جزء 174 من واش طيبتي اليوم كوزينة احلى رفقة طيبة - الصفحة 13

*سندوسة* · 2016-11-30, 09:01

اقتباس:

المشاركة الأصلية كتبت بواسطة نوال عيسى

RIMA.87 وعليكم السلام ورحمة الله وبركاته ربي يحلي ياماتك يا رب ويعطيك الصحة على الحلوى راهي تشهي سلمت يداك وماكول الهنا يا رب
*سندوسة كل عام وهو بخير وربي يدوم عشرتهم ويحفظهم لبعض ويحفظهملكم وربي يدوم لمتكم .. وتستاهلي الحلو يا حلو
ام هدول صحا فطورك يا الحبيبة وربي يقبل وربي يوفق بنياتك وكل اللي راهم يجوزو في الامتحانات يا رب يا درى وشراهي بنتك ريحت ..وبصحتكم البيري والدجاج ماكول الهنا
وبالنسبة للوصفات من عيوني يا حبايب قلبي غوالي والطلب رخيس تفضلو

وراهو في وصفات الحراير الرابط هاهو فيه بعض التفاصيل للاخت بحورة ربي يبارك فيها
https://www.djelfa.info/vb/showthread...915308&page=48
رقم المشاركة 718
اما الشاربات للاخت فضيلة ربي يحفظها
https://www.djelfa.info/vb/showthread...915308&page=48
رقم المشاركة 715
فقط انا كنت مخبية عصير الليمون الاخضر ودرت الملون الاخضر
وبصحتكم

الله يسلمك ختيو وربي يحفظك
وشكرا على كلامك طيب
راكي منورة الكوزينة

اقتباس:

المشاركة الأصلية كتبت بواسطة نوال عيسى

اما هذه

فهي تحلية مش تارت درت فيها واش عندي في الفريجيدار
كانت عندي علبة بسكوي ماكاو
وطلعت الشونتيي مع كريم ديسار شوكولا وشوووية حليب باااااااااااااااااااااااااااردين
وضربت علبة فرماج طازج مع شوية سكر ناعم ورشة قهوة سريعة الذوبان وشوية فاني وشوية كاكاو وخلطتهم مع لاشونتي غير بالشوية
ومن بعد حكمت بورت مونجي مربع خخخخخخخخخخخخخخ ما عنديش مول مربع وصغير ايا سلكت روحي بالبورت مونجي المهم درت بلاستيك فيها باش نقدر نقلبها وبديت
اولا شمخت البسكوي في الحليب لي نكهتو بشوية فاني وستفت الطبقة لاولى ودرت الكريمة وعاودت البسكوي وهكا حتى خلصت الكمية وفي الاخير رشيت شوية كاكاو من فوق باش كي نغطيها ما تلسقليش وكي بردت قلبتها وعملتلها صوص شكولا اللي كان عبارة عن
ملعقة كبيرة حليب غبرة وملعقة كبيرة كاكاو وملعقة كبيرة شونتي غبرة وملعقتين سكر بودرة وملعقتين زيت وما حسب الحاجة وخلطتهم
وغطيتها من الفوق بالصوص وزينتها بالكريمة لي بقاتلي ورشيتها بالكاكاو

خرجتلك روعة
ماشاء الله يا لفحلة
وشكرا على تدبيرة كل حاجة فالمطبخ تفي بالغرض

اقتباس:

المشاركة الأصلية كتبت بواسطة nanoua7

سلام عليكم البنات ان شاء اللّٰه راكم كامل لاباس وفي أحسن حال يارب و صح عشاكم دائما عامر يا رب سندوس ان شاء الله الكوزينة مربوحة وفال خير عليك وعلينا مريومة حبيبتي واش نقولك قداش فرحت بالرسالة تاعك الدمعة جاتني وخسارة ما عنديش 500 مشاركة باه نردلك و الله لايغيبك حبيبتي راني غي هنا معا كنت مريضا شوي ليام لي فاتو و مع ليامات قصارو مانيش نلحق بصح راني مرات نضرب طلة و راني دعيتلكربي يتمم مع العين الزرقاء هههه ربي يحفظك ان شاء و يعطيك ليرضيك

وعليكم السلام
الحمد لله ربي يدومها نعمة
الله يسلمك خيتو واللهم امين شكرا ليك على دعاء والكلام الطيب
ربي يشفيك اختي

اقتباس:

المشاركة الأصلية كتبت بواسطة نوال عيسى

وعليكم السلام ورحمة الله وبركاته
ربي يشافيك ويعافيك حنونة طهوراا ان شاء الله

ام امينة تفضلي الوصفة تع خبز التوست

اقتباس:

المشاركة الأصلية كتبت بواسطة أم يوسف2

الف شكر لكل وحدة منكم اطباقكم روعة وتشهي خموس عليكم
حياة بالشفا على بنتك ام هبوبة شكرا ام هدول درت البغرير امبعد رحت نطل على مريضة ووليت لعشية درت عشايا بطاطا بالثوم تاع ام وليد لكن درت بطاطا مغلية وزدت الكمون جات هايلة ننصحكم تجربوها
نسلم على كل وحدة مرت من هنا
البغرير درتو اليوم بدقيق تاع القمح بالطريقة التقليدية دقيق ملح خميرة وماء بدون خميرة الحلوى وخليتو ربع ساعة ارتاح طيبتو فكارلاجة جاني هائل ومثقب
تصبحون على خير يارب
مانسيت حتى وحدة ڨاع راكم فالقلب

العفو اختي
هذا من لطفك وذوقك
بصحتك اطباقيك باينة تشهي

*سندوسة* · 2016-11-30, 09:05

اقتباس:

المشاركة الأصلية كتبت بواسطة um alaa

مساء الانوار
دخلت مباشرة بلا ما نراجع جبتلكم عشاء و كب كايك حبيبتي وجارتي العزيزة ام نور
باسم الله

عشاك يشهي الله يبارك
وكب كيك فووور
بارك الله فيكم راهم تنوع فالطيابات
بصحاتكم

اقتباس:

المشاركة الأصلية كتبت بواسطة nanoua7

في لامان البنات و b8

اقتباس:

المشاركة الأصلية كتبت بواسطة أم يوسف2

سلام بنات وش رايكم

اقتباس:

المشاركة الأصلية كتبت بواسطة أم يوسف2

شحال فرحت جربت نرفع الصور ونحطهم ونجحت المهمة بصح شكون لي تقولي كيفاه نحطهم ديراكت ليلة سعيدة

خرجلك شباب ماشاء الله
تاكلوه بالصحة

*سندوسة* · 2016-11-30, 09:08

احلى صباح لأحلى حبيباتي
راكم منورين لكوزينة ماشاء الله

الله يدوم لخير ويحفظ النعمة

حياة نور الدين · 2016-11-30, 09:13

البنات راجعت وراسي ماشي مركز مليح وخفت ندكركم وننسى كاش واحدة بصح كلشي تحففففة ورووووعة من بغرير ام يوسف لعشاء اموالاء وام لجين لكرواسون ام هدول لاطباق بحورو لافكار نوال والقائمة طويلة يعطيكم الصحة

*سندوسة* · 2016-11-30, 09:15

اقتباس:

المشاركة الأصلية كتبت بواسطة أم يوسف2

صباح الخيرات والبركات اواه بااااين راكم عيانات مالبارح فالليل وانا ندور وحدي وحدة ما دخلت والله ربي يعينكم لما يحبه ويرضاه
ايا كي تنوضوا نولي نقرعج هههه لي عندها ذراراي يقراو ربي ينجحهم ويفرحهم تبعوهم برك وقولولهم يكثروا التمارين فالدار باش يسهللهم كلشي
سلااااام

صباح الورد والياسمين
اهلا اختي ام يوسف
صراحة لبارح خرجت من المنتدى حتى 1 ونص كان عندي مشكل فالاقتباسات كي نجي نرد مايطلعوليش
نهارك مبروك

اقتباس:

المشاركة الأصلية كتبت بواسطة ام أمينة

السلام عليكم ورحمة الله وبركاته صباح الخير أم يوسف وشراكي لا بأس
حتى انا نروح نوض وليدي يروح يقراء

وعليكم السلام ورحمة الله وبركاته
صباح نور اختي مرحبا بيك
ربي يسهل امورك اختي

اقتباس:

المشاركة الأصلية كتبت بواسطة ام أمينة

ام يوسف راني شفت البغرير تاعك يعطيك الصحة

اقتباس:

المشاركة الأصلية كتبت بواسطة ام هدول

احلى صباح ....

صباح الورد والياسمين
صحيتي حبيبتي الكرواصون يشهي
بصحاتكم

*سندوسة* · 2016-11-30, 09:23

اقتباس:

المشاركة الأصلية كتبت بواسطة أم لجين هيثم

صباح الخير عليكم
الف الف مبروك افتتاح الجزء الجديد من الكوزينة سندوسة اطباقك وحلويات رووووعة
البنات كامل ماشاء الله حراير أبدعتم ربي يبارك في رزقكم وبيوتكم
باروكي عشايا تاع البارح

صباح نور حبيبتي

الله يسلمك خيتو وربي يحفظك هذا من ذوقك
اللهم امين وشكرا ليك
اممم الله يبارك اطباق تشهي عجبني صحن السطلة ديكور واناقة
الله يبارك كلش حطة
بصحاتكم اختي
نورتي الكوزينة

اقتباس:

المشاركة الأصلية كتبت بواسطة أم لجين هيثم

أحلى صباح أم يوسف وام امينة وام هدول وشراكم حبيباتي
أم يوسف البغرير مثقب كيما يحب الخاطر
أم هدول بصحتكم الكرواسون يشهي

اقتباس:

المشاركة الأصلية كتبت بواسطة omhadil

صباح الخيرات اخواتى نهاركم مبروك

صباح نور ويومك اخلى حبيبتي

اقتباس:

المشاركة الأصلية كتبت بواسطة ام هدول

اهلين ام لجين ....عشاك بسيف طلعولي الصور ....بصحتك واش من من وصفة درتي ...
ام يوسف بصحتك البغرير ام امينة واش راكي....
نوال يسقسي عليك الخير بنتي اليوم وين راحت تقرة ماعليهاش راهي بالدوة ....الحمد لله ..عجبتني طريقتك في التحلية ولقتلهافكرة البورت مونجي ...راكي مبدعة ماشاء الله ..احتفضت بالوصفة عندي .

ربي يشفي بنتك
لاباس عليها ان شاء الله

اقتباس:

المشاركة الأصلية كتبت بواسطة omhadil

ام يوسف بغريرك هابل يعطيك الصحة
ام هدول صباحك زين وبصحتك الكرواصون
ام لجين كلشى حطيته روووعة
صباح جميل للملتحقات

اقتباس:

المشاركة الأصلية كتبت بواسطة omhadil

ام يوسف بغريرك هابل يعطيك الصحة
ام هدول صباحك زين وبصحتك الكرواصون
ام لجين كلشى حطيته روووعة
صباح جميل للملتحقات

اقتباس:

المشاركة الأصلية كتبت بواسطة حياة نور الدين

هدا كان عشايا البارح ودرت مطلوووع جا رووووعة لام ساجد لانه انا نموت على مطلوع الطاجين ومرات ميجينيش بصح هدا روووعة وميسحقش العجن بزاااف
ودرت تحلية بالحليبب والعصير جات بنينة

صباح لخير حياة الله يبارك دخلت على الخيرات لي حطيتيها
ماشاء الله كلش يشهي
بصحاتكم
وشكرا على وصفة نتاع المطلوع

نهارك مبروك

om obaida · 2016-11-30, 09:25

صباح احلي من العسل

*سندوسة* · 2016-11-30, 09:26

اقتباس:

المشاركة الأصلية كتبت بواسطة حياة نور الدين

البنات راجعت وراسي ماشي مركز مليح وخفت ندكركم وننسى كاش واحدة بصح كلشي تحففففة ورووووعة من بغرير ام يوسف لعشاء اموالاء وام لجين لكرواسون ام هدول لاطباق بحورو لافكار نوال والقائمة طويلة يعطيكم الصحة

شكرا على التشجيع
بارك الله فيك
فعلا الاخوات كامل طياباتهم روعة
ربي يباركلهم ويزيدهم من خيره وفضله

*سندوسة* · 2016-11-30, 09:29

هذا كرواصون من الارشيف

nanoua7 · 2016-11-30, 09:42

صباح الخير البنات وو نهاركم مبروك

الأمنيات · 2016-11-30, 09:53

السلام عليكم. اسعد الله يومكم
يعطيكم الصحه على اليحطيتوا كامل زين تبارك الله
جبت من الارشيف بريوش

أم يوسف2 · 2016-11-30, 10:29

اهلا وسهلا كيف حالكم كل حاجة روعة
حيوتة باينة سهرتي مع بنتك المريضة ربي يعينك ويشفيها
أم هدول ماكانش علابالي بلي بنتك مريضة بالشفا عليها يارب
سلام لكل وحدة شهيتوني بالمطلوع والكرواصو والشلاظة ديكورها يهبل ويفتح الشهية ماشاء الله عليكم
انا اليوم فطورنا شربة ولله الحمد

أم يوسف2 · 2016-11-30, 11:30

بنات شكون تعرف وصفة حلوى المخدة لي في العجينة حلوة الترك وورولي المول تاعو مشكورات مسبقا

om obaida · 2016-11-30, 11:33

om obaida · 2016-11-30, 11:38

احلي صباح شوفو من الصباح وانا نخلط باه نخرج فوطو وفي الاخير نسيت واش درت هذا قاطو هذا وين جابوسلفتي انا نصور وبني يدي فالحبات