مقتنياتنا الكهرومنزلية بالصور

[أمينة مريم]

السلام عليكم
مواضيع مفيدة جدا بورك فيكم . أنا أريد أن أشتري غسالة سامسونغ لا تغسل الملابس فقط لكن حتى الأفرشة والأغطية المستعملة في فصل الشتاء لم أعد قادرة على غسلها باليدين بسبب مشكل صحي هل تكفي غسالة 9 كلغ أم 12 كلغ ؟ أنتظر النصيحة من فضلكم لأني أنوي شراءها هذا الأسبوع إن شاء الله وشكرا .

[hafidha20010]

السلام عليكم
انا نقولك على لعندي 9كيلو بصح ما تغسلش لفراش كندير فيها الكوت انتاع بلاصة تغسلها اما انتاع 2 بلايص ما تغسلهمش تعود دور بشوي وقريب مادورش يعني راك فهمت واش نقصد
انا مشينتي بلاستيك وكبيرة قد البتية
لحبيت لتغسل لفراش اشري انتاع 15 كيلو هكذا اكيد راح تغسلو
ان شاء الله رب يشافيك ويعافيك لازم تحافظي على صحتك قد ما تقدري الصحة هي الصح
ان شاء الله الخواتات افيدوك

[أمينة مريم]

ألف شكر الأخت hafidha20010 على تجاوبك معي وعلى قلبك الطيّب سأعمل بالنصيحة بورك فيك

[نقاء سريرة]

جيت متاخرة .عندنا طباخة *كويزنيار انبام *عمرها 23 عام ماشاء الله عليها طيابها هايل كبيرة مانفكرش نبدلها تماما .وفرن كهربائي لوتيس شريناه من عامين ب900الف ممتاز وثلاجة بيكو الله يباركعندها حوالي 4-5سنين وقتها كانت ب3ملاين و600الف و مكواة كلور عندها عام وزيادة هايلة شريناها ب450الف ومكيف الهواء 18000سامسونغ عندو 4سنين جيد و برا ساب 450واط عندو اكثر من عام باقل من 400الف ورووبو فرنسي مستر شاف من مولينكس عندو ازيد من 10سنين وقتها شريتو ب370الف على ما ادكر .

ومؤخرا شريت ميكرووند ب1400الف يطيب ويسخن و عجانة معها رحاية لحم ولصنع العصير ب1500الف ماركة براندت بقوة 800واط لم اجربهما بعد *لان البعض خوفوني من مخاطر المكرووند على الصحة * ممكن تفيدني الاخوات مشكورات بمعلومات عنهما .

بالمختصر المفيد عندنا كوتيل من الماركات .ونسيت نخبركم بماشينة غسيل الملابس ارتير مارتن مقبولةجدا 5كغ من 2001 لكني افكر في شراء اخرى بلاستيكيةكبيرة 14-15كغ لربح الوقت وتغسل كلشيء الملابس بالوانها الداكنة والملونة على دفعات واقتصد في الماء ايضا

[ريحانة24]

موضوع قمة احسنت اختي

[أم الحبايب 26]

بصاحتكم كامل واش شريتو

[hassina83]

انا مشكلتي الظهر يوجعني بزاف وعندي الطابيات الصاالو ثقال بزاف وكبار ندمت لي شريتهم يا ريت تقولولي هل كاين اسبيراتور تنظفهم بلاما نتعب لي عندها وحدا تقولي ربي يجازيكم

[ommo khawla]

اختي انا عندي مكنسة كهربائية كوبرا تخدم باماء او جافة نفعتني براف

[hassina83]

المشاركة الأصلية كتبت بواسطة ommo khawla

اختي انا عندي مكنسة كهربائية كوبرا تخدم باماء او جافة نفعتني براف

من فضلك حطيلي الصورة ديالها باش نشري كيفها ما عرفتش كيفاش

[Hinda_dz]

بارك الله فيكم على الموضوع الجميل

[جنة نور الايمان]

موضوع رائع

[أم أيمن الحبيب]

السلام عليكم انشاء الله ما نكونش متأخرة
الثلاجة والكويزينارعندي geant ماشي عاجبيني الثلاجة حجم صغير غير كافية وتدير الثلج من الأسفل إذا زدتلها أما الكويزينيار كانت نارها قليلة حتى صنعناها وزيد الفرن خاسر ويشعل من الأسفل فقط اشتراهم زوجي قبل الزواج.
منذ مدة اشتريت غسالة ألجي 7 كلغ هايلة حتى الساعة بحوالي 51000 دج
والبرا ميكسور موليناكس مليح لكن يدير الحس ب3800 دج
حابة نبدل الثلاجة والكويزينيار فكرت في ثلاجة سامسونغ أو كوندور كبيرة وكويزينيار بروند لكن شوية غالية اللي عندها خبرة تفيدني جزاها الله خيرا خاصة الثلاجة حابة نشريها الشهر القادم

[أم محمد و عبد الله]

السلام عليكم
بنااات حابة نشري الة نزع الشعر braun silk epil لكن معرفتش شكون فيهم خير ان شاء الله رح نروح عروسة بعد رمضان و حابة نجربها من دك لي عندها راي ترايي عليا و شكرا

[manwilla]

موضوع اكتر من رائع فادنا بزاف

[AZIZA1]

سلام عليكم
تعيشو راني نحوس على
فور السعادة
مالقيتش واين يتباع اللي تعرف واين تقولي