الجزء 189 من كوزينة حراير الجلفة ..كوزينة أغلى حراير - الصفحة 11

nihal159 · 2018-04-26, 10:22

اقتباس:

المشاركة الأصلية كتبت بواسطة rima.87

السلام عليكم اخواتي في الله
ان شاء الله تكونوا بخير و صحة وعافية و كل العايلة ،
مبارك افتتاح الجزء الجديد من الكوزينة اختي نهال ،ما شاء الله اطايبك قمة في الروعة شفت الصفخة الاولى،
النت كانت مقطوعة و اليوم لقيت فرصة
قلت نحطلكم بعض الصور ،
و كما تذكرنا الاخت رزيقة جزاها الله خيرا ،
لا تنسوا قولوا ما شاء الله ،
ربي يحفظكم اخواتي في الله،

وهادا تطبيقي لكيكة الفريز للغالية
oul islem جزاها الله خيرا ،

و هذه هي الوصفة ،جربوها راهي بنينة و الفريز متوفر و الحمد لله على نعمه .

و هادي وصفة كيكة الشوفان بصلصة التوفي للاخت roumaissa لكن انا زينتها بالشكولا و ليس بالصلصة.

اللهم لك الحمد حتى ترضى و لك الحمد اذا رضيت و لك الحمد بعد الرضى ،

اللهم بارك لنا في شعبان و بلغنا رمضان ،

سبحانك اللهم و بحمدك اشهد ان لا اله الا انت استغفرك و اتوب اليك.

مرحبا بيك ياريمة في بيتك؛ بسم الله ماشاء الله أمتعتينا بوصفاتك الصحية و الكيكات اللذيذة؛ ربي يبارك فيك و يرزقك ماتتمناي.

طيور الجنان · 2018-04-25, 07:32

صباح الخير حبيباتي جبتلكم قاطو طازة للفطور

idem16a · 2018-04-25, 09:20

اقتباس:

المشاركة الأصلية كتبت بواسطة طيور الجنان

صباح الخير حبيباتي جبتلكم قاطو طازة للفطور

صباح الخير سعيدة،قاطو رووووووعة،حبيت نفهم برك،واش تقصدي بالطازة ،ما تضحكيش عليا هههههه

وردة الرمال43 · 2018-04-25, 10:45

صباح الخير حراير بلادي ...واش احوالكم ان شاء الله تكونو بخيييييير
وحشتوني ..وحشتوووووني ...وحشتوووووني ....ماتصوروش قد واه توحشتكم ...وسامحوني طولت الغيبة بصح مانسيتكومش راكم دايما في بالي مانسيتكمش وماننساكمش يا غاليات

سعيدة سامحيني مالحقتش بكوزينتك وماشاركتش الله غالب ظروف فاتت
نهال مبروك الكوزينة وربي يجمعكم عااخير و الهنا وربي يدومها لممة
باقي العضوات كل وحدة باسمها سلامي الحار ليكم وبوركتن على كل ماتقدمه اناملكم الذهبية يعطيكم الصحة والعافيه

وردة الرمال43 · 2018-04-25, 10:52

تفضو باروكي من ارشيفي المتواضع

idem16a · 2018-04-25, 12:27

اقتباس:

المشاركة الأصلية كتبت بواسطة وردة الرمال43

تفضو باروكي من ارشيفي المتواضع

وردة الرمال،روووعة واش جبتي معاك،يا يما على هاذوك لبراج،، ،وهاذوك الكعيكعات ولا ليويو،،والكعكة هايلة

idem16a · 2018-04-25, 12:30

هذا فطوري،حمرت الدجاج،ودرت شوية بيري والحمد لله

idem16a · 2018-04-25, 12:32

راني ننسى نحط الصور ههه

soussou_saida · 2018-04-25, 13:49

يصحتكم واش حطيتو
سعيدة قاطة طازة في الصباح الياكر الله يبارك على قداش درتيه و هل مايديش وقت ادا هكا اعطيني وصفة نحب حاجة بنينة و خفيفي هههه
ام مهدي حتك دجاج و بيري
نهال بصحتك الضيفة عند الوالدين
ورده كيف احوالك و بصحتك واش حطيتي
ريمة تسلم يمناك ما شاء الله
تفضلو فطوري البسيط

[IMG][/IMG]

بيان 5 · 2018-04-25, 11:27

السلام عليكم
ريمة سعيدة وردة ماشاء الله يعطيكم الصحة
غدايا دوبارة

idem16a · 2018-04-25, 12:24

پيان دوبارة تاعك تووب هايلة،جات في وقتها،بصحتكم

nihal159 · 2018-04-26, 10:28

اقتباس:

المشاركة الأصلية كتبت بواسطة طيور الجنان

صباح الخير حبيباتي جبتلكم قاطو طازة للفطور

سعدودة حرة لحراير يعطيك الصحة على القاطو ماشاء الله عليك راكي أنتقلتي للسرعة الخامسة ههههه ماقدرناش نلحقو عليك؛ الله يبارك هههههه

اقتباس:

المشاركة الأصلية كتبت بواسطة وردة الرمال43

تفضو باروكي من ارشيفي المتواضع

أشرقت أنوارك يا أم وسيمو؛ ليك وحشة يابنت البارود؛ أرواحي نسلّم عليك موووواح موووواح؛ توحشناك يا بنت الإيه؛ ماتزيديش تغيبي علينا؛ أرشيفك روووووعة؛ يعطيك الصحة.

اقتباس:

المشاركة الأصلية كتبت بواسطة بيان 5

السلام عليكم
ريمة سعيدة وردة ماشاء الله يعطيكم الصحة
غدايا دوبارة

بيان بصحتك الدوبارة؛ يالفحلة؛ ماشاء الله عليك من العصري للتقليدي للتحليات؛ راكي شاف ماشاء الله.

طيور الجنان · 2018-04-25, 12:25

صح غداكم .
سوسو يعطيك الصحة على الرولي روعة.
ريمة اممممم دخول لذيذ ههههه خاصة خبز النخالة رووووعة روووووعة صحي و يبان خفيف ان شاء الله كون نلقاها تتباع نشريها.
ام مهدي حبيبتي علاه نضحك عليك نقصد بطازة يعني جديد درتو غير اليوم الصباح.
بيان بصحتكم الدوبارة مطرح مايسري يمري حنونة.
وردة اهلين و سهلين اختي واش احوالك واش راهو وليدك ماعليش حبيبتي كل وحدة و ظروفها المهم تكوني بخير و ارشيفك روعة يعطيك الف صحة.

nihal159 · 2018-04-25, 12:55

مساء الخير لبنات، اسمحولي ماراجعت والو، راني ضيفة في دارنا، تفضلو غئانا، سمك، فريت،سلاطة.

nihal159 · 2018-04-25, 12:57

هذا عشانا بارح، دارتلي يما الفول تعرفني نموت عليه هههه، مع سلاطة و زيت زيتون.