دورة فراشات تزهو بالألوان بيوتهن قمة في النظافة و التنظيم و التدبير و الاتقان

[أم فاطيمة]

اليرقات الجد د اهلا و سهلا و مرحبا بكن
ما تعبوش رواحكم و تراجعو كل الصفحات ابداو مع فريق اليرقات ره بادية معاة الاخت حبيبة
من جديد من الصفحة 115 هاني وفرت عليكم التعب هيا ورونا شطارتكم

[أم فاطيمة]

مساء الخير على احلى لمة
الاخت حبيبة راني غسلت لفريجيدار غسلة عمره ماكان يحلم بيها و فرز
الكونجيلاتور و فرزت الدوايات لي معمراته رميتها خليت غير لنستحقه
غسلت القصبر و نقيته و طحنته و هب للمجمد
ومن بين التحضيرات نطحن الطماطم و نجمدها
و نشوي لفلفل لحلو
و نخلل الفلفل الحار و بعض الخضر
نخدم لتارتولات باش ندير بيهم مقبلات
نخدم العجينة المورقة
نقي تمر من نوع لحميرة و ننزعله النوات و نخدمه لادهان و اليازير او كيما يقولو باللغة العربية اكليل الجبل
مدام رانا في فصل الجلبانة نقيها و نجمدها في قرورات نتاع ماء سعيدة راهي اسهل طريقة و ماتديلكش المكان في المجمد
اما الحم و الخضراوات نتبع رجيم نتاعي العادي
و كي نتفكر كنش حاجة راني نحطها

[شوشو 11]

المشاركة الأصلية كتبت بواسطة أم فاطيمة

مساء الخير على احلى لمة
الاخت حبيبة راني غسلت لفريجيدار غسلة عمره ماكان يحلم بيها و فرز
الكونجيلاتور و فرزت الدوايات لي معمراته رميتها خليت غير لنستحقه
غسلت القصبر و نقيته و طحنته و هب للمجمد
ومن بين التحضيرات نطحن الطماطم و نجمدها
و نشوي لفلفل لحلو
و نخلل الفلفل الحار و بعض الخضر
نخدم لتارتولات باش ندير بيهم مقبلات
نخدم العجينة المورقة
نقي تمر من نوع لحميرة و ننزعله النوات و نخدمه لادهان و اليازير او كيما يقولو باللغة العربية اكليل الجبل
مدام رانا في فصل الجلبانة نقيها و نجمدها في قرورات نتاع ماء سعيدة راهي اسهل طريقة و ماتديلكش المكان في المجمد
اما الحم و الخضراوات نتبع رجيم نتاعي العادي
و كي نتفكر كنش حاجة راني نحطها

الله يبارك فيك ويعطيك صحيحتك

لو تتفضلي وتقوليلي على طرقة التمر ....و لتارتولات


وشككرا

[وفاء الياسمين]

ماشاء الله معلومات جد قيمة جزاك الله خيرا
انا بما اني مستعجلة نحيت 15د نتاع الراحة و طبقت واش قلتيلي على النقاط الساخنة و كملت اليوم البالكونات و نفظت الصوف شمس الربيع مليحة لصوف لمخايد

بالنسبة للتجميد جمدت حبات قارص و حبات تشينة و مازال نزيد ان شاء الله
بصحتكم قهوة لعشية

[nina mima]

السلام عليكم الاخت حبيبة شكرا على كل شيئ اليوم اكملت التنضيف العميق لكل المنزل لكن مشكلتي كيف احافظ على الرتين ولا انتكس الى الاكتئاب مع انني احاول النهوض التميز من جديد

[nina mima]

هل يمكنني التواصل معك

[بعيدة المنال]

يا حبوبتي يا توأم روحي سامحيني خليني نرجع راهي النت هي السبب في انقطاعي هاكي هاذي باش تخليني نركب



ولا هذي أكثر



أيا هادو بالكل



راني نقرأ في واش فاتني وبإذن الله نطبق قريبا

[حسناء القمر]

مساء الخير على اللمه الحلوه عندي افكار مليحه انشاء الله نفيدكم بها

[أمة الله 84]

السلام عليكم و رحمة الله تعالى.
أشكر الأخت حبيبة على الموضوع الرائع عن نوم الاطفال لأن. معظم مشاكل الأمهات هي الخلل في نوم أطفالهن

[oum sabrin]

مساء الخير على احلى فرشات و يرقات و على حبيبتنا الغالية حبيبة
اتمنى تكونو بخيييييييييييير والله ليكم وحشة
اليوم كنت غائبة عن المنزل رحت لدار اهلي و ماجيتش حتلى الليل
الصفحات راهي بسم الله ما شاء الله تنتقل بسرعة نروح نقرا ما فاتني
تطبيق اليوم 'تنظيف الثلاجة عميقا) نعوضو غدا صباحا ان شاء الله

[رقية الناجحة]

اقرؤ ا هذا الكتاب فانه قمة في الروعة




[url=https://www.up.djelfa.info/][/ur


l]

[حبيييبة]

اهلا اهلا بالحبيبة الغالية فراشة الخير ام الخير
واش راكي حبيبتي
الله الله على الزينة نتاعنا
ربي يحميك و يسترك مالعين
جيد جدا حبيبتي كي بيتك راه مسبوغ من جديد
لا داعي اطلاقا لغسل الجدران
اللهم اذا وجدت هناك بضع البقع بسبب الاطفال مثلا
او مفاتيح الكهرباء او تنظيف هاديك البليتنة السوداء اسفل الجدار
راكي فاهمة حبيبتي
اما الباقي بما انه مسبوغ فلا داعي راه يفرح القلب ماشاء الله
الله يعينك يا قلبي مع هاد الميزانية و غلاء الاسواق
ربي يفتح عليك ابواب رزقه كلها ياا رب
الله يوفقك و يعينك حبيبة قلبي





اهلا اهلا بالحبيبة غزالة
مرحبا بيك يا الغزالة الف مرحبا
ربي يشفي رضيعك و يعافيه يا قلبي لاباس عليه
طمنينا عليه حبيبتي
ادخلي برجلك اليمنى حبيبتي
و راكي اخذيتي مكانك في فريق اليرقات
اذا انا متشوقة جدا لقراءة تطبيقاتك اليومية
حبيبت نقولك حاجة يا غزالتي
راكي دخلتي في قلبي مليااااااااااااااااار



اهلا اهلا بالحبيبة روضة 88
اهلا بيك حبيبتي الى بستان الفراشات
يا حبيبتي ممكن تقري مقدمة الدورة
و هكذا رايحة تفهمي نوعا ما موضوعنا هذا
و ممكن ايضا ترجعي للصفحة 111
و تبدي معانا التطبيقات لو رغبت بذلك حبيبتي
و ممكن ايضا انك ترجعي لموضوع "ملخص الدورة" راه مثبت بالقسم هنا حبيبتي
و اذا بقى عندك اي اشكال او غموض او استفسار انا في خدمتك حبيبتي




اهلا بمدللتي اوراسية
اهلا بيك يا كشرودتي الجميلة الحبوبة
واش راكي حبيبتي
ربي يعينك و يقدرك
راكي نحلة و فحلة
غيير بالشويا على روحك يا قلبي
اتهلايلنا في مدللتنا





اهلا اهلا بيك حبيبتي mosta*limoges
اهلا و الف مرحبا بيك بين الفراشات
طبعا راه مكانك محفوظ فالقلب قبل الدورة
ادخلي برجلك اليمنى و قولي بسم الله
و ارجعي للصفحة 111 و انضمي لفريق اليرقات
و ابداي معانا التطبيقات حبيبتي
و انا متشوقة لقراءة تطبيقاتك اليومية يا قلبي





شقيقة روحي ولي امرك عجبني بزاااااااااف ههههه
افتقدتك فعلا و كنت ادعو ان يكون المانع خير
والحمد لله كان المانع في النت
الف اهلا و سهلا بعودتك يا لغالية



اهلا اهلا بالغالية فراشتي المجتهدة رقية محمد
ربي يباركلنا فيك حبيبتي و يعينك على كثر الصفحات
ملاحظتك في محلها و كلامك جواهر ربي يحفظك و يحميك
ايه صح عندك الحق
شكرا لك على العدعوات الجميلة اللهم آآمييييييييييين
بالنسبة لتغيير الاسم ممكن البنات يفيدوك باذن الله
هههههلا يا غاليتي ابدا لا انساك ولا انسى اية حبيبة دخلت الى قلبي
فكل واحدة تخط حرفا هنا في هته الصفحات
تنقش مكانها في قلبي و لا تغيب عنه ابدا
ربي يكون في عونك يا قلبي و يشفيلك وليدك و يقدرك على حسن رعايته
غير بالشويا يا قلبي و رايح كووووووووووولشي يتحسن بحول الله و قدرته
اراك مشتتة التفكير
يعني تفكرين في عدة اشياء في ضربة وحدة
و تتقلقي منها كلها في ضربة وحدة
مما يجعلك تجزعين و تضطربين من المستقبل
بل و من اي تفصيلة من تفاصيل امور حياتك
تجزعين ان يسوء اي امر منها لاي سبب كان
اراك و كأنك داخل فقاعة تطير في الهواء
لم تبلغ لا السماء و لم تطل رجلاها الارض
ساطلب منك حبيبتي شيئا
ساطلب منك ان تجلسي هنيهة فقط مع نفسك
وحاولي ان تنظري الى يديك والى رجليك
ان تتحسسي يديك و رجليك
حاولي ان تضربي رجلك على الارض
اذا سمعتي ضربتها فانت حاضرة في الوقت الحاضر يعني انت تعيشين تلك اللحظة
و ان لم تسمعيها فهذا يعني ان عقلك غائب في الماضي يجتر حكايات الماضي و مشاكله و ما اختبرت فيه
او راحل الى المستقبل يحلل و يناقش امورا لم تحدث بعد و يستبق الامور

اجعلي تفكيرك في الماضي لتلخيص تجاربك فيه و الخروج بنتائج و قواعد
و احكام تقرريها لتكملي حياتك

و اجعلي تفكيرك في المستقبل للتفكير في الحلول الممكنة في ظروف حياتك و امورها
و للتخطيط لتلك الحلول و كيفية تطبيقها على الامر الواقع حبيبتي

كل شيء سيحل و يدخ في مسره الصحيح لو استعملت الورقة و القلم
و كانا رفيقا دربك الى الابد
و حينها حتى انت ستتغير حياتك
و يرجع اليها السكون و الطمئنينة بعدما كان يملؤها الهلع
ادمني استعمال الورقة و القلم حبيبتي
و ابشري





ماشاء الله عليك حبيبة قلبي ام فاطمة
يا فراشتي الرشيقة
تحضيراتك للشهر الكريم ممتازة
ان شاء الله يستفادوا منها الفراشات كلهم
ربي يعزك و يحفظك و يحميك لينا ياا رب
و يجعلها في ميزان حسناتك




اهلا اهلا بالحبيبة الغالية نينا
واش راكي حبيبتي ان شاء الله بخير
لاباس عليك راكي رجعتي نحلة كيما كنتي بكري حبيبتي
و الباقي رايح يكون شيئا فشيئا
التغيير الجذري مستحيل نفسيا و جسديا
و حتى بالنسبة لافراد اسرتك
انصحك بالدكر على الدوااااااااااااام
خلي لسانك رطبا دوما بانواع الذكر و الاستغفار
و انصحك بالتسبيح قبل النوم
33 سبحان الله 33 الحمد لله 34 الله اكبر
و انصحك بتجديد النية كل يوم لخدمة الله بخدمة اسرتك و زوجك
و تنظيف بيتك لان كل ذلك راه في ميزان حسناتك باذن الله
و كل يوم حاولي كل يوم حاولي الى ان تعتادي
كيما هادوك اللي يمارسوا الرياضة
نفس الامر
لازم يعطوا لانفسهم و اجسادهم الوقت اللازم ليعتادوا التغيرات الجديدة
و يتأقلموا معها يوميا حتى تصير تسري في عروقهم
و تصير جزءا لا يتجزؤ من حياتهم
ابشري حبيبتي
انصحك بالصبر و الاستمرار و عدم التوقف
طبعا يمكنك التواصل معي حبيبتي في اي وقت
انا في خدمتك دائما و ابدا

[حبيييبة]

اهلا اهلا بيسمينة قلبي
ربي يخليلك لميمة حبيبتي
و يفرحها بيك ان شاء الله في اقرب وقت ممكن
و يفتح عليك من ابوابه الوااسعة ياا رب
ماشاء الله عليك
انت في تطور مستمر ماشاء الله عليك
ربي يحفظك و يحميك و يدوم عليك هاذ النعم حبيبتي





اهلا بالغالية فراشتي المجتهدة المميزة شوشو
ماشاء الله عليك
ربي يوفقك و يعينك حبيبتي
شكرا لك على الكلمات الجميلة و المؤثرة
ربي يجعلها في ميزان حسناتك ياا رب




اهلا حبيبتي سماسم
شكرا لك يا فراشتي المتألقة على مشاركتنا خبرتك الراائعة
فعلا التربية راها صعيبة خصوصا على الام اللي تكون بعيدة عن اسرتها
او اسرة زوجها ولا معين لها على ذلك
ربي يخليلك وليداتك و يفرحك بيهم ان شاء الله
و يباركلنا فيك حبيبتي و يخليك لينا ياا رب




راااائع يا فراشتي النجيبة المميزة كي كي
ماشاء الله تطبيقك راائع حبيبتي
ربي يحفظك و يحميك
واصلي غليتي راكي على الطريق الصحيح





رااائعة يا فراشتي المميزة المجتهدة ام اريام
ماشاء الله عليك و على فراشاتي المتألقات
انا فخورة بكن و باصراركن و بسيركن على طريق التغيير بكل اعتزاز و صرامة و جدية
ربي يدوم عليكم هاذ النعمة ياا رب
حبيبتي انت رااائعة
تخطيطك راائع و الاهم فيه انه يناسبط انت
راه على حساب ظروفك حبيبتي
عندي فقط ملاحظة وحدة برك
انو التقييم يكون قبل التخطيط
لان في التقييم رايح تلاحظي النقاط السلبية و الايجابية
و في التخطيط رايح تحاولي تعدلي النقاط السلبية و تطوري النقاط الايجابية باذن الله
نجعيلك ربي يوفقك و يعينك لكل ما فيه خيره و رضاه

[حبيييبة]

اهلا بالغالية زينب فراشتي المتألقة في سماء التغيير
ربي يخليك لينا ياا رب و يعينك و يزينك بالصحة و العافية ياا رب
اتهلاليلنا في روحك حبيبتي




الله الله على النحلة نتاعنا
ماشاء الله عليك يا فراشتي الراااائعة سلام الجزائر
ربي يحفظك و يحميك
تطبيقاتك ممتااااااااااااازة
انت على الطريق الصحيح و انا معك ادعمك
الى ان تصلي الى تحقيق كل اهدافك و احلامك باذن الله
و خصوصا الدينية منها
ربي يوفقك الى كل ما فيه خيره و رضاه




اهلا بالغالية فراشتي المجتهدة فاتي 05
لاباس عليك غاليتي
غير بالشويا و رايح يبان تعبك حبيبتي
لن يكون ذلك بين ليلة و ضحاها
لان عمل متراكم لمدة طويلة حبيبتي للايمكن نقوموا بيه في لمح البصر
لكن كل يوم حويجة كل يوم حويجة و رايح كلشي يتغير حتى بدون ان تدركي الامر
نوصيك ان تحددي وقت لتطبيق 15د و تلتزمي به مهما كان الامر
راهي فقط 15د لادات ولاجابت
و تطبيق تلميع الحوض حتى و ان لم تغسلي الاواني خبيهم في كاش بلاكار
المهم لمعي حوضك ليلا قبل النوم مهما كان و مهما حصل
التزمي بهاذين التطبيقين و تمسكي بهما كعيونك
و ابشري فان التغيير و راحة البال و الطمئنينة راهم في طريقهم اليك




اهلا اهلا بالعزيزة فراشتي الراائعة ليزابييل
ربي يعينك و يوفقك حبيبتي
على كل التطبيقات
نحسن عونك فيما يخص نوم ابنائك
على كل الاربعاء المقبل رايح اتطرق لنوم الاطفال الاكبر سنا
عن الاطفال الرضع باذن الله
ابشري حبيبتي




الله عليك يا فراشة الفراشات
يا فراشات العمر
بارك الله فيك حبيبتي
على الجداول الرااائعة
مشاركة رااائعة و مميزة
ربي يجعلها في ميزان حسناتك ياا رب
انا سعيدة جدا بهته المشاركة
شكرا لك الف الف شكر

[حبيييبة]

حبيباتي الغاليات على قلبي
ربي يخليكم ليا ياا رب
اشكر كل من سألت عن جدي و كل من دعت له عن ظهر الغيب
ربي يحميكم و يباركلي فيكم ياا رب
جدي مازال على ما هو عليه
و ان شاء الله رايح يتحسن اكثر و اكثر هذا طمعي في ربي


فريق الفراشات
غدا مساءا نحطلكم تطبيق

"كيف تنظمين يومك و ترتبين جدول اعمالك فيه"

و هذا التطبيق رايح يفيدكم كثييييرا باذن الله
لانه رايح يشمل كل جوانب حياتكم
المنزلية و العملية و الشخصية
و اي جانب آخر راه في حياتكم و انتم تتحملون مسؤولية القيام به



اما فريق اليرقات فسأعطيكم التطبيق متأخر قليلا
لكن لاباس بان تقوموا به غدا باذن الله


بالنسبة لتطبيق الحملة الربيعية الرمضانية
نظن انكن على علم انني خصصت يومي الجمعة و السبت
للتحضيرات المطبخية اي التفريز لشهر رمضان المبارك
و من لا تقوم بها فلتأخذ هاذ اليومين راحة


بالنسبة لكل فراشة تخلفت عن اداء صلاة الفجر و ورد القرآن او ورد الذكر
ارجو ان تفرض على نفسها عقابا
لها الحرية التامة في اختيار نوع العقاب
المهم انه يكون رمزي فقط ولا تكلف على نفسها فيه
فانا لا اريد اذيتكم انتم غالين على قلبي
انا اريد فقط ان نربي انفسنا لنقودها نحن
و ليس هي من تقودنا