الجزء 186 من كوزينة واش طيبتي اليوم على المحبة و الوفاء مجتمعون وللكوزينة مخلصون

[x ام رحاب x]

احلى صباح للعزيزة رمرومة واش راكي انت تاني ربي يحفضلك هادوك اليدين يامبدعة

[RIMA.87]

المشاركة الأصلية كتبت بواسطة fifilondon

ريمة بصحتك لعشا الفريكاسي والسلطة وان شاء الله تكوني شفتي رسالتي لي بعثتهالك

الله يحفظك اختي فيفي ،لكن لم تصلني رسالتك،
راني نقصت البعض من صندوق الرسائل عاودي بعثيها ممكن توصل .

[RIMA.87]

المشاركة الأصلية كتبت بواسطة x ام رحاب x

احلى صباح للعزيزة رمرومة واش راكي انت تاني ربي يحفضلك هادوك اليدين يامبدعة

الحمد لله غاليتي ام رحاب ،و مشكوووورة على كلامك المشجع.

[x ام رحاب x]

قراتان الشيفلور
قراتان الكرم
[IMG]https://f./p_740dz52k4.jpg[/IMG] شخشوخة بالمرقة

[x ام رحاب x]

المشاركة الأصلية كتبت بواسطة fifilondon

مساء الخير وصحى قهوتكم لبنااااااااات
هدا بريوش محشي بالشكولا وكرواسون سبق وحطيتهم في كوزينة ام فاطمة

المشاركة الأصلية كتبت بواسطة fifilondon

وهذا كيك وصفة ام فاطمة

المشاركة الأصلية كتبت بواسطة ام هدول

جبتلكم. عشايا ،،طاجين الزيتون ،،،وخبز الدار بالسميد منكه بالماء. الزهر ،،امممممم

هدا سميتو الصحن المحقور ،،خخخ
ماش مزوق مسكين،،،بصح بنين كيما خوه طبعا،،هههه،،،،،

المشاركة الأصلية كتبت بواسطة rima.87

السلام عليكم ،
صح عشاكم اخواتي في الله ،
عشانا اليوم خفوفي، فريكاسي و سلطة و الحمد لله.


.

فيفي الله ايبارك حلوياتك ايشهو الكيك عجبك
ام هدول ماكلتك ماخلاتش فيا حللي وناقشي ماعرفتهاش
رمرومة بصحتك انت تاني حللي وناقشي عجبني واش درتي

[RIMA.87]

بسم الله ما شاء الله عليك و ربي يحفظك و يبارك فيك على هادوك الاطباق ام رحاب ،من الغراتان لي شخشوخة ،الصورة وحدها تعبر على البنة ،بصحتكم .

[القبايلية]

يا إلهي كبرنا حتا أحفادنا دخلو للكوزينة ههههه
نرحب بهدولة بنت أم هدول خير خلف لخير سلف رفدت صنعة أم هدول الطياب و الجلفة
ربي يحفظها ونشوفوها في أعلى المراتب الدراسية و العملية و الكوزينية
ضرك نرجع لإصحاب الدار طيابكم تحف في تحف بدون مجاملة كل صحن ينسيني في الثاني
و حبي ليكم يجرجرني جرا للجلفة تحياتي الحارة و الحلوة و الساخنة لكل وحدة منكم
أم فاطمة غلقت كوزينتها و هاجرت من الجلفة طلي على فيفي رجعيلها باركوها
ما رايحة نذكر حتى اسم عود ننسى كاش وحدة و تزعف عليا نخاف نهار ينور الملح نفتح كوزينتي الزعفانات ما يدخلوش عندي ههههه ديما تراودني الفكرة و لكن التابلات نتاعي خانتني

[طيور الجنان]

صباح الخير عليكم واش هذا الخير كامل قلبي الصغير لايتحمل من الحلو للمالح اممممممم.
فيفي يعطيك الصحة على الفطور مع الصباح المادلان يشهي و يبان خفيف شكرا ياطيبة.
ام رحاب يامي يامي هاذوك لي غراتان راح ينطقو من البنة و الشخشوخة تشهي يعطيك الصحة.
ام هدول طاجين الزيتون تاعك مابقاش طاجين الزيتون ولا الطاجين الزينون الله يبارك تحفة تقول نتفرج فيه برك مع خبز الدار اكيد هدولة عوضتيلها العدس ههههه.
حيوتة ساعة ساعة اخلعيني هههههه.
ريمة الزينة بصحتكم الفريكاسي يشهي مطرح مايسري يمري.

[طيور الجنان]

فضيلة اختي يعطيك الصحة على الحلويات الانيقة الله يبارك.
ام فاطمة وينك ياطيبة طللي علينا ماتستغناوش عليك ان شاء الله برك ماتكونيش زعفانة علينا.
مريم اختي تاني غايبة ان شاء الله تكون بخير مع بناتها و تكون ميمتها ارتاحت.
غدايا لوبيا ان شاء الله نروح نكمل اشغالي.

[x ام رحاب x]

احلى صباح للقبايلية الحرة وطيور الجنان يسعد صباحكم حبيباتي واش اصبحتو
طيور الجنان واش راكي حنونة وشكرا على كلامك عزيزي الطيوبة
ريمة شكرا حنونة عيونك الشابين تسلمي
القبايلية افتحي برك الكوزينة مانزعفوش منك خلاص

[x ام رحاب x]

فطوري باذن الرحمان عدس ومطلوع سخون ربي يعينكم ان شاء الله
طيور الجنان بصحتك اللوبيا مطرح مايسري يمري

[القبايلية]

بصحتكم اللوبيا و العدس و زيد فوقها مطلوع سخون يا ويلي نحكم طريق ديركت للجلفة
أم رحاب أنتم في الجلفة كيفاش طيبو العدس ممكن يكون أحسن من تاعنا أنا عندي طريقة ما نعرف عليها منين اصلها

[RIMA.87]

اختي ام رحاب اكيد بكل فرح و سروور ،هاداك فريكاسي تونسي ،الحشو كان بطاطا و جزر مفورين و بيض مغلي و زيتون اخضر مقطع دوائر و جبن ابيض و تونة تاع الزيت ،
اما العجينة ساهلة و خفيفة و بنينة ،العايلة عجبوهم ،خذيت الطريقة من اليوتيوب ،
رطل فرينة ضيفيلو 2ملاعق كبار حليب بودرة اي لحظة و زيدي ملعقة كبيرة خميرة الخبز و شوية سكر و نصف كيس خميرة الحلويات و خلطي كل هاد المواد الجافة و زيدي الملح و خلطي ثم لايميها بالماء الدافي ما تكونش العجينة يابسة و ماشي طرية بزاف و خبطيها او اعجنيها مليح مليح ،ثم غطيها و اتركيها ترتاح من ساعة الى ساعة و نصف هذا هو السر لازملها الوقت الكافي حتى يتضاعف حجمها ثم هبطيلها الخمور و ابسطيها ما تكونش رقيقة بزاف و اطبعيها و خليها تزيد ترتاح5الى 10دقائق و اقليها في زيت غزير و ارمي عليها الزيت حتى تتنفخ ،
ان شاء الله نكون افدتك و اذا حبيتي تطلعي على الفيديو اكتبي مطبخ ام اسيل و تلقاي تفاصيل اكثر ،
و بالصحة و الراحة .

[Fifilondon]

ريمة سعيدة روح مراد ام رحاب والكل ليتدخل نقلها صبح الخير
راه لحق الوقت ندي وليدي للروضة ونقضي صوالح للغدا ونرجع نعلق عليكم بالوحدة اتهلاوى خياتي ربي يحفظكم

[x ام رحاب x]

ريمة الله ايجازيك كل خير الوصفة اتشهي تسلم ايدك في ميزان حسناتك
فيفي روحي ادي وليدك وراواحي طريق السلامة