~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 112

arwa alaa · 2016-05-25, 08:20

واش راكم يا فراشات يا نشيطات

حياتي كلها امل · 2016-05-25, 08:30

هيا يا حبوبات اليوم على المواضيع الاجتماعية اقترحو علينا كاش موضوع نهدرو عليه

omelbanin · 2016-05-25, 08:43

اذا حبيتوووو.،كون نهدرو على علاقة ازواجنا مع اولادنا،كيف راهي العلاقة هل ازواجكم يعونوكم في تربية اولادكن ،وما نقصدش التربية معنتها يسهر معاك كي يكون يبكي الصغير لا ،انا نقصد التوجيه.هل يقولولهم نوضو صلو اوما تهدرش مع امك هكذاو......
ارجو ان يعجبكم الموضوع.

omelbanin · 2016-05-25, 09:04

صباح النور يا سيرينو كيف الحال ؟
ايا ام هاجر اعطينا رابك في الموضوع نتاع اليوم.

حياتي كلها امل · 2016-05-25, 09:20

صراحة الموضوع الي طرحتيه يا ام هارون موضوع مهم جدا.
نتكلم عن نفسي شخصيا انا زوجي يعاوني في الاولاد كي يكونو مراض او حتى كي يمرضو في الليل او كي يشوفني عيانا اومريضه يديهم برا ويلعب معاهم بزاف والحمد لله.
لكن المشكلة انه كي يعمل امر خطا او يكونو عاملين فوضى في المنزل مهما كانت شدتها(كيشغل زلزال)مايتحركش او يقولهم اسكتو او بركاو من الفوضى حتى انا نتقلق نقول عيط عليهم شويا.
والامر الي يقلقني جدا اني كي ننهيهم على امر يجي ضدي ويبد يلقالهم في الاعذار وكل مرة انقولو كي نهدر معاهم مجيش ضدي مرة اخرى ميولوش يديرو لكلمتي حساب ،انا رغم هذا نحب داءما نخلي هيبة الاب موجودة كي يجو يعملو شيء خطا نقوللهم باباك مايحبش او حتى نسال ابيك .

سيرين 5 · 2016-05-25, 09:28

اقتباس:

المشاركة الأصلية كتبت بواسطة omelbanin

صباح النور يا سيرينو كيف الحال ؟
ايا ام هاجر اعطينا رابك في الموضوع نتاع اليوم.

لاباس الحمد لله شكراااا أم البنين

omelbanin · 2016-05-25, 09:49

بالنسبة لموضوع ،انا زوجي كل جانب كيفاش ،جانب النظافة يزقي عليهم ،مثلا قوللهم نوضو اغسلو يديكم اورجليكم حاشاكم.
بصح انا عندي مشكل انو ما يخرجهمش معاه ، كي يجي رايح للمسجد نلسقهم فيه بسيف.
من جانب الدراسة ما يقوللهمش كامل نوضو تقراو تلفايني غير انا نهدر .

سيرين 5 · 2016-05-25, 08:49

صبــــــاح الخيرعليكم جميـــــــعا كيفاش صبحتو ؟

حياتي كلها امل · 2016-05-25, 08:54

اهلا سرين يارب تكوني ريحتي شويا من الحساسية

سيرين 5 · 2016-05-25, 09:26

اقتباس:

المشاركة الأصلية كتبت بواسطة حياتي كلها امل

اهلا سرين يارب تكوني ريحتي شويا من الحساسية

الله يسلمك حياتي كلها أمل حمد لله ريحت مي راني نكمل في الدواء و اليوم بدأت تطبيق برنامج 1200 و راح نكتب تقارير يومية لواش راني ناكل ههههههههه في موضوعي طبعا هههههههه

سيرين 5 · 2016-05-25, 09:58

أنا بنتي مازالت رضيعة ما عندنا ما نربو فيها ههههههه رانا غير نلعبو معاها ههههههه

روضة 88 · 2016-05-25, 13:18

موضوع شيق مع انه ابني مزال بيبي
بصح نشارك بردي

الاب في المجتمع الجزائري يعتبر المراة هي المسؤولة الوحيدة في تربية اولادها سواء من ناحية النظافة او الاخلاق او التعليم .....

والاباء يختلفون كاين لي يهتم بنظافة اولاده ويسقي عليهم على جال هذا الامر .
وكاين لي يهتم باناقة اولاده تلقايه اذا عندهم خرجة هو لي يحب يلبسهم و يعدللهم.

ونزيد نقلكم المجتمع الجزائري مزال مش متفهم حقيقة دور الاب تلقاي اذا خرج بنو الصغير برا يقولو ها المراة في الدار شابعة راحة وهو راه في الشمس متميزر مع الاولاد .....
ومن هذا المثال انواع.

انا نحب الاب او الام تكون عندهم ه

روضة 88 · 2016-05-25, 13:21

نحب الاولاد تكون عندهم هيبة من الوالدين صح يدلوهم و يلعبو معاهم بصح في امور التربية والتعليم لازم يزيرو اولادهم

omelbanin · 2016-05-25, 13:44

كيما قلتي ختي ،انا زوجي كي نقولو عياوني دراري ،ولازم انا نوريلهم كلش ؟
يقولي هده سنة الحياة وهذاهو دور المراة .

حياتي كلها امل · 2016-05-25, 15:27

وين راكم يافرشات