موضوع مميز طبخ الأعراس - الصفحة 12

غزالة الصّحراء · 2015-04-14, 21:48

اقتباس:

المشاركة الأصلية كتبت بواسطة روح مراد

فرحوني ردودكم و أنا راني هنا كي أستفيد و أفيد و هاكا تعم الفايدة للجميع

ألف ألف مبروك على شطّورتنا الحلوة . تستاهلي. على بيها أنت روح مراد ياسعدو. ويافرحو ماخاب فيك ظنو. اللّه يسعدكم ويفرحكم بالذريّة الصالحة حتّى تستقرا مع بعضكما كما تحبين.

روح مراد · 2015-04-15, 10:39

شكرا أختي غزالة ربي يحفظك و يحفظ كل عزيز عليك

روح مراد · 2015-04-15, 10:41

أختي تقوى لازم تجربي كل شيء ماكاش قاعدة دقيقة في الطبخ
أولا 1 كلغ كسكس رايح يتغير من نوع لنوع لآخر
المفتول في الدار يتغير من يد ليد و حتى المشري يتغير من نوع لآخر
لازم تجربي باش تعرفي

رنيم مهدي · 2015-04-15, 11:41

اختي فكرة جيدة وانا كذلك احب الطبخ لكن لا اعرف الكميات الكبيرة شكرا على الوصفات

روح مراد · 2015-04-15, 12:51

لا شكر على واجب يا رنيم

تغرينية · 2015-04-15, 18:49

سلام على الجميع المرقة تاع الشخشوخة يعني كيما نقولولوا عندنا الرقاق كي طيبوها لاني كليتها في وليمة وعجبتني تجي لونها رايح للاصفر وتجي صافيا كانهم صفاوها من الخضر اللي فيها وشكرا مسبقا

روح مراد · 2015-04-16, 09:00

صباح دالخير تغرينة
أنا في ما يخص شخشوخة ما عندي حتى فكرة عليها
و لكن نقدر نقول أن اللون الأصفر يكون بسبب الزعفران أو الكركم
و كاين اللي يصفي المرقة مثلا كيما عندنا في الوسط المرقة البيضاء نصفوها باش نحو منها الخناتش الصغار من بعد نرمو عليها الخضرة

khadidjasabrina · 2015-04-16, 13:56

اختي لعزيزة و الخبز كيفاش نعرفو شحال لازم باش ما نضيعوش
شكرا

روح مراد · 2015-04-16, 15:35

عندنا في الوسط يتباع الخبز الصغير
المهم رايحة نعطيلك الفكرة بصفة عامة
إذا كان كاين كسكس مع شربة و سلاطة هاذي ما تطلبش خبز بزاف
نديرو قيس خبزة مثلا على 3 أشخاص أو 4
و زيد الجو ثاني يساعد السخانة و البرد و الفطور أو العشاء هنا الحساب يختلف حسب الحالة
و غذا كان طاجين و شربة و سلاطة ندو الحساب لكل شخص نصف خبزة
إذا كان عندنا 100 شخص نشرو 50 خبزة لكل شخص نصف و نزيدو حوالي 20 خبزة احتياط
و غير يشوف خلاصو 50 و دخل في الاحتياط يشوف إذا مازال يسحق يزيد يشري شوية و إذا بقا مباشرة للمجمد نللقاوه مرة أخرى

anissa90 · 2015-04-16, 16:07

السلام عليكم يعطيك الصحة اختي روح مراد على الموضوع و لكل الاخوات حنونة راني نوجد باذن لله لطهارة تع وليدي ان شاء الله بعد رمضان نعرسلوا حبيت نعرف ل 50 شخص شحال من كيلوا تع كسكس و لحم مفروم يلزم

تغرينية · 2015-04-16, 16:31

اقتباس:

المشاركة الأصلية كتبت بواسطة روح مراد

صباح دالخير تغرينة
أنا في ما يخص شخشوخة ما عندي حتى فكرة عليها
و لكن نقدر نقول أن اللون الأصفر يكون بسبب الزعفران أو الكركم
و كاين اللي يصفي المرقة مثلا كيما عندنا في الوسط المرقة البيضاء نصفوها باش نحو منها الخناتش الصغار من بعد نرمو عليها الخضرة

شكرا لك الله يجزيك كل خير

ام محمد اسلام الله · 2015-04-16, 23:30

اختي روعة موضوعك بصح انا سوالي خارج على الموضوع انا عندي جارتي من غرداية اادير واحد المرقة تاع الطعام بنينة تهبل عمري لكيت كيما هيا
وتجي حلوة شوية
والله ياختي مداري الوصفة لي تطلبها مني منبخلهاش وكي قوتلها على الطريقة تصوري اختي قاتلي هذا سر المهنة وقعدت تتهرب مني راني في شهر وانا نقولها وهي تتهرب املأ محبتش نزيد نقولها تعيشي اختي ادا تعرفي عوانيني والله عجبتني بزاف

warda nawri · 2015-04-18, 07:25

افكار نيرة لامرأة عصامية. يعطيك العافية واصلي وافيدينا من خيرك الوفير

روح مراد · 2015-04-18, 08:57

صباح الخير أخواتي الموضوع يكون هايل بوجودكن و باستفسارتكن
أختي أنيسة مبروك على وليدك بالصحة و الهناء لعقوبة لزواجو إنشاء الله
أنا مديت الفكرة نتاع الكيل من قبل تحكمي كيلو كسكس و تشوفي شحال من طبسي يخرجلك نفرضو كل شخص ياكل طبسي و شوفي
الكسكس يختلف من يد ليد و كل واحد كيفاش يفتلو المهم تحكمي حاجة و كيلي و شوفي
نفس لاشيء بالنسبة للحم المرحي رانا قريب رمضان كامل نستعملو اللحم المرحي إذا أشري كمية معينة نفرضة شريتي 500 غ كوريها و شوفي شحال من كويرة تخرجلك و من بعد شوفي شحال من كويرة تحطي لكل شخص و طلعي الحساب
أم محمد أنا من الوسط و ما عندي حتى فكرة في هاذ المرقة الحلوة الله أعلم إذا عرفتي السر قولي لنا عليه

minina2601 · 2015-05-02, 13:44

بارك الله فيك اختي
ازن ان سر المرقة الحلوة يكمن في الهلرماس والتمر والله اعلم