طريقة عمل عجينة التزيين - الصفحة 113

souma.sousou · 2014-01-04, 23:49

اقتباس:

المشاركة الأصلية كتبت بواسطة ام اريام

ربي يحسن العون أختي سوما و يفرج عليك و أدعي ربي هو لي قادر يبدل الأحوال وحنا رانا ندعيو معاك ربي يهديلك مولا بيتك و يحنن قلبو عليك يارب.ربي يعطيلك صحتك و كي يكبرو وليداتك إنشاء الله تشوفي بلي تعبك ما راحش خصارة يا رب.
نقلكم تصبحو على خير و الله راني كاو.غدا انشاء الله.

امين والله المهم عندي دوك اولادي يخرجو صالحين،والصحة ،روحي حنونة ترقدي تريحي ،ليلة سعيدة تصبحي بالف خير

tatadamizour · 2014-01-04, 23:52

اقتباس:

المشاركة الأصلية كتبت بواسطة ام اريام

ربي يحسن العون أختي سوما و يفرج عليك و أدعي ربي هو لي قادر يبدل الأحوال وحنا رانا ندعيو معاك ربي يهديلك مولا بيتك و يحنن قلبو عليك يارب.ربي يعطيلك صحتك و كي يكبرو وليداتك إنشاء الله تشوفي بلي تعبك ما راحش خصارة يا رب.
نقلكم تصبحو على خير و الله راني كاو.غدا انشاء الله.

احلام سعيدة ام اريام نتلاقاو غدوة ان شاء الله

souma.sousou · 2014-01-04, 23:44

محلاها هاذ اللمة تسوى الدنيا ومافيها،راكم نحيتو عليا هم كبير ربي يفرحكم ويخلينا لبعضنا،ربي خواتات عزاز عليا وربي شاهد،حقا ام اريام مبروك عليكم المولودة تتربى في عز والديها وبالشفاء لامها،،ونتي اختي الخلعة راهي صعيبة كي تتربى فالواحد اشربي الحلبة،راهي تنحي الخلعة،وربي يشفيك ويفرحك

tatadamizour · 2014-01-04, 23:45

شدة و تزول ان شاء الله

souma.sousou · 2014-01-04, 23:55

اقتباس:

المشاركة الأصلية كتبت بواسطة tatadamizour

شدة و تزول ان شاء الله

اللمهم امين يارب،ربي يفرحك ويسلملي قلبك يا حنونة،بارك الله فيك

souma.sousou · 2014-01-04, 23:59

هاجر وين رحتي،رقد ايوب؟تغطي مليح راه البرد ،ولاقغيب،راهي واعرة،ايوب يرقد بلا بيك،

tatadamizour · 2014-01-05, 00:06

اقتباس:

المشاركة الأصلية كتبت بواسطة souma.sousou

هاجر وين رحتي،رقد ايوب؟تغطي مليح راه البرد ،ولاقغيب،راهي واعرة،ايوب يرقد بلا بيك،

ام ايوب وقيلا حكمها النعاس فوق الميكرو راحت فجاة
بصح سوما انا راني هنا واذا مانعستيش نقعد معاك حتان الصبح

souma.sousou · 2014-01-05, 00:18

اقتباس:

المشاركة الأصلية كتبت بواسطة tatadamizour

ام ايوب وقيلا حكمها النعاس فوق الميكرو راحت فجاة
بصح سوما انا راني هنا واذا مانعستيش نقعد معاك حتان الصبح

ونتي مترقديش؟راني هنا حتى ترقد تسنيم كل ليلة تسهر متقيلش ومتحبش ترقد فليل بكري راهي مهبلتني،ولخرين كامل رقدو،راني نتفرج في سميرة والله غير جوعوني ،اغلب القاطو باللوز واحنا اللوز غالي علينا رانا نشوفو بعينينا برك،،ام ايوب مسكينا راهي معذبة معاه يمرض بزاف،ربي يشفيه ويعطيها الصحة ويخليها ليهم

tatadamizour · 2014-01-05, 00:30

اقتباس:

المشاركة الأصلية كتبت بواسطة souma.sousou

ونتي مترقديش؟راني هنا حتى ترقد تسنيم كل ليلة تسهر متقيلش ومتحبش ترقد فليل بكري راهي مهبلتني،ولخرين كامل رقدو،راني نتفرج في سميرة والله غير جوعوني ،اغلب القاطو باللوز واحنا اللوز غالي علينا رانا نشوفو بعينينا برك،،ام ايوب مسكينا راهي معذبة معاه يمرض بزاف،ربي يشفيه ويعطيها الصحة ويخليها ليهم

ربي يشد لك فيهم والله حتى انا هبلوني دراري نهار كامل مساكن فى الدار و زوجي يخدم هاد اليامات في الليل و نهار كامل راقد وانا طول النهار شوت ...... شوت
صغار و يحبو يلعبوا و يزقيو بصح هاكذا الدنيا

souma.sousou · 2014-01-05, 00:47

اقتباس:

المشاركة الأصلية كتبت بواسطة tatadamizour

ربي يشد لك فيهم والله حتى انا هبلوني دراري نهار كامل مساكن فى الدار و زوجي يخدم هاد اليامات في الليل و نهار كامل راقد وانا طول النهار شوت ...... شوت
صغار و يحبو يلعبوا و يزقيو بصح هاكذا الدنيا

عليها راكي سهرانة،ربي يخليلك زوجك ويحفظكم،والصغار درك يكبرو راكي تشوفي العام راه يدير هاك يفوت ويدخل عام جديد،انا تاني ولادي ميخرجوش ،العام طول وهوما فالدار منحبهمش يخرجو يلعبو فالشارع،راكي تعرفي الوقت راه صعيب،ونخافو عليهم،وحتى انا نحب القعاد فالدار منخرجش،حتى اني منقدرش نخرج وحدي لازم يكون معايا واحد سي نو رانيقاعدة وزيد معنديش وين نروح اخوات زوجي ميجوش عندي وانا نروح فالمناسبات منحبش نكثر عليهم ودارنا نروح فالعطلة نتاع الربيع ،والفت الدار،نقولك حاجا قولي راني مدفونة وانا حية،

souma.sousou · 2014-01-05, 00:20

ام ايوب ليلة سعيدة تصبحي بالف خير

tatadamizour · 2014-01-05, 00:42

تصبحوا على خير يا احباب

souma.sousou · 2014-01-05, 01:13

اقتباس:

المشاركة الأصلية كتبت بواسطة tatadamizour

تصبحوا على خير يا احباب

تصبحي بالف خير ،راني بقيت وحدي ،لالا ماشي وحدي ،الا بذكر الله تطمان القلوب،الحمد لله يارب على نعمة الاسلام،تسنيم رقدت ،وانا مجانيش النعاس رغم اني تعبانة،نذكر شوية حتى نرقد،،ليلتكم سعيدة ،غدا لنا لقاء

silent scarf · 2014-01-05, 02:07

ام ايوب الله بحقظك ز بخليلك ايوب و ابو ايوب ارجوك ارجوك قوليلي طريقة تجميد الحلويات المختلفة
راه ما بقاليش ندخل شهري و حابة تخدم القاطو ترقبا للولادة في اي وقت و انا غير وحدي ماعندي اللي يعاوني
حابة نخدم بقلاوة و تشاراك او مقروض الجلجلان و قريوش و صابلي
هل لازم نحتفظ بيهم في الكزنجلي و اللا تكفيني الثلاجة لشهر كامل ؟؟؟
و عفوا على التطفل عجبتي اللمة الجميلة الله بحفظكم كااااملين

souma.sousou · 2014-01-05, 08:41

اقتباس:

المشاركة الأصلية كتبت بواسطة silent scarf

ام ايوب الله بحقظك ز بخليلك ايوب و ابو ايوب ارجوك ارجوك قوليلي طريقة تجميد الحلويات المختلفة
راه ما بقاليش ندخل شهري و حابة تخدم القاطو ترقبا للولادة في اي وقت و انا غير وحدي ماعندي اللي يعاوني
حابة نخدم بقلاوة و تشاراك او مقروض الجلجلان و قريوش و صابلي
هل لازم نحتفظ بيهم في الكزنجلي و اللا تكفيني الثلاجة لشهر كامل ؟؟؟
و عفوا على التطفل عجبتي اللمة الجميلة الله بحفظكم كااااملين

صباح لخير،اختي ،ومرحبا بيك في لمتنا لمت لحبابات،ربي يكملك بالخير،ويسهل ولادتك وتفرحي ،بصغيرك،متقلقيش حبيبة درك تجاوبك ام ايوب،معنديش خبرة كبيرة باش نجاوبك بصح نقولك المهم لازم كل نوع تحطيه وحده،باه ميتخلطوش الروائح ويتبدل الذوق،ومتزينيش الحلوة حتى تسلكي ،وربي يجيبلك الخير،اختي