التحضير البسيط لرمضان و ما بعد رمضان - الصفحة 11 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

التحضير البسيط لرمضان و ما بعد رمضان

إضافة رد
 
أدوات الموضوع انواع عرض الموضوع
قديم 2019-04-24, 13:56   رقم المشاركة : 1
معلومات العضو
رندة.
عضو مميّز
 
إحصائية العضو










افتراضي

السلام عليكم ورحمة الله وبركاته
ان شاء الله تكونو كامل بخير وربي يقدركم على أشغالكم.

بالنسبة للصور تاع المكان المخصص للصلاة أنا ثاني غيروني وبإذن الله راح نخصص ركن للصلاة ويكون دائم ليها، وفي السعودية يديرو في كل منزل غرفة كاملة خاصة غير بالصلاة نظرا لقُدسية هاذي العبادة.

عن عبد الله بن مسعود ، عن النبي صلى الله عليه وسلم قال : " صلاة المرأة في بيتها أفضل من صلاتها في حجرتها وصلاتها في مخدعها أفضل من صلاتها في بيتها " . رواه أبو داود ( 570 ) والترمذي ( 1173) .
والحديث : صححه الشيخ الألباني في " صحيح الترغيب والترهيب " ( 1 / 136 ) .
( في بيتها ) هو الحجرة التي تكون فيها المرأة .
( حجرتها ) المراد بها صحن الدار التي تكون أبواب الغرف إليها ، ويشبه ما يسميها الناس الآن بـ ( الصالة ) .
( مخدعها ) هو كالحجرة الصغيرة داخل الحجرة الكبيرة ، تحفظ فيه الأمتعة النفيسة .








 


رد مع اقتباس
قديم 2019-04-22, 21:51   رقم المشاركة : 2
معلومات العضو
جهينة اليقين
عضو مميّز
 
إحصائية العضو










افتراضي

ما تنسايش تزوقيها يا رويدة هههههه










رد مع اقتباس
قديم 2019-04-23, 08:48   رقم المشاركة : 3
معلومات العضو
OM DHOHA ANES
عضو نشيط
 
الصورة الرمزية OM DHOHA ANES
 

 

 
إحصائية العضو










افتراضي

السلام عليكم ورحمة الله وبركاته.
وشراكم خياتي كيف حوالك وتحظيراتكم ان شاء الله تكونو كاااامل بالف خير.
سامحوني عزيزاتي ماقدرتش نشارك جاوني ظيوف على غفله فاضطريت نوقف سلسلة التنظيفات
وكنت نطل عليكم ساعه ساعه باه نشوف إبداعاتكم بصح ماقدرتش نشارك....
شكراااا لكل أخت دعاتلي اااامين ياربي ولكن بالمثل.
اختي رويده باااااارك الله فيك على الفيديو وحتى على الكلمات الرائعه للي كتبتيها والله استفدت وصلحت بعض الأخطاء مثل الاقتصاد بالماء والجمع بين المضمضة والاستنشاق,اما الباقي الله الحمد صحيح...
فبوركتي وجعله الله في ميزان حسناتك وننتظر المزييييد.










رد مع اقتباس
قديم 2019-04-23, 09:03   رقم المشاركة : 4
معلومات العضو
OM DHOHA ANES
عضو نشيط
 
الصورة الرمزية OM DHOHA ANES
 

 

 
إحصائية العضو










افتراضي

اختي ام شمسو راني معاك 100% بالنسبه لاقتناء الضروووري فقط انا ثاني شعاري لا للتكديييس, مداير ه سارفيس للظيوف من كلش ونستعملو لأي ظيف وانا اللي عندي كااامل نستعملهم..بالمناسبه بلاكارك مرتبببب ونظيييف روعه هكا نحب
أما فيما يخص التجميد فأنا نقصت شوي لمخاطره خاصة عند الاتصال المباشر مع البلاستيك لذلك نقولكم معلومه سمعتها معند د الفايد استعملو خواتاتي الاكياس الورقيه كيما للي نشريو فيهم الكرواسو والبتيبان راهي تتباع بالباكي في محلات لوازم الحلويات, حطو فيهم ثم حطو في العلب البلاستيكية او افتحوهم بالمقص وفرشوهم في العلب.
وبالنسبه لتجميد الخبز والكسره والمعجنات لفوهم في سرفيته ثم في الكيس وهكذا ن نكونو جمدنا بطريقه صحيحه.
هناك ايضا علب زجاجية صالحه للتجميد.
وبارك الله فيك على التذكير بسنة خير الأنام رانا نحاولو نطبقو بكلللل مانقدرو وصورة العقرب مرررعبه










رد مع اقتباس
قديم 2019-04-23, 09:16   رقم المشاركة : 5
معلومات العضو
OM DHOHA ANES
عضو نشيط
 
الصورة الرمزية OM DHOHA ANES
 

 

 
إحصائية العضو










افتراضي

اختي رنده مشكوووره على طريقة الاحتفاظ بالثوم..انا الطريقه للي معتامدتها هي نقشرو ونخليه حب ونحطو في علب او زجاجات صغيره وإلى المجمد يبقى هايل وتقديري تجبدي بالحبه لكن استعمليها مباشره سواء قطعيها او ابشريها والله روعه وماتخليش الريحه فالمجمد.
عزيزتي جهينة اليقين شكرااااا على راس الحانوت مع اني مافهمتش معظم الدواوات










رد مع اقتباس
قديم 2019-04-23, 09:30   رقم المشاركة : 6
معلومات العضو
OM DHOHA ANES
عضو نشيط
 
الصورة الرمزية OM DHOHA ANES
 

 

 
إحصائية العضو










افتراضي

بالنسبه لوصفة ليشوصون للي طلبتها غاااليتي ام هزار فهي ببساطه بوراك العجين لكن غييييييرت فيه بما يناسبني لاني مانحبش ليدام ونحاول نقص قد مانقدر.
هي الوصفه 3كيلات بكيله ايدام لكن تجي مبسسه بزااااف لذلك قعدت نقص ونجرب حتى نحي الزيت خلااااص
الوصفه:
5كيلات مش معمرين مليح فرينه
1 كيله معمره مليح خليط زيت وزبده ذايبه
ملح حسب الرغبه
مغرف حليب بودره
ملعقه صغيره خميرة القاطو
بيضه محلوله في قليل من الماء
ولمي بماء اللبن باااارد للي يصعد لفوق اللبن كي يركح لبن البقر بالطبع,ماتستغربوش خواتاتي والله رااائع للمعجنات واللي ماعندهاش يمكن استبدلت بخليط لبن وماء او ياؤورت طبيعي وماء.
المهم تبسوها مليح وتلمو فقط دووون العجن وغلفيها وخليها ترتاح فالثلاجه وتقدري تحتافضي بيها عدة أيام في الثلاجه.
الحشو كل وحده وامكانياتها سواء دجاج او لحم او طون... قطعو كرات صغار ثم افتحوهم بالحلال ماتكونش خشينه ثم ادهني الحواف بالماء وديريي الحشو واغلقي وثبتيها بالفرشيطه او استعملي مول ليشوصو رااائع
ادهنوهم بالبيض وإلى الفرن.










رد مع اقتباس
قديم 2019-04-23, 11:14   رقم المشاركة : 7
معلومات العضو
rowaida18
عضو مبـدع
 
إحصائية العضو










افتراضي

السلام عليكم و رحمة الله .....كيف حالكم ...ان شاء الله تكونو كامل بخير .

أختي رندة بارك الله فيك على التأكيد بأن الوصفة مجربة من الوالدة ربي يحفظهالك .......و إن شاء الله رايحة نطبقها كي نلحق لتخزين الثوم ...لأن الزوج جابهولي و لاكنه ما زال مالحقش لمرحلة النضج التام باش يعطي النكهة القوية اللي فيه ( نحاوه قبل ما ينضج تماما) فكلما نضج و أصبحت القشرة الخارجية يابسة كل ما كانت نكهته أفضل.

أختي جهينة بارك الله فيك على تلبية الوصفة الثانية لحشاوش الحريرة.

أختي أم ضحى طريقة الإحتفاظ بالثوم هي للأخت رندة ربي يجازيها و هي وصفة والدتها و مجربتها و نعاود نحطهالكم باش تستفيدو منها .
و بارك الله فيك على اعطائي وصفة الحلوى اللي طلبتها منك و ربي ييجعلها في ميزان حسناتك.....










رد مع اقتباس
قديم 2019-04-23, 11:46   رقم المشاركة : 8
معلومات العضو
ام هزار
عضو مميّز
 
الصورة الرمزية ام هزار
 

 

 
إحصائية العضو










#زهرة

حبيباتي ربي يعاونكم و يعاونا جميعا
الحقيقة انا حبست التنظيفات هادو يومين لانو جات ريح قاوية بالغبار ما حبيتش نحل بزاف باه ما نفسدش واش خدمت و لبارح امطار غزيرة ما شاء الله اليوم بادن الله رايحة نستانف
رويدة بارك الله فيك على تقديم الطريقة النبوية الشريفة للوضوح عني راني متبعة في كلش ما عدا الاستنشاق و الاستنفار مرة واحدة و كدا مسح الراس و الادنين معا بالغرفة نفسها
ام شمسو ما تتخيليش كلامك عن قضاء احلى الاوقات مع دوينا و الاستمتاع باللحظة الانية قداه اثر في فبارك الله فيك
ام ضحى الحلواجية تاعنا ما شاء الله شكرا على الوصفة اما بالنسبة لقاطو الفلسطينية للاخت اسمهان راني مجرباتو من قبل فعلا راااااااااااااااااائع و راني معاك في انقاص كمية السكر الرطب تاعة
جهينة بارك الله فيك على مقادير راس الحانوت احنا ما نستعملوهش عادة في الشرق نديرو لفاح و كل واحد كيفاه اما حشاوش الحريرة ما فهمت منهم والو و اكيد انهم مفيدين
اختي رندة بارك الله فيك على طريقة حفظ الثوم مع اني نخاف من التجميد وراني ندير كيما قالت الاخت ام ضحى لاني من متتبعات الدكتور محمد الفايد
و حتى اللحم و الدجاج نديرو في البابي او الورق الخاص بالطبخ و من بعد نحطو في اكياس التجميد راكي ولهتيني يا ام ضحى الى الاكياس الورقية اسههل بكثير
وفقكم الله و سدد خطاكم و شهر كريم للجميع










رد مع اقتباس
قديم 2019-04-23, 11:59   رقم المشاركة : 9
معلومات العضو
ام هزار
عضو مميّز
 
الصورة الرمزية ام هزار
 

 

 
إحصائية العضو










افتراضي

ربي يوفق بنتك في الباك اختي ام رويدة و جميع الممتحنين و ربي يقدرك على المسؤولية المضاعفة










رد مع اقتباس
قديم 2019-04-23, 12:36   رقم المشاركة : 10
معلومات العضو
حياتي كلها امل
عضو مميّز
 
إحصائية العضو










افتراضي

السلام عليكم ربي يوفق بنتك رويدا في الباك وتفرح وتفرحك
ام ضحى شكرا على الوصفات وعلى فكرة الاكياس الورقية فكرة مليحة بوركتي
اما الثوم انا معتمدة نفس طريقتك نخليه حب ونجمدو
اما التنظيفات راح نكمل بلاكارات البوتاجي مساءا ان شاء الله










رد مع اقتباس
قديم 2019-04-23, 13:26   رقم المشاركة : 11
معلومات العضو
رندة.
عضو مميّز
 
إحصائية العضو










افتراضي

السلام عليكم ورحمة الله وبركاته
واش راكم فراشات ؟ ان شاء الله كامل تكونو بخير
بارك الله فيك يا أم ضحى على مشاركتك لينا وصفاتك المجربة، بإذن الله راح نجرّبهم.
ربي يحفظك يا رويدة على الدعاء وربّي ينجّح بنتك ان شاء الله في البكالوريا.
أم هزار رانا كامل مع الغبّار بصّح الأشغال متواصلة مضطرين لذلك.

أنا اليوم نظّفت الثلاجة تنظيف عميق، طفيتها وذوّبت الجليد تاعها، غسلتها مليح وتخلّصت كثير من المكوّنات إلي كانت في المجمّد، حرّكت الثلاجة من بلاصتها ونظّفت الشباك إلي يجي من الخلف من الغبار، وغسلتها مليح من الفوق وغلّفتها بالبلاستيك الشفاف
هكا باش تبقى محافظة على نظافتها من فوق.


وأمبعد غيّرتلها المكان نتاعها، كنوع من تغيير الديكور ويعطينا إحساس جميل.









رد مع اقتباس
قديم 2019-04-23, 12:29   رقم المشاركة : 12
معلومات العضو
rowaida18
عضو مبـدع
 
إحصائية العضو










افتراضي

وقفة
أخواتي الغاليات ....بالنسبة لموضوع فقه العبادات اللي راني نعالج فيه معاكم هو موضوع مهم جدا ... مهم لأي شخص مسلم و يمس أكبر شريحة من المجتمع و اللي ما يقوموش بتربية أولادهم و تنشأتهم تربية إسلامية صحيحة منذ الصغر و لم يأمروهم لا بالصلاة و لا بالحجاب و كأنه شيء ثانوي ليس له أهمية... بل همّ هذه الشريحة من المجتمع هي التربية المادية و الشكلية ...و يعتبرون التدين نوع من التصوف ....أما العبادات تأتي بالوراثة .....حركات و أفعال بلا روح و بلا اتباع لهدي النبي صلى الله عليه و سلم ....و لا توجد عناية بقراءة القرآن و لا الأحاديث و كأن هذا الأمر هو أمر يليق فقط بالمساجد و لا يعنيهم ....
و كنت واحدة من هذه الطبقة من المجتمع....إلى أن دخلت الجامعة و منَّ الله عليا أن يسر لي التعرف إلى مجموعة من الأخوات جعلهم الله سببا في هدايتي فبدأت شيئا فشيئا أتعلم منهم........و اكتشفت حينها مدى حجم التقصير الذي كنت فيه و مدى البعد عن الله الذي كنت فيه ......فحمدت الله تعالى و لا أحصي ثناءا على الله بهذه الهداية ....ثم تخرجت و أخذت باكمال التعلم لوحدى عبر جميع الوسائل التي توصلت إليها .سواءا اقتناء الكتب أو سماع الدروس المسموعة و المرئية ....

ذقت حينها معنى السعادة الحقيقية .......سعادة أن تكون متبعا للحبيب في أفعالك و تتحرى العلم و تصحح أخطائك و أنت سعيد لتصحيحها و كـأن الله أعطاك عمرا ثاني لتتدارك أخطائك و تعبده على الوجه الصحيح ........و لم يشأ الله أن يأخذك أو يتركك على غفلة فهذه والله أكبر نعمة أنعم الله بها عليك ...و لله الحمد من قبل و من بعد .....

و كم هم كثيرون الذين يعيشون مثل العيشة التي كنت أعيشها ..............و الكثير منهم يقرأ مقالتي و يعلم الحقيقة ........


فلهذا أنا أصرّيت على نشر هذه الأسس الصحيحة لأهم العبادات ليستفيد منها أغلب الأشخاص من هذه الشريحة .....و أعلم جيدا أن الكثير منهم لهم قلوب طيبة و محبة لله و رسوله و لاكن لم يجدو من يأخذ بيدهم إلى بر الأمان.....

سامحوني على الإطالة.....









رد مع اقتباس
قديم 2019-04-23, 13:53   رقم المشاركة : 13
معلومات العضو
جهينة اليقين
عضو مميّز
 
إحصائية العضو










افتراضي

شكرا رويدة انا مثلك تماما اخيرا تبين لنا الطريق الصحيح وهو اتباع سنة حبيبنا محمد عليه الصلاة والسلام ومن اهتدى بهداه فاللهم ارنا الحق حقا وارزقنا اتباعه وارنا الباطل باطلا وارزقنا اجتنابه امييييين










رد مع اقتباس
قديم 2019-04-23, 13:59   رقم المشاركة : 14
معلومات العضو
جهينة اليقين
عضو مميّز
 
إحصائية العضو










افتراضي

ام ضحى الخشاوش الي ما عرفتيهمش يا تروحي عند العشاب يوريهم لك يا تبحثي عليهم في عمك قوقل
ام هزار ارواحي عندي ذوقي الحريرة بالحشاوش تفهمي مليح البنة والمنفعة
وانا كذلك نسمع بالفاح بصح ما نعرفش واش تديرو فيه ياريت توريلنا الطريقة هكذا نتبادل الوصفات










رد مع اقتباس
قديم 2019-04-23, 14:05   رقم المشاركة : 15
معلومات العضو
جهينة اليقين
عضو مميّز
 
إحصائية العضو










افتراضي

شكرا ام ضحى على فكرة الورق في التجميد بصح نظن علب البلاستيك الي فيها مثلت وفيه رقم 5 صالحة للتجميد
الثوم كل طرق تجميده ما عجبتنيش يتغير ذوقو راني نخليه طبيعي نعلقو ونخليه ييبس ونستعملو طول العام حتى يلقى خوه










رد مع اقتباس
إضافة رد

الكلمات الدلالية (Tags)
التحظير،البسيط،لرمضان،


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 00:42

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc