دورة فراشات تزهو بالألوان بيوتهن قمة في النظافة و التنظيم و التدبير و الاتقان

[زينب 83]

مساء الخير حبيباتي

ام صابرين ما شاء الله عليك يعطيك الصحة يا احلى فراشة

ام آدم بيتك ما شاء الله هايل ربي يهنيك فيه و باين نظيف و مرتب

فراشاتي الجميلات ربي يعينكم على العمل و التطبيقات

[oum sabrin]

المشاركة الأصلية كتبت بواسطة *ام ادم*

يعطيك الصحة ام صبرين راكي جايبتها

الله يسلمك حبيبتي ام ادم و ربي يكون في عونك بيتك الله يبارك كبير ربي يقدرك عليه

المشاركة الأصلية كتبت بواسطة زينب 83

مساء الخير حبيباتي

ام صابرين ما شاء الله عليك يعطيك الصحة يا احلى فراشة

ام آدم بيتك ما شاء الله هايل ربي يهنيك فيه و باين نظيف و مرتب

فراشاتي الجميلات ربي يعينكم على العمل و التطبيقات

شكرا لك زينوبة موفقة و شكرا لك علةى فكرة الحصالة رائعة

[*ام ادم*]

المشاركة الأصلية كتبت بواسطة زينب 83

مساء الخير حبيباتي

ام صابرين ما شاء الله عليك يعطيك الصحة يا احلى فراشة

ام آدم بيتك ما شاء الله هايل ربي يهنيك فيه و باين نظيف و مرتب

فراشاتي الجميلات ربي يعينكم على العمل و التطبيقات

الله يسلمك ام صابرين شكرا على الدعاء و لك بمثل
زينب 83 الله يسلمك حبيبتي عيونك لي شابين حتى بيتك ما شاء الله
شفتو في احدى مواضيك لا اتذكر اما فيهم
ربي يعاونكم فراشات ما شاء الله راكم توب

حبيبة ما شاء االله عليك ربي يزيدك في العلم راكي تفديني بزاف ومع الفراشات الرائعات
بالنسبة للميزانية انا خاطيني زوجي لمستكلف بها

[chahrazed g]

اخت حبيبة شكرا على الافكار باذن الله نطبقها
اخت زينب83 فكرة لي درتيها لابنك فكرة رائعة حتى الكبار يقدرو يطبقوها شكرا

[Simassim]

السلام عليكم والرحمة
ماقدرتش ندخل الصباح ماعرفتش واش راح تطبقوا
اليوم رقدت بعد الفجر نضت حتى سبع ونص. لأنو زوجي فالدار وغدا خدام حتى الليل ماحبيتش ندير الحس
قريت الورد اليومي جمعت الحالة وطويت الفراش والقش المغسول
المطبخ الحمد لله كان نقي البارح كامل مادرتش بيه جمعت غي كيسان تاع الحليب تاع العشية وجهزت فطور الصباح
اليوم قلتو تنظيف عميق للحمام. انا سكنت فالحمام بصح درت تنظيف عميق ليا. هههههه. سيمانة ندير دوش خفيف بسب أولادي مانقدرش نطول والأحد قررت اجعله يوم خاص بالعناية لي. نبدأه بحمام ليا وقوماج مين كملت جا دور ولدي الكبير حطيتو يلعب فالبينوار وانا غسلت الحالة مين كملت غسلتو وخرجتوا وجا دور الصغير كان مخبيلي سوربريز بسب الفاكسان.
دوشتلو ونقيتلو. وغسلت فراشو وقشو كملت مع 12. مسحت الدار ودوشت خفيف وفطرنا مازلت مضربة على المطبخ

البارح خرجتشريت لوازم التنظيف.
حوست على بيكاربونات ماعرفتش وين تتباع
وراني حطيت هدف نخدم كوزينة هاد الشهر بديت شريت باش نحط التوابل وشفت واش كاين فالسوق باش نشري خزانة او حاجة نجمع فيها صوالح مشكلة كارين ورآنا ناويين نرجعوا للبلاد ماحبيش نضيع الدراهم على عامين او تلات قلت نشري قطع خشب وتعلقهم فالحيط ايتاجير وخلاص

التطبق تاع اليوم ان شاء الله يوم الثلاثاء ولدي يكون فالروضة نخدم اليز ونغسل الحمام تنظيف عميييق

هذا ملخص يومي. الإضراب عنالطبخ خلاص اليوم نوجد العشا لي مازال تالف


بارك الله فيك اختي حبيبة مع سهرات بسبب التربية نوض كارهة وتتلف واش نبدأ واش نخدم الحمد لله وليت نوض ناشطة حتى لوكان مارقدش مليح

[ام هنود]

ا ختي حبيبة يتوحشك الخير حبيبتي والله غرغرو عينية لما اقريت كلامك الطيب احسيت انك اكثر من اختي والنزل كلامك على قلبي كي البلسم بارك الله فيك وشكرا

[رقية الناجحة]

ماشاء الله حبيبتي حبيبة انت حقا مفخرة للجزائريات كنت دائما نقول لاختي ان للجزائر عقولا وكوادر فقط هي وراء الكواليس والا كيف بالجزائر واقفة الله يبارك

[أم هبوبة]

حبيبة شكرا حبيبتي و راني متفائلة جدا بالدورة و نفسيتي ره مرتاحة و مقلقة نرجع لداري ما قدرتس ندير كل الدورات التطبيقات لان الحالة راه مبدلة علينا و حوايج بزاف ناقصيني و ما نكدبش عليك والفت داري و الروتين نتاعا ها لهدا مقلقة باش نطبق كل شيئ بادن الاه
لانه كدلك في دارنا ما كانش الوقت التنظيف و راك عارفة الدار الكبيرة هدا داخل هدا خارج راني اموري شوية راه مكركبة لكن ما بقاش بزاف و نعاود نشاطي و همتي و نسطر ليومياتي و اهدافي

زينب شكرا على فكرة الحصالة ليوم رمضان عرضت الفكرة و على ابني و عجباته تعرفي قلته انت مد لمسكين او فقير و ربي ك دراهم بزاف تعرفي واش قالي راني حاب يعطيني حسنات ادهشنيي جوابه و فرحت بزاف حتى دمعوا عينيا حسيت انه التربية نتاعي و كلامي ليه راه يجيب فايدة يا رب الللهم اجعلة من الدرية الصالحة و جميع اولاد المسلمين

[om wassim]

فراشات حبيت نبشركم اني ولدت و جبت سلمى و الحمد لله
نبرا و نلحقكم ان شاء الله

[رقية الناجحة]

المشاركة الأصلية كتبت بواسطة om wassim

فراشات حبيت نبشركم اني ولدت و جبت سلمى و الحمد لله
نبرا و نلحقكم ان شاء الله

الف مبروك يتربى في عزك والشفاء العاجل ليك انشاء الله

[أم شيماءْ]

مساء الخيرات كشروداتي وشراكم
حبوتي حبيبة انا ثاني توحشتك بزاف بزاف وراني ركبت في الطيارة بصح راني مشمخة كنت نغسل في نافذة الصالون هههههههههههههه راهي ولاة تهبل تهبل :d:d:d:d

[شوشو 11]

السلام عليكم

اهلابالفراشات الغاليات على قلبي ....خلاص قلبي تعلق بيكم واصبحتو جزء من حياتي ونخمم غير ويكتة ندخل ونشوف حماسكم ونشاطكم وكلامكم وحبكم المتبادل ....طبعا هدا يخليني نشكر وبالفم المليان الحبيبة حبيبة اللي اعطاتنا هدا الجوهرة يعنني الدورة ...ربي يرزقك من حيث لا تحتسبين و يجازيك جنة الفردوس

اهلا اهلا فراشتي المتألقة شوشو
واش راكي لحبيبة
ماشاء الله لا قوة الا بالله
على الحماس و النشاط
ربي يعينك ويوفقك حبيبتي
بالنسبة لبرنامج الموظفات
عارفة انو الامر يشق عليهم
لكن حملة التنظيفات الربيعية هي مرحلة مؤقتة
و انا احاول توزيع اعمالها على ايام الاسبوع
باجزاء بسيطة حتى لا تشق عليهم
ان شاء الله تكمولا هاذ المرحلة معانا بجهد و تعب يسير
و توصلوا للنتيجة التي تبتغونها و تسعون اليها


ربي يحفظك حبيبتي ويعطيك ما تتمناي عالكلام البلسم اللي يزيدني حماس وطاقة

ويعطيك الف الف صحة كي راكي حاسبة حسابنا ومع توقيتنا ..قلتلك تليق عليك القيادة يااحلى قائدة

واليوم راني تعبااااااااااانة من العدر وقريت الادكار صباحا والاستغفار والصلاة على النبي ان شاء الله هدي عادة ....واما تنظيف الحمام انا سبقتكم الاسبوع السابق كي خرجت من الخدمة العشية كنت موجدة الابراج طيبتهم وطيبت القهوة لاولادي وراني مع العشا عندي ضياف
وان شاء الله فالليل نعاود مسحة خفيفة للحمام و لله الحمد اصبحت ملتزمة التزام تام مع تنظيف الحوض ولو مانغسل المواعن نلمهم تحت البوتاجي هدا ادا كنت تعبانة او اي مانع ...المهم الصباح نلقى الحالة نقية وتشرح الصدر

طرحت موضوع الميزانية ...انا سابقا كان زوجي هو اللي متفل بها واليوم فتحت معاه موضوع اني نحكمها ونشوف ادا قدرت نكمل معاها وادا اخفقت نرجعها له ...انا نقطة ضعفي المواعن والسقايط

كي نبدا معاها نجيك تخبريني على الطريقة الصحيحة مع المبلغ المتوفر


اخواتي الفراشات الحق كلكم رائعات بلا استثناء وخايفة نسمي وننسى ....ربي يفرحكم بصحيحاتكم واهلكم واحبابكم ويمتعكم بنعمه

فراشتي جيادا...خسارة انقطاعك عنا ونتوحشوك وان شاء الله تتعدل امورك وتجينا محملة باحلى الاخبار

ام ادم الله يبارك في دارك وربي يعينك ...انا تاني داري طابقين ونتعب بزاف في تنظيفهم .....غير بشوية ونظمي روحك واستحفظي على صحتك هي الاهم

دائمة الحمد الله يبارك فيك وفي عجوزتك تهلاي فيها راهم الكبار بركة ودعوة خير

[lyzzabel]

صباااح النوووور لكل المتوااجدااات في البستااان فرااشاات و يرقاات
ام وسييييم الف مبرووووك مرة اخرة الحمد لله على سلااكك و تربي سلمى بالمعيشة يارب
ام يسرى موحال الفايوونص قد ما تحكييها ما تبرقش ،، بالااك النوعية تاعها مشي من النوعية لي تبرق ،، انا عن نفسي نحكها غير بالماء و الجافييل و الصابون الساااءل مهم جداا يكون ساائل و مراات نضييف سائل التنظييف العملاق و تخرج تبرق تهبببل ،، جربي و شوفي ادا بقات كيما هي ماكان لااه تكسري رااسك معاها المهم تنظفيها

انا اليوم و الحمد لله نضت صليت الفجر فالوقت و قريت الادكاار و رجعت للاصتي حطيت راسي شوية البارح ما رقدنااش بكري عندي اولااد مشاكسيييين ربي يحفظهم و زااد على الثلاثة تاع الصبااح نااض ولدي يبكي بالوجع ،، تسمى قعدنا معااه حتى زل عليه و عاود رقد ،، و نضت على السابعة وجدت فطوور الصبااح و صددت ولديي يقراا و زوجي غير دروك شوية راح يخدم ،، و انا بدلت فقط حوايجي و مشطت ما ماكييتش ههه و غاادي نديير الفطوور قداام لا ينوضو فلاليسي و الحمد لله على كل النعم

[حسناء القمر]

مساءالخير هاقد وصلت هل من ترحيب

[شوشو 11]

الله يبارك حبيبتنا ام وسيم والـــــــــــــــــــــــــــــــــــــــــــــــ ـــــــــــــــف مبروك على البنوتة سلمى وربي يحفظهالك ويجعلها من الدرية الصالحة وتتربى في عزك وعز والدها

ودي هدية سلمى
https://encrypted-tbn3.gstatic.com/i...nFMBB38fy8e2Gi



حسناء القمر اهلا وسهلا ونورت الدورة وان شاء الله تزيد تنور بنشاطك وهمتك ....ارواحي حدايا في الطيارة راني حكمتلك بلاصة انا وياسمينة يخي اخنا الاثنين نحيفات وبلاصة وحدة تكفينا والاخرى نخلوهالك ههههه