بدء التسجيلات العسكرية لحاملي البكالوريا الجدد 2013 - الصفحة 12

wail hennoun · 2013-07-13, 00:41

ولكن لس سجلوا في الموقع يستدعوهم تاني خويا

sabah13 · 2013-07-13, 00:44

اه ديزول انت من الظباط العاملين............................هنا مانعرف بلاك يعيطو لك بار تليفون والا البريد الالكتروني+ انا اختك يا خويا........واسمحلي كنت نهدر على ضباط الصف

wail hennoun · 2013-07-13, 00:51

لا إختى نورمال و علا العموم الله يحفضك و هل المعتمدية جيدة

sabah13 · 2013-07-13, 00:55

قالوا لي مليحة بيسك انا بنت وتخرج عليا هذه المدرسة وانت مانعرف لك...........؟؟؟؟
وانا دفعت وتوكلت على ربي وربي يجيب اللي فيه الخير وصحا سحورك وسلام

wail hennoun · 2013-07-13, 00:57

مسجلتيش في الموقع و الله يسلمك و سلام

wail hennoun · 2013-07-13, 00:58

وخلينا في تواصل

sabah13 · 2013-07-13, 00:59

لالا سي دوماج..... جبت الباك بــــــــــ10 برك +مايقبلونيش على بيها دفعت في ضياط الصف فهمتني خوبا.....

wail hennoun · 2013-07-13, 01:09

أ صحا ختي لكن المعتمدية تخصص جيد و مريح انا سجلت في تاع الضباط معدلي يتيح لي ذالك

sabah13 · 2013-07-13, 01:12

اوكي خويا يصحتك ونتمتى لك التوفيق وان شاء الله يقبلوك.................مي حتي الصحة العسكرية جاب لي ربي مليحة ومافيهاش التعب بزااااااااااااااااااف+وكاين متاع الاشارة في توقرت قالو هايلة...........وانت تعرف؟

wail hennoun · 2013-07-13, 01:16

واه ختي الإشارة مليحة الدوسي يندفع في تيارت مدة التكوين عاميين و مبعدها تولي رقيب مليحة تاني هيا و لي فيها الخير ربي يجيبها ة الله يسهلك

AHMED CRB · 2013-07-13, 02:20

العتاد مليحة ؟؟؟؟

nofa35 · 2013-07-13, 09:53

إخواني انا من مواليد 1992 وجبت الباك العام هادا ب12.59 وقتاش تحل تاع العتاد لي في وهران

kadi 23 · 2013-07-13, 12:11

اقتباس:

المشاركة الأصلية كتبت بواسطة sabah13

السلام خويا مام انا دفعت مي حسب لي زامي متاعي كي دفعوا مدوا لهم الكوافيكاسيون تماك في هذاك الوقت اللي دفعوا كاين ....اللي قالو لهم 13 اوت وكاين 15..........مي انا دفت في لابوصت سي بوغ صا مانعرف وربي يوفقنا كامل ان شاء الله
+ الملف يكون مكتوي قي الاستدعاء

اجري على روحك اختى الكونفكسيو بار بوسط رهى متجكش الناس حاضرين ومقدروش يديوها فمبالك بار بوسط لازمك تروحى تجيبها اون بغسون

kadi 23 · 2013-07-13, 12:19

اقتباس:

المشاركة الأصلية كتبت بواسطة wail hennoun

سلام إخوتي إلى ذوي المعرفة أنا سجلت في المعتمدية في الموقع للي يعرف متى يتم إستدعائنا لإجراء الفحص و هل بعد ذالك نوجدوا الملف

السلام عليكم
اخى انت سجلت في السيت اصبر حتى تنتهي فترت تسجيلات مالفة 10 اوت
ولكان حالفك الحظ وكنت من بين ترتيب مشاركين في الفحص رح يعيطولك
وليكن في علمك لاكان باك تيعك فوق 14 كون مطمئن رح يعيطولك بار تيلفون
ونقترح عليك تسجل في جميع اختصاصات باه تزيد من حظوظك افتح السيت وسجل فيهم الكل
ومبعد كيف يعيطو لتجيك لولة روح ماتسناش

وشكرا

wail hennoun · 2013-07-13, 13:18

شكرا لك اخي إذن حتى بعد 10 أوت يعيطولنا و انا معدلي هو 13.87 هل عندي امل وواحد قالي خويا تقد تروح عندك معدل لاباس بيه