاء الله
الله الله على النشاط و الهمة العاليةشكرا على الافكار المفيدة و القيمة لي راكم تشاركونا بيهم
ام شمسو يعطيك الصحة فكرتينا بأيام الزمن الجميلكانو يقولو على أسماء الناجحين في الاذاعات المحلية.والله زمن

انا هاد اليامات مدرت والو بخلاف مع الاعمال العادية و الروتينات الصباحية
لاني الصراحة كنت مشغولة جدا هاذ الايام شوفو







ما يبقى لا نظام ولا هم يحزنون فاشلة البحر مقابل داري


الغبرة منحكلكمش بنتي ربي يحفظها اللي عاونتني في مسيح
المهم أنا ثاني من النوع تاع الورقة والستيلو على واش راح ندير تعجبني طريقة السبورة بصح زوجي يكتب فيها المخططاتو
يكتب فيها الأعمال إلي راح يقوم بيها خلال اليوم.هو تاني
هي طريقة عمليّة وسهلة
بالنسبة للجانب الديني كيما صلاة الضحى والأذكار وقراءة والأذكار وقراءة القرآن و نستغفر كل اليوم
تعوّدت عليهم ووليّت نقوم بيهم تلقائي
ام هزار بالنسبة للفور انا كل اليوم نعجن وطيب في الفور










والله غير السخانة تقتل ما نجي نكمّلربي يكون في عوننا ان شاء الله
الاخت بوليما بالنسبة ليزيليمو تاع الكوزينة انا ريحة نعمل تاع الالومنيوم زوجي يخدم بالالومنيوم ونا نعطلو أفكار على الموديلات
بصحتكم المعارك اختي ابني نور عيني ونا جبتلكم لبينيي


سلامي ليكم كل واحدة باسمها

[crono]

المشاركة الأصلية كتبت بواسطة جهينة اليقين

اليوم نظفت الحيوط تاع الكوزينة وليزيليمو وخيطت ريدوات جدد وبنتي نظفت الصالون والحيوط والدروج والهول* لان الضيوف قريب يشرفو وما نزيدش ننظف والو حتى ىاواخر* اوت ان شاء الله هههه الذراري ما يخلوا والو
*اليوم غسلت تابي بطريقة البول تاع الشربة خرجت هايلة* على طريقة كرونو*

جهينة بصحتك النظافة و الف مبروك لوليد جارتك

المشاركة الأصلية كتبت بواسطة ابني نور عيني

شكرا أختي أم شمسو و الله غير جبتيها الأطفال صح يحبو يلعبو بالماء و يفرغو الأشياء و يعاودو يعمرو .
أهلا الأخت كرونو واش راكي و الله عطيتيني فكرة راني حابة نغسل تابي تاع الصالون ديالي و ماشاء الله راهي تشعل الزريبية ديالك مذابيك تشرحيلي الطريقة بالتفصيل إذا ممكن

الله يسلمك اختي نور سمحني طولت عليك احكمي الغرفية نتاع الجاري تقلبيها على وجها وتحكي بيها التابي نتاعك المهم ما تكتريش الصابون دري اريال ولا عملاق او يجي زي الجال لون خضر ويخلي ريحة تهبل

المشاركة الأصلية كتبت بواسطة samophisique

سلام لكل الاخوات شكرا اخت كرونو على طريقة غسل الزربية اذا راني فهمت دياطا ري الرغوة و تحكيها بالبول صح.

نعم اختي ما تكتريش الصابون تقلبيها على وجها وتحكي بيها

المشاركة الأصلية كتبت بواسطة رندة.

صباح الخير
أهلا أم محمد وفن وأناقة، واش راكم اليوم؟؟
ان شاء الله تكونو كامل بخير
حبيت نشكر الأخت كرونو على تدبيرة الجافيل مع خمارة الحلوة لإزالة البقع الصعبة، جربتها اليوم في المطبخ وكانت نتيجتها فعّالة، ربي يجعلها في ميزان حسناتك ان شاء الله.
هذا هو الرابط تاعها
https://www.djelfa.info/vb/showthread.php?t=2152255

شكرا اختي رندة منورة و حضورك الايجابي و التحدي اللي حطيتيه رائع نبداو بادن الله وجعله الله في ميزان حسناتك

[crono]

ما فوائد كثرة الاستغفار لقد أمرنا الله عزّ وجلّ في القرآن الكريم بكثرة الاستغفار، وكذلك أمرنا رسوله الكريم صلّى الله عليه وسلّم، سواءً أقام الإنسان بعمل يستدعي أن يطلب بعده المغفرة مثل المخالفات الشّرعية، أو بعد أدائه للطاعات على كلّ الأحوال، حيث قال سبحانه وتعالى على لسان سيّدنا شعيب عليه السّلام: (وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ...) سورة هود، 52 ، وقال سبحانه وتعالى مخاطباً النّبي صلّى الله عليه وسلّم: (فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً) سورة النصر، 3 .
وقد كان النّبي - صلّى الله عليه وسلّم يستغفر الله كثيراً بعد الصّلوات، ويستغفره أكثر من سبعين مرّةً في المجلس الواحد، حيث قال صلّى الله عليه وسلّم: (من لزم الاستغفار جعل الله له من كلّ همّ فرجاً، ومن كلّ ضيق مخرجاً، ورزقه من حيث لا يحتسب) رواه أبو داود عن ابن عباس

إوالاستغفار يعتبر من أعظم أنواع الذّكر، ويعني طلب المغفرة، ودعاء سيّد الاستغفار قول (2): اللهم أنت ربّي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شرّ ما صنعت، أبوء لك بنعمتك عليّ، وأبوء بذنبي، فإنّه لا يغفر الذّنوب إلا أنت رواه البخاري .

كما يعتبر الاستغفار من أنفع العبادات عند الله عزّ وجلّ، حيث أمرنا به الله سبحانه وتعالى في كثير من الآيات، قال سبحانه وتعالى: (وَاسْتَغْفِرُوا اللَّهَ إِنَّ اللَّهَ غَفُورٌ رَحِيم) سورة المُزّمل، 20 ، وقال سبحانه وتعالى: (وَاسْتَغْفِرُوا رَبَّكُمْ ثُمَّ تُوبُوا إِلَيْهِ) سورة هود، 90 ، وقد أمرّ الله عزّ وجلّ سيّدنا محمّد - صلّى الله عليه وسلّم - والأمّة من بعده بالاستغفار في قوله: (فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً) سورة النصر، 3 ، وقال سبحانه وتعالى: (وَاسْتَغْفِرِ اللهَ إِنَّ اللهَ كَانَ غَفُوراً رَحِيماً) سورة النساء، 106

[crono]

فوائد الاستغفار والتسبيح ترضي الله عز وجل. تطرد الشيطان. تجلب الرزق، وتبارك فيه. تمحو السيئات. تنور وجه المسلم. يزيل الغم، والهم. تحيي القلب. تجلب الطمأنينة، والراحة. تجلب السعادة، والسرور. تقوي القلب، والنفس. سبب من أسباب القوة، والنصر على الأعداء. يبقى لسان الإنسان رطب بذكر الله عز وجل. تسهل الأمور، وتخفف المشاق، وتسهل الصعاب على المسلم. تزيل الخوف من قلب الانسان. الاستمرار في التسبيح، والاستغفار تكثر من شهود الإنسان يوم القيامة. تجلب البركة في الوقت. تقرب الإنسان من ربه. تذكر المسلم بلآخرة، وتبعده عن الدنيا الفانية. تزيل الهموم، والأحزان، والغموم، والحسرات. تسد حاجات المسلم، وتغني القلب. يتم الابتعاد عن النميمة، والغيبة، والفحش.

[ابني نور عيني]

أهلا أختي رندة والله نورتي الدورة و شجعتينا ربي يجازيك ...ربي يكملك راكي مع البنيان كيما دارنا رانا كيما انتي كل يوم الغبرة و الرمل ههه معليش نصبروا شوية ....كل شيء بالصبر .

شكرا على شرح الطريقة تاع غسل الزرابي ، بصح عندي سؤال ياريت تجاوبوني ، عندي زربية تاع الصالون من النوع اللي فيها وبر ماعرفتش كيفاش نقيها كل حاجة تدخل تحتها هي مكونة من شعيرات ياريت اللي عندها فكرة تفيدنا

[ام هزار]

[COLOR="DarkOrchid"]اهلا فارشات
رندة شكرا على طريقة المقلة هداك واش راني نديرسالي ربي يجعل مباركاتك في ميزان حسناتك انا ثاني نموت على صناعة الحلويات
ام حمد بصحتكم البحر اما عن سؤالم ما عنديش فكرة ضرك يدخلو الفراشات و يجاوبوك
كرونو رائعة بجميع المقايس و ربي يعاونك اما طيابك خاصة الخبز فهو مشهي بصح السخانة يا ختي تفشل
انا اليوم درت مسيح غبرة و زجاج لجميع اركان البيت و الغدا لوبيا خضراء بالجاج و سلطة ورقية و الفقوس
/COLOR]