الجزء 87 من واش طيبتي في داري الجديدة الله يوسعها علينا الكل تفضلو - الصفحة 11

lyzzabel · 2014-08-30, 11:03

نهال هذيك لوبيا قريني ،، طيبتيها مرقة حمرا انا ما نديرش فيها الطماطم حب ندير غير الكونسارف و نرابي البصل و الثوم و ندير ملح فلفل اسود كمون ورقات رند و كرافس و نطيبها بلحم العجل و نرميها تطيب معاه مشي حتى للأخير و مزقتها تجي شوية خاثرة ،، ما نكذبش عليك قاع الناس يموتو عليها و انا ما نبغيهاش ههههههه

ام ياسو الحبيبة واقيلا قاع ما شفتينيش واش حطيتلك خخخخخخخ

حقا نسيت نقول لام ماجد يعطيك الصحة على البغرير روووووووووووووووووووووووعة عمري ما شفت بغرير خفيف و مثقب كيما كيفه

بقالي الجاج مالبارح قطعته قطع صغيرة و غادي نخلطه مع لي فريت و الفرماج و المعدنوس و الحليب و نديره فالفرن او المقلة مازال ما قررتش راه وحد الحمان يقتل تقول قاع ما نشعلش النار ،، ربي يبرد علينا الحال

حبيباتي هذا حر الدنيا الحمد لله ،، نسال الله ان ياجرنا من حر جهنم

ام أمنية على سلامتك حبيبتي

داءمة الحمد يعطيك الصحة الكروكي راه يبان خفييييف ،، بصحتكم غاليتي

اللهم اني أسالك العفو و العافية في الدنيا و الآخرة

بشرى2008 · 2014-08-30, 11:04

نهال راهي تطيب تم تم لازملها اللحم

ام محمد 05 · 2014-08-30, 11:05

الف الف مبروك والله فرحتلك ولعقوبة ليا ولجميع الاخوات

بشرى2008 · 2014-08-30, 11:05

ليزا صباح الخير حتى انا منحبهاش مي بابا هااااااااااااااااااااااااااارينا بيها شحال يحب ياكلها عيشة خانوم

lyzzabel · 2014-08-30, 11:19

اماني السلام الف مبروك الطهارة لولدك العقوبا لنهار عرسه و تفرحي بيه ياااارب ،، و لي قاتو من رايي زينيه من دروك و خبيه في مكان بارد مشي الثلاجة خاطرش من بعد الطهارة ما يكووووونش عندك الوقت تزيني و الغاشي يطيحو عليك بدووووون موعد

بشوووورتي صباح النور و الورد ،، شكون هاذي عيشة خانوم ههههههه

ام أمنية سلميلي على المازة ،، يا درا شورت ولا مازال ؟؟

أم إناس · 2014-08-30, 11:43

السلام عليكم
صح غداكم
درت بطاطا وسلاطة وتوست بالعسل والحمدولله

اماني السلام. مبروك على طهارة وليدك لعقوبه لزواجو
اليزبال حنونه وشراكي
المبتدءة حتى توحشتك
جيادا طيابك اممممممممم
اللهام بسبوسه خرجتلك الغريبيه تحفه
ام سهام اممممممم اطباق تشهي
نهال اممممواح
بشرى بصحتكم القاطو الكسكس والمسمن امممممم

سعيدة8888 · 2014-08-30, 11:46

بنات حطيت موضوع فيه طلب
الله يخليكم لي عندها فكرة تساعدني
https://www.djelfa.info/vb/showthread...post3991633237

دائمة الحمد · 2014-08-30, 11:50

كسرتي راهي طابت

الخبزة الاولى راهم طاروبيها قريب تكمل

ام النجمين · 2014-08-30, 11:51

ربي يبارك ربي يجعلها عتبة خير وهنا لعقوبة لينا رانا نحلمو ان شاء الله ربي يوصلنا

أم ياسين الزهراء · 2014-08-30, 11:57

ليزتي شفت الخير والخمير الله يديمها عليكم نعمة كنت مزروبة شوي ندخل ونخرج على بالك نضت على 10 ههههههههههههههههه واش نلحق والحمد لله كملت الشربة طابت والكسرة راهي واجدة والحميص دارتو بنتي والحمد لله

لبنات الجدد معانا اهلا بيكم وربي يعطيكم ويوسع عليكم راني منبعد نعلق

أم ياسين الزهراء · 2014-08-30, 12:02

الهام شفيت مرة درت كيكة 14 ملعقة تارت وين نلقاها محتاجتها

دائمة يعطيك الصحة على الكسرة واللبن وين راه شربتيه وحدك ههههههههههههههه نموت عليه بصح لاطونسيو

أم ياسين الزهراء · 2014-08-30, 12:05

لبنات هدي محتاجة سارة وهي عندها مدة مابانتش اللي جربت الكروكي انتاعها تقوللها

https://www.djelfa.info/vb/showthread.php?t=1661769

ام احمد وصال · 2014-08-30, 12:06

ربي يحفظكم طامل مشكورين

ليزا نسقسيك نهار درتي قاطو الترافل تاع ام تاجو درتيه بالكريمة ولا بالمعجون عادي حابة نديرو وخايفة من الكريمة كي طول جاوبيني تعيشي

أم هنيدة · 2014-08-30, 12:08

السلام عليكم ورحمة الله وبركاته

حبوبتنا ام ياسين الزهراء مبارك عليك الدار وبالصحة والهنا وان شاء الله تربحي عليها وتتهناي فيها وربي يقضي ديونكم اللهم امين

هذا باروكي للدار

اخواتي الحبيبات ان شاء الله تكونوا كامل بخير وعافية ويعطيكم الصحة على الخيرات لي حطيتوها ربي يدوم النعم

غدانا شربة فريك وفريت املات والحمد لله على نعمه

أم هنيدة · 2014-08-30, 12:10

ام ياسين الزهراء كيك 14 ملعقة راهو مثبت في قسم الحلويات