دورة الفراشات الشاطرات في التنظيم و التنظيف خلال اجازة الصيف - الصفحة 11

ام هزار · 2015-08-21, 14:35

شكرا عزيزتي على الرد و ربي يجازيك خير و ربي يشفي زكرياء شفاء تاما لا يغادر سقما و يبعد عليه العين و يحفظلك صبرين و اباها اميييييين
انا بنتي حركية بزاااااااااااف ما شاء الله لاجل ذلك ننجز معظم اعمالي في الليل بعدما ترقد مع كثير من التحايل في النهار
ربي يحفظلنا ولادنا جمييعا و يقدرنا يا رب ...........تحياتي

أم تغاريد · 2015-08-21, 20:18

السلام عليكم يا فراشات المنتدى
ان شاء الله تكونو كامل بخير
---------
ليوم نضت على 8 وربع الكوزينة كانت مخملة ماعني نغسلهم في الليل غير ادا كنت عياااانة بزاف

درت فطير

شمخت الطعام ( الجمعة لازم طعام عندنا )

طيبت القهوة ورحت نوضت زوجي باش يشربها معايا

بعدها رحت سبقت حددتلو قميصو

لحقت العاشرة وليت غسلت الفناجن تاع القهوة وكملت طعامي ومبعد رحت رفدت فراشي وفرزت الدنيا شوية

لبست حوايجي ورحت صبحت على عجوزتي ( تسكن بالقرب مني )

وليت كنست ونظفت الحمام التنظيف اليومي

درت هاد الحدايد تاع الفرن في الماء الساااااخن ومبعد غسلتهم بالسلك وسائل الاواني مع الكوانن غسلة خفيفة لانو رايحة نعاود الفرن كلو ان شاء الله عن قريب في التنظيف العميق للمطبخ ( مانحملش نشوفهم مسبكين ) كاين نسا يمسحو الفرنو ديالهم وينساوهم

وغسلت الزجاجة بالماء الساخن سائل الاواني ومبعد نشفتهم وعاودتلها بتاع الزجاج (ايضا غسلة خفيفة لانو العميقة راهي قريبة ان شاء الله)

كي كملت رحت مسحت وشرعت التواقي باش ماتبقاش ريحة المسيح

بعدها تفكرت بلي قالي زوجي اشويلي الحار جبدت الطابونة باش مانوسخش الفرن بعدما شفتو يلمع

والتقيت بسلة الغسيـــــــــل كنت رايحة نخلي حتى للعشية باش نطوي الحوايج لكني قلت نتهنى منهم الان احسن

هدا كلو كملتو قبل ما يجي زوجي من صلاة الجمعة
لانو لعشية مانخدمش الشغل

هيا لبنات نشجعو بعضانا ونرجعو ديورنا تولول من النقا والترتاب

omoussamawarazane · 2015-08-21, 20:32

أرق سلام لكل الفراشات

أنا اليوم بعد ما درت كسرة للغدا رحت نظمت شامبرة تاعي فرزت الخزانة و الكوافاز و نظمت البيرو تاع راجلي و العشية غسلت قش اولادي و وجدت العشا
البارح غسلت مطرح و قبيل صب المطر وهبطو من لاتيراس وراني خايفة تكون فيه ريحة مازال مانشف من الما كاش ما عندكم حل؟
ربي يعاونكم جميعا

ام محمدْ ومريمْ · 2015-08-21, 22:06

سلام لبنات واش احوالكم الله يبارك على الهمة والنشاط اليوم نضفت المطبخ وغسلت الحوض ونشفتو الكوزينة راهي مليح وغدوة ان شاء الله نبدا في تقارير اليومية سلام

حبيييبة · 2015-08-21, 22:30

الله الله الله الله
ماشاء الله لا قوة الا بالله
ريحة النقاوة و النظافة راهي تفحفح من صفحات الدورة
ارحب بكل الفراشات الجديدة كل وحدة باسمها
راني متابعة كل كلمة تكتبوها بالتفصيل
لكن الرد صعيب شويا من الهاتف
غدا باذن الله راني ندخل للموقع مالميكرو باه نقدر نعلق على كل تقريرتتكم
اللي تشرح النفس

لمعوا احواض مطابخكم الليلة
حتى تصطبحون على منظر يفتح النفس غدا صباحا
و يكون نهاركم كله في مزاج عالي و راحة بال
احبكم جميعا

omoussamawarazane · 2015-08-22, 10:54

صباح الخيرات لكل الفراشات
اليوم بكرت شوية و نظفت الدوش و لافابو و دورة المياه أكرمكم الله الفايونس رجع يبرق
ملاحظة أنا نستعمل جال العملاق الأخضر يسهل عملية التنظيف لدرجة كبيرة

يعطيكم الصحة درتولنا كوراج

samira1980 · 2015-08-22, 15:25

مساء الخير اخواتي
اسمحولي على الكلام لي قلته بصح راني بيا كارهة على بيها مانيش عارفة واش نقول اسمحولي
والله ماني عارفة كيفاش نبدا نهاري
لوكان تساعدي بافكار تنح علي هذا الكسل راني كرهت

حبيييبة · 2015-08-22, 17:04

بسم الله الرحمن الرحيم
اتوكل على الله و أبدأ الرد على كل مشاركاتكم حبيباتي
منذ بداية هته الدورة باذن الله
و أشكركم جزيل الشكر لانضمامكم اليها و مشاركتكم فيها
و صبركم و حلمكم علي حبيباتي رغم تأخري عنكم

حبيبتي فراشتي الجميلة منال
واش راكي ان شاء الله بخير
ربي يعينك و يوفقك حبيبة قلبي في اتمام تطبيق البرنامج

اهلا حبيبة قلبي أم فاطمة يا فراشتي الرشيقة
اتمنى مازالك تمارسين بعض الحركات الرياضية حبيبتي
ربي يعينك و يوفقك في تطبيق برنامج الدورة

اهلا بحيبتي maloo
مرحبا بيك معنا في دورتنا الحبيبة
و فيك بركة حبيبة قلبي ربي يخليك لينا

اهلا بالحبيبة رقية فراشتي النشيطة
واش راكي حبيبتي ان شاء الله بخير
ربي يعينك و يقدرك على تطبيق البرنامج بكل نشاط و حماس

اهلا اهلا بالحبيبة أم نسيبة فراشتي الشاعرة
واش راكي ان شاء الله بخير
انتظر تقريراتك بكل شوق حبيبتي ربي يوفقك و يعينك
ربي يشفيك و يعافيك من وجع الضرس
الف لاباس عليك حبيبتي

اهلا بحيبتي أم آدم فراشتي النجيبة
واش راكي حبيبتي ان شاء الله بخير
و فيك بركة حبيبة قلبي ربي يوفقك و يعينك
بالبركة عليك السكنة الجديدة ربي يجعلها فاتحة خير عليك و على كل اسرتك الحبيبة
تدخليها بالصحة و الهنا ان شاء الله

اهلا حبيبتي أم هزار فراشتي المجتهدة
واش راكي ان شاء الله بخير يا ارنوبتي السباقة
بالنسبة لمشكلة ابنتك لا تقلقي حبيبتي
لست اخصائية نفسية او اجتماعية لكن حسب درايتي بمجرد ان تبتعد عن قرينتها التي اعتدت منها بتلك التصرفات
و تدخل من جديد في روتينها العادي الخاص بالبيت و تربيتك الخاصة لها
سوف تسترجع بعد مدة قليلة فقط سيرتها السابقة فلا تقلقي حبيبتي و ابشري

اهلا بالحبيبة أفنان اهلا و الف مرحبا بك معنا
ربي يقدرك و يوفقكحبيبتي على التطبيق
متشوقة لقراءة تقريراتك

اهلا بحبيبتي فراشتي النشيطة أم يسرى
يالله يا حبيبتي سمي بالله و توكلي عليه
و ابدئي بالعمل على تحقيق ما قررته
و داومي على ذلك ولا تقلقي كلنا معك لنساندك حبيبتي
و أنا أثق في وعدك حبيبتي
الى القتااااااااااااااااال ســــــرررررر
(ساحاول باذن الله أن احدد معك برنامجا يوميا يلائمك حسب ظروفك ابشري)

اهلا بالحبيبة أم جابر
و فيك بركة حبيبتي اهلا و الف مرحبا بك معنا

حبيبة قلبي ملكة الفراشات سمراء الدنيا
واش راكي حبيبة قلبي ان شاء الله بخير و بصحة و عافية
اشتقت لقراءة تطبيقاتك و ااتحمس بنشاطك و تاويلك في بيتك حبيبتي
طمنينا عنك حبيبتي

اهلا اهلا و سهلا بالحبيبة فريال
اهلا و مرحبا بيك معنا بين الفراشات مكانك محفوظ بيننا
يا فراشتي النشيطة
متشوقة لقراءة تقريراتك و تطبيقاتك حبيبتي

اهلا اهلا بشريكتي فراشتي الرقيقة أم صبرين
ماشاء الله عليك و على تقريراتك التي كلما قراتها دب فيا الحماس
انا ممتنة لك حبيبتي لوقوفك الى جانبي
لن انسى لك صنيعك هذا ما حييت
شكرا لك و جازاك الله خيرا عني و عن كل الفراشات
ربي يخليك لينا ياا رب ولا يحرمنا منك
و ربي يشفي وليدك طمنينا عليه حبيبتي

اهلا و سهلا بالحبيبة وداد ام احمد
اهلا و الف مرحبا بك معنا في دورتنا الحبيبة
متشوقة لقراءة تقريراتك

اهلا اهلا بالحبيبة ماريا ملك يا فراشتي الجميلة
واش راكي واش احوالك
ربي يعينك و يقدرك حبيبتي على الحمل و ظروفه
ربي يرزقك سويعة سااهلة ياا رب و يسهل عليك كل امورك

اهلا بالحبيبة سميرة يا فراشتي الناجحة
واش راكي ان شاء الله بخير
واش راهي بنيتك الحبوبة
كلنا معك لنشجعك و نساندك و نقف الى جانبك
انا متشوقة لقراءة تقريراتك حبيبتي
عليك بسورة البقرة شغليها يوميا في بيتك
و استعيني بالذكر و الاستغفار
ولا تنسي التسبيح قبل النوم

اهلا بتوام روحي فراشتي الحكيمة ام منال
واش راكي حبيبة قلبي اشتقت اليك كثيرا
وين هاذ الغيبة ان شاء الله خير
متشوقة لرجوعك الينا حبيبتي

اهلا بالحبيبة أم ريتاج فراشتي النشيطة
الله يزيدك فرح على فرح حبيبتي و ينور دربك ياا رب
متشوقة لقراءة تقريراتك حبيبتي
التي تملؤها الهمة و النشاط
اوصيك بما اوصيت به حبيبتنا سميرة
عليك بسورة البقرة شغليها يوميا في بيتك
و استعيني بالذكر و الاستغفار
ولا تنسي التسبيح قبل النوم

اهلا حبيبتي أم مؤمن يا فراشتي النجيبة
واش راكي حبيبتي ان شاء الله بخير
متشوقة لقراءة تقريراتك

اهلا بالحبيبة سمية يا فراشتي النشيطة
ان شاء الله حققتي هدفك بالنهوظ على ال 7.30
متشوقة لقراءة تقريراتك و التمتع بنشاطك و حماسك

اهلا اهلا بالحبيبة بشرى أمين فراشتي التي ولدت من جديد
اهلا و الف مرحبا بك معنا في هته الدورة
متشوقة لقراءة تقريراتك

اهلا بالحبيبة هني ابتسام
مرحبا بك معنا حبيبتي شكرا لك ربي يخليك لينا

اهلا بحبيبة قلبي تيتي فراشتي المدللة
واش راكي ان شاء الله بخير
متشوقة لقراءة تقريراتك

اهلا اهلا بحبيبتي دعاء
حتى انا احبك حبيبتي ربي يخليك ليا ياا رب
و انا كلي شوق لقراءة تقريراتك

اهلا بالحبيبة موستا يا فراشتي النجيبة
لاباس عليك حبيبتي ربي يرزقك بسويعة ساهلة
و يفرح قلبك بالمزيود الجديد و يرجعك لينا بخير و سلامة ياا رب آآمييييييييين

اهلا بالحبيبة أم عبد الرزاق
اهلا و الف مرحبا بك معنا في دورتنا الحبيبة
متشوقة لقراءة تقريراتك

اهلا بحبيبة قلبي فراشتي النشيطة نايلية
اهلا و مرحبا بك لاباس عليك حبيبتي
المهم انك تطبقي وتستفيدي و تغيري كل ما تحتاجين تغييره في تفاصيل يومياتك
و انا ارحب بك في كل وقت تأتين فيه الى مدينتي
يسعدني و يشرفني زيارتك لي
اهلا و الف الف مرحبا

اهلا بالحبيبة أم جنة
اهلا و الف مرحبا بك
ربي يبارك فيك حبيبتي شكرا لك
و متشوقة لقراءة تقريراتك

اهلا و الف مرحبا بالحبيبة مي مي
اهلا بك معنا حبيبتي
و متشوقة لقراءة تقريراتك

اهلا اهلا بحبيبتي ترانيم مطر
ربي يبارك فيك حبيبتي شكرا لك
اهلا و الف مرحبا بك معنا في دورتنا الحبيبة

ههههههههههه اهلا اهلا بالغزالة نتاعنا
واش راكي حبيبتي ان شاء الله بخير
خفيفة الدم كعادتك و استمتع كعادتي بحضورك المؤثر بيننا
متشوقة لقراءة تقريراتك حبيبتي

اهلا بالحبيبة شوشو فراشتي الجميلة
واش راكي حبيبتي ان شاء الله بخير
ربي يخليك ليا ياا رب انا في خدمتكم
و هذا كله بفضل الله عز و جل
اتمنى لك التوفيق في تطبيق البرنامج
لاباس بعدم المشاركة الحرفية المهم انك تطبقي ما استطعتي و تستفيدي باذن الله

اهلا بالحبيبة دائمة الشكر فراشتي الدافئة
واش راكي ان شاء الله بخير
ربي يبارك فيك حبيبتي و يخليك ليا ياا رب
متشوقة لقراءة تقريراتك

اهلا بابنتي الحبيبة أم سلمى فراشتي الرقيقة
واش راكي ان شاء الله بخير
و ان شاء الله رجعت المياه الى مجاريها في بيتك حبيبتي
ربي يحفظك و يحميك و يهني بالك ياا رب
متشوقة لقراءة تقريراتك

اهلا بالحبيبة أم أكرم فراشتي المجتهدة
واش راكي حبيبة قلبي ان شاء الله بخير
متشوقة لقراءة تقريراتك
ربي يقدرك و يعينك على تطبيق البرنامج حبيبتي

اهلا و الف مرحبا بالحبيبة ريحانة
ربي يبارك فيك حبيبتي
نحن الاسعد بانضمامك الينا
متشوقك لقراءة تقريراتك حبيبتة قلبي

اهلا بالحبيبة الرجاء
واش راكيحبيبتي ان شاء الله بخير
ربي يبارك فيك حبيبتي و يخليك ليا ياا رب
ماشاء الله عليك ربي يحفظك و يحميك مالعين
و يخليك لوليداتك ياا رب

اهلا بالحبيبة اسينات
واش راكي حبيبتي ان شاء الله بخير
اهلا و الف مرحبا بك معنا في هته الدورة الحبيبة
متشوقة لقراءة تقريراتك

اهلا بالحبيبة ساجدة
واش راكي حبيبتي ان شاء الله بخير
اهلا و الف مرحبا بك بيننا حبيبتي
و متشوقة جدا لقراءة تقريراتك

اهلا حبيبتي سلمى سلمى
اهلا و الف مرحبا بك معنا حبيبتي

اهلا حبيبتي الدرة المكنونة
واش راكي حبيبتي ان شاء الله بخير
لاباس حبيبتي مشكلة عدم التنظيم مشكلتنا معظمنا
و يمكن التغلب عليها بقليل من التخطيط و الحزم في تطبيق ما خططناه
و معاودة الكرة مرة تلو الاخرى في حالة الفشل
و عدم التخلي ابدا عن المحاولة و التطبيق

اهلا و سهلا بالحبيبة حنونة
شكرا لك حبيبتي ربي يخليك لينا
ان شاء الله الفراشات راهم افادوك في تساؤلك

اهلا بك حبيبتي سجود
واش راكي حبيبتي ان شاء الله بخير
اهلا و الف مرحبا بالطبع يمكنك الانضمام الى سرب الفراشات
لم و لن يكون ابدا الاوان قد فات
بل بالعكس متى ما حللت علينا فذلك هو الوقت المناسب لك لتبدئي التغيير رفقتنا
بالنسبة للدورة القادمة ستكون مع الدخول المدرسي بحول الله
لكن التحضير اليها سيكون في هته الدورة
فكوني على مقربة منا لتكوني من المشاركات في التحضير للدخول المدرسي رفقتنا

اهلا بالحبيبة توكل
و فيك بركة
اهلا و الف مرحبا بك حبيبتي شكرا لك

اهلا بالحبيبة نازجو
واش راكي حبيبتي ان شاء الله بخير
مرحبا بيك معنا يا عروستنا
ان شاء الله تلقاي روحك معانا و تستفيدي
و كلنا هنا واقفين معاك لنساندك و نساعدك في تعلم كل ما انت بحاجة لتعلمه
لتتجهزي لحياتك المستقبلية في بيت الزوجية
تدخليه بالهنا و السعادة ان شاء الله

اهلا حبيبتي omoussamawarazane
ماشاء الله عليك باينة عليك قافزة و شاطرة
الله يبارك و يسترك مالعين
اهلا و الف مرحبا بك في سرب الفراشات ربات البيوت المميزات الرائعات
ربي يعينك و يقدرك في تطبيق البرنامج
ماشاء الله عليك يا الفحلة
ربي يحفظك و يحميك مالعين

اهلا بالحبيبة أم تغاريد
الشرف ليا حبيبتي لانضمامك الينا
ربي يفتح عليك و يفرح قلبك بالذرية الصالحة عاجلا غير آجل باذن الله
ماشاء الله عليك
ربي يوفقك و يعينك ياا رب
بالنسبة للبلاكار تحت المجلى حاولي تحطي في ارضيته شيء يحميها
كمشمع أو قطعة بلاستيك او ورق او جرائد
و قومي بتغييره دوريا
هكذا يمكن انك تحافظي عليها نظيفة
ماشاء الله لا قوة الا بالله
تقريرك راائع راكي مرا فحلة و نشيطة كي النحلة
ربي يبقي عليك الستر و الهنا حبيبتي

اهلا بالحبيبة Massilyawissel
اهلا و الف مرحبا بك معنا في هته الدورة الحبيبة
الخوف من الفشل شيء عادي ينتاب الجميع دون استثناء
لكنه ليس شيئا محصنا بل بالعكس يمكن بسهولة التغلب عليه
و ذلكباعادة المحاولة كلما فشلنا
لان الفشل تجربة ايجابية مئة بالمئة لانها تعلمنا نقاط ضعفنا و تجعلنا نكتشف انفسنا
و نحاول في كل مرة أن نحسن من انفسنا و نجدد من طرقنا ووسائلنا حتى نحقق النجاح الذي نسعى اليه
السر في الامر او المفتاح هو الالتزام
الالتزام بالمحاولة مهما كثرت العثرات
لان المحاولة هي سبيلنا الوحيد للتقدم و التغيير

ام هزار · 2015-08-22, 17:23

الله يفرحك يا حبيبة الكل حبوووووووووووووووبة الغلية ........ عندي التزامات هذو اليومين خارج البيت ........ ساععاود الالتحاق لاااااااحقا .............استراحة محااااااارب هيهيهيهيهيهه

samira1980 · 2015-08-22, 18:47

شكرا حبيبتنا حبيبة
ان شاء الله غدوة نكمل شغلي بكري و نعطيكم تقريراتي
و شكراااا

وفاء الياسمين · 2015-08-22, 19:31

أم ريتاج قلبك طيب و الله
لمتنا كانت جميلة و مازالها جميلة بإذن الله إلا أن ظروف بعضنا صعبة قليلا
منا من غابت و بإذن الله بخير تعود ومنها من شغلتها المشاكل

و بالنسبة للاهتمام يا أختي سميرة و الله مرات مايكفي الوقت باش تقراي كامل الردود و تظطري انك تردي على البعض فقط
و خطرات الاسماوات يتلفو
ربي يبارك فيك المهم كوني متأكدة بلي كل من تجي عندنا راح نحبوها

موستا ليمو ربي يعطيك وقفة ساهلة حنونة
ربي ييسرلك الولادة

الباقيات الجميلات تحياتي ليكم كلكم

رقية الناجحة · 2015-08-22, 20:28

مساء الخير والنور على الصحبة الطيبة كيف حالكن شغلني عليكم بعض المشاكل والتعب ساعود وكلي نشاط ان شاء الله ربي يوفق الجميع

الرجاء الاماني المجد · 2015-08-22, 20:33

مساء الخير عليكن يا فراشات كيف حالكن ام نسيبة ام ايوب رقية ولنسيتها متزعفش

وفاء الياسمين · 2015-08-22, 21:33

اقتباس:

المشاركة الأصلية كتبت بواسطة الرجاء الاماني المجد

مساء الخير عليكن يا فراشات كيف حالكن ام نسيبة ام ايوب رقية ولنسيتها متزعفش

مساء النور الحمد لله و انت كيف حالك ؟

oum sabrin · 2015-08-22, 21:10

السلام عليكم يا احلى فراشات واش راكم توحشتكم كاااااااامل
حبيبتي و شريكتي حبيبة شكرا على كلامك الرقيق لا شكر على واجب حبيبتي ربي يعحققلك واش راكي متمنية و يحفظك
شكرا على سؤالك على ابني ريح الحمد لله
اهلا بكل الوافدات الجدد
اختي تغاريدشكرا لك على مشاركتك لنا بالصور التي تبعث الحماس و الرغبة في العمل
اختي ام هزار ربي يحفظلك البنوتة و يقدرك دوك تكبر شويا و تولي تعرف و ما تروحش للخطر احتسبي الأجر لله
اهلا بماريا ملاك هادي غيبة واش حوالك ديري شويا كوراج و ابداي ربي يقدرك