الاخت yarasmin26 ترد على استفساراتكم هنا - الصفحة 12

أم أدم يحي · 2013-04-14, 01:09

اختي التي تحوس على لكرام شانتيي

اذا اشريتها بالميزان اعملي 5
مغارف بودرة تع الشانتيي
10مغارف كبار تع الحليب
نعملوها بالحليب بارد بزاف بزاف مشي بالماء
2مغارف تع سكر رطب
لفاني خلطي الكل ف الفيتاس 1
مدة 1د ثم زيدي في لفيتاس تع الباتر
الاخير
حتى تتماسك و تجيك كما الي تتباع عند الباتسيي امجربتها

أم أدم يحي · 2013-04-14, 01:12

التشاراك المسكر
3 كيلات فرينة+1 كيلة زبدة ذايبة +قرصة ملح+ 1 م ك لفاني+1 م ص خمارة الحلوى+ماء +ماء الزهر باه تلمي العجينة والعقدة 500 غ لوز مرحي+300 غ سكر قلاصي+لفاني +مبشور القارص+قطعة صغير زبدة +ماء الزهر لازم العقدة تكون شادة روحها

أم أدم يحي · 2013-04-14, 01:14

مقروط اللوز
500 غ لوز مرحي+300 غ سكر قلاصي+1 م ك مبشور الليمون+1/2 م ك لفاني+3 الى 4 بيض حسب الحجم ولازم العجينة تكون قاسحة خليها ترتاح ومنبعد شكليها مقروطات وتروكيها

ليلة كاملة اتزيد ترتاح باه تشد لافورم
منبعد طيبها
وكي تبرد اغطسيها في الشاربات
ورمديها في السكر قلاصي 2 مرات

أم أدم يحي · 2013-04-14, 01:24

ياسمين اخيتي راني في موضوعك الخر راني جايبتها
صفحة صفحة
ما شااء الله والله

شذى الرحيق · 2013-04-15, 17:48

السلام عليكم اختي ياسمين كيف الحال انشاء تكوني بخير وربي يجازيك خير على كل ماتقدميه لينا اناحبيت نسال على الحلويات اللي يخدموهم للاعراس كيفاه يحسبو بالحبة ولا بالكيلو اداممكن تجاوبيني راني حاصلة كاينة وحدة قريبتي راح تتزوج وقالتلي نخدملها ارجوكي تعاونيني وربي يجعلها في ميزان حسناتك وشكرا

فتاة الجبل · 2013-04-15, 17:55

السلام عليكم

صح انا حطيت طلبي في موضوع منفصل بصح رجعت خفت يتحذف هههههههههه ونبقى حاصلة ونتصدم فيكم ومانرجع نطلب من جديد ههههههههههه على بيها عزمت ننشروا هنا بالاك تعاوني الاخت يارا

السلام عليكم
أكيد خبرتكم هنا في منتديات الجلفة وهمتكم العالية واقبالكم على مساعدة بعضكم البعض هو ما حمسني من اجل عرض طلبي هذا هنا دون غيره من المنتديات

افكر في فتح ورشة لتعليم الحلويات والخياطة معا لبنات منطقتي

معلوماتي في كلا التخصصين ضعيفة جدا اعرف فقط اني احتاج الى معلمات وتجهيزات

لهذا اتمنى من صاحبات الخبرة ان لا يبخلن علي في النصيحة

ماذا اختار من الوسائل والتجهيزات وايها افضل في السوق ولو سمحتم الاسعار ايضا

وكم احتاج من كل شيء

وكم اجعل في الفوج الواحد من البنات

مع العلم اني اعيش في منطقة جبلية يعني اذا نزلت الى المدينة فلا يسعفني الوقت لاطوف كل المحلات من اجل اختيار الافضل

اتمنى الا تبخلن علي بالنصيحة والتوجيه والقلب داعلكم

أم أدم يحي · 2013-04-17, 11:53

الله يحفظك اخيتي ياسمين ويعمر بيتك يا لالا

أم أدم يحي · 2013-04-17, 11:59

حبيبتي انتي اعطيني
وصفة للقلاصاج يصلح للاعارس ويكون يلمع
لانو ولا مرة استعملتو الصراحة
وربي يباركلك في خيرك

besbes · 2013-04-18, 12:09

اختي ياراسمين جربت المقروط نتاع الكوشة نتاعك وخرجلي روعة لقيت وصفة اخرى فيها la levure ولحضة نغامر ونجربها او لا لا ...سمحيلي

yarasmin26 · 2013-04-20, 16:58

اقتباس:

المشاركة الأصلية كتبت بواسطة besbes

اختي ياراسمين جربت المقروط نتاع الكوشة نتاعك وخرجلي روعة لقيت وصفة اخرى فيها la levure ولحضة نغامر ونجربها او لا لا ...سمحيلي

مقروط تاع الكوشة تقدري ديريلو الخمارة تاع الحلوى باه ايجيك خفيف ولكن لحظة......؟

نجيب نوفل · 2013-04-18, 20:54

اختي انا ام نجيب نوفل اريد وصفة لهذه الحلوة

ندى ندى · 2013-04-19, 12:09

بارك الله فيك اختي ياسمين اريد ان اسال الكيلة كم بالغرام
كما اريد كلاصاج يلمع يصلح الاعراس بارك الله فيك وجل كل ما تقدميه في ميزان حسناتك

yarasmin26 · 2013-04-20, 17:05

اقتباس:

المشاركة الأصلية كتبت بواسطة ندى ندى

بارك الله فيك اختي ياسمين اريد ان اسال الكيلة كم بالغرام
كما اريد كلاصاج يلمع يصلح الاعراس بارك الله فيك وجل كل ما تقدميه في ميزان حسناتك

حبيبتى لازم تعرفي الكليلة غير معروفة بالغرام
الكيلة تزن بالكاس او غرفية الشربة او صحن او .........اي شيئ
الغرام بالميزان وهي عندما تكون الوصفة بالتدقيق يعنى المعيار المدقق
اما القلاصاج تاع لعراس ذوك انحطو منفرد

yarasmin26 · 2013-04-20, 17:01

اقتباس:

المشاركة الأصلية كتبت بواسطة نجيب نوفل

اختي انا ام نجيب نوفل اريد وصفة لهذه الحلوة

انظن الوصفة تجدها في موقع الي خذيت منه الصورة لانه ليس لدي الوصفة

لجين منة الله · 2013-04-19, 19:39

السلام عليك عندي سؤال ممكن الاجابة حابة نعرف البريو ليديروه فوق الحلوى كفاش داير ممكن تحطولي صورتو وممكن طريقة الستعمال البريو الي يجي فوق لبقلاساج واش هو القلاساج لمليح وتاني عندي مشكل مع الشيكولا كنديرها فوق الحلوى متلسقش اي متنشفش مليح فوق الحلوى وشكرا