طريقة عمل عجينة التزيين - الصفحة 117

aboayoub · 2014-01-04, 20:56

اقتباس:

المشاركة الأصلية كتبت بواسطة tatadamizour

ااااااه حنا عندنا نقولولو التراز
حنا نديرو اطمين خليط من السميد الزيت الزيتون والسكر صراحة مانحبوش بصّح الطمينة نموووت عليها و يا خسارة مانعرفش نديرها كيما توالم ما جينيش كيما تاع الناس اهذا مانديرهاش

الطمينة ساهلة خودي دقيق متوسط كيما تع المقروط وحمصيه شوية خليه صفيفر ماشي تحمريه بزاف على نار قليلة واقعدي تحركي فيه وخليه يبرد تماما وذوبي الزبدة فالعسل مثلا في غرفية عسل ذوبي 100 غ زبدة وخليها تبرد شوية وخلطي والاحبيتي زيدي معاها شوية حلوة الترك والعسل
750غ سكر +كاس هاذوك الطوال تع اينوكس وشوية ماء +شلخة شب +ربع حبة قارص ديريهم في طنجرة ثقيلة باردفي بارد وخليه يغلي كي يبدا يغلي احسبي 4 دقايق وطفي مباشرة نحي شلخة القارص بعد ما تكملي تعصريها وضيفي 250غ عسيلة نونورس وخليها تبرد تزيد تعقاد

ام اريام · 2014-01-04, 20:56

مرحبا طاطا;حنا نسميوه القشقشة;طاطا أريام إبنت أخي وإسمها عجبني بزاف .ما قلتلكمش أختي الصغيرة زيدت و جابت طفلة سميتها انا ميار.المخلوقة قريب سمانة وهي في السبيطار قريب ماتت.كي توفى وليد عمي الله يرحمو طلعلها الضغط.الحمد لله.أنا دوكا آني فراش من الخلعة.

tatadamizour · 2014-01-04, 20:58

اقتباس:

المشاركة الأصلية كتبت بواسطة لينا11

كاتيا بصح أطمين الي تهدري عليه حنا نديروه كي يربعن صغير
يعني كي يكمل 40يوم نديروه
بصح في مولد نديرو طمينة ونزينوها بالمكسرات من فوق
ونجيبو ثاني تراز ونديرو كسكس بالقديد (بصح ماعادوش يديرو قديد قليل الي حكم فالعادة هذي )

ونديرو الحنة ثاني ياي فكرتيني توحشت دارنا وااااااااااااااااااااااااع

صح نديروه في الربعين تاع الصغار ونديروه تاني في المولود طمينة غير الاعوام الاخيرة لنديروها في المولود عندنا يعني و الطعام بالقديد حنا نديروه في عاشوراء
شفتي من نفس المنطقة بصح العادات تتختلف

لينا11 · 2014-01-04, 21:00

سوسو تاع صح تاع منتدى باينين خخخخخخخخخخخ
واش حوالك طمنينا عليك

لينا11 · 2014-01-04, 21:04

اقتباس:

المشاركة الأصلية كتبت بواسطة ام اريام

مرحبا طاطا;حنا نسميوه القشقشة;طاطا أريام إبنت أخي وإسمها عجبني بزاف .ما قلتلكمش أختي الصغيرة زيدت و جابت طفلة سميتها انا ميار.المخلوقة قريب سمانة وهي في السبيطار قريب ماتت.كي توفى وليد عمي الله يرحمو طلعلها الضغط.الحمد لله.أنا دوكا آني فراش من الخلعة.

عظم الله اجركم في وليد عمك

ومبروك للعسولة تاعنا ربي يجعلها ذرية صالحة يارب وتتربى في عز والديها

aboayoub · 2014-01-04, 21:05

اقتباس:

المشاركة الأصلية كتبت بواسطة ام اريام

مرحبا طاطا;حنا نسميوه القشقشة;طاطا أريام إبنت أخي وإسمها عجبني بزاف .ما قلتلكمش أختي الصغيرة زيدت و جابت طفلة سميتها انا ميار.المخلوقة قريب سمانة وهي في السبيطار قريب ماتت.كي توفى وليد عمي الله يرحمو طلعلها الضغط.الحمد لله.أنا دوكا آني فراش من الخلعة.

الحمدو لله على سلاكها تتربا في عزهم وتكبر على الدين والطاعة ....الله يشافيها الخلعة واعرة انا تاني صراتلي كنت بالحمل كان عندي 7 شهور وكان عندي 9 شهور من الزواج وتوفى شيخي ربي يرحمو كان انسان هايل ماتنشبعش القعدة معاه كان قازوز قريب رحت انا وايوب

ام اريام · 2014-01-04, 21:09

مرحبا لينا و سوما على سلامتك راكي لاباسس!حنا الطمينة كي يزيد الصغير يحمصو القمح ووو شوية حمص ويرحيوهم مع حفنة عدس لي حب من بعد نذوبو الزبدة مع العسل نخليوها تبرد و نضيفو
الخليط نزينوها بالجوز ولا وش حبيتو.
بصح الطمينة نتاع المولد آني كتبتها البارحح.
دوكا سوما عرفينا بالإسم الكريم

ام اريام · 2014-01-04, 21:12

جزاك الله خيرا الله خيرا و أجرك لله أختي لينا.شكرا أخواتي ري يهنيكم

لينا11 · 2014-01-04, 21:14

اقتباس:

المشاركة الأصلية كتبت بواسطة ام اريام

مرحبا لينا و سوما على سلامتك راكي لاباسس!حنا الطمينة كي يزيد الصغير يحمصو القمح ووو شوية حمص ويرحيوهم مع حفنة عدس لي حب من بعد نذوبو الزبدة مع العسل نخليوها تبرد و نضيفو
الخليط نزينوها بالجوز ولا وش حبيتو.
بصح الطمينة نتاع المولد آني كتبتها البارحح.
دوكا سوما عرفينا بالإسم الكريم

ام اريام ظاهر راكي قسنطينية حنونة
وصح طمينة هذيك تاع نافس

tatadamizour · 2014-01-04, 21:15

اقتباس:

المشاركة الأصلية كتبت بواسطة ام اريام

مرحبا طاطا;حنا نسميوه القشقشة;طاطا أريام إبنت أخي وإسمها عجبني بزاف .ما قلتلكمش أختي الصغيرة زيدت و جابت طفلة سميتها انا ميار.المخلوقة قريب سمانة وهي في السبيطار قريب ماتت.كي توفى وليد عمي الله يرحمو طلعلها الضغط.الحمد لله.أنا دوكا آني فراش من الخلعة.

اختي ام ارياانشاء الله خير و سلامة ختك و البنوتة الصغيرة ربي معاهم والله صح الخلعة واش ادير
ربي يحفضهم بين زوج و يبعد علهم كل سوء وانت ماتتقلقيش روحك ان شاء الله تشفى
ربي يلطف بيك حنونة من حادث السيارة تاع زوجك اومبعد وفاة وليد عمك دوك مرض ختك ربي يستركم و يسترنا من كل اذى

aboayoub · 2014-01-04, 21:20

اقتباس:

المشاركة الأصلية كتبت بواسطة souma.sousou

سلام راني جيت .ظاش راكم لحبابات .راني نشوف الاسماء تبدلو هدو اسماءكم الحقيقية.ولا نتاع المنتكحى

عالسلامة سومة واش راكي اليوم ريحتي هدوك اسماءنا الحقيقية بقيتي انتي برك

ام اريام · 2014-01-04, 21:23

الله يسترك طاطا و الله يا اختي راني غير نقرى في القرآن و أختي بعيدة عليا ما نقدرش نروح درك بصح اني شفتها في ال***** راهي الحمد لله.
اختي لينا أنا من مدينة العلمة ولاية سطيف مش بعاد بزاف على قسنطينة و عني خالة أمي و بناتها يسكنو لثمة و 2زوجات خوالي من تمة.

ام اريام · 2014-01-04, 21:29

حتى نكتب باش تبانلي الصفحة توما تاني!

aboayoub · 2014-01-04, 21:36

اقتباس:

المشاركة الأصلية كتبت بواسطة ام اريام

حتى نكتب باش تبانلي الصفحة توما تاني!

انا تاني حتى نكتب قاتلي فايزة الله يجازيها كل خير ديري f5
الي فالكلافي عندك

ام اريام · 2014-01-04, 21:39

سوما وين رحتي طليتي برك!