الجزء 183 من واش طيبتي اليوم كوزينة القلب الصافي و الذراع الوافي

[ملاك ملاكي]

المشاركة الأصلية كتبت بواسطة أم يوسف2

امنية بضحتكم الكسكسي وام هدول حبيبتي وش هدرتي عين الغقل لازم تدخل حياة وبيسو لاننا هنا قاااااع خواتاااااات
اليوم فطوري جواز خرشف بالجاج لي تحب تتفضل مرحبا بيها

ام يوسف حبيبتي بصحتك الجواز..... بيناتنا ولا مرة ذقته الخرشف!!!!!
مالاةانا ناكل الجاااااج هاهاهاها

[ملاك ملاكي]

المشاركة الأصلية كتبت بواسطة أمنية غفران

صباحو الخيرات و البركات حبيباتي العضوات و الزائرات و الكواليسات

نهاركم زين و معطر بورد الياسمين

اخواتي ام فطوم الرفيس يشهي بصحتكم احنا الرفيس التمر نفوروه و نطحنوه مليح و نخلطوه مع المبسس المدقوق ماشي مطحون بزاف تاني و نزيدو له الدهان الحر و شوي عكري و نخلط مليح ما نحكيلكش عليه امممممممم كاش نهار نديره امممممممممم و نعته لك
ام يوسف ام هديل صباحكم برباحكم و ميات نعجة في مراحكم بيعوهم و شرو بيهم شا تحبو احم احم

حبيباتي كي نضت لقيت زوج حبات حلوى الطابع يا الاهي باش نستقهواو ما سلكني غي الي راني مسمياته سلاك الحاصلين هههههههههههههه بان كيك

درته تم تم وجدته و ننصحكم بيه كي تلقاو رواحكم حاصليين اجرو ديروه ديروه بهاد المقادير يعطيكم قريب تسع حبات





اليوم فطورنا ان شاء الله كسكس مرق ابيض

نهارك زييييين نحولة ربي يجازيك ااااا مصييييبة ربي يعطيك ويمنيك..... والله وشهتيني فيهم خلي برك نهز شوي روحي برك وباذن الله نطبقهم.... هذه الايام عيانة شوي وزيد مابقاش نرجع للخدمة ديموراليزيت على الاخيييير ماقدرتش نفارق ملاكي الصغييير

يالا بصحتك الكسكسي غدانا اليوم كيف كيف ربي يدوم النعمة ياااارب ويكثر خيره ويدوم لمتنا ياااارب

[أم فاطمه]

السلام عليكم لبنات جمعة مباركة صح فطوركم جميعا

فطوري كسكس طبعا والبن والفكهة والحمدلله على نعمو

.


.


تهلاو في رواحكم

[Fifilondon]

السلام عليكم اخواتي وجمعة مباركة على الجميع الصراحة كل شيء الله يبارك الكوزينة راهي غنية بالخير من تحت يدين الفحلات نحط فطور الخفيف تع اليوم من بعد نرجع نعلق على كل وحدة

هاظوك براج زدت عاودت درتهم بارح في الليل

[طيور الجنان]

ام يوسف حنونة مح مح بصحتكم الخرشوف انا نخبو مرقة بيضاء .راني رديتلك على باق باق هههه عجبتني .
ملاك شفتي كي يكون الزوج ماياكلش حاجة تسمااطلك انت تاني . بصحتكم الكسكسي .
فيفي يعطيك الصحة اختي كي عاودتي المبرجة تدي الوقت بصحتكم و صح غداكم خفيف ظريف كيما انا.
ام فاطمة بصحتكم الكسكسي انا ناكل التمر و اللبن اممممم

[طيور الجنان]

غدايا فريت و حميص

[حياة نور الدين]

السلام عليكن

الف مبروووك امنية هدا الجزء وعنوانها روووعة
خياتي نشكركم كل واحدة باسمها على مشاعرها النبيلة ورانا خيات وماراه في قلبي حتى حقد ولا ضغينة لواحدة بالعكس انا تمنيت كي هدرت تتفهموا انه حابة هدا الصرح يرجع ويبقى منور كما راه كوزينة امنية عزيزتي منورة بالخيرات تع الفحلات ومتاولوش كلامي حاجة اخرى كما فهموا بعض الاخوات
وانا كنت قادرة نراسل المشرفات يغلقوا الكوزينة او تبليبغ بمشاركة فيبها دردشة وخارجة على الموضوع مي منقدرش نشوفها طعن في الظهر لاي واحدة نبلغ عليها وعلى هدا تكلمت على الملا للتنبيه
المهم لي فات مات وان شاء الله نرجع في يوم من الايام منقولكمش وقتاش بلاك عشية بلاك غدوة بلاك الشهر الجاي بصح نتمنى انه تحافظوا على هدا الصرح الجميل لي كانت احلى حاجة فيه التعرف على نسوان فحلات وعلى خيرات بلادي من كل صوب ونعتمدوا بعض الوصفات وتصبح اساسية في كوزنتنا
بارك الله فيكن واسمحولي كل واحدة باسمها

[ملاك ملاكي]

اتفضلوا حبيباتي شاركوني غدايا بالصحة والعافية

[Fifilondon]

اهلين اختي حياة جمعة مباركة الموزينة مولاتها وعضوات كامل يرحبو بيك ويفرحو مي يشوفو طلتك البهية وكلامك كلام صواب
المهم اتحفينا باطباقك المتميزة وماتحرمناش منها

[ام هدول]

سلاااااام حبوبات نرحب سع بنور الكوزينه ،،،،،موح ،،موووووووووح على الخدين وحضن كبير بين دراعاتي،،،،حيوته ،،عارفين بلي اصيله بنت اصول وكلامك كان حب وخوف كيما تأنب الام بناتهاا أقصده اولادها ههههه،،،،،،

[Fifilondon]

ام هدول بصحتك كلش واش حطيتي يشهي
امنية شكرا على الوصفات المصور ويعطيك الصحة على المجهود
مشرفتنا مياسم الصمت شكرا على كل واش حطيتي وخاصة التورطات جاو في وقتهم
سحابة بصحتك عشاك يشهي حنونة
ام فاطمة الله يبارك الرفيس والكسكس هايلين ما شاء الله
ام هديل وام يوسف اهلين وجمعة مباركة عليكم وبصحتكن واش فطرتو
طيور الجنان اهلين اختي وبصحتك واش فطرتي
ملام ملاكي اللله يبارك فطورك يشهي وطريقة التقديم عجبتني يعطي الصحة

[ام هدول]

بصحتكم لغده الخفوفي كخفتكن سعيدة وفيفي،،،
وصحاب الكسكس ياعني ،،،،ام فاطمه وملاك ويزيد يلحق تع امونه،،،بالصحه والراحة

[ام هدول]

فيفي يعطيك الصحة على لبراج
ملوكه افنقادك للملاكك الصغير يقولولو الكبدة وانت تاعك راهي كبيده صغييوره زغنونه اسناي تزيد تكبر،،،،،خخخخ ياويلك ،،ربي يحفضو ،،،وتقر بيه عينك
سعيد عجبني قراتن البادنجال طيحي بالوصفه،،،،،،،
ام يوسف بصحتك الخرشف،،،،،

[ام هدول]

انا ندي المندرين من عند سعيدة وشوية عنب من عند ملوكه وشوية تمر من عند فاطمه ونروح نكمل مراجعة ،،،،بااااااااااااااي

[أمنية غفران]

المشاركة الأصلية كتبت بواسطة ام هدول

ام فاطمة شكرا على الرفيس التلمساني ماعضمها بلادي كل منطقة عندها رفيسها ورانا استفدنا وتعلمناهم من هاد الصرح الجميل ...
صباح الخير لمبكرين اليوم ام يوسف وام هديل ربي يعنكم على التربية حقة لكان راكم ترضعو طبيعيا ملاح هاد النوع من الاكل الرفيس ةالطمينة والسلووالكسرة اغروم ..مدرار للحليب ...
امينة اغروم ..مع ازيت الزيتون من الاكل المفضل عندي وعند عايلتي ...نهار نطيب الكسرة سخونة ووزيت الزيتون ...داك ةالنهار ما يتعشاوش...
مشرفتنا مياسم الصمت طل القمر .والله ...كلش بالطبع ...يعيطك الصحة ...
سحابة عشاك ديما يسخفني كاش نهار نجي نتعشى .خخخخ...راكم قتلتوني بالسردين وانا هنا مازال لاماوصلش كاين الكونجلي برك ماحبتش نجبو ..وووععععععععععععع
بصحتك لكروكي خرجلك يعبل
ملاك بصحتك المقرون بصوص بيضة ...سلمت يدامك يالفحلة
غديا الرفييييييييييس..امممممممممممممممممم ....سلالالام


..

يا مراحب بام هدول الحق اغروم نحب ناكلو كويس اتاي اممممممممممم و كي قلت على زيت زيتون باش يديروه في العجينة ما يبدلوهش بزت اخر ههههههههههههههه علابيها هددتهم برزوق امممممممممممممممم

المشاركة الأصلية كتبت بواسطة ام هدول

نداء
حييييييييييييييييييييوتة ......وبيلسسسسسسان ..عمرنا مانستغناو عليكم .....خلو قلبكم كبير وطلو ....ماتدري الموت من لحيات
اسمحولي المشرفات ....

عندك الحق الدنيا صغيرة و حتى يشي ما يدوم

المشاركة الأصلية كتبت بواسطة طيور الجنان

عشايا البارح كان غراتان باذنجان .امنية الوصفة في الاصل تقليه بصح انا باه نتفادى الزيت نديرو دي ترونش و نشويه في الفرن.

اممممممممممممممممم يشهي يعطيك الصحة همة و حطة و باين بنة صحيتي

المشاركة الأصلية كتبت بواسطة أم يوسف2

امنية بضحتكم الكسكسي وام هدول حبيبتي وش هدرتي عين الغقل لازم تدخل حياة وبيسو لاننا هنا قاااااع خواتاااااات
اليوم فطوري جواز خرشف بالجاج لي تحب تتفضل مرحبا بيها

ام يوسف فطورك يشهي يعجبني الحرشف بصح نكره كي نكون نقي فيه هههههههههههههه

المشاركة الأصلية كتبت بواسطة ملاك ملاكي

يسعد صباحكم الحراير كل واحدة باسمها.... وجمعة مباركة للجميع
بصحتكم الاطايب يا الفحلات ماشاء الله
انا اليوم غدانا بربوشة الكسكس الطعام كل واحد كيفاه يطلق عليه الاسم
انا تاني نضم ندائي لنداء هدولتي ونقول لحيوتي وبيسو ادخلوا برك والله مانستغناو عليكم والله وهده دنيا وزيد والله ماهي حاجة كبيييييييرة لي تخليكم تهزو على بعض الحقد وتستغناو علينا..... يالا اليوم جمعة عبالي راكم وراء الكواليس بيضوا قلوبكم يالا ديرو بخاطرنا بلييييييز

صباحك برباحك و بصحتكم البربوشة و ككل جمعة اغلب الشعب الجزائري فطورهم الكسكس الله يبارك

المشاركة الأصلية كتبت بواسطة أم فاطمه

السلام عليكم لبنات جمعة مباركة صح فطوركم جميعا

فطوري كسكس طبعا والبن والفكهة والحمد اللهعلى نعمو

.


.


تهلاو في رواحكم

بصحتكم الكسكس اختي ام فطوم راهو يشهي امممممممممممم الله الله

المشاركة الأصلية كتبت بواسطة Fifilondon

السلام عليكم اخواتي وجمعة مباركة على الجميع الصراحة كل شيء الله يبارك الكوزينة راهي غنية بالخير من تحت يدين الفحلات نحط فطور الخفيف تع اليوم من بعد نرجع نعلق على كل وحدة

هاظوك براج زدت عاودت درتهم بارح في الليل

صحا فطوركم حبيبتي فيفي و البراج باين بنان يعطيك الصحة ما كفانيش الوقت باش نديرهم اليوم

المشاركة الأصلية كتبت بواسطة طيور الجنان

غدايا فريت و حميص

صحا فطوركم طيور خفيف ظريف اممممممممممممممم يشهي

المشاركة الأصلية كتبت بواسطة حياة نور الدين

السلام عليكن

الف مبروووك امنية هدا الجزء وعنوانها روووعة
خياتي نشكركم كل واحدة باسمها على مشاعرها النبيلة ورانا خيات وماراه في قلبي حتى حقد ولا ضغينة لواحدة بالعكس انا تمنيت كي هدرت تتفهموا انه حابة هدا الصرح يرجع ويبقى منور كما راه كوزينة امنية عزيزتي منورة بالخيرات تع الفحلات ومتاولوش كلامي حاجة اخرى كما فهموا بعض الاخوات
وانا كنت قادرة نراسل المشرفات يغلقوا الكوزينة او تبليبغ بمشاركة فيبها دردشة وخارجة على الموضوع مي منقدرش نشوفها طعن في الظهر لاي واحدة نبلغ عليها وعلى هدا تكلمت على الملا للتنبيه
المهم لي فات مات وان شاء الله نرجع في يوم من الايام منقولكمش وقتاش بلاك عشية بلاك غدوة بلاك الشهر الجاي بصح نتمنى انه تحافظوا على هدا الصرح الجميل لي كانت احلى حاجة فيه التعرف على نسوان فحلات وعلى خيرات بلادي من كل صوب ونعتمدوا بعض الوصفات وتصبح اساسية في كوزنتنا
بارك الله فيكن واسمحولي كل واحدة باسمها

يا أهلين و سهلين بلالة البنات حيوتة بطلتها الكوزينة نورت امممممممممممممممممم معليش حبيبتي المهم طلي علينا

المشاركة الأصلية كتبت بواسطة ملاك ملاكي

اتفضلوا حبيباتي شاركوني غدايا بالصحة والعافية

يا سلام على الفن و مولاته بصحتكم البربوشة قولي لي راكي ديري الكركم في المرق ياك بصحتكم

المشاركة الأصلية كتبت بواسطة ام هدول

انا ندي المندرين من عند سعيدة وشوية عنب من عند ملوكه وشوية تمر من عند فاطمه ونروح نكمل مراجعة ،،،،بااااااااااااااي

يا عيني على الرفيس القسنطيني بأيادي فحلة قسنطينية الله يبارك بصحتكم امممممممممم