مساعدة من فضلكم -مدكرة تخرج -.

[سطايفية بكل فخر]

المشاركة الأصلية كتبت بواسطة yacine-08

هههه باغية تشوكيني ماله الوورد نتاعي

هو خرج مليييييح كاين غي واحد لابارتي درتلها كولي ديراكت من بي دي اف لي كنت نكتب عليه

في الوورد تبان نورمان مي في البي دي اف خرجت مداخلة مع بعضها خاصني بالاك نعاود نكتبها .

++

اميييين ربي معاااانا

شحال من واحد صراوله هادا مشاكل مي يتفهموا ادارة جامعة هاد صوالح ويديروا حالات استثنائية ماشي كيما امتحانات .

ساعة ساعة ويصراو فيه مشكال انا مرة على مرة ونعاودو
+
اوك عاود كوبي هذيك لابارتي من الوورد ورجع كوليها بلاك يتحل المشكل
+
للاسف في الميموار مكانش حالة استثنائية ياتعقبها في وقتها ياتخليها ويحسبوهالك راطراباج
بلاك تغلط وتقول مزال عندي وقت راهي تتضربلك في 0,4

[yacine-08]

المشاركة الأصلية كتبت بواسطة سطـايفية بكل فخر

ساعة ساعة ويصراو فيه مشكال انا مرة على مرة ونعاودو
+
اوك عاود كوبي هذيك لابارتي من الوورد ورجع كوليها بلاك يتحل المشكل
+
للاسف في الميموار مكانش حالة استثنائية ياتعقبها في وقتها ياتخليها ويحسبوهالك راطراباج
بلاك تغلط وتقول مزال عندي وقت راهي تتضربلك في 0,4

ايييه صح .

+ واااه حتى ادا ماتخدمتش نورمال باسكو هما غادي يصححوا النسخة الورقية ماشي السيدي لي فيه بي دي اف

+ صحح مي كاين حالات استثنائية قالي عليها شاف ديبارتمون نهار كنت باغي نروح للسطاج في الجي ، قالي قادرين مانحسبوهالكش راتراباج مع تجيبلنا تبرير وورقة بلي راك سطاج تحتسب في الدورة العادية .

قالي نديروها في الاجتماع ونوافقوا عليها مانيش عارف واش من اجتماع

[شـــهاب]

مفهوم اختي سطايفية ، في انتظار رأي الأخت اكرام ملاك
أنا قلت نحضر الفصل الأول من الجزء التطبيقي على هذا الأساس ، و قلت نستشيركم أفضل حتى لما تقدمو للأستاذ و نحدد فيه العينة يكون احتمال قليل أن يرفضو

[شـــهاب]

نصيحتي لك أخي ياسين حاول تكتب كل شابيتر من الأول
أولا تفتح ملف وورد جديد ، تعطيه عنوان الفصل ،
و تحدد الهوامش حسب ما هو مطلوب منك، بعدها تبدأ الكتابة، لما تكمل تدير enregister Ctrl
و تنسخ الملف و تديرو في عدى أماكن ،
لما تزيد بعض الاضافات حاول تتجنب كوبي كولي لأنها تطلعلك باعدادات الملف اللي نسخت منه ، و هنا تتخلط مع اعداداتك الشخصية و ما تقدرش تنسقها ، كلما تنسق واحدة تخسر الأخرى

يعني من الأفضل تعمل كل شيء يدويا ، صح فيها تعب ، لكن و الله تغنيك عن مشاكل كثيرة فيما بعد

[إكرام ملاك]

المشاركة الأصلية كتبت بواسطة yacine-08

يا جماعة قريب خكمتني سكتة قلبية

فتحت ملف chapitre 1 لقيته غير رموز و الكتبة مكاااانش

الخدمة قاااع راااحت تسمرت في بلاصتي هههه

من بعد تكاكيت بلي الخط تبدل وحده هو لي رحعه هكداك

مي مانيش عااارف علاه دايما راه يتبدل

في هاديك للفوق على اليمين في الوورد مكتوب فيها aabbccdd

كاين انواع ، كاين نورمال كاين élevé

انا راني كاتب ب élevé مي كي نحل الورد نلفا الكتبة ماتبانش كي تكون نورمال حتى نبدلها .

ماا العمل ؟

السلام عليكم

اهلا اخي ياسين
والله كما قالت الاخت سطايفية راك حبستلنا الدم في الركبة وانا بديت غير نخمم في الحلول حتى وصلت الى الاخير

الحمد الله انوا المشكل بسيط والاخت سطايفية كفت ووفت في التوضيح

وكما قال الاخ شهاب اعمل عدة نسخ ما تدري خاصة نسخة عبر مواقع الرفع للملفات

موفق ان شاء الله

[إكرام ملاك]

المشاركة الأصلية كتبت بواسطة شهاب الليل

لدي استفسار بخصوص اختيار العينة
اخترت حجم العينة 120 تلميذ
قسمتها على ثلاث متوسطات ، من كل متوسطة 40 تمليذ ، و من كل مستوى 10 تلاميذ بدون تحديد من اي قسم و انما عشوائيا من جميع تلاميذ المستوى
هل هذا صحيح ؟

فيما يخص وثيقة تسهيل المهمة ، هل هي ضرورية ، يمكنني اجراء الاستبيان بدونها ، هل يمكن الاستغناء عنها ؟؟

السلام عليكم

اخي شهااب ما قمت به راائع وان شاء لله تكمل في الوقت

اما وثيقة تسهيل المهمة ضرورية لانها احتياطي
وما تعرف مراات تلقى المدير لا يقبل طلبة الجامعة الا بهاته الورقة لدلك خدها معك أحسن

[إكرام ملاك]

المشاركة الأصلية كتبت بواسطة yacine-08

وعليكم السلام اختي السطايفية

ههه غير بشوية نخاافوا علييييك مازال داركم يستحقوك ونستحقوك في المنتدى .

ههه قاع شوكاتنا هاد ميمواااار .. دايما كنت نقول ميموار خير من امتحانات بصح العكس صحيح اللهم تفوت امتحانات ولا هم وستريس نتاع ميموار .

بصح المشكل ماراهش في الميموار في حد داتها .. راه اولا مكانش توجيه قبل ما نوصلوا للميموار تانيا وقت ميموااار مستحيل باش يكفي اي طالب باش يخدم ديك الخدمة لمليييحة .

++ علابالك فكرتيني بصحاب البااااك نعقل نهار فوت خطرا خطرا طيح واحدة تسخف تشوف السوجي تسخف
+
انا ماستعملتهمش قاع و مخربتش فيهم خليتهم par dèfaut مانيش عارف علاه يتأكتيفو وحدهم

المهم الحمد لله قدرت نرجع الملف كيما كاااان

++ كيفاش ندخل ستيل خاص بيا نخدم بيييييه ؟

درتها بي دي اف من الخاصية الموجودة في الورد مي خرج واحد الكتبة مداخلة مع بعضها البعض ؟

هل هناك برنامج اخر الاك اكتر فعالية ؟

السلام عليكم

اذا تستعمل اوفيس 10 راح يخرج احسن من استعمال براامج

اعد المحاول بهو ان شاء الله احسن

[إكرام ملاك]

المشاركة الأصلية كتبت بواسطة شهاب الليل

مفهوم اختي سطايفية ، في انتظار رأي الأخت اكرام ملاك
أنا قلت نحضر الفصل الأول من الجزء التطبيقي على هذا الأساس ، و قلت نستشيركم أفضل حتى لما تقدمو للأستاذ و نحدد فيه العينة يكون احتمال قليل أن يرفضو

السلام عليكم

راني جاوبت في الاعلى

المهم تقدر لما تكمل وحصل على نتائج استبيان تظربهم في 2
هاكا قالي الاستاذ (وهذا راه اجتهاد منهم لانوا الطلبة الكثير الامكانياات لا تسمح أما علمياا راها لا تصلح بنسبة كبيرة)) وزيد شوف مع استاذ المشرف تفادياا لاي تساءل من بعد

[سطايفية بكل فخر]

المشاركة الأصلية كتبت بواسطة yacine-08

ايييه صح .

+ واااه حتى ادا ماتخدمتش نورمال باسكو هما غادي يصححوا النسخة الورقية ماشي السيدي لي فيه بي دي اف

+ صحح مي كاين حالات استثنائية قالي عليها شاف ديبارتمون نهار كنت باغي نروح للسطاج في الجي ، قالي قادرين مانحسبوهالكش راتراباج مع تجيبلنا تبرير وورقة بلي راك سطاج تحتسب في الدورة العادية .

قالي نديروها في الاجتماع ونوافقوا عليها مانيش عارف واش من اجتماع

ياسي الفاهم قتلك حطها بيدياف ماشي على جال السيدي ياو باش متديكالالكش الخدمة في الوورد يعني كيما تعدلو كيما تخرجو
وزيد كي تامبريمي امبريمي بيدياف لانو مستحيل تتحرك منو حاجة
+
هذيك قتلك عليها من قبل وقتلك روح للسطاج ومتحبسش قرايتك غير اهدر معاهم
التبرير حالة خاصة لكن اذا مكانش مبرر او مكملتش في الوقت فالراتراباج يعيط والله مهم لاتينين بيك
اذا مكانش مبرر
+
العام لي فات كاينين عباد في لانسيتيتي تاعنا كان عندهم ميني بروجي ماستر يحتاج للالات لكن الادارة مفورتهملهمش
ياخي مساكن عقبوها في سبتمبر وتحسبتلهم راتراباج رغم انو مش خطاهم
اداراتنا يحوسو على السابوطاج فمتخليولهمش الفرصةذ
ربي يعينكم وتكملوها وتجيبو احسن نقطة وتدخلو للدوكتوراه

[سطايفية بكل فخر]

المشاركة الأصلية كتبت بواسطة شهاب الليل

مفهوم اختي سطايفية ، في انتظار رأي الأخت اكرام ملاك
أنا قلت نحضر الفصل الأول من الجزء التطبيقي على هذا الأساس ، و قلت نستشيركم أفضل حتى لما تقدمو للأستاذ و نحدد فيه العينة يكون احتمال قليل أن يرفضو

وقتاش رايحين تلقيو مراكش روطار بارازار؟
توله من الوقت الاستبيانات يديو وقت في النتائج
بلاك على هذي النقطة
ربي يوفقك

[سطايفية بكل فخر]

المشاركة الأصلية كتبت بواسطة شهاب الليل

نصيحتي لك أخي ياسين حاول تكتب كل شابيتر من الأول
أولا تفتح ملف وورد جديد ، تعطيه عنوان الفصل ،
و تحدد الهوامش حسب ما هو مطلوب منك، بعدها تبدأ الكتابة، لما تكمل تدير enregister ctrl
و تنسخ الملف و تديرو في عدى أماكن ،
لما تزيد بعض الاضافات حاول تتجنب كوبي كولي لأنها تطلعلك باعدادات الملف اللي نسخت منه ، و هنا تتخلط مع اعداداتك الشخصية و ما تقدرش تنسقها ، كلما تنسق واحدة تخسر الأخرى

يعني من الأفضل تعمل كل شيء يدويا ، صح فيها تعب ، لكن و الله تغنيك عن مشاكل كثيرة فيما بعد

احسن طريقة للحفظ ماشي الميكرو بل النت
خبيوه في ايمايلاتكم
ابعثوه بياس جوانت لرواحكم هكا يبقا مام ويتفورماطا الميكرو تلقاوه
كل متخلصوا الخدمة ابعثو ايمايل لرواحكم
انا هكا كنت نخدم والنسخة الاخرى في فلاش ديسك ميروح غير لميكرويا هكا نظمن الفيريس مكانش
+
حاولو ديرو كل شابيتر وحدو باش كي تتخلط حاجة متروحش الخدمة كاملة
وانا من بعد نديرلكم شرح كيفاش تلموا ليشابيتر في ملف وورد واحد باعدادات صفحات مختلفة
+
اعدادات النسخ والصق متطورة في الوورد2010 لذلك نصحتكم بيه
ربي يعينكم
وراني نستنا في القاطو متنساونيش سينون نديرلكم طاباج هنا ونحرم عليكم تدخلو للمنتدى

[شـــهاب]

المشاركة الأصلية كتبت بواسطة سطـايفية بكل فخر

وقتاش رايحين تلقيو مراكش روطار بارازار؟
توله من الوقت الاستبيانات يديو وقت في النتائج
بلاك على هذي النقطة
ربي يوفقك

من هذا الجانب عندنا اختيار بين وضع المذكرة و بين العرض ، و أظن اني سأختار وضع المذكرة فقط ،
لم تبقى طاقة لأوفرها من اجل المناقشة

فيما يخص الوقت ، لم يحدد بعد ، لكن اذا كان مثل كل سنة ، بداية من منتصف ماي يمكننا وضع المذكرات و تستمر أسبوعين

[شـــهاب]

المشاركة الأصلية كتبت بواسطة سطـايفية بكل فخر

احسن طريقة للحفظ ماشي الميكرو بل النت
خبيوه في ايمايلاتكم
ابعثوه بياس جوانت لرواحكم هكا يبقا مام ويتفورماطا الميكرو تلقاوه
كل متخلصوا الخدمة ابعثو ايمايل لرواحكم
انا هكا كنت نخدم والنسخة الاخرى في فلاش ديسك ميروح غير لميكرويا هكا نظمن الفيريس مكانش
+
حاولو ديرو كل شابيتر وحدو باش كي تتخلط حاجة متروحش الخدمة كاملة
وانا من بعد نديرلكم شرح كيفاش تلموا ليشابيتر في ملف وورد واحد باعدادات صفحات مختلفة
+
اعدادات النسخ والصق متطورة في الوورد2010 لذلك نصحتكم بيه
ربي يعينكم
وراني نستنا في القاطو متنساونيش سينون نديرلكم طاباج هنا ونحرم عليكم تدخلو للمنتدى

كلامك صواب

+
+
باذن الله و بعد ظهور نتائج هذا السداسي جميعكم مدعوون الى حفل التخرج و نهاية الدراسة

[شـــهاب]

لدي استفسار بخصوص en-tete
لونه يظهر بني ،
هل هناك طريقة لتغيير لونه الى الأسود ،
لدي جزءين في المذكرة ، جزء أطبعه بالألوان و جزء أخر أطبعه بالأسود و الأبيض
هنا سيحدث خلط ، فجزء سيظهر لونه بني و جزء اخر سيظهر اسود

[سطايفية بكل فخر]

المشاركة الأصلية كتبت بواسطة شهاب الليل

من هذا الجانب عندنا اختيار بين وضع المذكرة و بين العرض ، و أظن اني سأختار وضع المذكرة فقط ،
لم تبقى طاقة لأوفرها من اجل المناقشة

فيما يخص الوقت ، لم يحدد بعد ، لكن اذا كان مثل كل سنة ، بداية من منتصف ماي يمكننا وضع المذكرات و تستمر أسبوعين

نصيحة اعرضها رايح تدي نقطة اعلى من وضعها والنقاط رايحين يساعدوك باش تلحق للماستر انت تعبت تعبت كمل تعبك على الصح والقيها وزيد الالقاء راهو ساهل مدام المذكرة تعبت فيها راك علابالك بكل اجزاءها وتقدر تلقيها عادي
وزيد ياخي عربية مش رايحة تصعب عليك
+
المهم احذر يفوتك الوقت وحاول تجهز روحك باش تلقيها

المشاركة الأصلية كتبت بواسطة شهاب الليل

كلامك صواب

+
+
باذن الله و بعد ظهور نتائج هذا السداسي جميعكم مدعوون الى حفل التخرج و نهاية الدراسة

هههه دبر راسك كي تخلص جيب القاطو هنا

المشاركة الأصلية كتبت بواسطة شهاب الليل

لدي استفسار بخصوص en-tete
لونه يظهر بني ،
هل هناك طريقة لتغيير لونه الى الأسود ،
لدي جزءين في المذكرة ، جزء أطبعه بالألوان و جزء أخر أطبعه بالأسود و الأبيض
هنا سيحدث خلط ، فجزء سيظهر لونه بني و جزء اخر سيظهر اسود

بالنسبة للونتات الجاهزة متتبدلش
لكن تقدر تخدم وحدة وتبدللها لونها
اختار موديفي لونتات دوباج
ومن بعد ما تعطيك لامان انسيريلها كاش خط من ليفورم وتحكم في لونو كيما حبيت
اذا مفهمتنيش نشرحلك بالصور
بالتوفيق