اخواتي في الله بفضل الله ثم اقتراحاتكن قررت ان اقتحم فن الخياطة الرفيعة...حيث نبدا من 1 الى ما شاء الله على بركة الله

[bina]

شحال متحوفة الي بسمسم روعة ممكن تعلمينا الطريقة

يعطيك الصحة

[صمت الجزائر]

تبارك الله ماشاء الله
تبارك الله ماشاء الله
تبارك الله ماشاء الله
روعة الله يبارك
واصلي عمل متقن مميز
شكرا لانك جعلتينا نقاسمك اعمالك
تحياتي

[صمت الجزائر]

اسمحيلي اختي اضفت طريقة عملك هنا
بتوجيه الاخوات الى رابط الطريقة
كي يسهل عليهن التعلم
تحياتي لكن بالتوفيق

[LOUIZA25]

حبيبتي صمت الجزائر وشكرا على التنظيم الجيد...........

["samar"]

جزاك الله كل خير على الشرح الوافي

[المهذبة]

شكرا أختي

[رحيق الايمان]

ربي يبارك فيك اختي خسارة جيتي بعيدة عليا وكون نلقى طريقة باه تخيطيلي ربي يعاونك
انا من دمار الخياطات قررت نخيط لنفسي راني نتعلم وحدي واسمحيلي راني نهز في واش تحطي ونطبق المودال هذا راني فصلته لماما حسب واش حطيتي بقاتلي برك العقد ما عرفتش نديرهم اسكو نديرهم من البيي او القماش و الا من القماش نخيط زوج طروف مع بعض ومن بعد نقص وباش نحكمهم؟
اسمحيلي كثرت عليك بالصح كون نوريلك حوايجي وواش خسروني الخياطات هنا تبكي عليا مع العلم انه عرسي بعد رمضان

[LOUIZA25]

اختي عرض القماش =10 سم وطوله إختياري ـ حوالي 1 مترـ خيطيه من الجنب و قلبيه على وجهه و قصيه الى قطع طول القطعة =9 سم و كمشيها في الوسط فتصبح عقدة.............نتمنى الشرح واضح.................

[manel135]

يعطيك الصحة يهبل

[LOUIZA25]

اخواتي الكريمات.........حبيت اندردش معكن قليلا.......... كاين موضوع يؤرق كل السيدات و البنات المقبلات على الزواج....... الا و هوعدم نجاح الخياطات في اخراج المودال كيما تبغي الزبونة ـ لا اعمم فانا واحدة منهن ـ كان في السابق الي معندهاش مستوى تعليمي ؟؟؟؟؟؟؟؟؟؟؟؟؟؟ تروح تتعلم لخياطة اليس كذالك ؟؟؟؟؟؟؟؟؟؟؟؟؟ و كان الخياطة ملجا الاميات . و بالتالي المستوى يكون رديء . ولكن الان فهم الجميع ان تعليم الخياطة لا بد له من مستوى متوسط و كذلك مستوى عالي احيانا.........مثلا الموهوبة في الخياطة لابد ان تتعلم في اي جيهة تتوفر فيها مبادئ التعليم و كذلك مستوى الاستاذ.........لابد ان يكون ذا مستوى..... ـ صقل الموهبة ـ حتى نصل الى نوعية جيدة لا بد ان يكون العامل ذا مستوى جيد.ـــــــــــــــــ مثلا المتربصات عندي من المستوى 3 نهائ الى مستوى الدراسات العليا؟؟؟؟؟؟؟؟؟؟؟؟؟. *لان هناك معاناه حقيقية في اللباس سواءا في البيت او خارجه. و خلاصة القول ان كل واحدة تحب تلبس اميح لازم عليها تتعلم لان هذا المجال بحر دون قرار ولالالالالالالالالالالالالالالالالازم في حياتنا كلها.سامحوني على الاطالة.........استنى من كل وحدة تمر ان تترك رايها الخاص

[wezza23]

والله عندك حق أختي فيما قلتي لازم الواحد يخدم مخو شوي باش يوصل للمطلوب

تعلرفي انا من بكري كنت حابة نتعلم الخياطة لكن مع الدراسة ملقيتش وقت والحمد لله كي جيت عند عجوزتي الله يخليها هياستاذة الخياطة بلاك تسمعي بيها هي من قسنطينة -منصورية خديجة- وحدة وحدة بديت نتعلم والحمد لله نلبس روحي هههههه

[حميدة 84]

ران معاك استاذة في هذا الرأي أنا مثلا محاولاتي في الخياطة لا تكون ناجحة الا اذا كانت القياسات صحيحة و منكم نتعلم ربي يحفضك وايخليك وبارك الله فيك

[أم ياسين الزهراء]

صح عندك الحق دوق الخياطة عندها مستوى مليح وثانيك راهي تبعي في التطورات والمودالات الجدد انا تعلمت الخياطة بصح مع الدار والاولاد ماخيطتش بزاف بصح ندبر راسي شوي واذا لقيت الباترون نجيبو مليح وراني حابة نخيط بزاف باش تمشي يدي كيما يقولو

[إشراااقة شمس]

والله عند الحق حنونة

والله يباركلك في يديك حنونة والله صراحة ديما نتابع جديدك و مودالاتك و يعجبوني بزاف

حابة نولي موهوبة كيفك
أدعيلي ختيتي

وديما نلقى مشكل في حوايجي و خياطات شحال من مرة يفسدولي الكتان ومايخرجوليش حاجتي كما نحب

و أنا كنت نقرا ماعنديش الوقت وكتاه ندير نتعلم خياطة
مي ضرك الحمد لله راني كملت قرايتي الصيف لي فات و راني نخدم و الحمد لله سجلت نقرا خياطة راني مازلت مبتدئة....أصلا كنت شوي نفهم في الخياطة و كنت نخيط قنادر الدار السامبل نتاعي وحدي و يخرجو باهيين بصح حبيت نزيد نتعلم باه نولي نخدم بالباترون باه تخرجلي الحاجة معدولة
أدعيلي

و كشما نحتاج ان شاء الله راني نستشيرك أستاذتي

أسمحيلي راني طولت الهدرة

ههه
ماتزعفيش مني

على خاطر راني معجبة بيك بزاف و بخدمتك

ربي يحفظك من العين

في أمان الله يا غالية

[zedjiga]

شكرا على الالتفاتة الحلوة و النصيحة. و الله الخياطة هواية و الي ما يبحبهاش مهما يمارسها ما يتقنهاش. بصح التعليم يزيد في الخبرة و مع الممارسة نصبح ان شاء الله في المستوى.